الفصل السابع

طلعنا من الاستراحه ماشين هم يتونسو وانا سااكته سااي صراحه بجد غلبي كان واجعني رياان قالت لي شهوود ي غلبي ولااا يهمك ولا تركزي معاااهم اتصلت على امى سلمته عليها قالت لي انتي كوويسه قمته ابكي قالت لي شهد في شنوو؟؟قلته ليها ماف شي ماما بس مشتاااقهه ليكم قالت لي ونحنا كمان مشااقين ليك قلته ليها حمووودي الليله اصبح كيف ولدوونه طبعا امس كنته بتشااكل مع حموودي قالت لي كوويس الا الغلبه الزاايدة ريان خطفت مني التلفوون قالت ليها خاالتو شهوودة كوويسه انا صحبتها ريان م تشووفي بكاها دة والله كل الوغت بتتونس وبتضحك

امي قالت ليها تسسسلمي طمنتيني عليها وعليك الله خلي بالكم منها لانها م بتعرف زوول هنااك ووحيدة في البلد رياان قالت ليها خاالتو م محتاجين تووصيه نشيلها في نيني عنينا وعلشان اطمنك اخليك تتكلمي مع الصباايا فتحت ليهم الاسبيكر قعدو يتونسو مع امي ويضحكو معاها بعدها جينا ماشين على الكفتريا لقينا تسنيييم واخوها واقفين مع مروان لما شاافونا قعدو يضحكو مروان قال ليهو ي مااان كشف كشف ريان قالت لي م تررركزي مع العولاااق ديل يلا نمشي الموهم اتحمقته وزعلته بجد بس عديتها

القصه عدت شهرر وانا حتى نسيتها في يوووم قاااعدين نتونس انا والبنات فجأة نسمع ليك جوووطه وقفنا على حيلنا فجأة نشووف ليك شكله بنااات ونكيييش شعرر طبعا انا بقيت وااقفه وبصررررخ وماسكه رااي وبضححححك بأعلى صووت شغااله اغوول ليها واااااااي ي رياااان شووفيهم بتضاااربو كيف اريج قالت لي قالو اتشاااكلن علشااان ولد طبعا بعد قالت كدة بقيت اضحك بأعلى صووتي رزة قالت لي شهد فضحتينا الحاجه البتضحك اااكتر انو الناس بتحجز فيهم وهم لسسه بزيدو زيااادة وخربشو وشوش بعض قلته ليهم مستحييييل اعمل كدة علشااان ولد

فجأة الناس بقت تغوول العميد جا العميد جا بعدها البناات هدوو وفكوو بعض وانا لسسه كنته بصوت عااالي ريان قالت لي ي سجم اتلفته لقيتو مطبق يدينو وبعاااين قال ليهم انتو الاتنين اللحقووني في المكتب فووق قام ماشي اتلفت علي قال لي وانتي البتضحكي حصليني معااهم ريان قالت لي واااي سجمك شهد انتي عوارضك في الجامعه دي اااكبر منك اريج قالت ليها من قبيل بتضحك مش قلنا ليك وقفي ضحك قلته ليهم ياااخ ولسه بضحك طواالي لحقته العميد البنات ماشين ولسسه بتناااقشو وانا تااني بديت اضحك وصلنا المكتب وقفته انا خاته يدي في خششمي علشان م اضحك

قال ليهم منظرر مشييين بجد واووول مرره في تاااريخ الجاامعه يحصل وبالبشااااااعه دي انا بقيت م قاادرة امسك الضحكه قال لي انتي قلته ليهم نعم قال لي البضحك شنوو عاااجبك المووقف يعني؟قلته ليهو م كدة قال لي اها شنو طبعا عميدنا شكلو ظريف م صعب قلته ليهو كل الحكااايه انا بضحك لأنهم اتضااربو وخرربشو بعض ونكشوو شعر بعض كدة علشاان ولد قال لي يعني اسي انتي عاايزة تقنعيني انو الحصل في الحرررم الجااامعي دة كلووو علشاان ولد؟؟قلته ليهو اااي اوغسم هو زاااتو عااين لي شكل البنات وابتسم نزل راسو تحت صلح نظااارتو قال لي انتي اطلعي عقاابك في اعمال السنه

قلته ليهو بس انا م عندي ذنب في الحصل دة قال لي كنتي بتضحكي قلته ليهو ي استااذ والله انا قال لي انتي مش قبل فتررة كنتي عندك مشكله حبوب مخدرة وم حبوب قلته ليهو ايوة قال لي طيب اتفضلي امشي قاعتك قلته ليهو تمام نزلته قالو لي اها عملو ليك شنوو قلته ليهم ولا شي المووهم يلا شكلتهم كانت حلووة طوولته م ضحكته كدة دخلنا القااعه لقينا تسنيم ومعاها كم بت كدة بتونسو واحدة اسمها سهى قالت ليها وااي لو شووفتي شكل البنات الاتشااكلو عشااان خلوووود اخوك تسنيم قالت ليها هو م عندو شي ليهن الاتنين

قلته ليهم وااااي اتخيلو المووتخلفات ديل اتشاااكلو علشااااان اخوو المووتخلفه دي ريان قالت لي مع اني م شووفتي لكن هووو عولاااق وهن معووولقاات منوو اريج قالت لينا انسوووو ياااخ خلونا نررركز في قرايتنا من الصباااح مقضنها ضخك وونسه نسيتو عندنا Test السااعه 2 في ماااادة احمد يلاااا نرااجع لازم انجح انا قلته ليها جززمه قلته ليهم وقسما بالله دكتور احمد دة انا ماادتو دي م فاااااهمه فيها ااااي شي قدر م حااولته افهم م قدرته ريان قالت لي امشي ليهو يشرح ليك بس قلته ليها فكرر مبدئيا كدة المووهم بعدها دخلنا التيست شي م فااهمنو انا اعااين لي رياان ورياان تعاااين لي

اريج قالت لي شكيتو لي الله بعد سماااحتو دي جااايب امتحااان بالقبااااحه دي مدثر كان قدامي شفتو مطلع تلفونو ريان قالت لي شوووفي مدثثر الجزمه قالت لي دقيقه قالت ليهو مدثر قال ليها اايوة قالت ليهو افتح الشير دة ورسل لي البتكتب فيهو دة شايفه ورقتك ملانه قال ليها طيب م تفضحينا المووهم بعد م رسل ليها الايجابات اشتغلنا زييين وطلعنا انا غااايتو من الخووف م اشتغلته كوويس طلعته قرفاانه قلته ليهم اصلا اليووم دة منحووس دكتوور احمد ناداني قال لي ي شهد تعالي سلم علي قال لي اشتغلتي كيف انشاءالله تمام

قلته ليهو والله ي دكتوور غااايتو نص نص بس الحمدلله قال لي طيب شدي حيلك قلته ليهو انشاءالله طبعا البنات كلهم بقو يعااينو لي ريان قالت لي دة مالو قلته ليها بري الموهم ماشين كدة انا اصلا زهجانه اريج قالت لينا ااارح الاسترااحه قلته ليهم انا م ماشه انتو امشوو واللحقوني في الكفتريا ريان ورزة قالو لي نحنا زاتنا م ماشييين الاستراحه ريان قالت لي انا جعاانهه قلته ليها وانا زهجانهه وقرفانهه اسراء واريج قالو لينا طيب بنلحقكم مشينا دخلنا الكفتريا لقيناها جاايطه قلته ليهم نشتري ونطلع من الجووطه دي

فجأة سمعنا صوت تسنيم تسنيم بتغوول والله ي دكتوور احمد طلعته ظريف في الواقع م زي لما تكوون في المحااضرة اتلفتنا عليهم لقيناها قااعدة هي وشله ومروان وخالد اخووها ومعااهم دكتور احمد ريان قالت لي الدكتوور دة اسي مش كان برره قلته ليها نفسي زاتها اتقفلت وهم شغالين يتونسو ويضحكو بأعلى اصواتهم ويعلقو على الماشي والجااي رزة قالت لي شله زبااله ليس الا قلته ليهم نحنا مالنا بيهم يلا نششتري ونطلع سوورعه

مشينا الكاشيير طلبنا وجينا قعدنا هم شافونا شكلهم طواالي خالد اخو تسنيييم قال لي قوولته لي ي مرواان عملته مقلب حمامات في برلوومه شهااادة عربيه مروان قال ليهو يااااه اسكت بس مقلب زي المقلب تسنيم قالت ليهو تستااااهل الوهميه دي رزان قالت لي اتجاوزيهم ريان قالت لي ديل قليلبن ادب ساي خالد اخوها قال ليها تسنيمتي تتزكري لما رفعت شكوى للعميد وقالت انك اديتيها حبه على اساس انها مسكن الم قالت ليهو اتفصلته اسبووع ورجعته الجامعه في اليووم التااني على طوول

طبعا الكفتريا كلها بقت مركزة معاااهم يلا ريان اساسا م كانت لابسه طرحتها جادعاها في كتفها سااي طوالي شلتها منها قالت لي مالك وطلعته طرحتي مشيت عليهم جدعته واحدة في وش مروان والتانيه في وش خالد قلته ليهم كدة الونسه والقطييعه بتحلى ليكم اكتر وانتو لابسين طررح طبعا الكفتريا كلها وقفت خالد قاام على حيلو عايز يمد يدو علي دكتوور احمد مسكو قال ليهم بتباااالغ يااخ عاايز تضرب بت قلته ليهو خليهو يمدها اساسا هو تااافه سااااااي وشبه راااجل وشلتو المعاااهو نفس الشي

قال لي ي بت لمي لساانك قلته ليهو لما انت واختك وشله الحثااله القاعد معااهم ديل تلموو رووحكم وقتها انا ممكن الم نفسي فهمته قلته ليهو انت منوو علشان تتكلم معااي فاااكر علشان سااكته ليكم انت واختك والزباله المعااك ديل معناها خايفه منكم لا م خااايفه منكم والله مروان قال لي انتي م عاارفه نفسك بتغلطي على منو قلته ليهو عاااارفه بغلط على ولد العمييييد وصحبو واخت صحبوو وبااقي الشله كمان صح بس يلاااا حااابه ابشششرك انت ولد العميد لي نفسسسك م لي انا فهمته وانا في الجامعه دي قاااريه بقرووشي م مجان حتعمل لي شنووو يعني حتكلم ابووك يفصلني؟؟

يلا امشي اشتكي ليهو ي بيبي الجامعااات متوووفرة وممكن اقرا في ااافضل لكن انت الله يقدرك على خيااابتك دي وترجل لمتين حتفضل تشتكي وتتسبب في طرررد الطلبه البزعجوووك من الجامعه مالك لسسه شاافع دكتور احمد قال لي شهد خلااص قلته ليهو مع احترامي ليك ي دكتوور بس هم زودوها زياادة خالد قال لي يااااخ انتي واحدة طاايرة ليك سااي تسنيم قالت لي عااايزة تلفتي نظررر وماف زوول جاايب خبرك قلته ليها اللفت نظرر؟؟ولمنو لي اخوووك الكل الوقت لااافي في محلات الشيشه وكافيهات الحبش دة ولا صحبوو البلعب كل الوقت بي مفتاااح عربيتو زي الحاجه السمحه

ولا اهااا يمكن عايزة اللفت نظرك انتي اللافه كل الوقت مع صاااحب اخووك من شاارع النيل لي فندق قرااند خالد قال لي وانتي لو م تاافهه وبتمشي الاماااكن دي عرفتي كيف نحنا بنمشيها قلته ليهو يعني معتررف انك انك بتمشيها وم عندك مااانع اختك تطلع مع صحبك بالليل عاادي صح انا اساسا بت وعااايشه هنا برااي وسااااندة نفسي وحاسله حساااب لي تصرفاتي لكن كلااام للرجال العاايشين في نص اخواتهم وم حاسمنهم اصلا انت راااجل بالاسم بس يلا واساسا انتو كلكم على بعضكم شله تافهين ريان قالت لي شهد رووقي خالد قال ليهو عليك الله ي دكتوور احمد فكني ليها

دكتوور احمد قال ليهو خاالد كبر دمااغك يااخ خاالد دة ملامح وشووو كوولها اتغييرت وعيونو لونها قلب بقت زي الشرارة كلامي شكلو جا مقاااسو بالظبط قلته ليهو بيني وبينك 5 سنتمرات تعاال بالنسبه لي وااااحد م قااادر يحسم اختو في البيت جااااي يتفرعن على بنات الناس ونااافخ ريشوو على الفااااضي ساي محن غاايتو واحد منهم قال انتي عاايزة تصلي لشنو بالظبط؟؟مروان قال لي عاااايني انتي حنكك شنوو بالظبط؟قلته ليهو بالنسبه لي واحد بشووف رجولتو في عربيتو وشكلو وقروشو ولمه البنات حوليهو شي طبيعي انو يكون م عندو سؤاال غييير انتي حنكك شنوو

يلا بلا لمه معااكم كلكم على بعضكم شله حراحر م منكم فاايدة وعلى فكره انتو عاااملين فيها مبسووطين وبتشمتو في النااس بس العكس حااصل وسمعتكم فااااايحه في الجامعه خالد قال ليهم خليكم منها دي بت شهاادة عربيه لما تبدأ تتعلم اللأمه قلته ليهو على فكرره بت شهادة عربيه دي اااارجل منك دكتوور احمد قال لي رياان سووقيها طبعا الكافترريا دي اتملت نااس منهم البقولو لي ااايوة اديلووو ومنهم البقووول ردم زي الرردم قمته طالعه شلته شنطتي صلحته شعري قولته ليهم بالمناااسبه اااخر حاااجه حااابه ابشرررركم بيها الراجل بي رجولتوووو م بقرووووش ابوهو وصلت

واحدة قالت لي وااااي ابو الدرع زاااتو جبهاااتهم جبهااتهم طلعته من الكفتريا لمن نفسي قاايم لاقينا نااس اريج جااين علينا رياان قالت لي ياااااخ انا اتكيفته كيييف رزة قالت لي انا خفته صرااحه دي اشهرر واكبر شله في الجامعه خصوصا انو مروان ولد العميييد يعني ممكن يفشلنا عادي قلته ليها لي نفسهم م لينا هي ريان قالت ليهم رروجه وسروويه فااتكم جنس ردم وقصف اسكتو بس اريج قالت لينا وين طرحكم؟؟قولتو افضل تنحرفو خلاص قلته ليها بنحكي ليك وين طرحنا رووووقي بس

ريان قالت لي ليه عملته كدة لكن م خووفتي؟؟قلته ليها ي زووله انا اساسا م سائلاااهم في حاالي لكن هم اتجاوزو حدودهم وكمان اتزكرته كلااام مهااد بت تالته ديك قالت لي خااالد دة عندو ااهم شي برستيجو قدام الناس فحبيت أأدبو علشان تاني م يقل ادبو على بت رزان قالت لي لكن ماف ولد بسكت على اهاانه زي دي اعملي حساابك ي شهد قلته ليها ي شيييخه م خاايفه منوو يلا

...