الجزء 7
ركبت معاه في العربية وبقيت افكر قلت كل شئ متفقين عليه كلهم وانا مجرد لعبة بس زي الكورة دا يشوت ودا يشوت اااه حياتي جات كدة اعمل شنوو كنت منتكلة على قزاز العربية والدموع مية سالم وقف بالعربية جنب مطعم قالي انزلي ارح نفطر قمت نزلت ودخلنا المطعم طلبنا الاكل هو بياكل وانا كنت بلعب بالاكل وسرحانة بالله بعد الحصل معي عندي نفس اكل! ! قام نهرني ي بت اكلي وماتلعبي بالنعمة خوفت منو طوالي بقيت اكل بعديهو طلعنا البيت من دخلنا لقيت عايدة في وشي قالت لي اهلآ كيف كانت ليلتك سكت وكنت طالعة غرفتي مسكتني من يدي وقالت لي ليلتك كانت مهببة انا مافي وحدة من بناتي عملت حركتك دي انتي فاكرة شنو القروش بتجي ساي! ! ولا بتمشي بعثة نوم وعليها بدوكي مرتب لالا حبيبة انتي غلطانة العملتيه امبارح ما حيتكرر قمت فكيت يدها مني وجريت الغرفة قعدت ابكي بس الباب دقا دخلت علي سوما سلمت علي وقالت لي ولااا تزعلي نفسك الموضوع دا عادي وحيتكرر كتير لو كل مرة اخدتيه بزعل كدة انتي الحتكوني خسرانة لانهم مابهمهم شعورك شنوو ويلا قومي قومي بطلي بكا وقشي دموعك ديل وصلحي مكياجك وارح معي قالت ليها ويييين! ! قالت لي ارح بس هو مشوار خاص بينا انا وانتي بسس فررحت وقلت ليها تمام طبعا انا برتاحة ليها شديد سوما دي اتفقت معاها وطلعنا عايدة قالت لي سوما اعملو حسابكم والساعة 10 تكونو هنا قالت ليها تماام يلا بااي وطلعنا...قلت لي سوما ماوريتيني حنمشي وين !! قالت لي الليلة اليوم دا هدية بالنسبة لينا ح نمشي اي مكان نغير جو وننبسط ومشاكلنا وهمومنا نرميهم ورانا بس اليوم دا فرحت ومسكتها من يدها وقلت ليها تمام وقفنا امجاد ومشينا دخلنا المول عزييينا نفسنا اكلنا وشربنا ودخلنا السينما حضرنا فيلم وطلعنا الكافيه شربنا قهوة وكنا بنتونس قمت سالتها ي سوما بتزكر عايدة قالت لي عندي زميلاتك في الشغل وحتلاقيهم قدام ديل منوو! ! وهسة هم وين! ! قالت لي ديل بنات زيينا انظلمو كمان وفيهم وحدات بإرادتهم جو واشتغلو مع عايدة وكانو كلهم قاعدين معانا في بيت عايدة دا وكان بيحصل في البيت دا كل شئ كعب يخطر في بالك دعارة حشيش مخدرات والرجال بالصف يعني كان لامي كل القذارة لحدي مافي يوم الشرطة جات وداهمت البيت وساقونا كلنا القاعدين بي عايدة وحبسونا بس قبل اليوم يتم طلعونا عايدة عندها ناسا كباراات في الحكومة وطلعت من القصة كلها زي الشعرة من العجينة بس بعد طلعونا وقغت الرجال واي شئ بحصل في البيت وفكرت بطريقة تمشي بيها شغلها من غير تدخل الشرطة والحكومة قامت وكلت وحدة صحبتا وخووة في الشغلانية دي بس ديك قاعدة في دبي كلمتها وقالت ليها بناتي ح يجوك وامسكيهم وشغليهم معاك المرة طوالي وافقت لانو بالنسبة ليها صفقة مربحة بعدها عايدة جهزت البنات وسفروهم دبي وحاليآ كلهم هناك بس عايدة بقت مامرتاحة لانهم بعيدين منها قالت لمن الشرطة تنسى موضوع اشتباههم في بيتها بترجعهم ولو ما كدة حتسافر هي وتلحقهم ... كلاما دا كانت بتحكييه لي وانا في قمة الصدمة بالجد العالم متوحش وحقير وظااالم انتهيينا من ونستنا ولفيينا وغيرنا جوو ورجعنا البيت....