الجزء 2

جدعت التلفون من يدها وبقت تبكي شديد واتزكرت الحصل عليها مشت فتحت الباب لقت كل ناس البيت واقفين جمب باب غرفتها وخايفين عليها شديد😭😭 وقفت بكل عزة وقالت لي ابوها واخوانا واعماما وعماتها وخالاتها الكانو خايفين عليها قالت ليهم انتو طول ماانتو معاي وجمبي انا كويسه وقويه وبسسبكم انا مبسوطه انتو معاي😍😍 وقعدت ف الارض دموعها نزلت وتبكي💔💔

جا ابوها رفعها من الارض وقاليها عافي منك يا بتي وراضي عنك

وان شاء الله ربنا بعوضك بالاحسن منوو في نفس اليوم بالمساء اخوها مهند قال::

" اقسم بالله ما اخليهو يهين اسرتنا كدا ويشمت في

ريان حبيبتي كدا وتقول لي اسكت يا

احمد انا مابسكت

رد احمد " لا يا مهند ما بتتحلا كدا ولا بي

الاسلوب دا خالد خليهوو علي انا بتصرف معاهوو "😖😖

طلع مهند غضبان شديد علي الحصل لي اختو وبتكلم بينو وبين نفسو "انا عمري ماحاسامحو علشان اذي اختي شديد

ضرب مهند دركسون العربية بكل قوة ووقف قدام شارع النيل ويستغفر ربو ودعي من قلبو انو ربنا يقوي

اختوو💔💔

واتزكر يوم خطوبتها لابسة فستان الخطوبة وطالعة زي القمر ودموعو نزلت شديد😭😭😭

ولد صاحب ابو ريان كانو شركاء سوا وحصل بينهم مشاكل

واتفصلوو وعملو الخطوبة عشان يصفو البينهم بس كان اهل صاحب ابو ريان نيتهم كعبه وتمت الخطوبة وكانت بسيطة وفخخمة اتلمو فيها

الاهل وبس

عاين مهند للوقت لقي الزمن اتاخر دور عربيتو ورجع البيت

وطوالي دخل غرفتو ونام ...

ريان النوم ماجاها وقاعدة في غرفتها والغرفة مضلمة

كيف تنوم والخلاها تحبو وتتعلق بيهو لمدة تلاته سنه كان مرتبط

بيها عشان ينتقم منها بس بسبب مشاكل ابوهو مع ابوها

بتكلم نفسها وتقول " معقولة خالد معقولة اهون عليك والحب

الحبيتك ليو داك كلو تناسو معقولة دا كلو يطلع كذب

اربعه سنه واهلك ما نسو الحصل "

.. في غرفة ابو ريان و امها :

سهام ام ريان بتقول لي راجلها استهدي بالله واستغفر ربك دا كلام شنو الانت بتقولو

دا

ياسهام دا موضوع يتسكت عليهو؟

انا ما غلطت عليهم في حاجه بس المشاكل الكان بينا ماتصل لي بتي وينتقموا منها سهام قالت ليو عارفة والله بس خلاص الحصل حصل

حامد ابو ريان قال الواجع قلبي اني افتكرتهم نسو الموضوع ما قايلهم حينتقمو في بتي كدا والله ما بخليهم😬😬

الواطة قربت تصبح نوم تعبان انت ختة راسو في المخدة بس بي وين يجيهو

نوم😟😟

في غرفة احمد

احمد راقد في السرير وبيفكر في الحصل لي اختو وبقول بينو

وبين نفسو والله ياخالد لو ما ذليتك واهنتك ضعف السويتو لي

اختي مابسيبك😠😠

احمد انسان بطبعو هادئ بس لو زول قرب علي اسرتو بيبقي زي

الشيطان وما بيرحم زول

ما معروف حيسوي شنو في خالد الاهان اسرتو كلها وكسر قلب ريان😭😭

نرجع لبطلتنا

ريان راقدة في سريرا ومانامت للصباح وصوتا فيهو بحة جميلة

اتفتح باب غرفتها غمضت عيونها طوالي

في الغرفة المضلمة

جاها صوت امها الحنين : ريونتي انتي صاحية

ايوا يا امي صاحيه سألتها صليتي ااي يمه صليت😭

سهام قعدت جمبها في السرير ريان رفعت راسا ختتو في رجول امها

بقت تمسح علي شعر بتها الطويل لحدي ما نامت

سهام لم حست انو ريان نامت حاولت تنزل ليها راسا ف المخدة بس وطلعت

جا احمد داخل ع الغرفة لقي اختو نايمه ابتسم ومرق😍😍

طلع احمد من الغرفة ونزل تحت ف الصالة وكلمهم انو ريان نايمة

واتفقو كلهم انو ما يحسسوها بشئ ولا يفتحو الموضوع معاها

تاني نهائي