الفصل الثاني والعشرون
رجعتهه البيت بتبسم ساااي للحظهه حسيت نفسي مبسووووطهه وانا بتخيل منظر حسااام وبتو المسا كدة قعدتهه اتونس مع بابا وسرحاااانهه طبعا بابا قال لي اها الشغل ماشي معاكم كيف؟من غير م احس قولته ليهو حسام تمام والله الحمدلله انو بابا منتبه في تلفونو رجعتهه عدلتهه ليهو كلامي قولته ليهو الشغل تمام والله فجأة اسمع ليك ديما بتضحك اتلفتهه لقيتها واقفهه وبتسمع فينا بابا رفع راسو على صوت ضحكتها قال ليها بتضحكي مالك؟قالت ليهو ماف حاجهه ي ابوي وبتعاين لي بعد م اتونسنا مع بابا كداا مشيت غرفتي ولسه م غادره اشيل حسام من بالي
شغاله اقول لي نفسي علشان 24 ساعهه في وشك عشان كدة م قادرة تشيليهو من تفكيرك ي هبلهه الساعهه كانت 11 ديما جات داخلهه تتبسم ساي، قولته ليها انتي اليوم حاسه بشنوو؟قالت لي انتي اليومين دي حاسهه بشنوو؟قولته ليها بالنسبهه لشنوو حاسهه بشنوو؟قالت لي زمان كنتي بتجي متنرفزة وزهجانهه وتتشكي لي من حساام وتنبزي فيهو اليومين دي مالك؟قولته ليها زهجتهه بس علشان كدة قالت لي ام قولته ليها اقفلي مني اسنانك دي مالك؟ قالت لي ماف شي طيب طيب فتحت تلفونها قالت لي تعالي نسمع اغاني قولته ليها دة اذا عندك اغاني سمحهه
قعدت تشغل فيهم فجأة جات غنيه سمحهه خلاص قولته ليهاخليها قعدتهه اسمع فيها قولته ليها حوليها لي قالت لي بتعبر عن حالتك صح قولته ليها حالهه شنوو قالت لي خلاث خلاث الصباح مشيت الشركهه في مكتب حسام كنت شغالهه في موضوع العميل المغربي المفروض اقنعو ليهم داك المهم انا شغالهه في اللابتوب وبراجع في المعلومات ومركبهه سماعاتي فجأة اشتغلت الغنيهه الحولتها لي ديما بتقول: انا قلبي ماااالو اليوم من جسمي فرره فرره ورااح ودمتهه يااا محبوبي وداااامت الأفراح فجأة لقيت نفسي بعاين لي حسام وحسااام شغااال الحاسوب بتاعو
بقيت فاتحهه خشمي وبعاين لي وبتبسم برااي زي الهبلهه بعدها رفع راسو انا انتبهتهه سرعهه نزلتهه راسي في اللابتوب اول م خلصتهه قولته ليهو انا خلصتهه ي حسام جا قال لي متأكدة؟قولته ليهو تعال شووف جا قعد جنبي في الكنبهه ياخ لمن قلبي عمل شحح قال لي كدة تمام بقى يعاين للابتوب وبقول لي اممم ايوااا طبعا هو مركز مع اللابتو وانا مركزة فيهو وفي تفااصيل وشوو زي الهبلهه لا بجد انا اتهبلتهه وحاسهه ليك قلبي دة عايز يطير من جنبي اتلفت عاين لي قال لي حيتصل عليك متين؟قولته ليهو بخلعهه امممم قال بعد م يدرس المشرووع قال لي طيب دة كلام ممتاز
قولته ليهو طيب قال لي محتاجهه اللابتوب تاني ولا اشيلو؟قولته ليهو لا م محتاجاه شالو واتحرك من جنبي بفيت في صراع نفسي بين اني بهبل بي نفسي بي كترة تركيزي معاهو وبين انو انا بقيت م بقدر اتجاوزو شلته جوالي وطالعهه جات الزقهه الاسمها نهلهه داخلهه تدخل في النار قالت ليهو حساام قال ليها هلا والله قالت ليهو عاارفهه كترتهه طلتي عليك بس محتاجاك في مساعدة يااخ عاينت لي قالت لي اهلين ابتسمتهه ليها وطلعتهه دي شنوو البت اللصقهه دي وبعدين نفسي ومنى عيني اعرف هي عايزة من حسام شنوو ثقيله وبتقربو بي شنوو بت اهلو ولا حاجهه
والحيوان دة كمان اول م يشوفها بضحك للضرس الاخير طالعهه من المكتب في موظفهه اسمها ميادة عثل ودمها خفيف بحبها شديد لانها مهضومهه بجد جات قالت لي شهوودة قولته ليها اهلين قالت لي تعالي عازماك فطوور قولته ليها شوكرا بس والله م عندي نفس قالت لي حلفتك تعالي ياخي م ممكن افطر براي زي الشيطان وبعدين عازماك فطور م تخافي م حأدفعك حق الشير م حبيت احرجها قولته ليها طيب ماشين على الكفتريا جا ماجد قال لي شهد وميموش سلم علينا هبهوقالت ليهو تاني م تقول لي ميموش قال ليها مالو اسي الاسم دة عيبي لي بس قالت ليهو بعد افطر حاوريك
قال لينا انا زاتي ماشي افطر والله قولته ليهو طيب ارح افطر معانا ميادة قالت ليهو يعني عازمنا؟ قال ليها انتي عايزة تحرجيني قدام شهد لكن م مشكلهه ارح بعزمكم مشينا قعدنا ميادة قالت ليهو اطلب لينا بيتزا يلا قال ليها بخلعهه بيتزا قالت ليهو اي مالك قال ليها طيب مشى طلب البيتزا وجا راجع قعدنا نتونس بعد مساافهه جابو البيتزا ومعاها البارد ميادة قالت ليهو م عايزة بارد انا عندهم خليط فراولهه طاازة وفظيع انا عايزة امشي جيب لي يلا
قال ليها والله ي ميادة عصير فراولهه ان جابوهو لي في مكاني هنا اكشحو ليك في وشك انتي عويرة ولا شنو شغال معاك انا قعدتهه اضحك قالت ليهو بمشي برااي زاتي قامت ماشهه قولته ليها انتظري اذا بخلطوها بالحليب انا كمان عايزة قالت لي طيب يلا ماجد قال لينا والله تمشو وتجو راجعين تلقو البيتزا خلصت وم تقولو م حذرتكم الموهم مشينا محلات الخلط قولته ليهو لو سمحتهه انا عايزة فراولهه بالحليب تمام؟ميادة قالت ليهو طيب فراوله عادي وفراولهه بالحليب قال ليها طيب تمام المهم وقفنا ميادة قعدت تتونس مع الزول البخلط وكذاا شايفهه في
حوض غسيل مشيت غسلتهه يدي وفي الحوض دة كان سكين قولته يمكن بتاعت سيد الخلاطات دة شلتها قولته ليهو دي حقتك؟كان في حوض الغسيل قال لي والله يمكن م متأكد كدة اسأل الشباب ديل انا واقفهه وماسكهه السكين وبضرب في المصطبهه بتاعهه الخلط ميادة فجأة قالت لي اشييي انتي ي الشهد النسألك سؤال المزة الفرحانهه الكل يوم ناطهه لي حسكو في الشركهه دي منو خيطبتو ولا شنو؟؟قولته ليها حسكو دة منوو؟قالت لي حسام الشركهه كلها بتقول ليهو حسكو انتي م عارفهه ولا شنوو؟ قعدتهه اضحك قولته ليها م عارفهه والله
قالت لي المهم البت دي خطيبتو_؟قولته ليها م عارفاها والله قالت لي شوفيها بتتراشق كيف عاملهه زي سوط المحكمهه كدة قولته ليها وينهم؟قالت لي عايني ليهم قاعدين هناك اتلفتهه لقيتهم قاعدين مع بعض يتونسو ويضحكو ساي ياخ الضحك البضحكو معاها م بضحكو مع زول غيرها السخيف دة بقيت اعاين ليهم وانا مميلهه جسمي على طربيزة الخلط وبضرب السخينه في الطربيزة فجأة اسمع ليك الراجل بصرخ وبقول لي ي بت لا اعملي حسااابك وتاني م حسيت بي نفسي الا وانا واقعهه في الأرض وميادة بتصرخ وبتقول اللحقوها
الناس اتلمت فيني وميادة شغالهه تقول ليهم وااااي عاينو الدم في يدها طبعا على سيره الدم دي انا غمرتهه بالمرهه م فتحتهه عيوني الا وانا راقدة في السرير والدرب في يدي اول م فتحته عيوني لقيت الممرضهه واقفهه بتصلح في الدرب قولته ليها انا وين؟قالت لي في المستشفى عندك ساعتين قولته ليها الجابني هنا شنوو وبعدين دة شنوو المركبنو لي دة؟قالت لي م تتحركي شويه كدة حتستوعبي الحصل، طبعا قعدتهه ابكي ي دووووب حسيت انو يدي واجعااني قولته ليها طيب حاسهه يدي دي واجعاني كدة قالت لي عشان اتجرحتي فيها عشان كدة رفعتها لقيتها لافنها لي بي شاش
دموعي بقت جاريهه عشرهه عشرهه وانا م متزكرة شي كل المتزكراهو انو انا واقفهه مع ميادة وبتكلم معاها بس م عارفهه الحصل شنوو فجأة حسام جا داخل قال ليها فتحت؟قالت ليهو ايوة عاين لي قال لي حمدلله على السلامهه بقيت اعاين ليهو انا مستغربهه الجابو شنوو قال لي ماف شي حصل م تبكي قولته ليهو هو الحصل شنوو اساسا انا م متزكرة شي قال الحصل اهمال من ناس الكفتريا وحيتعالج حاليا انت كيف اهم شي طبعا لما قال اهم شي قلبي عمل شحح قولته ليهو يدي واجعاني عاين للممرضهه قال ليها م ممكن تدوها مسكن ولا اي شي يهدي ليها الالم دة؟قالت ليهو طيب حاضر
قال لي خلاص حيدوك مسكن بطلي بكى وبعدين البتعملي فيهو انتي دة لارين م بتعملو لما يدوها حقنهه قولته ليهو الجرحهه حارهه قال لي عاارف والله عارفها حاره بس انتي اصبري شويه كدة وحيختفي الوجع بتكلم معاهو كدة جات ميادة داخلهه قالت لي شهودة كيفك؟قولته ليها وااي ي ميادة يدي واجعاني قالت لي كرر علي ي يمهه خلاص حبيبتي م تبكي شويه كدة بعد م ادوني المسكن قولته ليهم رجعوني البيت حسام قال لي بقيتي كويسه؟الوجع خفهه يعني؟قولته ليهو ايوة بس عايزة ارجع البيت م بحب جو المستشفيات دة انا قال طيب تمام نطلعك البيت اسي
بعد م حسام طلع ميادة قعدت تلم لي في شعري الممرضهه قالت لي خطيبك دة ي بختك بيهو عاينته ليها بي خلعهه قولته ليها شنوو؟ميادة قعدت تتبسم ساي الممرضهه قالت لي لو شوفتي حالتو لما كنا بنعقم ليك في الجرح وبنضف ليك فيهو انتي م كنتي واعيه بس كان بقول لينا براااحهه عليها م كدة كأنو نحن بنعقم ليهو في جرحتو هو م انتي قالت لي الزي دة امسكي فيهو قوي بجي واحد في الدستهه طبعا هي ماشاءالله مره كبيره متزوجهه قالت لي والله انا راجلي في الولادة م بخاف علي كدة عااااد ي بتي بختك بي راجل حنين زي دة سكتته زي طبعا غلبني ارد عليها
بعدها طلعنا طبعا ماشي وبعاين لي وانا ميادة ماسكاني، قال لي لو م بتقدري تمشي خلي يجيبو ليك الكرسي المتحرم يوصلك البوابه قولته ليهو لا بقدر وصلنا فتح لينا باب العربيهه بعدها اتحركنا طبعا طووول الطريق يعاين لي بالمرايهه ميادة قالت ليهو والله لكن هو زاتو بتاع الكفتريا دة مهمل اهمال عجيب معقولهه مشترك م فيهو تلبيسهه يشتغل بيهو اسي بسببو ممكت يموت زول عديل قال ليها ياخي والله كلمهه مهملين عليهم بسيطهه لكن كويس وصلنا البيت م نزلنا بره قال لي عمو عبدو يفتح البوابهه فتح البوابهه دخلنا جوووة البيت
دخلنا البيت طبعا كان فاااضي م فيهو زول غير الشغالات وبابا تقريبا في غرفتو الشغاله بتقول لي مالو في شنوو خير سلامتك؟قولته ليها تسلمي بس وقعتهه م اكتر بابا اظن على صوت الجرس جا نازل قال لي شهد في شنووو ي بتي لا حول ولا قوة الا بالله قولته ليهو ماف شي بس وقعتهه حسام قال ليهو عم عبدالله والله جزبته كهربهه كدة بس ووقعت بابا قال لي لا حولااا وكهربهه لقتها وين؟كدة وصليها غرفتها ي بتي ديما وصلتني غرفتي خلينا بابا مع حسام تحت طبعا بعدها بابا لحقني قال لي بقيتي كيف اسي؟قولته ليهو تمام الحمدلله
قال لي والله لكن دة اهمال غريب خلاص اسي كان لو
حصلت ليك حاجهه ميادة قالت ليهو عين وصابتها والله ي عمي قال ليها والله الحمدلله جات على كدة بس، قالت ليهو الحمدلله المهم المساء ناس البيت بعد م عرفو الخبر طبعا مرت ابوي م اشتغلت بي كتير بس ديما جهزت لي العصير والعشاء وكذا ماهر جا قال لي سحروووك المابشبهووك عمر قال ليهو الناس الماسكهه الكفتريا المفروض كلهم ينطردو من الشغل لأنو ممكن زول يروووح فيها عاادي ديما قالت ليهو بالظبط كدة والله قولته ليهم ي جماعهه حاليا الحصل حصل وانا كويسهه الحمدلله
عمر قال لي انتي كويسهه بس غير م اظن يسلم منها وبعدين السكين دي الحمدلله جات في يدم م في مكان تاني قولته ليهم اقفلو الموضوع دة يوخ عمر قال لي لو يدك واجعاك كلميني اديك مسكن قولته ليهو بتوجعني لكن م شديد كدة ماهر قال لي اياااامك اتدلعي ساي بالليل حوالي الساعهه 12 كدة ديما جات قالت لي شهد هاك قولته ليها شنوو؟ادتني التلفون قالت لي ردي قولته ليها منوو؟قالت لي ردي بس قولته خلاص يمكن دة مجتبى رديت قولته ليهو الووو..قال لي كيفك طبعا الصوت مألوف عندي قولته ليهو بإستغراب الحمدلله تمام قال معاك حسام
قوله معااك حسااام دي انا قلبي عمل شحححح لمن قعدتهه في نص السرير قولته ليهو اهلين حسام قال لي حبيت اتطمن عليك واشوفك بقيتي كيف من الوجع حق قبيل وكدة لأنو بالي انشغل عليك طبعا انا م مصدقهه اضااني انو دة هو البتكلم كدة لمن نزلته التلفون ودخلتهه اصبعي في اضاني وحركتو مسافهه وتاني رجعتهه التلفون قولته يمكن اضاني سمعها وسخان ولا حاجهه قولته ليهو لا انا تمام الحمدلله قال لي يعني الوجع خفهه؟(والله خفهه بعد مكالمتك دي)قولته ليهو يعني شويه شويهه كدة احيانا بهدأ واحيانا بزيد قال لي طيب اخدي مسكنات خلي عمر يديك حبوب مسكنهه
قولته ليهو ايوة عمر قال حيجيب لي حبوب بكره انشاءالله بعدها بقت في لحظهه صمت كدة غريبهه خلاص لا انا غادرة اقول ليهو شي ولا هو قادر يقول شي قال لي طيييب ي ستي عوااااافي مره تانيه وارتااحي م ترهقي نفسك كتير وكمان حاولي يدك المجروحهه دي م تستعمليها كتير لأنو الجرح ممكن يلتهب تمام؟قولته ليهو بصوت طفووولي حاضر قال لي طيب يلا تصبحي على خير وخلي بالك من نفسك قولته ليهو وانت من اهل الخير بعدها قفل الخط
قفلو واااااي يااااخ حنيهه صوتو وهو بتكلم والرقي في طريقهه كلامو عمري م اتوقعتو يكلمني بالطريقهه دي ولا كنت متمنيهه المكالمهه دي تخلص م مع انو م فيها شي مميز بس م امنيتها تخلص ...
نتلاقى®