الجزء 16

-نبدأ

عايدة جاتها مكالمة من السودان ردت عليها الوو واول ماسمعت الكلام وقفت علي حيلا ووقعت من طولها في الارض اغمى عليها جرينا كلنا عليها عاااايدة رفعناها وبنحاول نصحي فيها وقلت ياربي الحاصل شنو دا منو الاتصل وقال ليها شنو! ! مع كل محاولاتنا ليها عشان تصحى مافي فايدة اتصلنا ب الاسعاف جو ووديناها المشفى دخلوها قالو جاتها صدمة شديدة بسببها نفسها كتم وكمان قلبها قرب يقيف بس حاليآ لحقناها واسعفناها وهسة ح تصحى بس ماحيدخل عليها زول الا نحنا نقول قعدنا كلنا منتظرين برا حتى عبير جابت معاها سوما وبقينا كلنا واقفين ومنتظرين الدكتور يدخلنا بعد ساعات دخلت عليها لقيتها صاحية وبتبكي وهي ساكتة جريت عليها عايدة مالك في شنو اهدي انتي كويسة قامت كوركت لاااا انا ما كويسة انا انا تاني اعيش لشنو بعد الحصل انا عايزة اموووت وزادت بكاها... عايدة اهدي عليك الله ووريني في شنو حاصل ودا منو الاتصل ليك من السودان ماردت علي قالت لي تلفوني وينو طلعتو ليها من شنطتي واديتو ليها رجعت عاينت في الرقم واتصلت قبل الزول يرد قفلت وقعدت تبكي مسكتها وبقيت اسكت فيها قالت لي عائشة امشي نادي الدكتور سريع قلت ليها موجوعة من حاجة!! كوركت قلت لييك ناديهو وبس ما تساليني تاني فعلا طلعت ناديتو ودخلنا ليها قاليها بتشكي من حاجة ولا بتتألمي!! قالت ليه لالا عايزة امشي البيت وهسة دي قاليها حالتك مابتسمح ليك ممكن بكرا الصباح نعمليك خروج بس حاليآ لا قالت ليه شنو لا انا ماشة وهسة نزلت من السرير جا عليها ثبتها وقاليها ارجعي سريرك رفضت وشاكلتو قالت ليه اسمع هنا انا طالعة وزح من وشي كلنا استغربنا من تصرفها دا وفعلا طلعوها من المشفى ووديناها البيت اول مادخلت اتصلت لصاحب الرقم وطلعت مرت سالم اخوها قالت ليها سالم اتوفى بحادث وتعالي احضري مراسم الدفن .. اتصلت ليها وشاكلتها اااي سالم كتلتيهو سالم موتيهو هسة لو سمع كلامي كان هسة كويس كان زمانو عايش وجنبي بس انتي السبب ديك طوالي قفلت الخط في وش عايدة وبدت في البكا والكوراك قالت ليما انا ماشة السودان ارح معي انتي ي عائشة سوما حالتها مابتسمح ليها وانتو ي بنات خليكم في البيت دا ووقفو اي شغل فعلا لحدي المسا مشينا المطار وركبنا اول رحلة ماشة السودان اول ماوصلنا المطار كان الساعة 1 صباحآ عايدة اتصلت لمرت اخوها ووصفت ليها البيت ركبنا تكسي ومشينا عزينا عايدة عملت جنس عمايل الاقعدت في الواطة بس وتبكي بأعلى حس ووووااااي ي اخوي سالم اخوي فااات وتاني مابشوفو خلاني وفات طيب كنت تسوقني معاك عاد تاني تخليني لمنو خلاص ارجع لي اشوفك انا لي سنتين ماشفتك ي اخوي ارجع تعال صالحني تعال لي سامحني انا اسفة والله اخليك تعمل العايزو وما اتدخل فيك وفي حياتك ووووواااي ي اخوي جات مرت اخوها نازلة الناس قالو ليها دي صفاء زوجتو عزيها انا قلت يمكن تدقها بس لا جرت عليها وحضنتها وبقو يبكو قالت ليها سالم فات ي عايدة اخووك وراجلي فااات وتاني مابرجع وحاضنين بعض وبزيدو في البكا قالت ليها اخوك بحبك وعمرو مانساك كل قصصو عنك قال انتي في النهاية اختو الربيتيهو وبقيتي ليهو ام قال لي عايز يجيك يعتزر ليك ويصالحك لانو مامتحمل بعادك وقبل يصلك ربنا شال رووحو بتقوليها الكلام دا وببكو الاتنين بكا فظيع حالتهم صعبت ع اي زول والحضور كلهم ببكو وانا كمان ماقدرت بكييت شديد قالت ليها كويس وصلتي بدري عشان تحضري الجثمان قالت ليها يعني مادفنتوه قالت ليها لالا كان في المشرحة وهسة حيجيبوه فعلا شوية كدة ووصل وقامن يتجارن عليهو كان ملفلف جابوه اخوان صفاء و رجال اصحاب المرحوم جرن عليهو مسكنو وقامن يكبن ويكوركن عايدة صوتها لمن راح تاني شالوه المقابر جرن ورا الجثمان اللا مسكوهن عايدة خشت في صدمة بقت لا كلام لا حركة بس قاعدة في كرسي انا قاعدة معاها بدخلها الحمام وبرقدها استمرت بالحال دا تلاتة شهور وناس سوما جو كلهن من دبي ورحلناها بيتها لانو كنا مع مرت اخوها بس عايدة اتغيرت تغير لحظي بقت محجبة وتصلي وتصوم وتقرا قران

باعت كل املاكها السجلتها لي اخوها والقروش ودتها لدار المسنين واليتامى سبحان الله بالجد دنيا غريبة بعد 5 شهور جا صديقها ابو مهند!! جاها البيت وعزاها وقاليها حال الدنيا وكل دا امتحان من ربنا وانتي لازم تصبري وتتوبي ربنا واول حاجة تعمليها تدي البنات ديل حريتهم وتطلعي من البيت دا لانو عملتيه من حرام وانا ح اسكنك عندي بيت اقعدي فيه قالت ليه خلاص كويس عبير وسكينة وتودد وتمني ولينة انتو من اليوم احرار وبتمنى تعفو عني بكو معاها وقالو ليها عافين ليك زي ما انتي كنتي موديانا في سكة غلط بس عمرك ما عاملتينا كعب كنتي حنينة علينا وبالجد كلك انسانية سلموو عليها وودعوها طبعا ابو مهند دا انسان كويس جدآ عمل لي اي وحدة فيهم وظيفة شريفة وحلال بتناسب بيهم كبنات طوالي وافقو واليوم التاني طوالي كلهم مشو بس عايدة خلتنا معاها انا وسوما قالت ديل بناتي ما بستغنى عنهم نحنا زاتنا مابنستغنى

عنك ومدام توبتي وعرفتي غلطك اكيد ربنا بغفر ليك الراجل طوالي رحلنا لواحد من بيوتو ومشينا عشنا فيهو وبقينا تلاتتنا ملتزمات صلاة وصيام وقرآن عبادة بس وكل ما نقرأ قرآن نوهبو لروح سالم وعم احمد ابو مهند ماقصر معانا ابدآ كل مرة بجينا وبتفقدنا وصفاء مرت سالم طلعت من الحبس وبقت تجي لي عايدة طوالي وعايدة كمان بتمشي ليها وبقو صحبات واخوات حياتنا اتغيرت ميين بيعرف اننا في يوم نبقى زي الناس بالجد كونك قريبة من ربنا وجواك نضيف دا اكبر راحة واقسم بالله حاسة نفسي نضيفة وخفيفة من جوآي ربنا رحييم وكريم مابنسى عبدو والحمدلله علي نعمة الاسلام مرة علي وفاة سالم سنتين ونحنا مانسيناه بالدعاء والقرآن عايدة اتحسنت والضحكة رجعت ليها بس برضو الحزن الجواها صعب يفارقها ... سوما اتقدم ليها واحد صاحب عم احمد ابو مهند هو كبير بس ماشديد بكون كم و40 كدة سوما استخارت ووافقت قلت ليها ماتتسرعي انتي صغيرة قالت لي ي عائشة انا اي زول بعرف ماضيني وانا كنت شنو حتى لو توبت مافي زول برضى بي كونو عبدالله دا راضي بي و عايزني كزوجة ليهو انا والله موافقة عايزة اتزوج واستقر كلامها اقنعني قلت ليها ربنا يجعليك الفيه خير ويسعدك حضنتها والعرس اتحدد سرعة وعملنا مناسبة صغيرة كدة فيها اهل عبدالله وعم احمد واولادو انا شفت مهند اتهربت منو لحقني وقفني واتكلم معي عائشة استني انا ما ح افتح ليكي سيرة اي حاجة غير اني عايزك عايزك حلالي انا انصدمت وبقيت واقغة ومتنحة فيهو واصل كلامو انا وقت لاقيتك قبل تلاتة سنة في دبي في فندق كدة ... كنت عايز اقوليك الحاجة دي انا من شفتك في حفلة ابوي قلبي دا اتعلق بيك كفتيني واهنتك وزليتك بس برضو كنت عايزك في حاجة خلتني اتمسك بيك برغم من انك . .. سكت وقالي قلتي شنو!! طبعا مهند دا ماعارفة في حاجة بتجذبني ليهو سمعت كلامو وكنت مبسوطة قلت ليه الراي راي عايدة وابوك ومشيت منو في نفس يوم عرس سوما اعلنو خطوبتي من مهند كل الناس انبسطت وبقو يباركو لينا وابوهو وعايدة انبسطو اكتر العرسان جو داخلين والناس جوهم يباركو وانا مشيت وحضنتها وبكينا معاها انا وعايدة من الفرحة قالت لينا انا كدة ممكن اموت مرتاحة قلنا ليها هششش ماتقولي كدة عمرك طويل يااخ وكلمنا سوما انو مهند خطبني والعرس بعد اسبوعين طوالي انبسطت وحضنتني شديد في المناسبة زااتها عم احمد ابو مهند اتقدم لي عايدة وقاليها ابقي مرا ارفضيني ضحكت ووافقت كان يوم جمييل شديد كدة حسينا ربنا رضيان علينا وافقت عليه بس قالت ماهسة بعد يتزوجو بناتي ويجو من شهر العسل عدا يوم العرس كان جميل شديد والايام جرن وجا يوم عرسي مشيت الكوافير واتظبطت ولبست الزفاف وكنت مبسوطة مااضيي كلو رميتي وراي وعايزة ابدا حياة جديدة مهند جا واستلمني ومشينا ع الصالة عرسنا كان احلى عرس وعايدة كانت الفرحة ماسايعاها حتى سما العروس جات حضرت زفافنا الليلة عدت سريع وكل الحضور ودعونا ومشينا ركبنا العربية ووصلنا الفندق نزلني دخلنا الغرفة شالني ورماني في السرير قالي الف مبروك لينا ي احلى عائشة اوعدك احبك واحترمك واشيلك جوووة عيوني حضني و..... صحينا الصباح ع تلفونات ناس البيت سلمو علينا وقالو لينا ماتنومو الطيارة حتفوتكم ضحكنا وقمنا جهزنا وماشين علي شهر العسل ....

بقلمي : Mnōōyâ Fâthy ✍

#

كتييير مننا بغلط و اي انسان غلطو بفرق من انسان باستثناء سبب الغلط بس في النهاية غلط وخطيئة وكل داا امتحان من ربنا ... وربنا بقيس الانسان وبشوف انت قدر الامتحان دا او لا .. مرات بنتمادا في الغلط ونتغمس فيه وننسى نفسنا بس ربنا ما ناسينا وفي النهايةة بورينا عقوبات بترجع لواقعنا وبي سببها الانسان بهتدي وبرجع طبيعي ونضيف وكل داا بسبب الامتحان الابتلانا بيه ربنا وماننسى انو ربنا بحب عبدو ولمن العبد يعرف خطئو ويتوب توبة نصوحة فهنا ربنا بغفر ليه ويتوب عنو وبمهل سكتو ...