الجزء 6

وقف دكتور مرتضي وقالها بصوت مكسوور

البقاء لله يا جماعه

حاله صمت عمت ارجاء المكان وخوف وقلق ظهر علي وجوه كل الموجودين

سعيد : المات منو يا دكتور ؟؟ اوعي تكون ...

دكتور مرتضي : البقاء لله يا حاج علي بتك .....

هيثم : لااااا اوعي تقول سوزان ماتت لاا ما تقولها

دكتور مرتضي : سوزان وضعها حرج جدا بس لسه ما زالت فيها الروح لكن سميه

مع الاسف يا جماعه اصابه سميه كانت بالغه شديد والدكاتره حاولو يبعدوها من مرحله الخطر بس ما قدرو يسيطرو علي الوضع ..

شدو حيلكم والبقاء لله ..

علي : انا لله وانا اليه راجعون لا حول ولا قوه الا بالله

مني : وواا وجعه قلبي عليك يا سميه وووا حرقه حشاي عليك يا بتي الموتي اسوا موته وااا رمادك يا مني واا رمادك

حاجه امنه : استغفري يا مني ده كلام شنو البتقولي فيهو ده لو ما كنتي زوله مؤمنه

استغفري وادعي ليها ‏( وكل بني ادم خطاء ‏)

مني : تميها يا امنه تميها 😭 ‏( وخير الخطاءون التوابون ‏) بتي ما تابت يا امنه بتي ما صلحت من نفسها قبل ما تمووت اااااه يا ربي تسامحها يا رب سامحها

حاجه امنه : ربنا أعلم بالفي النفوس يا مني انتي ادعي ليها وان شاءالله ربنا يرحمها ويغفر ليها ..

علي : يلا يا اولاد امشو جهزو اللازم عشان ندفن سميه ‏( اكرام الميت دفنه ‏)

قومي يا مني حنمشي البيت

مني : امشي اخلي بتي وين كمان حاخسر الاتنين يا علي انا ما حاتحرك من هنا الا سوزان معاي

حاجه امنه : الماتت دي بتك برضو يا مني ولازم تقومي بالواجب وتاخدي عزاها ؛ سوزان انا بقعد معاها انا ما ذي امها برضو ؟

مني : بس لكن ..

سعيد : امي عندها حق يا خالتي امشي واطمني وان شاءالله خير

غادر كل الموجودين المستشفي لاتمام مراسم دفن سميه ..

الساعه الواحده بعد منتصف الليل هيثم ترك العزاء ورجع علي المستشفي عشان يطمئن علي حاله سوزان 💔 كان جواهو الم عميييق ما قادر يداويهو كان حاسس انو كل الحصل ليها بسببو ؛ كان حاسس انو ما حماها كفايه وما عمل واجبو كاخ زي ما مفروض 😥

هيثم : طمني يا دكتور سوزان وضعها استقر ولا لسه ؟

دكتور محمد : بصراحه لسه وضعها ما مستقر لازم نستني للصباح عشان اقدر اقيم الوضع

هيثم : طيب ممكن ادخل ليها يا دكتور ما حازعجها 💔

اتفهم دكتور محمد خوف هيثم علي اختو وقال ليهو

دكتور محمد : والله هو ممنوع بس انا اسمح ليك تدخل ليها بشرط ما تطول 😊

هيثم : شاكر جدا ومقدر

استاذن دكتور محمد ؛ واتجه هيثم علي غرفه العنايه وقعد جنب سوزان واول ما شافها غايبه عن الوعي ومحاطه بالاجهزه انهار وبكي بحررقه وقال

هيثم : سامحيني يا سوزان انا السبب في الانتي فيهو ده انا الوصلتك للحاله دي يا ريتني لو خليت شغلي وسمعتك يا ريتني ما خليت حاجه تبقي اهم منكم سامحيني يا اختي سامحيني 😭

.. حاجه امنه كانت قاعده بتفكر في الحاصل والهم مالي عيونها وفي اثناء ما هي بتفكر لمحت سعيد واقف مع دكتور مرتضي واستغربت جدآ من وجودو في المستشفي وقالت في نفسها ‏( سعيد 😳 ليه ما مشي يحضر مراسم دفن مرتو وبقولو في شنو هو ومرتضي يا ربي ‏)

ومن غير ما تشعر مشت في اتجاهم واول ما وصلت عندهم استأذن دكتور مرتضي من سعيد

.. حاجه امنه : سعيد .. البقاء لله يا ولدي

انا عارفاها حاره عليك وعارفه اتختيت في نفس الموقف مرتين بس قضاء ربنا مافي زول بقدر يقول ليهو لا وزعلك ما يمنعك من الواجب يا ولدي ليه ما مشيت تعمل مراسم دفن مرتك و ..

سعيد : كلنا لها يا أمي ؛ وانا ما زعلان وراضي بحكم ربنا وكلو لخير .. ومشيت حضرت الدفن وجيت طوالي ما مشيت وقفت في العزا

والانتي ما عارفه يا امي اني طلقت سميه قبل تموت و ..

حاجه امنه : طلقتها !! لا حول ولا قوه الا بالله

ليه طلقتها يا ولدي ؟ من متين بتاخد قرارات متسرعه كده ؟ حصل شنو بين يوم وليله خلاك تخرب بيتك ؟؟ و ..

سكتت حاجه امنه لبرهه من الزمن وكانها اتزكرت حاجه وقالت لسعيد دقيقه

ليه سميه طعنت سوزان؟ انت عندك علاقه بالموضوع ؟ سميه عرفت بمشاعرك تجاه سوزان ؟ و ..

سعيد : اهدى يا امي وانا حافهمك كل حاجه

انا صاح عمري ما اخدت قرارات متسرعه بس العملتو سميه في اولادي ما خلي لي خيار تاني .. انتي عارفه اني ما اتزوجتها الا عشان يكون عندهم ام تعوضهم جزء من العملو غياب ساره بس الانا اكتشفتو انو سميه بتكره اولادي وما بتتمني ليهم غير الشر ؛ انتي عارفه بسببها ضربت أحمد وحرمتو حتي من انو يقول لي ابوي ؟ !! وعارفه كانت بتخت حبوب منومه لساره في الاكل عشان تفضي لافكاره الخبيثه !!

حاجه امنه : لا حول ولا قوه الا بالله ده كلو حصل ده كلو طلع من سميه لا حول ولا قوه الا بالله

وانا الكنت فاكره اني عملت الصاح وصلحت ليك حياتك اتاري خربتها ليك زياده

سعيد : ما تقولي كده يا امي كلو مقدر ومتكوب و ..

حاجه امنه : وسوزان؟؟

سعيد : سوزان دي اختي الصغيره يا امي

انا لما كنت بقول ليك فيها حنيه ساره وصفات ساره ما كان قصدي اني حبيتها او ختيتها في مكان ساره بس كنت مبسووط بيها شديد كنت بشوف فيها حلمي الضاع والما كان عندي منيه غيرو 💔 بس عمري ما فكرت فيها زي ساره عمري ما اتمنيتها لي زوجه ..

سميه طعنت سوزان عشان حقدها اتغلب عليها عشان ما قدرت تستحمل تشوفها أحسن منها .. طعنتها عشان فاكره انها السبب في خراب بيتها .. مع انو كل الحاولت تعملو سوزان تطلعها من الغلط وتحميها من نفسها لكن ذي ما بقولو الاحقاد بتعمي العقل والقلب بتخلي الانسان ما شايف غير نفسو وبس وببقي مستعد يعمل اي شي عشان يصل للعايزو

حاجه امنه : لا حول ولا قوه الا بالله معقوله كل ده حصل وانا ما جايبه خبر ! معقوله استحملت كل ده براك ؟ انا فخوره بيك يا ولدي انا مبسوطه لانك قادر تقيف رغم كل ده

سعيد : الحمدلله يا امي 😊

دي كلها ابتلاءات من ربنا والله اذا احب عبدآ ابتلاه

انا راضي يا امي وواثق انو كلو لخير وان شاءالله ربنا حيعوض صبري خير انا لسه عندي امل في بكره لسه راجي الخير في اولادي 😊

حاجه امنه : ربنا يكملك بعقلك يا ولدي ويديك ويرضيك قادر يا كريم

بس انا عايزه اطلب منك حاجه واحده العملتو سميه ده خليهو يندفن معاها .. مني اختي العليها ما هين ما بتستحمل وجع تاني

سعيد : اطمئني يا امي انا كنت ناوي أعمل كده فعلا و ازكرو محاسن موتاكم وان شاءالله ما ..

قاطع دكتور مرتضي كلام سعيد

دكتور مرتضي : سعيد لو سمحت عايزك دقيقه

سعيد : خير يا مرتضي دكتور عماد قال فحوصات ساره فيها حاجه ؟؟

دكتور مرتضي : لا يا سعيد الحمدلله الفحوصات كلها طلعت نضيفه او بالاصح ما فيها حاجه تخوف بس ..

سعيد : بس شنو يا دكتور !!

دكتور مرتضي : بصراحه يا سعيد انا خايف علي احمد ..

سعيد : أحمد ولدي 😳 احمد مالو يا دكتور ؟؟

دكتور مرتضي : احمد ....