الفصل الثامن والعشرون

طبعا اتلفتهه مخلوعهه قولته ليهو في شنوو؟قال لي م اشووفك تاني تنزلي فيديوهات قولته ليهو ليه السبب شنوو؟قال لي ماف سبب لانو انا عايز كدة قولته ليهو معليش م عرفتك انت منوو؟قال لي شهد لا اله الا الله قولته ليهو محمد رسول الله لا بالجد م عرفتك انت مين؟قال لي انا البطيخه الاسمو راجلك، قولته ليهو بطيخهه ممكن بس راجلي لأ انا م متزوجهه اساسا جا ماشي علي مسكني قال لي نفسي افهم انتي عنيدة كدة ليه م عايزة تفهمي انو العالم دة كلوو بشاهدك طبعا انا لما قرب مني خلاص جسمي برد وخوفتهه

قولته ليهو حسام انا من زمان بنزل الفيديوهات دي م مشكلتي اذا انت ي دوب شفتها او يدوب اكتشفتهه القصهه دي قال لي بي صوت هااادئ برضو م تنزليها طبعا هو واقف قصادي وماسكني من كتفي قولته ليهو ليه انت بتغير علي ولاا حاجهه فكاني وطلع غسلته الكبابي وطلعتهه مشيت الهووول شغلتهه التلفزيون اثنا م انا بشاهد كدة جا ماشي بتكلم بالتلفون طلع بره البيت قولته اكيييد بتكلم ليهو مع بت التافه دة مشيت وقفتهه جنب الباب طلعتهه راسي براااحهه لقيتو وأقف بعاين لي حيوان خلاص طوالي صلحتهه شعري ورجعتهه قعدتهه مكاني بي أدب

بعد اسبوووع جوني عمو مصطفى وعمتو مناهل وبابا وعمر ودينا وماهر مهند قال طلع رحلهه مع اصحابو اول م خلص امتحانات سافرو القاهره عمر قال لي شهووودة مبسوطهه ماهر قال ليهو المابخليها تتبسط شنوو عندهااسره كاملهه وطفلهه جاااهزة بس م عارف ليه كل م اشيلها تبكي عمتو مناهل قالت ليهو عشان حلاقتك دي يمكن قعدنا نضحك لما قامو طالعين قولته ليهو عمر انت قولته لي ربطتهه مع واحدة من صحباتي وريني ربطتهه مع منو فيهن قال لي حتحكي ليك براها اصبري بس قولته ليهو لا كلمني انت

عمتو مناهل جات قالت لي شهد وين الحنهه وين الدخان ليه قاعدة مع راجلك غبشهه كدة؟قولته ليها عمتوو والله هو زاتو م فاضي علشان يشوفني غبشهه ولا لأ طوول اليوم في الشركهه وحتى لو جا البيت كل الوقت بكون شغال في لابتوبو م شغال بينا انا وبتو كتير

قالت لي لأ الراجل بدور مرتو تكون مجيهه ومحننه ومدخنهه فهمتي جيهي نفسك حتى لو م شغال بيك م تخلي حنتك دي تطلع من رجلك امشي ارسمي ليك اشكال في الكوافيرات ولا اقول ليك اضربي لي انا بجي بوديك لي صحبتي عندها كوفير واتريحي من ريحهه امي العملتها ليك دي حبوبتك عملت ليك اصنااف كتيرة بتاعهه ريحهه اااصلا م تدي فرصهه لي نسابتك يتكلمو فيك فهمتي؟قولته ليها حاضر ي عمتو علم وسينفذ

قالت لي م وريتك اليومين دي طبعا فيديوهاتك عااااملهه شغل عجيب لما اقول للناس دي بت اخوووي م بصدقوني اها دايراك تختي صورتي وصورتك الفيس سمح؟قولته ليها حاااضر عندنا صور كتيرة مع بعض حأخت واحدة بابا قال لي يلا ي بتي في امان الله وتعالو علينا ياخ اطلعو بعد كدة كفاكم حبسهه في البيت قولته ليهو بس كدة حاااااضر ي بابا وبستو في خدو قال لي انتي مبسووطهه ي بتي؟قولته ليهو طوول م انت كويس ومهتم بي صحتك وبتسمع كلامي حأكون مبسوطهه بعد م طلعو مشيت لي جارتي ديك طبعا خالتو مناهل ادتني فكره أأدب بيها حسام

اتونستهه معاها كداا قولته ليها بالمناسبهه عندك مكان بتدخنو فيهو؟قالت لي قصدك حفره؟قولته ليها ايوة قالت لي عندي والله عايزة اولعها ليك؟قولته ليها لا م اليوم بكره انشاءالله وكمان عايزة مكان اتحنن في معليش حأتعبك معاي بس انا جديدة هنا قالت لي م مشكلهه حياتي الناس لبعضيها طيب بكره الصباح تعالي اتدخني هنا وانا بجيب ليك المره تحننك في البيت هنا ماشي؟قولته ليها طيب اليوم التاني بعد م حسام مشى وفطرنا شلته بتي وطلعتهه مشيت ليها لقيتها مجهزة لي الحجات قعدتني شغاله اصرخ ليها واقول ليها حاره قالت لي بعد فترة حتتعودي

بعدها جات المره حننتني عملت لي اشكال كدة راقيهه وحلوة قولته ليها تسسلمي بجد حلوة قالت لي حلوة الشماعهه انتي زاتك قاااادرة يختي ي بختو راجلك بيك قولته ليها بختو شنو والله الرجال ديل عموما كدة لا بعجبهم العجب لا الصيام في رجب حسن الخاتمهه بس قالت لي شكلو مزعلك لكن الزيك دة بزعلو وبعلي بس قولته ليها ههه تسلمي ي عثل انتي عايني بيتي ياهو هنا لصق مع بيت ثويبهه دي حلفتك وقت م لقيتي نفسك فاضيهه تعالي لي قالت لي حااااضر عيوني ليك بعد م خلصتهه شلته لارين عايزة ارجع البيت ثويبهه قالت لي عاااد ماشاءالله عيني بااااردة بجد مبااالغهه عديل

قولته ليها تسلمي حبيبتي حلوة عيونك رجعتهه البيت حممتهه بتي وغيرته ليها ملابسها واستحميت انا عندي مبخر بتاع كهربهه كدة شغلتو وختيت فيهو البخور وقعدتهه اجهز في الغدا في المطبخ ولارين خليتها بتلعب في الهوول حسام جا داخل ناداني كداا ولا رديت عليهو جا داخل المطبخ طبعا لما شافني بقى يعاين لي من فوق لي تحت مستغرب قال لي كنت بنده عليك انا قولته ليهو معليش م سمعتك وانا بقطع في الأسوود وفاايقهه قال لي انتي الي

وم مشيتي وين؟اتلفتهه عليهو لقيتو واقف وراي قولته ليهوو م م م مشيتت اي مكان يعني حأمشي وين قال لي انتي مش قولتي م متزوجهه متحننه مالك ومسك لي يدي بقيت اتلخبط في الكلام قولته ليهو اممممم م م مزاج بس ضروري اكون متزوجهه عشان اتحنن قرب مني شديد وهمس لي في اضاني قال لي بس ضروري تكوني متزوجهه علشان تدخني الخلاك تدخني شنوو عايزة تلفتي نظر يعني طبعا انا اتصمغته من طريقهه قربو لي قولته ليهو حسام ابعد مني قال لي م ببعد الا توريني السبب الخلاك تعملي دة كلو شنوو عشاني صح؟قولته ليهو انت منوو قال لي انا الانتي عملتي عشانو كل الحجات دي

صح ولا م صح؟قولته ليهو م صح قال لي يعني ابعد؟قولته ليهو ايوة بعدها زح مني وربع لي يديهو وقعد يتبسم، طبعا بقيت ارجع شعري لي ورا واتلخبطتهه خلاااص على طوول اتلفتهه منو عملته روحي بقطع في الأسود قولته ليهو اااام انت كنت عايز شنوو قولته لي؟قال لي انتي؟طبعا قوله عايزك انتي دي جاطت افكاري بصورة قولته ليهو شنوو قولته ليهو اقصد يعني انت عايزني لشنوو؟ م فهمتك قال لي بعد تخلصي تعالي بره في الهول طبعا راسي بقى يودي ويجيب ي ربي عايز ينهي القصه ويخلينا نطلق ولا عايز يفتح ليهو موضوع نقاش جديد

عملته الأسود وبديت في تجهيزات المكرونهه بالبشمل خلصتها طلعتهه مشيت قولته ليهو قولته لي عايز شنو؟قال لي هاك الكيس دة قولته ليهو ودة كيس شنوو م فهمتك؟قال لي كيس وبس امسكي شلتو فتحته الكيس لفيت فيها كاميرا Hd قولته ليهو كاميرا قال لي دقهه في التصوير قولته ليهو والمناسبهه شنووو؟قال لي تسجلي بيها فيديوهاتك قولته ليهو امممم من غير مناسبهه يعني قال لي ايوة من غير مناسبهه وشال بتو ودخل غرفتو جهزتهه الغداء جيت دقيت ليهو الباب ودخلتهه لقيتو حاااضن بتو ونايم صراحهه لارين دي في لحظات كدة انا بحقد عليها فيهم

م اكلتهه مشيت غطيت الأكل قولته بعد م يصحو بعداك ممكن اكل معاهم، شغلتهه التلغزيون وفتحتهه الكاميرا قعدتهه اشوووف تصويرها كيف وكذاا حسام صحى بعد اذان العشاء اتخيلو كل دة وانا منتظراهم جا لقاني قاعدة قال لي انا ماشي النادي قولته ليهو طيب والأكل قال لي عايزاني اكل معاكم عادي يعني قولته ليهو امممم اذا حابب يعني قال لي طيب ومشى قعد في الصفرة قال لي م عايزة انتي؟قولته ليهو بس لارين قال لي لولا نايمهه يعنى م حتصحى اسي تعالي جيت قعدتهه اووول مره نقعد كأنو نحن اتنين متزوجين وكذاا واول مره اشوووف حسااام من غير م اخجل منو ولا كدة

انا بعاين ليهو اول م يرفع عينو يعاين لي انا بنزلها طبعا حسام حواجبو مقرونهه واللحيهه يخلوها ليهو والعجب الغمازة وبعلي بس تفاصيل وشو كلها تخليك تبقى زي الأهبل وانت بتعاين ليهو بعد م خلص قال لي انا طالع محتاجهه حاجه؟قولته ليهو لأ في قلبي بقول ليهو م تطلع بس يوخ قال لي طيب في أمان الله وطلع وقفتهه في الباب عاينتهه ليهو كداااورجعتهه لميت الصحانهه

بغسل في العدة سمعتهه صوت لارين بتبكي مشيت شلتها بعد عشيتها جيت قعدتها نشاهد في التلفزيون وفي فيلم رعب شغال وانا بحضر فيهو وحاضنهه لارين والخوف عايز يكتلني وفي نفس اللحظهه انا نعسااانهه ولارين م عايزة تنوووم صاحيهه للساعهه 12 اتخيلو بس بعد الساعه 12 حسام جا داخل طبعا مع صوت رجلين حسام وخووفهه الفيلم خلاااص حيلي مات فجأة اشوف ليك حسام ماري قعدته اصرخ ولارين اتخلعت وقعدت تبكي

حسام زاتو اتخلع قال لي بسم الله في شنوو؟شايل اكياس دخل المطبخ وجا راجع قال لينا انتو لسه صاحين وبتصرخو مالكم البخووف شنوو؟عاين للفيلم قعد يضحك قال لي بتحضري حاجهه انتي م مجبورة عليها مالك؟؟قولته ليهو بتك م ناويه تنوم جا قعد جنبي شالها قال ليها عاملهه غلبهه مالك وقعد يتكلم معاها مساااافهه وانا الخووف عايز يكتلني جابو لقطهه كدة مسكتهه فيهو وغمضتهه عيوني قولته ليهو وااااااااي ي حسااااام اكلها شال الريموت غيييير قال لي لو تميتي الفيلم دة حتموووتي او حيجيك شلل نصفي انتي اساسا انا نعسانهه قولته ليعو طيب جيب لارين علشانندخل غرفتنا

قال لي خلي أنومها قوولته ليهو حسام بس انا نعسااااااانهه يوخ قال لي طيب نووومي وين المشكلهه، بعد مساااافهه ختيت راسي في كتفو من غير م احس طبعا ونمتتتتته بعدها م حسيت بي روحي الا وهو شايلني ومدخلني الغرفهه رقدني في السرير بعد م قام ماشي رفعته راسي قولته ليهو وين لارين؟اتلفت قال لي نايمهه في الغرفه التانيه معي قولته ليهو لا جيبها لأنها بالليل بتصحى تبكي قال لي لا خليها وطلع مشى نزلتهه مشيت وراهو الغرفهه عايزة اشيلها قال لي لا خليها قولته ليهو لا حأشيلها مسكني قال لي طيب خليها وخليك انت زاتك طبعا انا نعسانهه قولته ليهو لشنو

قال لي انتي عايزة لارين تنوم معاك وانا نفس الشي يبقى خليها معانا احنا الاتنين قولته ليهو لأ انا ماشهه غرفتي طلعتهه مشيت نص الليل صحيت فجأة مخلووووعهه وبقيت اتهيأ لي حجات كدة م تمام وبقيت اتزكر

لقطات الفيلم ديك طلعتهه مشيت رقدتهه مع ناس حسام في الغرفهه وكمان لمن اتغطيت الصباح فتحته عيوني لقيتو مستحمي وطالع من الحمام على طول غمضتهه عيوني غير ملابسو جا غطانا كويس وباس لارين اتوقعتو حيبوسني انا كمان زيها بس م عملها طلع مشى الشغل اليوم دة كان يوم الخميس بعد م جا راجع قال لي بكره خلينا نعزم اهلي واهلك غداء عشان م حلوة من جينا م عزمناهم قولته ليهو انا كمان كنت بفكرر في كدة قال لي معناها اتفقنا قال لي الصباح نطلع السووق عشان تشتري كل مستلزماتك تمام؟قولته ليهو طااايب ماااشي يوم الجمعه مشينا السوق وجينا راجعين

قال لي اساعدك؟قولته ليهو بس امسك بتك لو عايز تساعدني قال لي على فكره انا بعرف اطبخ اقولته ليهو والله؟ طيب بتعرف تعمل شنوو؟قال لي بعمل سلطهه فواكهه قعدتهه اضحك قولته نننن ظريف سلطه الفواكه دي لارين بتعرف تعملها قال لي وبعرف اعمل مشكل كمان قولته ليهو جد؟قال لي وربي قولته ليهو طيب اعملو يلااا بإستهتار كدة قال لي اوكك قولته ليهو بس لارين طبعا م كنت مصدقهه انو حيعملها قال لي حبيبه ابوها حتقعد محترمهه نفسها اكيد قعدنا نشتغل كل م يسألني سؤال مش بعملوها كدة بقول ليهو م تسألني مش عامل فيها شاطر وبتعرف تعملها

قال لي اساسا م محتاج مش ي لارين قال لي شايفهه بتي بتشجعني قال لي ماشي الصلاة وجاي خلي لي صينيه المشكل بتاعي في مكانها قولته ليها طييييب ماشي لبس الجلابيهه وشال مفتاح عربيتو وتلفونو جا قال لي انا طالع وبعلي منو وهو لابس الجلابيهه قولته ليهو طيب جا بااااس لارين قال ليها بااي تقصري من امك تمام ازعجيها قولته ليهو حقود مشى الصلاة وجا راجع لقاني شبه خلصتهه ولارين نااامت فضل المشكل بتاعو هو والسامبوكسه لقاني بقطع فيها اشتغل في المشكل بتاعو بعد م خلص قال لي طيب أحمر ليك فيها؟قولته ليهو ي ريت لأنو جسمي وجعني بجد متعبهه يووخ

قال لي المفروض تديني ضريبهه على المساعدة دي كلها قولته ليهو ضريبه؟ زي شنوومثلا؟ قال لي اي حاجهه قولته ليهو ملعقهه سلطهه رووب تنفع معاك قعد يضحك قال لي يااااااااخ انتي قولته ليهو الحاجه الكويسه العصير جاهز قال لي وانا حأجهز ليك الكبابي قصرته معاك؟قولته ليهو لأ قمته وقفته في المغسلهه بغسل في يدي قولته ليهو عارف المفروض اديك ملعقتين سلطهه رووب ضريبهه على مساعدتك دي كمان جا قرب مني ومسكني من خصري قال لي بس؟قولته ليهو امممم ااااا الجرس بضرب فكاني قولته ليهو طيب تلاتهه معالق ينفعو معاك قال لي هبلهه غياظهه

قولته ليهو انا ماشهه اجهز الضيافهه وحأدخل استحمهه يلا انت خلص الفي يدك دة قال لي طيب ماشي مشيت جهزتهه الضيافه جهزتهه نفسي وعملته لي روووج بسيط وجيت طالعهه كدة بس جرس الباب ضرب مشيت فتحته الباب لقيتهم ديل اهل حسام امو واختو ومجتبى وعمو احمد وجايبنهم معاهم الزقهه الاسمها نهلهه وتاني معاهم مره سلمتهه عليهم وفضلتهم نهلهه قالت لي حسام وين؟قولته ليها حسام دة في غرفتو بجهز اسي بطلع قالت لي طيب ولولا؟قولته ليها ناااايمهه والله هبه قالت لي بتنوم ليك زي الزمن دة واااي بختك انا كانت بتطلع عيني على بال م تنوم

نهله قامت على حيلها قالت لي نايمهه وين انا مشتاقهه ليها وربي قولته ليها فوووق في غرفهه ابوها تاني غرفهه قالت لي اوكك وطلعت تطلع في النار الخفيفهه طبعا كل الموجودين استغربو منها المره الجات معاهم تعاين لي من فووق لي تحت قالت لي اسم منو قولتي لي قولته ليها اسمي شهد قالت لي ايواا بفضل فيهم كدة حسام جا نازل ومعاهو نهلهه شايلهه لارين وتصحي فيها بالغصب اتخيلو حسام قال ليها حرام عليك ي نهلهه ياااخ م تبهدلي لي بتي سلم عليهم ومسك المره ديك باسها في راسها وسلم عليها سلام كدة بصوورة غريبهه نهلهه قالت ليها ماما عايني لولتنا

شالتها قالت ليها الصلاة على النبي بس ماااالها شعرها منكش كدة قولته ليها كل الحكايه انو م صح امسك ليها شعرها بباندة او كذاا وهي نايمهه قالت لي ولدنا وربينا عمرنا م سمعنا بكلام زي دة قولته ليها ههه م مشكله ي خالتو اسي سمعتي هبهه قالت ليها وبعدين مالها اسي بالعكس كدة قوووومر بي نكشهه شعرها دي وربي تتاكل زي قطعهه الكيكهه جبتهه ليهم العصير الجرس ضرب لقيتهم ديما ومجتبى شويه كدة وصلو ناس بابا انا وديما وهبهه بنتساعد في تجهيز الغداء هبه قالت لي شهد حسام م ساعدك قولته ليها ساعدني في المشكل ولف السمبوسهه

طوالي نهلهه جات قالت لي صح حسام كلمني في الواتساب بي موضوع المشكل دة طبعا متشوووقهه موت عشان اضووق طعمو ديما عاينت ليها من فوق لي تحت قالت لي المايصههه دي مالها؟طبعا اتغظظظظتهه كيف من قصه انو كلمها دي طبعا طبعا م بقدر الا يوريها جهزنا الغداء قعدو يتغدو عمو احمد قال لي اشتغلتي الشغل دة كلو براك؟قولته ليهو تخيل بس ي عمو احمد بابا قال لي ماشاءالله عم

تي قالت لي عيني بااااردة ي بتي الله يحفظك عمر قال لي والله فقدناك في البيت واللمهه البتعمليهوعمليهو ياخ ماهر قال لي اسمعيني ي شهد بعدين ختي لي جزو من الاكل دةعلى جنب بالزات السامبوكسه قولته ليهو حاضر مجتبى عاين لي ديما قال لي وانا كمان طلبي زي طلب ماهر المره ام نهلهه قالت ليهم دة كلوو هييين الكلام في الطعم حسام قال ليها ي عمتي م تخافي من ناحيه الطعم شهد ماشاءالله عليها يعني مجتبى قال ليهو ي سلام ياخ نظام بتشكر في مرتك قدامنا وكدة خلاص ي جماعهه حسام قال كلمتو الموضوع وانتهى طاعم معناها طاعم وبس عاينته ليهو كدة عمل لي كدة

نهلهه قالت ليهو عارف ي حسام انا في دةكلوو بتهمني صينيه المشكل الانت عاملها ضحك قال ليها ي فضييييحهه طيب ضوقيها وقولي رايك طبعا انا خلاص من جوة بقيت بغلي غلي عايزة اتفجر فجأةمجتبى قال ليهو شايفك مرسل صينيه مشكل ولا شنو م عارف في القروب دي القاصداها نهله؟نهلهه قالت ليهو لأ هو رسلها لي اول قبل م يرسلها في القروب هبهه اتغااظت منها ومن حركتها قالت ليها في النهايه كلمنا كلنا وبعدين كونو رسلها ليك دي م حاجهه مميزة شديد على فكرهه عجبني رد هبهه

بعد م خلصو غداء قعدو في الهول يتونسو ام نهله قالت ليهو الليله ي حسام جيت اسوق معي بت بتي تقعد معي كم يووم طبعا انا من الخلعهه بقيت عاملهه كدة دي ام مرت حساام حسام قعد يعاين لي قال ليها تسوقيها عديل كدة؟قالت ليهو ااي دايراها تقعد معي كم يوم كدة مالك م راضي لي بيها وبعدين بتعاين لي مرتك مالك دايرنا ناخد اذن منها عشان نسوق بتنا ولا شنوو؟قال ليها معقولهه ي عمتي والله تسوقيها طوالي طبعا انا لما قال كدة انا ملامح وشي كلها اتغيرت واااي حيسوقوها انا تاني حأقعد مع منوو

بعد م قامو طالعين ام نهلهه قالت لي اسمعي هنا جهزي لي شنطتها عشان طالعين طبعا انا صوتي لمن متغير قولته ليها حاضر دخلتهه غرفهه لارين بقيت اجهز في ملابسها وابكي جات ديما داخلهه قالت لي ديل مالهم هم؟قولته ليها م عارفهه ومسحتهه دموعي قالت لي م تركزي معاهم وم تبكي كلها كم يوم وحيرجعوها ليك بس اسلوبهم زفت ومستفز كلام ديما بكاني زيادة جهزتهه الشنطهه حسام جا داخل قال لي شهد الشن..شافني ببكي سكت ديما قالت ليهو اتكلم معاها بتبكي وطلعت حسام قال لي شهد زحيت منو قولته ليهو هاك دي الشنطهه مسحتهه دموعي وطلعتهه

مشيت ودعتهم وانا شايله لارين كانو تاني م حيرجعوها لي بعدها طلعو مشو بعد م مشو دخلته البيت زهجانهه مشيت قعدتهه الملم في المطبخ فتحته الماسورة في قعدتهه اغسل في العدة حسام جا داخل قال لي شهد م رديت عليهو قال لي شهد انا بتكلم معاااك وقفل الماسورة وشال من يدي الليفهه قولته ليهو مالك عايز مني شنوو وانا دموعي جاريهه، قال لي عايز اتكلم معاك انا عارف انو انتي زعلانهه لأنو خليتهم ياخدو لارين بس م كان في يدي ارفض فهمتي قولته ليهو زح مني زي م كلمته نهلهه عن موضوع صينيه المشكل مستحيل م تكون كلمتك انهم عايزين ياخدوها م تكزب علي

قال لي تعالي وحضني ...

نتلاغى®