الفصل الرابع والعشرون

قال لي م تخافي انا ليك والزمن كفيييل بي انو يثبت ليك الحاجه دي، ياخي بعد قال كدة جاتني حالهه من الراحه والإطمئنان كدة بصورهه عجيبهه قال لي وبعدين نحن حننوم على الأرض كدة؟ سكتته سااي وبقيت حاضناهو، قال لي طيب دقيقه قام مشى جاب ليهو مخدة وغطى ورجع رقد جنبي ورقدني في حضنو وغطاني قال لي شكلنا كل م نزعل من بعض حننوم في الأرض قولته ليهو فعلا دة الحيحصل علشان كدة م تزعلني قال لي هههههه حاااضر تأمري أمر انتي وباسني في راسي، سكتته مسااافهه قولته ليهو همام!!قال لي روح همااام!!قولته ليهو انت نعساان

قال لي ابدا وانتي؟ قولته ليهو انا كمان م قادره انووم، قال لي في حاجه مضايقاك؟قولته ليهو لأ بس كدة سااي، قال لي دقيقه أشغل التلفزيون طيب، ، شغل التلفزيون وبقى يحضر في فيلم أجنبي كدة ممل، تلفونو كان قاعد جنبو شلتو وبقيت اعاين ليهو، قال لي دقيقه أفتحو ليك فتحو لي وبقيت اشوف في الصور، ياخي عندو صوور فظييعه بالجلاليب الخليجيه دي ومعاهو اصحابو خليجين ياخ سمحين سمااااحهه تهبل، بقيت اعاااين ليعو واعاين للصور وهو مركز مع الفيلم، فجاة شوفته صور معاهو بنات خليجيات سمحات كدة، قولته ليهو همام ديل منوو؟عاين للتلفون قال لي ديل كان عندنا معاهم عقد بتاع شغل، قولته ليهو شغل في مطعم؟ضحكك قال لي بعد م خلصنا إجتماعنا معاهم من باب الزوق كدة لازم نعزمهم عشاء واسي لو قولته ليك دي غيره منك حتنكري وحتقولي م غيرانهه، قولته ليهو فعلا م غيرانه بس حبيت اسأل

قال لي واااضح انو انتي م غيرانهه يلا قولته ليهو خلاص م تضحك كمل فيلمك قعد يضحكك قال لي طيب بس تاني لو شوفتي ليك صورة كدة ولا كدة م تسأليني فاهمهه؟ قولته ليهو طيب حااضر شويه كدة شوفته ليهو صوورة لابس فيها لبس الخليجين ولافي العقال ومتصور في المكتب ياااخي سمممح سماااحهه في حين انو انا راقدة في حضنو إتهبلتهه وبقيت سرحاانهه فيهو، قولته ليهو همام!!قال لي اايوة، ، ، كنت عايزة أقول ليهو انا بحبك بس خجلتهه سكتته قولته ليهو ماف حاجه خلاص قال لي متأكدة؟قولته ليهو اايوة

فضلتع اشاهد معاهو في الفيلم فجأة جابو لقطه م تمام حركات أفلام الأجانب الماياها ديك طوالي عملته روحي بعاين في التلفون، عاين لي وضحكك، قولته ليهو مالك؟قال لي على فكرة التلفون مقفول ببصمهه بتعايني في شنو انتي، شهد انتي بتخجلي؟ طبعا م قادرة اجااوب بقيت اقول ليهو اممممممم ااااا على طوول باسني وقفل التلفزيون

الصباح صحيت لقيتو بعاين لي، قولته ليهو صباح الخير، قال لي صباح النوور، قولته ليهو امممم لجين حتكون صحت صحح؟قال لي م ساامع صوتها م اظن، قولته ليهو طيب انا حأقوم أجهز الشاي، مسكني قال لي بس انا م عايزك تتحركي من جنبي، قولته ليهو همام، قال لي ولا كلمه هسسسس بس خليك معي شويهه اساسا طوول اليوم حتكوني مشغوله، قولته ليهو وانت طالع صح؟قال لي ااايوة طالع عندي مواعيد مع ناس كدة ويمكن اتأخر، قولته ليهو طيب حتتأخر لمتين كدة؟قال لي م عااارف والله للأن، قربني منو ولصق أنفو مع انفي وبقى يعاين لي، وانا ساكته ساي، قال لي عايز أقضي معاك أطول فترة ممكنهه بس م عارف لما أكون معاك م بحس بالزمن ابدا، قولته ليهو همام الله يخليك خلاص خلينا نقوووم والله اسي يجي واحد من العيال يلقانا كدة

ضحكك قال لي طيب حاضر، بعدها قام دخل الحمام استحمه، وانا نزلته جهزته الشاي، طبعا الأولاد كانو لسسه نايمين، ، ، لقيت همام استحمه وطلع وانا دخلته بعدو اثناء م بستحمه إتزكرته اني زي النسيت تلفوني أمس في الصاله، قولته ليهو همام؟قال لي حبيبي قولته ليهو كدة حاول إتصل لي في تلفوني دة م عارفه أمس جدعتو وين، قال لي اوكييهه شويه كدة سمعته صوتو برن قولته الحمدلله فاكره روحي نسيتو طلعته من الحمام مشيت على التسريحهه همام جا جراني عليهو، قولته ليهو بسم الله في شنوو؟قال لي كدة قولي اسمي بنفس الطريقه الكاتباهو بيها في التلفون

قلعته عيوني قولته ليهو ا قال لي هااااا يلا قولي ه قولته ليهو ياااخ بطل حركات اسي انا كاتبه شنوو؟ قال لي ههههه حتى كذب م بتعرفي تكذبي قولته ليهو ولو م قولتها حتعمل شنوو؟قال لي حنفضل واقفين كدة بالمناسبه انا م بمل منك لو وقفته معاك عشره ساعات متواصلهه قولته ليهو طيب نشوف وقفنا مساافه وهو كل شويه يقرب مني، فجاة سمعته صوت وجن بتبكي إتفكيت منو وطلعته، ياخ في يوم حيوقف قلبي وربي

يعني بعاملني كأني طفلهه وكل تصرف منو بعلقني بيهو وبخليني أحبو اكتر واكتر، ، ، مشيت لي لجين لقيتها رجعت نامت تاني طلعته برااحه رجعته غرفتنا لقيتو لبس ملابسو وعايز يلبس الساعهه، مشيت قولته ليهو دقيقه لبستو الساعهه ورشيت عليهو العطر وهو بعاين لي سااي، قال لي خلاص؟قولته ليهو ايوة، قال لي يعني م نسيت حاجه تاني؟هزيت ليهو راسي بمعنى (لا)قال لي متأكدة؟قولته ليهو ايوة وانا بعاين ليهو ساي، قال لي طيب اوكيييه انا طالع يلا في امان الله قام ماشي قولته ليهو همامي

اول م قولته كدة إتلفت وضحك وجا راجع شالني قال لي قوليها تاني كدة، قولته ليهو همام ياخ نزلني إنت جنيت؟ قال لي قوليها تاني وانزلك، قولته ليهو همامي يلا نزلني، نزلني وباسني قال لي عايزة تخليني أحرد الطلعهه انتي؟قولته ليهو همام يااخ خلاص أطلع أمشيي ه قال لي طيب حااضر يلا في امان الله قولته ليهو خلي بالك من نفسك قال لي حاضر يلا سلام بعد م طلع ياخ حسيت روحي عاااايشهه سعااادهه بتضاهي سعاده الدنيا كلهاا

فرشته غرفتنا وطلعته مشيت المطبخ لقيت فاطمه نضفت بديت أجهز في الأكل اصلا كنت عايزة أطبخ أكل كتير، شويه كدة لميس جات نازله قالت لي صباح الخير، قولته ليها صباح النور كيف اصبحتي؟قالت لي الحمدلله بس مصدعهه عايزة اشرب لي كبايه جبنه خالد جا؟قولته ليها ابووك اتصل عليهو بس م رد شكلو نايم، قالت لي انا كمان إتصلته عشان اتطمن عليهو بس م رد علي احتمال نايم يلا

قعدنا جهزنا الأكل لجين صحت مشيت جبتها وقعدتها في كرسيها وخليتها تاكل، لميس قالت لي والله جسمي كلو واجعني، قولته ليها من تعب العرس ه، قالت لي بالجد والله، ، ، بعد م خلصنا طبييخ، السطوح فيهو زي نظام مظلهه كدة عاملنها فيهو طلعنا قعدنا فيها ياخ جوها باارد طبيعي من غير مكيف قعدنا نتونس ميدو جانا طالع قال لينا حبوبه وعمتو قاعدين تحت، لميس قالت ليهو بسسسس جو متين كمان قولته ليها لميس الله عييييب كدة، قالت لي بلا عيب بلا زفت اكيييد م جاين ساااي

قولته ليهم ارح ننزل نشوفهم يلا، قالت لي م نازله، قولته ليها لا انزلي سلمي عليهم، قالت لي اسلم ليهم شنو امس كانو في وشي طيب يلا ارح ننزل نزلنا لقينا ماما فايزة ومعاها أخت همام وجايبين معاهم سهاام، طبعا انا إستغربته بس حاولته اخلي الموضوع عادي سلمته عليهم ماما فايزة قالت لي اهلا، اما اخت همام ديك سلمت لي بأطراف اصابعها، لميس قالت لي مش قولته ليك حيكونو جايبين معاهم مصيبهه اهو اتفضلي شوفي بعينكك

قولته ليها لميس عيييب هسس، امها قالت ليها هووووي ي لميس اعملي حساابك انا شايفااك وساكته ليك بالمناسبه تسمعي لي في محااااريش مرت ابووك دي انشاءالله بتدوم ليك ولا بتدخلك الجنهه؟ لميس قالت ليها والله م...مسكتها قولته ليها هس، ، ، ماما فايزة قالت لي شوفي ي بت الناس بسم الله الرحمن الرحيم م دايرين نكتر معاك الكلام نحن، ولا جاين نعمل معاك مشااكل نحن بالتي هي أحسن جاين وجايبين سهااام بيتها، لأنو دة بيتها وبيت اولادها انتي م عندك ولا ذرهه اساس فيهو عشان كدة لمي شنطتك وشيلي حجاتك وأطلعي من البيت دة من غير نقاشات، سهام قعدت تنادي فاطمه، فاطمه جات قالت ليها نعم ماما، قالت ليها شيلي شنطتي دي وديها غرفتنا انا وهمام فوق، طبعا انا بقيت اعاين ليهم وساكته لميس قالت ليهم دقيقه دقيقه هي الطلعها منو مش طلعت براها وخلتها؟الليله اليوم دة من طلعت خلتنا ليها سنه ونص تقريبا، خلت لجين دي عمرها كم شهر بس اسي الحلى ليها شنو جايه راجعه؟وبعدين عيالها منو؟حبوبه اقسم بالله انتي بتموتي شين، عمتها قالت ليها ي بت وجدعتها بالشبشب حقها، قالت ليها انتي قليله ادب ولا شنوو تتكلمي مع حبوبتك كدة

حبوبتها قالت ليها شووفي انا واعمام همام وخوالو إتفقنا كلنا نرجع أمكم بيتها وابووك بعد كدة يتصرف يشوف لمرتو دي بيت يقعدها فيهو واسي أعمام همام وخيلانو خليناهم جاين في الشارع وهمام عمرو م بفوت كلام اعمامو عشان كدة ي بت الناس امشي لمي شنطتك همام اسي نحن ضربنا ليهو وقال لينا جاي عليكم في الشارع، لميس قالت ليها وبعدين امي ابوي مشتري ليها بيت مبني وكاتبو بي اسمها دة م بيتها ولا ااي شي دة بيتنا نحن فاهمين يعني شتو بيتنا نحن؟شويه كدة جرس الباب ضرب فتحو الباب جو داخلين رجال كباار كتاااار كدة سلمو وقعدو، مشيت جهزته ليهم عصير اديتو لفاطمه ودتو ليهم، شويه كدة همام جا قعد، واحد من اعمامو قال ليهو طبعا ي ولدي اصلا المشاكل دي هي في والخلافات والطلاقات دي بتحصل بين المتزوجين بس لما يكون عندكم عيال في النص بتحسبو حساب للحاجه دي وكونك تتزوج فيها دة م حل انت ي دووب كدة عقدته المشكله زيادة، وسهام بتنا والله ماشاءالله بي 100 مره م حصل مره شوفنا منها شينه او كدة البحصل دة كلو سؤ تفاهم وبتحل براحه بس، طبعا كلهم إتفقو معاهو في الكلام دة، ام همام قالت ليهو ي ولدي هو سهام دي المره البعرسو فيها؟

والله ست وست ست كمان، الراجل كمل كلامو قال ليهو انا م معترض على زواجك لكن البيت والعيال ديل من حق سهام عشان كدة انا وباقي اعمامك ديل قررنا نرجع سهام دي لبيتها وعيالها وانت شوف لمرتك اي مكان سكنها فيهو لكن لا يمكن تسكنها في بيت المره دي، وانا والله في المطبخ بكيييت كدة لمن راسي وجعني يعني دة ظلم بجد، هم بتكلمو وهمام سااكت ساااي، همام بعد م خلاهم خلصو كلامهم كلوو قال ليهم خلصتو كلامكم؟قالو ليهو ايوة، قال ليهم طيب دقيقه اسألكم سهام دي طلعت من البيت ليها سنه ونص عارفين يعني شنو سنه ونص؟حصل جيتو فتشتو عيالي ديل ولا شوفتو الحاصل عليهم شنو؟خليكم منهم انتو هي زاتها اسي العامله فيها حنينه دي جات فتشتهم؟شافت الحاصل عليهم شنوو؟لا طبعا، امي القريبه منكم دي انا قعدتهم معاها م قدرت تستحملهم يومي متصله شااكيه لي منهم أخر م في الأخر قالت لي شوف حل لعيالك ديل حصل ولا م حصل ي امي؟امو سكتت، قال ليهم شووفو م عندكم حق تتكلمو معاي لا بخصوص زواجي ولا بخصوص اولادي لأني عارف نفسي بعمل في شنو بالظبط سهام انا م بديها الأولاد وم عندها رجعهه في البيت دة ولا عندها حق فيهو اساسا عيالك لو عايزاهم بجد امشي إشتكي في المحكمه وخلي القانون يفصل بينا وانتي عارفه روحك م حتقدري تمشي القانون لأنو م حيقيف معاك وشوفي ي سهام انتي لو بقيتي قبله عارفه يعني شنو قبله انا م بصلي عليكك فاهمه ولا لأ؟م تحاولي تلمي اعمامي وخيلاني والله لو جبتي الدنيا دي كلها قعدتيها لي م عندك رجعهه في البيت دة وانا ياهو كلمتك، قالت ليهو همام انا اسفه والله عارفاك استحملته كتيير بسببي لكن قدام الناس ديل الله يهديني عليك الله خليني ارجع لعيالي

ماما فايزة قالت ليهو سمح ي همام أسمع كلامي دة قدام اعمامك وخيلانك ديل لو م رجعته سهاام دي وقعدته معاها في بيت واحد انا دي لا امك لا بعرفك وم عافيه ليك لا دنيا ولا اخره ووحياة الليل دة الحربويه حقتك دي لو م طلقتها انا رضيانه عليك ليوم الدين، طبعا هنا حصلت حاله من الصمت كل الناس دي سكتت وسهام عدلت قعدتها وهمام دة بقى بس بعاين لي امو، وانا خلاص اتخنقته بقيت م عارفه أعمل شنو همام إتخت في موقف صعب وم حيقدر يتصرف طلعته غرفتي فوق شلته لي تووب وطلعته الشارع والله بقيت ببكي زي المجنونه اقرب أمجاد قولته ليهو وديني امدرمان وانا ببكي طبعا، قال لي وين في امدرمان؟وصفته ليهو وصلني، قولته ليهو دقيقه أجيب ليك القروش، قال لي مويس، دخلته البيت لقيت شموخ بتكنس قالت لي شهد

سلمته عليها وانا ببكي، قالت لي بسم الله في شنو ي شهد؟قولته ليها ماف شي بس معاك قروش ادي بتاع العربيه؟قالت لي ااااي دقيقه لكن تعالي مالك بتبكي ي بت خوفتيني!!قولته ليها ماف شي امي قاعدة؟قالت لي لا امي طلعت الحله، دخلته الغرفه رقدته في السرير وإتغطيت، شموخ جات قالت لي ي بت الحاصل عليك شنو طمنيني عليك الزعلك منو؟ اهل راجلك شاكلوك؟كل م تتكلم انا ببكي زيادة قالت لي طيب م تبكي جابت لي مويه وشالت تلفونها إتصلت على امي وقالت ليها تعالي البيت ضروري تمام؟لما تجي حتعرفي يلا سلام

في الجانب التاني في بيت ناس همام كانو لسسه مواصلين كلامهم، لميس جات قالت ليهم بالمناسبه نحن م بنعرفكم اساسا انتو جاين تحلو المشكله دي على أساس؟حبوبتها قالت ليها ي بت دة كلام ناس كبار م تدخلي، لميس قالت ليها ناس كبار؟ وينها الناس دي؟ انا شايفه قدامي ناس انصرافيه وامخاخها فااضيهه، فجأة عمتها قامت عايزة تضربها همام مسكها قال ليها اوووعى تمدي يدك عليها فاهمه؟قالت ليهو يعني انت م سامع بتك بتقول في شنوو؟قال ليها لميس اطلعي فوق اقعدي مع أخوانك، قبل لميس م تتحرك خالد جا داخل استغرب من جمعتهم دي طبعا، دخل يدينو جوة بنطلونو وعاين ليهم قال ليهم السلام عليكم وقام ماشي ناداهو خال همام قال ليهو تعال اقعد ي ولدي، عاين لي امو قال ليهم انا مكان قاعدة فيهو دي م بقعد فيهو، عم همام قال ليهو وظي الإنت بتقولها بمل وقاحه وقله ادب دي تبقى امكك ي قليل أدب وامك دي نحن اسي جايبنها مرجعنها بيتها يبقى انت كمان شيل شنطتك وألقى ليك مكان تقعد فيهو طالما م بتقعد معاها في مكان واحد، خالد جا راجع قال ليهم اوبااا دة كلام جميل جدا جدا قولتو لي شنو مرجعنها بيتها؟دي خطوة كويسه منكم على فكرة لكن كان تعملوها من زمان قبل سنه ونص قبل م نعرف هي شنو بس اسي الشي الوحيد البخلينا نحترمها وم نفلت في الكلام معاها انو هي امنا انا م داير أحكي هي شنو بالظبط لأنو انا عارف وهي عارفه، لكن بما انكم اسي عاملين فيها رجال كدة وجاين مطبقين عممكم وقاعدين القعدة الظريفه دي انا داير أبشركم بي حاجه البيت دة بيتي ومكتبوب بي اسمي، قعدو يعاينو ليهو بإندهاش قال ليهم اااي م تستغربو دة الحاصل واوراق البيت دة في يدي انا لانو ابوي كاتبو بي اسمي انا وعندي حريه التصرف فيهو وبما انو بيتي انا حابب اقول ليكم من غير مطرودين اتفضلو أطلعو لي بره بيتي، عم همام قال ليهو ي ولد

خالد قال ليهو من غير نقاش ولا ااي كلمه اطلعو لي من بيتي وسوقو معاكم الزوله الاسمها امي دي لما أبوي يعمل ليهو بيت ويكتبو بي اسمو بعداك امشو ودوها فيهو وقعدوها على كيف كيفكم تمام؟يلا ي حبوبه وعمتو وكلكم اطلعو من هنا لو سمحتو م أعيد ليكم الكلام دة مرتين، سهام قالت ليهو خالد انا امكك، قال ليها انا بتكلم عربي م بتكلم كوخازي كلامي واضح الزيارة انتهت يلا ي مطبلاتيهه اطلعو لي من بيتنا، طبعا بقو ساكتين وبعاينو ليهو وهمام ساااكت وبعاين لولدو ولميس بتضحكك تحت تحت، همام قال لي أمو طيب ي امي اذا الحاجه دي بترضيك انا مستعد اسلم العيال لي أمهم يقعدو معاها، لميس قالت ليهو بابا

قال ليها ولا كلمه ي لميس، انا بدي سهام عيالها بس كونو انا أرجعها ابدا م برجعها، خالد قال ليهو لكن ي ابووي؟ همام قال ليهو خالد دي امكك في النهايه ااااسمع كلامي وم تعند فاهم؟وانا بطلع بخلي ليكم البيت دة اساسا م قاعد في البلد دي كدة كدة راجع لكن ي امي دي كلمه وانا اقولها ليك السودان دة تاني م حتشوفيني فيهو إلا وانا جنازة انا ياهو كلمتك، بعد نقاش طوويل أهل همام طلعو مشو وخلو سهام في البيت، لميس قعدت تتكلم مع ابوها قالت ليهو بابا دة كلام شنو يعني في النهايه حتخلينا نعيش معاها؟بعد م حياتنا بدت تستقر وبدينا نعيش صح عايز تخلينا نرجع تاني للجحيم الكنا عايشنو ي ابوي؟همام قال ليها لميس انتي زوله كبيرة وعاقله بعد كدة حتعرفي الغلط من الصح وانتي إجباري وغصبا عنك حتعيشي مع اخوانك الصغار ديل عشان تخلي بالك منهم، خالد قال ليهو والله ي ابوي م انصفتنا انا م بقدر أعيش معاها في بيت واحد ابووي انت م قادر تفهمني، همام قال ليهو فاهمك انا بس رضى امي اهم من كلامكم دة كلوو عارفين يعني شنو رضى امي؟انا عارف الموضوع دة صعب عليكم بس صعب علي انا كمان بس م بيدي شي أعملو خالد انت راجل البيت انا مخليك مع اخوانك ديل وكلي ثقهه فيك خلي بالك منهم خالد بدا يبكى ولميس بقت تبكي معاهو وهمام بقى يبكي معاهم م قدر يكمل كلامو قال ليهم شهد وين؟وينها شهد؟نادى فاطمه قال ليها شهد وين؟قالت ليهو م عارفه قبيل شالت توبها وطلعت، قال ليها طلعت كيف يعني مشت وين؟قالت ليهو م عارفه والله، ، ،

انا في الجانب التاني حكيت لي امي الحصل كلوو، شموخ قالت لي ديل عواليق ديل م رجال كيف يعني يرجعوها بيتها ويطلعوك من البيت تطلع روحهم انشاءالله بركه الصلى وقال ي الله، امي قالت لي دة كلام م بتسكت عليهو يعني حتى ام همام واقفه معاها؟طيب لما م دايراك موافقه على العرس اساسا لييه هي؟اثناء م بتكلمو كدة ابوي جا داخل ومعاهو مؤتمن لقوهم هايجين، ابوي سلم علي وقال ليهم خير في شنوو؟امي قالت ليهو ي عبدالله تعال شوف المصيبه الوقعت في روسينا دي وقعدت تحكي ليهو وانا ببكي، مؤتمن قال ليهم انا من البدايه العرس دة م راكب راسي وعارف دة بحصل عشان كدة قولته ليكم البت دي صغييرة على العرس دة، ابوي بقى سااكت سااي، مؤتمن قال ليهو اصلا تاني م عندنا بت برجعوها ليكم كان تقعد في البيت دة 100 سنه ابووي المره دي م تدخل في الموضوع دة خلي علي انا، مؤتمن دة فااار وهاج هيجه م طبيعيه

امي قالت ليهو لكن ي مؤتمن، مؤتمن قال ليها امي هسسس ولا كلمه اوووعى تتكلمي معاي المره دي انا بحلها نحن كان عدمانين م رخاص والله ولا بنخلي بناتنا يتزلو ويتهانو ليييه وفي كم زاتو ماف زول يتدخل انا كلمتكم، ، بعد ساعه كدة همام جا، شموخ قالت لي جا، قلبي عمل شحح لمن قعدته في السرير تاني إتزكرته كلام امو رجعته رقدته، همام قاعد مع مؤتمن وابوي، همام قبل م يفتح خشمو يتكلم مؤتمن قال ليهو شووف اول شي ومن الأخر كدة م عندنا بت بنرجعها ليك دة كلام ختو حلقه في اضانك نحن بناتنا لا بتزلو لا بتهانو والبزلهم بزلنا نحن ونحن ناس كرامتنا فوق كل شي لما امك تجيب ليها مرتك في البيت وتقول ليها شيلي شنطتك واطلعي من البيت دي معناها شنو؟معناها حقاارة، هي مالها زي م جابتها من بيت ابوها ترجعها بيت ابوها م جايباها من الشارع هي ولا بتنا مقطوعه من شجرة وماف زول من حقو يعاملها معامله الكلاب ولا بأي شكل من الأشكال عشان كدة من الأخر كدة م عندنا بت بنرجعها ليكم ورسل لينا ورقتها في اسرع وقت ممكن لو سمحتة

همام قال لي ابوي ي عمي اسمعني، ابوي قال ليهو كلام اخوها واضح اظن ي ولدي م عندنا بت بنرجعها ليك

همام قال ليهم طيب وينها شهد انا داير أتكلم معاها، مؤتمن قال ليهو ولا تحلم حتى انك تشوفها الكلام دة وااضح ي الحبيب، همام قال ليهم كلامكم دة في لحظه زعل وانا مقدر وضعكم عشان كدة استأذن انا، مؤتمن قال ليهو إذنك معاك، وانا بعد عرفتو مشى إتفجرته بكى، وهمام بقى كل يوم يجي عشان يتكلم مع ابوي ابوي م بديهو وش وصل لدرجه انو بقى يقول ليهم لو جا قولو ليهو ماف، وبتصل على شموخ م بترد عليهو، ومره جات لميس وخالد مؤتمن قال ليهم لو عايزين تسلمو علينا حبابكم لكن شهد م بتشوفوها وم تحاولو تجو تشوفوها تاني رجعو من غير م يشوفوني، عدة شهر وهمام م خلى طريقه عشان يصل بيها لي، لغايه م ناس الحله بدو يتكلمو وكدة جات عمتو بدريه كانت في القاعرة جات راجعه عرفت بالمشكله ساقتني معاها بيتها، قالت لي انا اهل همام ديل لو فكيتيني فيهم شدة م أأدبهم ليك وحاة الخلقني أطبق فيهم نظريه النجار م عملها في الخشب اصبري بس اصلا في يوم بلمنا لو م سففتهم التراب م يبقى اسمي بدريه، وانا والله الحياة دي مسخت علي حسيت حياتي دي بقت فاااضيهه بدونهم حاسه اني م عايشه ابدا هم كانو محور حياتي

بعد اسبوع في يوم عمتي قالت لي انا طالعه، قولته ليها طيب، قالت لي الأكل في التلاجه لو إحتجتي حاجه تمام؟قولته ليها تمام، هي مشت على باب الشارع وانا دخلته الغرفه فجأة اشوف ليك همام دخل وراي، طبعا لما شوفتو حيلي لمن بررد بقيت اعاين ليهو بس، ضماني قال لي انتي عايزة تجننيني؟والله لما ضماني انا زاتي م حاسه بي روحي إفتكرته نفسي بحلم، وبقى يبوس في راسي قال لي انتي كويسه؟ شهد بتكلم معاك انا، قولته ليعو همام انت الجابك هنا شنو عارف لو مؤتمن عرف حيعمل شنوو؟قال لي خليييه يعرف م يهمني انا عايز أتطمن عليك لييه عملتي دة كلوو؟بقيت أبكي، قال لي شهد انتي استعجلتي في حين انو انتي عارفه انو انا عايز أكمل معاك، بعد مسسافه حسيت على روحي قولته ليهو همام أبعد مني، قال لي شهد، قولته ليهو همام زح مني ياخ انا م عايزاك وشايلاك من تفكيري فهمته؟قال لي بتغشى على نفسك ولا علي انا؟قولته ليهو ياااخ ابعد مني انت م بتفهم وبقيت اصرخ عليهو قولته ليهو انا م عايزاك افهم ولا بفكر فيك وزي م قال ليك مؤتمن رسل لي ورقتي في اسرع وقت ممكن، جراني عليهو قال لي انتي عارفه روحك بتقولي في شنوو؟انا عايز اسوقك معاي دبي نعيش هناك ونأسس حياتنا مع بعض انا وانتي بس بعيد من كل المهاترات دي، قولته ليهو واولادك؟ قال لي مع امهم، ضحكتع قولته ليهو فكرك حمشي معاك؟قال لي ليه م حتمشي، قولته ليهو همام انا من الأخر كدة لو رجعته ليك حأعمل شي في النفسي اقسم بالله لو انا خطيت خطوة واحدة معاك ي إما ولعته في نفسي ي إما شربته صبغه المهم حأنتحر م حعيش معاك انت فاهمني؟قال لي شهد بطلي البتعملي فيهو دة، قولته ليهو همام أطلع من هنا وخليني قولته ليك يااخ وبقيت اصرخ لي عمتي، عمتي جات سااقتو قالت ليهو خليها م تضغط عليها، بالليل حوالي الساعه 12 كدة عمتو جابت لي التلفون قالت لي هاك إتكلمي، قولته ليها دة منو؟ قالت لي راجلك، قولته ليها م عايزة أتكلم معاهو انا، عمتو قالت ليهو قالت م دايرة تتكلم معاك، قالت ليهو طيب فتحت لي الاسبيكر وختت لي التلفون جنبي وطلعت، همام قال لي شهد، حبيبي عارفك سامعاني وم حتردي بس انا عايزك تسمعيني انا اليوم مسااافر...

نتلاقى