الجزء 5

-

نبدأ

اتصلت لي سوما وقلت ليها تعالي لي سريع طوالي جاتني قلت ليها لاقيتي عايدة ولا لسة قالت لي لسة عايدة مافي قالت حا تجي بعد شوية كدة قلت ليها طيب يا سوما انتي ماحتمشي مكاني للزبون لأني انا ال حا امشي انخلعت وقالت لي كيف يعني الخلاك تغيري رايك شنو! ! قلت ليها ولا شئ بس انا لمتين ح اتهرب لمتين ح نتعزر عشان عايدة ماتوديني يعني كدة كدة موضوعنا منتهي عاينت لي بي شفقة وقالت لي متاكدة ي عيوش متاكدة عايزة تعملي الحاجة دي !! قلت اي وانا موافقة امشي معاك للراجل قالت لي طيب استحمي واجهزي وتعالي معي فعلا استحميت ولبست واتمكيجت ونزلنا تحت لقينا عايدة قاعدة ومعاها سالم اخوها قالت لينا الله الله البنات الامورات خلاص جهزتو! ! انا عاينت ليها باستحقار من غير ما انطق معاها بحرف عاينت لي وقالت عيووشة حبيبتي طبعا سوما فهمتك وورتك طبيعة شغلنا وكل حاجة عشان تكوني معانا في الصورة وضحكت ضحكة سفيهة زيها انا خلاص كرهتها وبطني طمت منها وبدعي ربنا ينتقم منها لانها بتبيع بنات بريئات ماليهم ذنب وتكسب فيهم قروش حرام تف عليك وعلى شكلك طبعآ كل دا بقولو جوآي وانا بعاين ليها بقرف وحرقة قامت ركزت معي وقالت لي مالك ي ماما مصدومة ومستغربة! ! يعني حيكون انا جبتك هنا عشان اتبناك مثلآ ولا اختك زينة حبيبتي انتي بالنسبة لي صفقة وصفقة مربحة شديد عشان كدة جبتك واتحصلتا عليك وطبعا كدة كل شئ بقى واضح بالنسبة ليك نحنا دا شغلنا كدة انا وانتي وسوما وبنات كتيير زميلاتك حتلاقيهم قدام يلا هسة دا ما موضوعنا انتي هسة حتطلعي وسالم هو ال حيوصلك وشيلي معاك الكيس دا لانك حتغيري هناك طبعا بتتكلم معي وانا خلاص منهااارة ومتمنيه الارض تنشق وتبلعني ولا اموت المهم يحصل شئ ويوقف كل البحصل معي دا قام قطع سرحاني صوت سالم قالي يلا اتفضلي حنمشي ...

عاينت ليه وكلي انكسار قلت عسى ولعل يحن فيني ويخليني في حالي بس لا طلع وقالي يلا حنمشي جيت ماشة وراه سوما جات ادتني الكيس وقالت لي شيليهو معاك وقامت حضنتني وقالت لي خلي بالك من نفسك واوعك تتهوري ابتسمت وقلت ليها حاضر طلعت ومشيت ركبت في العربية سالم ساقها واتحركنا كنت راكبة ورا طوول الطريق ساكتين وكنت كل ما اعاين لمراية العربية بلقى سالم بعاين لي مجرد ما اعاين بكسر عينو وبركز مع السواقة قمنا وقفنا وعاين لي ف المراية مسافة قام اتصل لعايدة وقاليها نحنا وصلنا ماعارفة قالت ليه شنو بس قالي يلا انزلي واطلعي العمارة دي دقي الباب حق الشقة رقم كدة قلت ليه كيف يعني انا مابعرف حاجة امشي اقول ي منو رد بتعصب قالي اسمعي الكلام واعملي القلتو ليك خوفت منو طوالي نزلت ومشيت قالي شيلي كيسك وتلفونك ديل معاك قمت شلتهم وطلعت السلم خطوة قدام وخطوتين ورا كلي خوف وحسرة وندم واحاسيس ملخبطة بس كلها احاسيس قاسية مرهقة بعد صراع مع نفسي تمالكت اعصابي وطلعت وصلت باب الشقة قمت ضربت الجرس شوية كدة والباب فتح وطلع ...