الجزء 13
طلعنا وماشين ع المطار وخلينا اي شئ ورانا البيت الناس اي حاجة وحنمشي لمكان تاني وناس تانيين وصلنا المطار قعدنا في صالة الانتظار تاني مشينا صالة المغادرة بعديها سمعنا نداء الطائرة ومشينا ركبنا انا اول مرة في حياتي اركب طيارة وكنت خايفة شديد وبرضو مبسوطة احساس حلو يااخ ركبنا الطيارة ساعات بس ووصلنا دبي واحنا في مطار دبي عايدة اتصلت بزولتها الجاية ليها اصلآ وماسكة باقي البنات اتصلت وشاكلتها وييين العربية انا مش قلت اول ما اصل المطار القى عربية توصلني البيت ديك اووو عيوودة نورتي والله سوري في بالي والله بس اتشغلت شوية حبيبتي ماتزعلي حقك علي بس هسة ح ارسل ليك عربية كوركت فيها قالت ليها ياسلاام!! وح انتظر سعادتك لمن تجيبي عربية انا ح اركب تكسي وح اكون متواصلة معاك بالتلفون عشان توصفي لبتاع التكسي البيت قالت ليها طيب تمام عايدة بزهج تكسي انا ماشة مكان كدة وشارع كدة وادتو التلفون قالت ليه خليها توصف ليك فعلا وصفت ليهو وقال عارفو وركبنا بعد زحمة في الشارع وجرجرة وحراق روح وصلنا طبعا انا طول الطريق بعاين وبتفرج في الشوارع والناس لحدي ماوصلنا ونزلنا بقيت بعاين في البيت حلو حلا زي في المسلسلات سوما طول الوقت متنشنة وزعلانة قبل ندخل البيت عايدة اتصلت ليها اها وصلنا برضو ماحتطلعي تستضيفينا؟ ديك معقولة انا افرش ليك الارض ورود ثواني والمرة جات طالعة سلمت علي عايدة بكل حرارة واحضان وبوس وجات جارية علينا جرتنا عليها انا وسوما ي السمحات ازيكن بنات بلدي امممح امممووح دي مالا قال قلبي دا مارادها طبعآ اسمها رحاب بعد السلام والبكش والكبكبة عايدة قالت ليها ما حندخل!! كيف يعني معقولة الف اهلا وسهلا اتفضلو اتفضلو الدار داركم قمنا دخلنا بيت كبييير حدادي مدادي لقينا تلاتة بنات قاعدات جو جاااريين عااااايدة سلمو عليها شديييد وحضنوها وكمان سوما سلمو عليهم وانا سلمت عليهم البنات شنو ي عايدة معقولة دي اخر عشرتك تهجرينا وتجدعينا كدة اتصال ماتتصلي قالت ليهم معقولة حبيباتي انا خليتكم مع رحاب وقلت ماحتقصر منكم قامو عاينو لي رحاب شديييد قامت تتكبكب هههههه عايدة تعالي ارتاحي انتي وبناتك ديل اكيد تعباين من السفر ساقت عايدة وورتها غرفتها جاتنا نحنا ودتنا غرفة حنشترركها الاتنين انا وسوما عشان هنا البنات كتار مامشكلة المهم انا وسوما مع بعض لانو اتعودنا علي بعض شديد قعدنا كدة قلت ليها سوما فوكيها يااخ حتبقي متنشنة وزعلانة لمتين قالت لي مازعلانة تعبانة بس عايزة انوم وارتاح قلت ليها طيب نومي رقدت نامت انا شلت تلفوني فتحت الاستديو بتفرج علي الصور شفت صور الحفلة طوالي اتزكرت مهند وكلامو لي دمعت طوالي. ختيت التلفون تحت المخدة ونومت صحتني سوما ي عائشة يلا قومي صحيت ماالك ياخ خليني انوم قالت لي كملتي النوم عايني الساعة كم وووااي انا نومت الزمن دا كلو طيب انتي اكلتي لالا والله صحيت قبل شوية وكنت برتب في حاجاتي وصحي زكرتيني ارح نأكل غريبة مافي زول جا وعبرنا مشينا لي عايدة دقينا غرفتها ودخلنا ليها عاايدة دا شنو البيت الغريب بي ناسو ديل شوفي نحنا من جينا من السفر مافي زول ضيفنا ولا ب موية كويس جينا بقاروات موية قالت لينا رحاب شكلها ماعايزاني اجي ماعارفاها مالا وشايفاها مامبسوطة بجيتي بس انا بوريها هسة ارحكم اجهزو حنمشي اقرب مطعم نأكل فيه وافقنا ومشينا جهزنا وطلعنا وقفنا تكسي وقلنا ليه ودينا اقرب مطعم من هنا قالينا اقرب مطعم من هنا متاكدين قلنا ليه ايييوة مايكون مافي مطاعم قريبة قالينا الشارع دا كلو مطاعم وعاينو هناك اللافتة الكبيرة دي حنبها مطعم مامحتاجين تركبو اتمشو بس لو ماعايزين انا ممكن اوديكم حتة تانية عايدة قالت ليهو لالا شكرآ ليك انا جينا جداد هنا عشان كدة ماحافظين المنطقة مدام في واحد قريب هنا نحنا ح نمشي قالينا طيب واتحرك مشى ونحنا اتمشينا لحدي المطعم وصلنا ودخلنا طلبما اكل واكلنا واتونسنا ...
عاينا للزمن لقيناه سرقنا والوقت اتاخر قلنا بعد كدة نرجع البيت طوالي طلعنا وصلنا البيت ودخلنا لقينا رحاب ومعاها كمية بنات اكتر من 10 مشينا ليهم سلمنا وقعدنا عايدة رحاب اها اخبار الشغل شنو وانتو ي بنات رحاب كيف معاكم البنات قالو ليها مدام سألتينا حنقول ليك الحقيقة رحاب زولة جبانة ساجنانا وكاتماها علينا مابتدينا قرش بتقول لينا اي وحدة عايزة حاجة تطلبا وانا بجيبها ليها بس هي مازيك وعمرها ماحتكون زيك يااخ البيت دا مابفضى من الرجال وغرقانة في القروش غرق بس هي طماعة ما اكتر عاينا لي رحاب لقيناها منططة عيونها من الخلعة وبقت تتمتم عايدة صرخت فيها وكوركت قالت ليها انا ما اتوقعتك كدة لييه تبخلي عليهم ليييه تبقي انانية الشغل دا هم الممشينو ليك القروش بجيبوها هم وانتي قاعدة ساي تجيك القروش وتمسكيها عندك وتستخسري فيهم قرش يلللا من الليلة يارحاب بناتي عندي وبناتك عندك وانا الليلة دي بس ح اقعدها معاك هنا ومن بكرا ح امشي واشوف بيت لانو عمايلك دي مابتلزمني رحا
ب قالت ليها مدام دا كلامك اعملي العايزاه وانتو ي بنات حسابكم معي بعدين ومشت مننا عايدة قالت للبنات اها رايكم شنو حتبدو معي الشغل وفي مكان تاني!! البنات وافقو بس في زي 6 بنات ديل تبع رحاب عايدة قالت ليهم لو عايزين تمشو معانا يلا ارحكم قالو ليها لالا مابنقدر انتي عارفة رحاب لو قامت صعبة وغير كدة هي الجابتنا مابنقدر نمشي ونخليها قالت لينا طيب بس انتو لازم تقدرو وتطلعو منها قروش وممكن تهددوها بانكم حتمشو وتخلوها وكدة يعني ماتتمسكنو في النهاية انتو بنات ولازم يكون عندكم مصاريف في اي وقت قالو ليها يارييت لو رحاب زيك بس بنعمل زي ماقلتي لينا تاني اتوزعو اي ناس ع غرفهم خلونا انا وعايدة وسوما .. سوما قالت لي عايدة نحنا بكرا حنمشي وين مابنعرف لينا زول ولا مكان هنا عايدة قالت ليها منو قاليك مابنعرف عندي زول وبظبطنا طوالي اتصلت ليه وقاليها اعتبري طلبك اتنفذ بكرا من الصباح تمشي معي وتشوفي البيت دا لو عجبك طوالي تجي وتسكني قالت ليه تمااام تسلم ي خوة ماقصرت قاليها ولووو زولتنا لو ماخدماناك انتي نخدم منوووو...