الجزء 15

ماركزت معاه كتير وطنشت كلامو كنت نايمة تلفوني ضرب صحيت لقيتو أسعد قلت وووب انا كيف نسيتو هسة يجي يعمل لي موضوع رديت ليه قالي نايمة ولا شنو قلت ليه صاحية وينك قالي 10 دقايق واكون معاك جهزتي!! قلت ليه ايوة قفلت منو وجريت علي الدولاب طلعت اقرب لبسة ودخلت استحميت سرعة سرعة جهزت وبقيت منتظراه اتصل لي انا وصلت انزلي نزلت عليه طوالي سلم علي قالي منوورة ابتسم وطلع قدامي عايدة قالت لي خلي بالك من نفسك فلت ليها تمام وطلعت لحقتو ركبت معاه في العربية وكنت ساكتة قالي ماحتسألي ماشين وين! قلت ليه مش قلت مفاجئة خليها مفاجئة عاين لي وقال تمام نخليها مفاجئة "ما حكينا عن اسعد عمرو 32 شغال في دبي في شركة تبع هندسة معمار وهو ماسك منها جزء كبير حصتو فيها لانو مفتح في البزنس وبعرف عايدة من كان في السودان لانو كان بجيها في البيت مع انو انسان كويس وناجح بس برضو ماسك السكة الغلط دي " طول السكة انا ساكتة بسألني بجاوب لحدي ماوصلنا قالي انزلي نزلت قلت ليه يلا حنمشي وين اشر لي هنا وكان قدامنا مبنى عالي وتصميمو رهيب قلت ليه وين المكان دا قال دا فندق افخم وافضل فندق في دبي وجينا هنا لانو اليوم حنبيت هنا قلت ليه شنو!! وبيتنا مالو يعني انا فكرت حنغير جو بس لا جايبني لنفس الموضوع مارد علي قالي اتفضلي ادخلي حمرت ليه ودخلت بوراه مشى لموظف الاستقبال سلم عليه وقاليه حاجزين شقة رقم كدة شاف الكشف بتاعو وقاليه نعم اتفضل المفتاح ي استاذ شالو ومشينا كنا واقفين عشان نركب الاسانسير بس الاسانسير فتح والناس الفيه نزلو ماعاينت فيهم كويس بس دقيقة استنو رجعت وعاينت للناس النزلو منو طلع معاهم...!! مهند ااي مهند المابغباني طوالي اتزكرت كل كلامو لي يوم حفلة ابوه حسيت بي رعشة وكهربا في جسمي قلت فعلا الدنيا صغيرة بس دا الجابو هنا شنوو كنت بعاين ليه لحدي ما اختفا بس هو ماشافني!! وانا سرحانة مع نفسي دموعي جرو لكزني اسعد قالي ماالك في شنوو لو ماعايزة وحاسة اني جابرك ارح ارجعي قلت ليه لالا مافي حاجة قشيت دموعي وطلعنا الاسانسير وصلنا الشقة دخلناها جوة جمييلة وهادئة أسعد قالي رايك شنو في المكان دا قلت ليه حلوو ابتسمت وقعدت في الكنبة جا قعد جنبي وشغل التلفزيون حضرنا شوية كدة قالي انا جعان وانتي قلت ليه يعني قالي طيب ارح ننزل المطعم تحت قلت ليه وين!! قالي هنا تحت في الفندق زاتو قلت ليه تمام نزلنا تحت قعدنا وطلبنا مسافة الاكل يجهز كنا بنتونس فجاة اتلفت لقيت مهند قاعد في المطعم وبراه وكان مركز معي شديد انا عاينت ليه مساافة تاني لفتني اسعد وقالي عائشة بصراحة انا بحبك وشاريكي وح اطلبك من عايدة واتزوجك عايزك حلالي بجد انتي بت طيبة ومسكينة وبريئة دا اكتر شئ خلاني اتمسك بيك قال كلامو دا وانا مامركزة معاه بس بعاين لي مهند وكمان كان بعاين لي حسيت بيه عايز يقول حاجة بس شنوو تاني اسعد لفتني وقال لي طبعآ نسيت جبت ليك حاجة كدة وبتمناها تعجبك قلت ليه شنوو قالي ثوواني بس في العربية اجيبها واجيك قلت ليه طيب كويس اسعد طلع وكانو مهند لقاها فرصة جاني سرعة قالي بتعملي في شنو انتي ماعايزة تتصلحي وتبقي بت ناس لافة ورا الولد دا عايزة القروش ياااخ في ستين القروش قلت ليه يعني جيتني تقول كلامك دا شكرآ ليك انا عارفة نفسي شنو وبعمل في شنو ماعايزاك توريني ولو سمحت اتفضل امشي لانو اسعد لو جا ولقاك هنا حيعمل مشكلة قالي اسف ي عائشة انا ماعارف بقوليك كدة لييه بصراحة عايز اعتزر واصلح غلطي قلت ليه تمام مسامحاك وممكن تقوم قالي عائشة انا بحكي معاك بكل جدية انا عايز اتكلم معاكي في موضوع وموضوع مهم شديد قلت ليه شنو قالي هنا ماينفع ختا لي كرت فيهو رقمو وقام فات انا سرعة دخلت الكرت في الشنطة طوالي اسعد جا اتلبشت قلت مايكون شافني بس لالا شكلو ماشاف شئ لانو جاي ومبسوط جا وقعد جنبي ختا لي ف الكرسي جنبي بوكس وقال لي فيه ملابس ليك ان شاءالله يعجبوك كنت عايز اديك ليهم من قبيل بس كنت ناسيهم ابتسمت ليه وقلت لييه تسلم بس ماكان تتعب نفسك قالي مافي تعب كلووو شي فداك ابتسمت معاه قالي عائشة انا بجد بحبك طلع ليه علبه صغيرة فتحها وطلع منها خاتم لبسني ليهو قلت ليه اسعد دا شنو لييه بس قالي هشش ماعايز اسمع نقاش عجبك ولا لا قلت ليه حلو عجبني قام باس يدي وقالي اهم شئ وانا تاني من اليوم مابعمل اي شئ اللا حاجة تعجبك بس شوية كدة ارتحت معاه اسعد بالجد انسان كويس وراقي بس انا مستحيل احب واتزوج واحد لمسني بالحرام ماعايزاه انا عايزة انسان كويس انسان يحبني عشاني يحب فيني روحي ونفسي مش جسمي وشكلي قطع تفكير صوت الجرسون جاب لينا الاكل ومشى اكلنا وخلصنا طلعنا الغرفة قالي ممكن تغيري وتلبسي فستان من الملابس الجبتهم ليك قلت ليه حاضر دخلت الغرفة فيها حمام دخلتو استحميت وطلعت لبست واتمكيجت وسرحت شعري وانتظرتو دقا الباب ودخل لي عاين لي وانبهر وبقى يتغزل ويمدح ويشاغل فيني انا مبتسمة ليه بس وبفكر مع مهند ياربي مالو عايزني في ي

اتو موضوع هو بيناتنا في مواضيع هو انا بعرفو من وين عشان يجيب موضوع بس بفكر وماشغالة بأسعد انتهت الليلة ع كدة وصحينا اليوم التاني شربنا الشاي وشكرني وقال لي تسلمي انتي ي جميلتي انا ما اشتغلت بيه كتير قمت استحميت وغيرت وطلعنا البيت بقى فكري كلو مع مهند بس نهائيآ ما فكرت اتصل ليه كل مرة بطلع الكرت وبعاين في الرقم وبدخلو بس كان جواي خوف شديد اتجاهو وف نفس الوقت بفكر فيه وماقادرة انسى الموضوع العايزني فيه ... مرت الايام والشهور ونحنا في الحال دا وعايدة بيتها بقى مابفضى من الرجال ليل نهار واسعد كان بجيني البيت كتير بس اخر فترة بقى مابجي بحجة انو مشغول والشغل كتر علي راسو سوما حملت وعايدة سقطت ليها الجنين للأسف وكانت الحاجة دي حتودي بيها سوما الموت لانو الاجهاض سبب ليها مشاكل كتيرة اخدت فترة طويلة في المشفى تاني طلعناها البيت وانا كنت قاعدة معاها وممارضاها وبقت كويسة والحمدلله وعايدة لسة جارية ورا الدنيا الغشاشة ومكملة في شغلها انا تاني لاشفت اسعذ ولا جبت ليه خبر اختفى من حياتي حتى تلفونو مقغول شهور عايدة رجعتني اشتغل مع باقي البنات وواشتغلت وبقينا ع الحالة دي سنة واكتر لغاية مافي يوم قاعدين الصباح كلنا كدة بنرتب في البيت عايدة جاتها مكالمة من السودان اول ماسمعت الكلام ما ادت اي اقوال بس وقعت من طوولها واغمى عليها كلنا انخلعنا عااايدة! !!!