الفصل الثامن والعشرون

، فتحته الباب ودخلته، المدير كان بتكلم مع واحد بالتلفون وبقول ليهو شوف لي موضوع معرض الخرطوم الدولي دة و...رفع راسو عاين لي، وانا اتصمغته في محلي...طبعا واقفه زي الهبله م عارفه اقول ليهو شنو، بقيت اقول باسل؟الجابو هنا شنوو دة هو زاتو عاين لي بإستغراب قال لي اتفضلي قولته ليهو وين المدير، ، ، قال لي نعم؟قولته ليهو عايزة المدير ضحك ضحكه استهتار، قال لي المدير مشغول إتفضلي، قولته ليهو خلاص انا بطلع لغاية م هو يجي، قال لي لأ خليك قاعدة نص ساعه كدة بفضى،

قعدته في الكرسي وبهز في رجلي، واكل في اظافري ومعلي درجه التكيف لأخر حاجه وانا جسمي دة خلاص برد لمن اسناني بقت تضرب في بعضها، قاعدة نص ساعهه كامله انا بالحاله دي، وهو شغال في اللابتوب وبتكلم بالتلفون كل شويه بتجيهو مكالمه من زول، ، ، بعد مسافه قفل اللابتوب بتاعو قال لي اتفضلي، قولته ليهم نعم رجع راسو في الكرسي ورا وخته يدو في حواجبو قال لي مش انتي قولتي عايزة المدير؟قولته ليهو ايوة وينو م شايفاه،

قال لي انا المدير في شنوو؟انتي جايه تقابلي المدير وم عامله شكلو؟وقفته على حيلي قولته ليهو انا م بعرفك انت، ، قال لي والله؟؟قولته ليهو انت وبعدين انت الجابك هنا شنوو؟علاقتك بالمكان دة شنو اساسا؟؟قال لي ي بت انتي م نصيحهه؟؟؟مالك في شنوو؟قولته ليهو م نصيحه كيف يعني؟م نصيح انت دة شووف بلاي اجي جاي تتحكم في شغل م شغلك شوف الفرحان دة كمان؟؟

قمته طالعهه الولد العرفتني عليهو تنزيل جا داخل، وقف بعاين لي مخلوع، قولته ليهو اهلين كوبس انو انا لاقيتك اسراء قالت لي انو انت عايزني، معليش ياخي والله اليوم اتأخرتهه في المواصلات بس انشاءالله تاني حأحاول اطلع بدري من الجامعهه، الولد التقول بالع لسانو حرف م قادر يقولو، عاينته لي باسل من فوق لي تحت، الولد قال لي شهد، وهو خايف، قولته ليهو اها... باسل قال ليهو ي رامي في شنو؟رامي قال ليهو دي دي دي البت المشغلنها في محل تنزيل الإسبوعين المضو لما انت كنت مسافر اشتغلت حكيت ليك امس، ، ، في اللحظه دي اتمنيت ربنا يخسف بي الأرض

طبعا ابيت اتلفت ليهو قولته لي رامي يعني الوراي دة مديركم؟قال لي ااي قولته ليهو وانت وتنزيل كزبتو علي صح؟قال لي معليش رامي جاتو مكالمه طلع مشى سرعهه اصلا قال الحمدلله انو طلع قمته طالعهه باسل قال لي انتظري، اتلفته عليهو قولته ليهو اها

قال لي انتي جايه تقابلي المدير اوك؟وبما انو انا المدير حأقول ليك م عايزين تأخير اهم شي عندنا الزمن، التعامل الراقي، واللبس... اول م قال لي اللبس على طول انفعلته، قولته ليهو اانا اساسا لو م مجبورة م كان جيت اشتغلته هنا بس دة مكان تنزيل وم بقدر اخليهو علشان هي حلفتني,، وبالنسبه للإسلوب م اظني مجبورة اغير لهجتي واتمايع علشان ارضي ليك زباينك وبالنسبه للبس دة خطيين احمر اوعى تفكر انو انا ممكن ألبس زي لبس بناتك البره ديل فهمتني؟طبعا غضب مني غضب، قال لي شهادة سواقهه، خبرة في شغل مبيعات السيارات، اللباقهه والشكل المقبول، عندك الحجات دي؟قبل كدة اشتغلتي في شركهه عربات؟ عندك شهادة سواقه ولا رخصهه؟لأ بس انا عشان تنزيل حأوافق تشتغلي محلها ولو سمحتي لما تجي تتكلمي معاي اتكلمي بإسلوب اوكي؟قولته ليهو وانت الناس دي مشغلهم م متملكهم تمام؟انت عايز تبيع عرباتك ولا عايز تعرض الناس الشغالين ليك في المركز؟الناس دي لو شكلهم شين او سمح انت م بفرق معاك في شي في النهايه عرباتك بتتابع، وانا لو م تنزيل قالت لي اشتغل ليها في محلها م ميته في الشغل معاك

وطلعته مشيت، اخ بس اتفششته فيهو انبسطتهه من نفسي طلعته لقيت اسراء قالت لي اها ادوك محاضرة طويله عريضه صح؟يلا كم يووم وحتتعودي على الهرش دة، قولته ليها يديهو كفين لمن يقع يهرش منوو اسراء قعدت تضحك قالت لي اعصابك اعصابك مشيت قعدته في مكاني واعصاابي بااردة مبسوطه من نفسي قريب للمغرب كدة قعدته اتونس مع اسراء، هي بتونسني وانا بضحك بصوت عالي شويه كدة باسل جا طالع من المكتب، قال ليها ي اسراء قالت ليهو ايوة ومشت عليهو، اتكلم معاها مساافه، بعدها طلع من المعرض اسراء ابتسمت لي ورفعت لي حاجبها عرفتو هرشها بسببي، مسكينهه اتفشش فيها

اليوم التاني جا راجل كبير، قال عايز ليهو عربيه لي ولدو عشان ي داب داخل الجامعه وكدة، الراجل طيبان وظريف اتونس معي كداا، قال لي عايز لي عربيه في حدود 100_120 مليون، قولته ليهو طيب عندك مواصفات محددة؟قال لي لا بس تكون حاجه نضيفهه ي بتي الولد غلبني واسي عندي بيت كدة بعتو قولته اشتريها ليهو، قولته ليهو طيب ي ابوي كدة قوم شوف المعرض والبتعجبك انشاءالله تبقى حلالك قال لي كويس ي بتي الله يديك العافيه مشى اختار ليهو عربيه صغيرة وحلاتها سألته اسراء من سعرها، قالت لي 130 مليون

قولته ليها نهايه؟؟قالت لي نهايهه والله المدير م بتفاهم زاتو في الأسعار مشيت قولته ليهو ي ابوي والله العربيه دي قالو سعرها نهايهه 130 قال لي مرة واحدة ي بتي ماف كدة ولا كدة؟قولته ليهو لا والله ي عمي، قال لي خلاص ي بتي كويس، حنني والله حسيتها شينهه لانو هو بايع بيت بحالو علشان يشتري العربيه قبل م الراجل يطلع جا رامي ماشي قولته ليهو رامي انتظر، حكيت ليهو قال لي والله ي شهد ماف طريقهه صعبهه شديد، قولته ليهو اتكلم مع المدير طيب، قال لي باسل؟هه ولا حيتفااهم م بحاول

قولته ليهو انا بمشي ليهو، قولته ليهو ي عمي لو سمحته كدة دقيقه بس، قال لي نعم ي بتي قولته ليهو دقيقه امشي لي مديرنا اشوفو حيتساهل معاك في السعر ولا لأ قال لي سمح ي بتي مشيت وانا خايفه بس قولته الا اتكلم معاه، ، ، دقيت باب المكتب ودخلته، عاين لي وسكت، قولته ليهو في راجل كبير واقف بره عايز يشتري عربيه قال لي والمطلوب شنو؟بايعوهو قولته ليهو هو اختار عربيهه صغيرة وسعرها 130 وهو م عندو غير 120 قال لي ماف طريقه في الأسعار دي بالزات م بنتفاهم ولو نزلنا حننزل ليهو 1%م اككتر قولته ليهو م جادي طبعا هو م عندو السعر دة

قال لي م عندو دي م مشكلتنا، يشووف ليهو اي محل تاني يبيع بسعر ارخص او خليهو يمشي الدلاله بلقى طلبو واقل من كدة بلقى قولته ليهو دة شنو التعامل الزفت الفيك دة؟الناس م بتتعامل كدة خصوصا انو انت تاجر لازم تتعلم تتعامل مع الناس، قال لي عايزة تعلميني اتعامل مع الناس كيف يعني؟قولته ليهو والله شكلك محتاج يعلموك الراجل بايع بيتو علشان يشتري لي ولدو الداخل الجامعهه عربيه لأنو وعدو بي كدة فيها شنو إن اتعاملته معاه م حتخسر شي

قال لي م حأخسر شي؟علشان تعرفي تفسك انتي زوله عقلك مركب بالمقلوب كيف، انا تاجر فهمتي؟اقل شي بأثر على شغلي عشان كدة م بنتفاهم في السعر فهمتي؟؟؟ قولته ليهو اول امس في عربات انت قولته لي اعمل عليهم عرض خاص صح؟قولته انو نعمل عليهم تخفيض بي نسبه 10%صح من يوم 10 في الشهر؟وانا نسيت م نزلتو لكن انا حاليا حأنزل العرض دة لانو المفروض كان ينزل من امس ضرب لي يدو في المكتب قال لي انتي م بتفهي قولته ليهو م عامله حاجه من عندي انا انت الطلبته مني كدة وانا كنت حأنزل العرض يوم الأحد لكن حأنزلو باقي اليوم دة

وطلعته للراجل اتكلمته معاه، قولته ليهو لحسن حظك ي ابووي انو نحن اليومين دي عاملين عرض خاص للزباين علشان كدة مبرووكه عليك العربيه م بتقدرو تتخيلو حجم الفرحه الكانت في وش الراجل سبحان الله ياخي انبسط بسطه بعد م طلع قولته خلاص الليله باسل دة حيطيرني من الدنيا لكن خلي يجرب هو انا هينه ليهو يعني بعد اسبووع من الكلام دة سبحان الله جا نفس الراجل داك واشترى عربيه، اول م قولنا ليهو السعر ولا ناقشنا حتى على طول اشتراها بي 350 مليون

قولته لي باسل شاايف دة الاسمو التعامل بلباقهه مع الخلق م كل الناس بتجي تعاين لبناتك وبتطلع فهمته؟طالعه من المكتب مسكني من يدي وقفل باب المكتب قال لي انتي مشكلتك شنو مالك من جيتي فايرة كدة؟؟على فكرة انا م ضاربك على يدك في الشغل دة فهمتي؟قولته ليهو اولا فك لي يدي وم تمسكني ولا بالغلط م تحاول، تانيا انا جايه شغاله معاك بي مرتب م جايه علشان انت تستعمرني تمام؟طالما انت مشغلني وانا بعمل شغلي صح م ليك حق تدخل في تصرفاتي تمام

قال لي بس تصرفاتك م بتدل على كدة، تصرفات زول عندو حساب وعايز يصفيهو، قولته ليهو على سيرة تصفيه الحساب ممكن اسألك انت ليه سبته دان؟؟؟قال لي انا م بديك مرتب عشان تسأليني الأسئله دي فهمتي؟اقفلي وراك الباب لو سمحتي طلعته وانا مفروسهه ياخي كل م اضربو بي حاجه بضربني بالأفوى منها عشان عندو قروش يعني في يوم كان عامل اجتماع مع الموظفين، هو بتكلم وانا ولا جايبه خبرو ومن جواي شغاله اقول ليهو بس عليك الكريه

بعد اتكلم كداا، قال لي شهد انتي الوحيدة الما بتعرفي تسوقي عشان كدة حننزلك كورس بتاع قيادة لمدة اسبوعين كعد اقصى، يعني في الاسبوعين دي لازم تتعلمي السواقهه بأي طريقهه، ، بعدها حنحاول نطلع ليك الرخصه علشان الشهر الجاي عندنا ضيووف اجانب حيزورونا هنا في المعرض عندنا معاهم شغل مهم ولازم كل الشغالين في المعارض حقتنا كلها يكونو عندهم شهادات ورخص قولته ليهو في اسبوعين وسواقهه انت م جادي والله ليه يعني ضروري لشنو؟اسراء قرصتني، وانا مصررة اسأل قولته ليهو ضروري لشنوو؟؟؟قال لي الاجتماع انتهى رامي قال لي عاجبك الإحراج دة يعني اسي

زعلني زعل احرجني الحيوان بعد م طلع لحقتو في المكتب قولته ليهو انا م بقدر انزل الكورس دة قال لي ليه؟؟قولته ليهو كدة بس، قال لي انتي مجبورة تنزلي الكورس دة ي شهد وإلا حأتضطر اجيب زول مكانك ولما تنزيل تجي م حنقدر نطلعو من الشغل قال لي اها يوم الأحد نسجلك؟؟ قولته ليهو كويس بعرف يستفزني وبالفعل نزلته يوم الأحد لانو كان عندي إجازة سمستر مدتها شهر كان كل يوم بمشي بتدرب لمدة ساعتين وبرجع، والله السواقه طلعت ساهلهه مع انو م اتعلمته كويس، بعد اسبوعين بس ادوني الشهادة والله بالغصب وضغط من باسل بس اتجبرو يدوني الشهادة

بعدها بي اسبووع اسراء قالت لي رامي ادينا عربيه المعرض نمشي نلف بيها ونجي قال ليها لا ي زوله م بقدر قالت ليهو عليك الله ربع ساعهه وبنجي راجعين قال ليها طيب بس اوعى تتأخرو وسوقي براحهه سواقتك الأنا بعرفها ديك م تحاولي تسوقيها

ونحن طالعين ركبنا العربيه كدة، باسل جا نازل من عربيتو شافنا جا قال لينا وين ماشين؟اسراء قالت ليهو هناخد لفهه كدة وجاين راجعين، في البدايه م رصى تاني قال ليها طيب بس اوعى تخلي شهد تسوق فهمتي؟لأي سبب من الأسباب م تخليها، سامعهه ي شهد م تسوقي نهاائي لأنو انتي م اتعلمتي سواقه كويس م تعملي فيها شفته وتحاولي تتفالحي دة شارع عام م حقي ولا حقك زعلني وغاظني غيظ وكلامو استفزاني شديد قولته ليها اسراء خليني اسووق قالت لاا ولا تحاولي، ، ، قولته ليها عليك الله عشان م انسى الحركات الاتعلمتهم حأمشي براحهه وانتي وصفي لي حلفتكك

قالت لي طيب وقفت العربيه وبدلتني، قالت لي براحهه اوعى تتهوري فاهمه؟وبقت توصف لي وهي خايفهه زاتها، قولته ليها م تخافي ياخ اختك خبرة اسبوعين بحالها قالت لي م دي المشكله هنا كنا ماشيين كويس لغاايه م جينا في تقاطع. كدة م فيهو استوب وجينا لافين وجات عربيه لاقتنا من قدام وانا م كنت رابطه حزام الأمان م صحيت الا وانا في المستشفى

فتحته عيوني شايفه الممرضه واقفه بتصلح لي في الدرب، ، ، اول شي فكرته فيهو اسراء، قولته ليها اسراء وين؟قالت لي اسراء منوو؟قولته ليها صحبتي الكانت معي في العربيه وين؟؟قالت لي اها لالا كويسه م عندها عوجه اسي كانت هنا قولته ليها راسي واجعني، قالت لي اي بكون من الضربه بس اسي بديك مسكن بتتكلم معي كدة باسل جا داخل، عاين لي قال لي صحيتي؟الممرضه قالت ليهو ايوة لكن عندها وجع راس امشي جيب من الصيدليه مسكن عشان اديهو ليها، طلع مشى جابو وجا راجع ادتني ليهو وقالت لي شويه كدة وحيخفف ليك الألم

بعد م طلعت، باسل قال لي غير راسك في شي تاني واجعك؟قولته ليهو لا قال لي طيب حمدلله على سلامتك قولته ليهو اسراء وين م شايفاها هي كويسه؟قال لي تمام م عندها مشكله اسي كلهم كانو هنا ورجعو قولته ليهو الحمدلله طيب قال لي الدكتور قال ماف مشكله لو طلعناك باقي اليوم دة لكن لو حاسه نفسك م تمام ممكن تقعدي لي بكرة، قولته ليهو لا انا كويسه افضل امشي زاتي، قال لي متأكدة؟قولته ليهو ايوة قمنا طالعين ركبنا العربيه، بعد م حرك العربيه قال لي اربطي حزام الأمان

قولته ليهو ماف داعي، قال لي طبعا ماف داعي علشان انتي انسانهه مستخفه و مهمله وم مسؤله عارفه حاجه زي دي؟قولته ليهو في شنو مالك فااير؟قال لي كلمتك وحزرتك ي شهد م تسووقي عشان كنت عارف بحصل كدة، وكررته ليك كلامي اككتر من مرة م تسوقي، بس جنك الفي راسك دة اككبر منك على الأقل لما عايزة تسوقي كان تربطي حزام الأمان ياخي دة أقل شي عشان تحافظي على سلامه نفسك، قولته ليهو شكلك فااير علشان عربيتك اتضررت م تخاف لو م قادر تصلحها اخصم مني كل شهر وشيل حق التصليح

قال لي انتي م بتعرفي تعملي اشارات حتى عشان تنبهي الوراك انو انتي لافه، وي ستي ايوة فاير عشان العربيه اتضررت مش دة فهمك؟؟قولته ليهو المهم م تكتر معي الكلام قروش تصليح عربيتك اخصمهم من قروش مرتبي وصلت؟قال لي جدا وصلني الداخليه وانا نازله قال لي م تنسي كيس الأدويه حقتك، شلتو ونزلته وقفلته ليهو الباب طاخ، ، ، نرفزني ياخ الكريه

بالليل حوالي الساعهه 12 كدة اتصل علي رديت قولته ليهو الوو، ، ، قال لي كيفك؟قولته ليهو تمام منو معاي؟قال لي معاك باسل حبيت اتصل واتطمن اشوفك بقيتي كيف؟طبعا حيرني متناقض شدييد يعني مرة كدة ومرة كدة التقول عندي انفصام في الشخصيهه، قولته ليهو تمام بس الصداع حيكسر راسي، قال لي م اخدتي مسكن؟؟قولته ليهو اخدته بس م عمل لي شي، قال لي ارتاحي م ترهقي نفسك ونومي عشان يخف، قولته ليهو طيب تمام شكرا

قال لي وكمان معليش ياخ لأني كترتها معاك في العربيهه، قولته ليهو لا عادي ماف مشكله، قال لي وكمان عايز اقول ليك انو انا م بتهمني العربيه او ضررها ابدا فهمتي؟ ...

...