الجزء 8

رجعنا البيت دخلنا ومالقينا زول سوما اتصلت علي عايدة وقالت ليها ويين الليلة قالت ليها بايتة برا وح اجي بكرا الصباح واعملو حسابكم ماتطلعو من البيت دا شبر ولو اتهورتو وعملتوها عارفاني انا بعمل شنوو!! سوما هاجت وقالت ليها ياخ ح نمشي وين يعني لو عندنا محل نمشي عليه كان هسة زماني بتكلم معاك!! قالت ليها المهم وريتك وبيتي مراقباه وهسة زي ماقلت ليكم اكلكم وشرابكم عندكم واقعدي مع عائشة في اوضتها وماتطلعو وغير كدة ماحتكونو براكم سالم حيجي ويبيت معاكم في البيت وتصبحو على خير قفلت الخط سوما قال افففف ربنا ياخدك ياريت كل الايام زي الليلة بايتة برا اااخر بيتان ليك ي بعيدة قلت ليها سوما اهدي ارح نطلع فوق الغرفة احسن نحكي ونتونس قالت لي تمام عملنا شاي وكيك وشيلناه الغرفة فوق وطلعنا اكلنا واتونسنا واتصورنا وضحكنا يلا نضرب الهم بالفرح وكان يوم مميز شديد في حياتي كانو اخر يوم مميز علينا! ! بعد ونسة وحكايات ومواضيع نعسنا ونومنا .. صحينا الصباح من النوم ونزلنا تحت لقينا عايدة قاعدة في الكنبة قالت لينا صباح الخير يا السمحات قلنا ليها صباح النور وقعدنا معاها قالت لينا طبعا انا امبارح كنت بايتة مع فلان... طبعا دا راجل من كبارات الحكومة ليهو هيبتو ومكانتو ودا هو الساعدها وطلعها هي وناسا من السجن يوم المداهمة المهم قالت لينا كنت معاه وقال لي تاني مافي طريقة افتح بيتي دا نهائي حتى لو مشينا مكان تاني لانو بيتي مراقب وبالتالي انا مراقبة يعني محل امشي الشرطة عينهم علي فعشان كدة نحنا حنمشي دبي سوما بخلعة شنووو دبي! ! وانا الفكرتك اهتديتي وحتقولي نخلي الشغلانة دي بس تاريكي تكوسي للأكعب سكتتها وقالت ليها سوما البقولو انا تسمعيه وبعدين انتي لاقية دبي بلد كلها رفاهية وعيشة هنية وعز عايزة ترفسي النعمة قالت ليها انا ما ح امشي معاك الرفاهية والعز ديل اتمتعي بيهم براك قالت ليها اووعك ي سوما تتقوي علي وتركبي راس فلنفترض خليتك ومشيت فاكراني ح اخليك كدة انا الحاجة البتملكها دي حتبقى حقتي وامشيها بي اي اتجاه عايزاه !! ولو ماسوقتك معي ممكن اوديك لي واحد من ناسي الهنا وطبعا ما كل الناس واحد انا مخلياك ع كيفك وراحتك بس هناك حتلقي نفس الشئ اكيد لا فعشان كدة تسمعي الكلام وتعملي البقولو ليك من سكات وخلييكي زي عائشة اختك دي طبعآ انا بعاين بعيوني بس عايدة قامت وقالت لينا انا طالعة فوق وانتو اشربو الشاي واطلعو اتجهزو عشان حنمشي نجهز اوراق السفر لانو يمكن نسافر بعد يومين تلاتة كدة وقامت طلعت وسوما بقت تشتم وتسب فيها انا قلت ليها انتي هسة زعلانة ومنفعلة مالك يعني الحيتغير شنو والحيفرق شنو دبي ولا هنا!! اياهو نفس الشغل ونفس القرف قالت لي لا ي عائشة انا من يوم المداهمة الحصلت وبيتنا فضى من الرجال والقرف ارتحت والله اي عايدة ماريحتني وبترسلني للرجال لغاية مكانهم زي ماعملت ليك امبارح بس كنت مرتاحة لانو ممكن كل اسبوعين تلاتة اشتغل مرتين بس لانو الرجال مابلقو طريقة يستضيفو وحدة في بيوتهم صعب بالنسبة عليهم عشان السمعة وكدة لكن قبل المداهمة انا كل يوم بشتغل في القرف دا ويمكن في اليوم مرتين وتلاتة يعني حاجة كدة مقرفة ومرهقة بس تاني ارتحت وهسة رفضت عشان حنرجع لنفس القصة لنفس العفن والقذارة وكمان وين في دبي لا فيها والي ولا فيها حاكم زول بشتغل بزول مافي اي زول شغال بهواه بس يلا جات كدة حنعمل شنو يعني ارح نشرب الشاي شربنا الشاي وطلعنا لبسنا وجهزنا ونزلنا وجانا سالم بالعربية ومشينا انا وعايدة وسوما وصلنا مكتب الجوازات لاقانا راجل كبير كدة ورتبتو كبيرة يعني زول مهم سلم علينا وقالينا اتفضلو اقعدو ولا تعبنا الموضوع اتسهل سرعة سرعة وخلصنا ورجعنا البيت ...