الفصل الثالث والعشرون

باسني في راسي قال لي يلا، نزلنا وأول م جينا داخلين الصاله مسكتو من يدو، لما مسكتو من يدو عاين لي قال لي خايفه م تقعي؟قولته ليهو لا مسكتها علشان حابهه اني امسكها ولا م عندي صلاحيه بكدة؟ضحك قال لي عندك كامل الصلاحيه كمان حسيت منظرو قدام الناس حيكون اوڤر شويه فكيتها على طوول مسكني وضغط على يدي قال لي م تحاولي تفكيها مرة تانيه طبعا الصاله كلها بقت تعاين لينا ونست موضوع الحفله والعرسان نهائي، اصلا على اساس انو انا عيانه ماف زول متوقعني أجي فجأة خالد صفرر بصوت عالي عاينته ليهو قال لي ماف كلام والله

قولته ليهو همام عاين خالد مشغلهه لينا، قال لي هي الصاله كلها نست موضوع الحفله وركزت معانا عشان كدة م تركزي قبل م نقعد جات اخت هاشم قالت لي اجيي ي شهد مش عيانه ورجلك مفكوكه الجبك الحفله شنو يختي ولا دي كانت حركه سااي منك لأنو زي م شايفين رجلك نصيحه ولابسه فيها مسمار كمان عايزة أتكلم همام قال ليها فعلا هي رجلها كانت واجعاها الصباح بس اسي كويسه وي ستي انا جبتها لأنو م بقدر اخليها بالليل دة براها في البيت فهمتي

قالت ليهو ايوا لا كان كدي خلاص، جات ام صاابر طبعا اسمها خديجه زوله ظريفهه وطيبانه كدة عكس الباقي سلمت علينا قالت لي عااد ي بتي ماشاءالله السماحه الماخمج ربنا يحميكم ويغطي عليكم انشاءالله التوب كان عايز يقع صلحتو لي، قولته ليها تسلمي ي خالتو خديجه وصابر كمان ربنا يسعدو ويتهنو ببعض انشاءالله، قالت لي امين ي بتي الرايقه وم مضايقهن قعدنا، جات لميس قعدت معانا، فجأة اشوف ليك سهام جايه علينا طوالي عملته روحي بتكلم مع همام واثناء م انا بتكلم معاهو كدة المصور ثبتنا في الشاشه وخالد دة يشيل ويصفر

والله الناس دي كلها وشوشها اتلونت بقو يقولو دي مرت همام الجديدة

؟جات سهام طبعا لابسه ليك فستان ضيق وفاكه شعرها وهي طبعا ماشاءالله عليها صحتها كويس والفستان مظهر كل ديفوهاتها يعني مباالغه بجد كتيرة ومتدفقهه، بقت تعاين لي من فوق لتحت وشايله لجين طبعا، همام ولا رفع عينو عاين ليها حتى، قالت لي لميس هاك ي لميس أمسكي مني أختك دي فترتني زاتها، لميس قالت ليها متين انا جيت اسي؟قالت ليها ي زوله م خلتني ارتاح والله امسكيها او أديها للدادا دودي حقتها عشان اصلا دة شغلها، لميس شالت لجين وقعدتها جنبها، سهام جات سلمت على همام واتكلمت معاهو في أضانو همام عاين ليها وشال المنديل مسح بيهو يدو، طبعا لما عمل كدة لمن ملامح وشها إتغيرت، قبل م تمشي جات مودة قالت لي شهد واي ياخ ماف كلام والله

همام كان بسلم على زول من اهلو و بتكلم معاهو، ، ، قولته ليها كيف كيف؟قالت لي لا بالجد قاطعهه والعجب الدخلهه ياخ انا زاتي إتكسسرتهه احا يااخ قولته ليها تسلمي عيونكك الحلوة قالت لي زحو لي اقعد معاكم يااخ اصلا الحفله م ظابطه عايزة أتونس، قولته ليها تعالي يلا قعدت معانا وبقينا نتونس ونعلق في الناس، وهمام دخل يرقص مع العريس وكل م ارفع عيني اعاين ليهو بلقاهو بعاين لي فبقوم اضحكك وبنزل راسي نظراتو كانت ملفته للنظر ياخي حتى مودة قالت لي اشي على النظرات طبعا ام همام بقت تعاين لي سااي مستغربه انا جيت كيف طبعا

سهام مشت قعدت معاها بقو يتكلمو ويعاينو لي وانا ي يمهه روقهه السواد يعني بالكتيير ببشر، فجأة الفنان رباها ليهم والناس دي بقت هاايجهه وبترقص، مودة قالت لي عايني عايني سهام في النص عااد لكن م كدة النصيحه خجلته ليها، سكتته وغيرته الموضوع قولته ليها لكن صاابر مرتو حلااتها بجد، قالت لي وصغييرة كمان والله انا زاتي عاجباني ياخ

اثناء م الناس بترقص كدة نشووف ليك سماعه وقعت والناس إتلمت تقريبا في شكله، مودة قالت لينا اجي في شنوو؟لميس قالت ليها شكلو في شكله، فجاة نشوف ليك هشام ماسك خالد وبقول ليهو مالك ي ولد؟وخالد متعصب وفاير وبقول ليهو عمي عليك الله فكني ياخ قولته ليك فكني الحيوان دة كان بصوور في امي وبتكلم فارغ عارف يعني شنو بصور في امي م بخليهو والله م بخليهو عمي قولته ليك فكني وخالد كان شايل سكينهه في يدو، لميس بقت تقول خالد وجرت عليهو وانا شايله لجين طبعا وم قادرة أتحرك جسمي هبط من شوفهه السكين ياخ بتلمع من بعيد وخالد لسه شغال يقول والله أقتلو من يوم الرحله انا سامعو بفلت في لساانو وحزرتو لكن م داير يفهم، الولد قال ليهو انت بدل م تلم امكك جاي تتكلم معي انا م صحي امكك خالهه اذا هي م محترمه نفسها دايرني انا احترمها يعني؟وبعدين الناس دي كلها عارفه امك شنو حتقدر تسكت الخلق ديل كلهم؟خلي امك تحترم نفسها اول بلا يحرقكك انت وامكك ي تيت

خالد بقى يقاالع في الناس عشان يمشي ليهو وخلاص عاييز يطعنو همام دخل في النص و مسك الولد ضربو قال ليهو انت قليل ادب ولا شنوو إحترم نفسك فاهم ولا لأ؟وجراهو من قميصو، حتى بتاعين الأمن اتدخلو، الناس بقت في همام ياخ وقع ليك في الولد ضرب بصوره خياليه وجراهو طلعو بره الصاله، طبعا انا خلاص اعصابي تلفت الناس بقت م عارفه تمسك خالد ولا همام، ، ولميس دي إنفجرت بكى ياخي بقت تبكي بأعلى صوتها بقيت شايله لجين واهدي فيها، يااخي لمن دخلت في حاله تانيه بس مودة ادتها كف قالت ليها قولته ليك اسكتي عايزة تجني انتي كمان

عايزين نطلع هزاع قال لينا م اشوف لي واحدة فيكم بره خليكم في مكانكم دة، مودة قالت ليهو لكن ي هزاع، قال ليها م سامعه انتي قولتع ليك خليكم في محلكم طبعا الحفله اساسا كانت في نهايتها فوقفوها، ، ،

في الجانب التاني بره الصاله همام ماسك الولد قال ليهو شووف انا لو م إحترامي لأبوك كان عملته فيك المابتعمل وانا بإمكاني اسي أفتح فيك بلاغ واقفلك، هاشم قال ليهو همام اهدى كدة وروق وفك الولد، همام قال ليهو ي هاشم انا بتملم معاهو، هاشم مسك همام وقال للولد امشي، همام قال ليهو دقيقه ي هاشم خليني اتفاهم معاهو انت مالك ياخ، هاشم قال للولد امشي من هنا قولته ليك يلا، ، ،

❖

في الصاله الجو بقى متوتر والناس دي كلها بقت خايفه ومعظم الناس طلعت مشت، وخالد ساقوهو اصحابو، همام وهاشم وباقي الرجال جو داخلين، طبعا همام دة ملامح وشو إتغيرت 360 درجهه، وسهام تتونس قدرتها وتضحك ولا كأنو حاصل شي، اول م شافت همام جاي داخل إتجهت عليهو وقالت ليهو اها الحصل شنو خالد وين مشى؟ هاشم استعجل ومشى قدام همام واداها كف طااخ قال ليها انتي يوم لو م واحد من اولادك ديل مات بسببك او قتل ليهو زول م بترتاحي انتي الجابك شنو زاتك وريني؟

؟همام مسكو قال ليهو م توسخ يديك فيها ابدا لأنو بقولو الضرب على الميت حرام، حتى الكلام معاها خسارهه مالك ومالها، طبعا بقت تصرخ وتبكي بأعلى صوتها قالت ليهو تضربني انا ي هاشم تضربني انا؟هاشم قال ليها بضربك لأنك مره م محترمه لا عمرك لا اولادك

عاجبك الحصل اسي دة عاجبكك؟ شايفه ولدك كان حيعمل شنوو بسببكك؟ماما فايزة جات مسكتو قالت ليهو ي ولد هالشم هووي، قال ليها امي بالله كدة فكيني بلا هاشم بلا زفت دايما وابدا بسببها اي شي بايظ، لازم المكان الهي قاعدة فيهو دة تحصل فيهو مشكله بسبب شذوذها وتطفلها البتعمل فيهو دة، صابر جا مسك هاشم و قال ليهو هاشم روق كدة تعال معي تعال ي همام مشى بيهم على جنب إتكلم معاهم مسافهه بعدها همام قال لينا أطلعو ارح نمشي، امو قالت ليهو دقيقه ي همام ي ولدي دايرة أتكلم معاك، قال ليها امي بعدين م اسي يلا ي لميس سوقي اخوانك ديل واطلعو قدامي، لميس شالت لجين وطلعنا قولته ليهم لكن ميدو ماف وين ميدو، همام قال لي بنهره تسألوني منو انا من قبيل مش كنتو قاعدين ليه م فتشتوهو

يعني الطريقه الصرخ بيها علي من شدة م نبره صوتو كانت حادة انا تلقائيا لقيت نفسي ببكي ودموعي جاريه، لميس قالت لي انتي أطلعي انا بجيبو وبجي راجعه جرت دخلت الصاله، فتح لي باب العربيه القدام ابيت اركب ركبته ورا قفل ليك الباب طاخ، شويه كدة لميس جات ومعاها ميدو وهمام إتحرك، ياخ سايق بطريقهه انا قولته خلاص الموت، نحن اليوم حنموت حنمووت لجين لمن بقت تبكي ونحن كل واحد فينا ماسك خشمو عليهو لو اتكلمنا حنتشرشح، ووعلى سواقتو الزفته ديك قام طلع تلفونو واتصل على خالد قال ليهو: وين انت ي ولد؟طيب تمام بكره تعال البيت اوكيهه؟

يلا سلام، وصلنا البيت، لجين كانت نايمه مشيت دخلتها غرفتها وغيرته ليها ملابسها وطلعته من الغرفه سامعه لميس بتبكي، دقيت ليها الباب ودخلته، قولته ليها لميس الحجات دي بتحصل عادي في الحفلات، قالت لي شهد م عادي م عادي ي شهد سمعتي الولد بتكلم عن امي كيف؟عارفه نظرتنا الناس لينا من ورا تصرفات امي امي عامله كيف؟عارفه ليه خالد م قدر يرد على كلام الولد علشان فعلا امي هي كدة، علشان م محترمه نفسها ولا محترمانا نحن ولا خاته لينا إعتبار نحن بسببها الناس مستصغرانا ومتضطرين نستحمل كلام الناس عليها علشان هي فعلا كدة يااخي ي ريت لو م جينا على الدنيا دي وي ريت لو هي م كانت امنا انا بجد بحتقرها ياخي

قولته ليها لميس انتي جنيتي؟دة شنو البتقولي فيهو دة؟ في النهايه دي امك عارفه يعني شنوو امك؟يعني هي الشايلاك 9 شهور في بطنها وهي التعبت فيك ووصلتك للعمر دة كفايه جدا انو انتي حاليا في الدنيا دي بسببها، وبعدين حتى لو هي بتعمل في شي غلط انتي م عندك صلاحيه تحاسبيها ولا عندك حق بكدة امك كبيرة وعاقله وعارفه روحها هي بتعمل في شنو، وربنا هو البحاسبها على افعالها انتي م عليك غير انو تنصحيها بس بهداوة وتدعي انو ربنا يهديها لو هي ماشه في طريق غلط بس اوعى في يوم تفكري في انو انتي تغلطي في حقها لأنو انتي بكدة حتخلي ربنا يغضب عليك عارفه ليه؟لأنو أمك وابوك ديل خطين حمر عند ربنا فاهمه ولا لأ؟قالت لي ه والله ي شهد الكلام ساهل بس انتي م جربتي الإحساس دة، قولته ليها لا جربتو انا في كل لحظه بخت نفسي محلك بس ابدا م بفكر بطريقتكك، قالت لي عايزة انوم تصبحي على خير واطفي لي معاك الأنوار دي، قولته ليها اجيب ليك مويه معي؟قالت لي طيب، مشيت جبته ليها مويه وطلعته من غرفتها وقفته مسافه بكيت كداا ومسحته دموعي ودخلته غرفتنا انا وهمام، لقيتو طالع من الحمام اصلي م اتكلمته معاهو وانا اصلا مخنوقه منو ومن طريقه كلامو معي، وكمان الطريقه الضرب بيها الولد وإتكلم بيها معاهو ادتني احساس انو هو لسه بحبها او عندو مشاعر تجاها عشان كدة م قدر يستحمل فيها حرف

غيرته ملابسي من سكاات وفتحته الدولاب شلته لي مفرش ومشيت الكنبه رقدته جا قعد جنبي ومسك يدي وبقى يعاين لي وسااكت وانا ببكي طبعا، جريت منو يدي وشلته مفرشي فرشتو في الأرض وشلته المخدة ورقدته جا رقد جنبي ولفه يدينو حوالي، وانا من البكى لمن بتنهد، قال لي م عايزة تتكلمي معي صح؟ حقكك بس انا حأتكلم، قولته ليهو همام أنا، أنا م عايزة أتكلم ولا عايزة أسمع منك شي

، مسح لي دموعي قال لي انا عارف انو انتي متضايقه من تصرفي حبيبي انا اسف لأني إتنرفزته فيكك وانتي م عندك ذنب في الحصل دة كلو بس الشي الإنتي م عارفاهو انو انا كدة يعني لما أتعصب م بشوف قدامي عشان كدة انا اسف وباسني في خدي، قولته ليهو همام انت لسهه بتحبها صح يلا قول لي انت بتحبها صح عشان كدة م قدرته تستحمل فيها ولا كلمهه من كلام الولد

قال لي إتوقعتك حتقولي كدة وانا عارف انو دة سبب الدموع دي كلها بس ابدا ي شهد م بحبها سهام طلعت من نفسي من زمان عارفه يعني شنوو زول يطلع من نفسك؟يعني لو شوفتيهو بموت قدامك م بتشفقي عليهو ولا قلبك حيحن عليهو بسس هي في النهايه كانت شرفي وعرضي واسي هي أم اولادي يعني اكيد م حاسمح لي زول يغلط فيها وأفضل ساكت وكمان م تنسي في بيني وبينها عشرة عمر يعني حأستصغر نفسي لو م إتدخلت بجد فهمتيني؟هزيت ليهو راسي بمعنى (لا)قال لي وبعدين سهام وانا بعرفها متأكد هي عملت كدة عشان تنكد علينا لانها شافتنا مبسوطين وهي عارفه حتحصل مشكله

قولته ليهو طيب خالد وين اسي؟هو كويس؟قال لي خالد مع صحبو حينوم معاهم وبرجع بكره انشاءالله م تخافي عليهو هو بخيير وبعد كدة كفايه بطلي بكى م عايز أشوف ولا دمعه نازله منك خلاص وضماني، قولته ليهو قبيل قالت ليك شنو لما كنا قاعدين مع بعض وليه قربت منك كدة

ضحك قال لي انا بحبك فهمتي؟يعني مهما قالت ومهما إتصرفت تصرفات سخيفهه هي محاوله منها عشان تضايقك بس أفهمي ي بت الناس انا بحبكك وسهام دي انا شايلها من حساباتي وحياة الخلقني وخلقكك، مسكته في فنيلتو قولته ليهو بس انا خايفه م عارفه بس انتو الرجال م مضمونين وانا م قادرة اصدقكك م عارفه ليه قال لي م تخافي انا ليك والزمن كفيل بي انو يثبت ليك الحاجه دي ...

نتلاقى