الفصل الثالث والعشرون

مشيت دخلته غرفتي طبعا لمن متوترة اتصلته على ريان قلته ليها ريان م شووفتي خالد قال عايز يتزوجني قالت لي احلفي قلتهه ليها والله م مصدقهه وقعدت تصرخ م عرفته عايز يعرسني انا ولا عايز يعرسها هي قلته ليها روقي اسي انتي بتصرخي مالك قالت لي المابخليني اصرخ شنو فرحته ليك ي غلبي قلته ليها لكن انا م عارفه اواافق ولا لأ قالت لي انتي هبله ي بت خالد دة 1000 واحدة بتتمنى يتكلم معاها بس اتخيلي وهو اختارك انتي وطلب يتزوجك عديل اريتو حالي انا مع واحد زي خاالد قلته ليها مجنونهه بنتكلم مع بعض كدة خالد اتصل على لقى الرقم مشغول

قلته ليها خالد داخل علي قالت لي طيب طيب يلا باي قفلته رديت على خالد قال لي حبيبي بتتكلم مع حبيبها القديم شكلها قلته ليهو فاكرني زيك ضحك قال لي اشتقته ليك قلته ليهو وانا كمان قال لي شنوو م سمعته قلته ليهو ايوة مالك في واحدة م بتشتاق للبيبي حقها ضحك بسوط عالي قال لي قوليها تاني قلته ليهو م تتضحك قلته ليهو بصوت طفولي مش انت بيبيني قعد يضحك قال لي انا البيبي حقك وكل شي قلته ليهو طيب البضحك شنوو؟ قال لي اتزكرته لما كنتي بتتكلمي بالتلفون وعضاك الكلب سألتك بتتكلمي مع منوو قلتي لي بتلكم مع البيبي حقي وقلد صووتي كماان

قلته ليهو غياظ قال لي وانتي بتحبي الغياظ دة قلته ليهو لا انا م بحبو قال لي اها شنو قلته ليهو ولا شي قال لي طيب انا بهواك قلته ليهو طيب طيب تصبح على خير قال لي طيب طيب وانتي من اهلي ي رب قال لي اساسا طالع ماشي اشووف الشاب قلته ليهو ماشي تشرب شيشه صح قال لي طيب خليك بتتكلمي معاي اذا م حابهه م اطلع م بطلع بس خليك بتتكلمي معااي كدة وسمعيني ضحكتك دي قلته ليهو بجد م حتطلع قال لي حبيبي وحاتك م حأطلع اصلا مررهق وكدة فضلنا نتكلم مع بعض للساعهه 1 صباحا انا لو علي المكالمهه دي م تخلص ياخ

بححهه صوتو براها بتوترني والعجب لمن يضحك واي يخلو ليهو الضحك الصباح فتحتهه عيوني لقيت منو منو مكالمه مع الاستعجال وكدة م رديت عليهو جهزتهه للجامعهه اتصلته على حازم قال لي عربيه عطلان اليووم يمكن اتأخر قلته ليهو طيب م مشكلهه ونزلته لقيت خاالد قاعد في الهوول مع عمو الفاتح اول م شاافوني سكتو قلته ليهو عمو الفاتح صبااح الخيير وشوو كاان بششوش كدة قال لي صباح الوورد ي بتي قال لي تسنييم لسسه م طلعت اقعدي اششربي الشاي قعدته خالد وترني يعااين لي ويرفع لي في حاجبو كبيت لي شاي م قدرته اخلصو بسببو

قال لي ياخ تسنيم دي لو م طلعنا ليها برره م بتصحى يلا نطلع ليها العربيه عمو الفاتح قال لي اي اطلعو ليها ولو م جات امشو خلوها طواالي قلته ليهو زمن الترحيل زااتو لسه م جا عمو الفاتح قال لي ترحييل شنوو عيب ياخ خالد قاعد يوصلكم في طريقو خالد قال ليهو كلمها بالله ي حاج عيب في حقنا العربات متوفرات ويمشوو بي ترحيل عاينته ليهو ضحك وغمز لي طلعنا قبل م نطلع الباب مسسك يدي قلته ليهو خالد قال لي حقتي مالك قلته ليهو حقتك في عينك فتح لي باب العربيه القدام قال لي اركبي قلته ليهو وتسنييم حتركب ورا براها يعني لالا عيب

قال لي ياخ اطلعي اصلا تسنيم قالت اليوم م ماشهه قلته ليهو احلف قال لي والله ركبتهه قال لي حبيبي صباحك احلى من طلتي قلته ليهو اها ي فزاع بن نايف صباحي انت قال لي بتقارنيني بي فزااع بن ناي لا والله انا احلى بكتير قلته ليهو فديت البيبي حقي الواثق انا وقعدته اضحك قال لي اي استهتري استهتري كوويس قلته ليهو بيبي والله م استهتار قال لي طيب طيب جبته ليك حاجهه قلته ليهو شنوو؟؟؟قال لي بتحبي الشوكلاته؟ قلته ليهو عشقي الاوول ياخ قال لي عشقك الاوول طيب ماف ليك طالما هي عششقك الاوول قلته ليهو بكزب عليك يلا اديني ليها قال لي لأ

الا تغولي مين عششقك الاول قلته ليهو انت قعد يضحك قال لي طيب هااك قلته ليهو ي جلكسي الحوب قعدته اكل فيها قال لي طيب اديني منها قلته ليهو لأ قال لي طييب قلته ليهو طيب طيب حنيت على حاالك هاك قال لي انا سايق م بقدر امسكها منك ياخ حيوان خلاص دخلتها ليهو في خشمو قلته ليهو بطل حركاتك دي قال لي ي سلام ي سلاام انتي عاارفه اوول مرره اعرف حلاوة طعمها من يدك ي رب متين يجي اليوم الاكل فيهو من يدك كل يوم قعدته اضحك قلته ليهو انت م طبيعي

شلته تلفونو كان فااتح الفييس صحبو مجتبى عامل ليهو منشن في صوورة وكااتب عليها احلى فطور مع احلى جكس عاينته ليها لمن اتخلعته قلته ليهو خالد ديل منوو قال لي دة امس كنا بنفطر ومجتبى عزم حبيبتو وجو معاها صحباتها قلته ليهو شوف البت دي مااسكهه فيك كيف قال لي حبيبي م فيها شي عادي قلته ليهو عادي بالنسبه ليك ي خالد بس بالنسبه لي م عندها حق تمسكك كدة قال اها جينا للغيرة وحركات البنات وصلنا الجاامعه قال لي م تركزي مع حد فهمتي قلته ليهو بتغير قال لي في حد م يغير على نفسوو من عيون الناس قلته ليهو ام

قال لي بحبك يلا م تفووتي محاضرتك نزلته دخلته الجامعه في حد غمض لي عيوني من ورا قعدته اصرخ ريان قالت لي مجنونه حلوين مع بعض ياخ شايفاك نازله من عربيه خلود قلته ليها ه مش كدة قالت لي الليله وين تسنيم؟قلته ليها قالت م جايه ه بعد م خلصنا محاضرات وطلعنا لقيت خالد واقف ومعاهو بنات وكم شاب كدة وبنات الجامعه كوولهم بعاينو ليهو كان لابس قميص كحلي غامض وبنطلون جنز لبني ولابس نظارة ومدخل يدينو في جيبوبو وبتونس وبضحك والبنات الحوليهو كلهم بضحكو بأعلى صواتهم انا موتهه غيظ قلته ليها رياان شوفي

قالت لي عاادي ي شهد دي م فيها شي بتونس قلته ليها م يتونس مع بنات قعدت تضحك قالت لي اشي على الغيرة قلته ليها دة م وقتك اتصلته عليهو قلته ليهو وين انت؟قال لي عندك في الكليه اشتقته ليك قلته اجي اشوفك قلته ليهو بس انت شكلك مشتااق للشلهه الواقف معاها اكتر قال لي وين انت؟اتلفت شافني قال ليهم عن اذنكم شباب جا قال لي حبيبي قلته ليهو شايفاك فايق قال لي طيب تعالي اعررفك على الشباب ومسكني من يدي الناس كوولها بقت تعاين لينا قلته ليهو خالد الناس طبعا ريان بتضحك الجزمه

مشيت معاهو سلمته عليهم قال لي ديل دفعتي في الجامعه جينا نعمل طله خفيفه على جامعتنا واحدة مايعه قالت ليهو خلودي انت كل يوم موجود هنا على حسب م سمعته عايزة افك يدي منو مسكني وضغط عليها واحد من اصحابو جا قال ليهو مزتك قاطعه لكن ماف كلام في واحدة من البنات سمعتهم قالت ليهو على قولتك ي مهند مزة قاطعه ماف كلام انا زااتي انبرشتهه خالد قال ليهم اللهم لا حسد خالد قال ليهم طلعنا ي شباب؟لأنو الزمن اتأخر وكدة قالو ليهو يلا طالعين في بنات ماشين ورانا واحدة قالت للتانيه اسي ديل قبل فترة مش كاانو الشحمه والنار متين بقو مع بعض

التانيه قالت ليها بري لكن شكلهم حلوين مع بعض واي شوفيهو ماسكها كيف؟بدوك احساس اميير وفريحه صح واحدة منهم قالت ليهم احي انا اريتني مكانها طبعا انا سامعااهم لمن ضحكتهه مع اني متضايقهه من خالد طلعنا قال ليهم يلا سلام ي شباب م بقدر امشي اتغدا معااكم واحد منهم قال ليهو فهمناك فهمناك زيت ي.مان وطلعنا في العربيه قال لي لقيتي شلتي كيف كيوت صح قلته ليهو كيوت وبناتكم كمان قال لي شهد في شنوو؟قلته ليهو الجامعه كلها بتعاين ليك وبتعلق عليك قال لي حبيبي عادي من زماان بعملو كدة وين المشكلهه يعني؟قلته ليهو بس انا م بحب كدة

قعد يضحك قال لي اها ي شهد اعمل ليهم شنوو؟؟انا اساسا م مركز مع واحدة فيهم وعشاان كدة مسكتهه يدك قداممهم كلهم قلته ليهو م تجي الجامعه اساسا م بحب اشوف البناات كولهم حواليك وبعلقو عليك كمان بقى يضحك بأعلى صوتو قال لي بموت في حبيبي البغير علي انا طيب حاضر بس حتى ولو م جيت الكليهه الجكس لاحقني لاحقني قلته ليهو ن جنس غايتو قال لي لو م كدة م كنتي حتغيري ولا شنوو قلته ليهو وصلنا البيت عايز يمسك يدي ضربتو قولته ليهو عيب دخلنا تسنيم قالت لي شهوودتي قلته ليها اليووم فقدتك مالك م مشيتي؟قالت لي مزاج بس

دخلته سلمته على خالتو فاطمه شربته موويهه خالد خليتو قاعد بتونس مع امو طلعته غررفتي بديت اغير ملابسي جو هاجمين علي تنزيل وتسنيم قلته ليهم هي انا بلبس تسنيم قالت لي عادي كلنا بنات مع بعضنا تنزيل قالت لي طلعتي بتخبي علينا حجات تسنيم قالت ليها حجات وبس نظراتهم كانت غريبه قلته ليهم خبيت عنكم شنو تنزيل قالا لي اجي وبتنكر كمان تسنيم قالت ليها لاحظته لاحظته وكانت بتاكل في جزرة قلته بيهم في شنو تنزيل قالت لي بتحبي ولدنا من ورانا تسنيم قالت لي شهد انا ثحبتك م وريتيني

طبعا قلبي وقف خلاص بقيت م قادرة اودي وشي وين ودموعي خلاص على وششك انها تنزل الله يجازيك ي خالد قلته ليهم والله القصه م طوولت وقسما بالله كانت قبل كم يووم يوم تنزيل قالت لي من غيير م تحلفي مصدقنك اصلا خالد كلمنا من يوم وصلك المطار لكن كنا عايزين نشوف نهايتك شنو قلته ليهم احلفو تسنيم قالت لي والله طبعا بعد كلامهم دة دخلتهه في اظافري تنزيل قالت لي مكسوفه م تتكسفي ساي ناس البيت كلهم عارفين قلته ليها كيف يعني قالت لي عديل تسنيم قالت لي امي زاتها عارفه تنزيل قالت لي امك وابوك برضو

قلته لي نفسي ي شماتت ابلهه ظاظا عليك ي شهد واي خالد تاافه تنزيل قالت لي م تتنحي فينا كدة كل القصه انو خالد اليوم خطبك من ابووك تسنيم قالت لي وعمو عبدالله قال اذا انتي م عندك م عندك مشكلهه هو زاتو م عندو مشكله فجأة تلفوني اتصل قلته ليهم دقايق تسنيم قالت لي اكيد دة خلود قلته ليها لا دة بابا طلعته منهم رديت على ابووي قلته ليهو بابا كيفك قال لي بخير وانتي؟قلته ليهو الحمدلله فاتحني في الموضوع قال لي عمك الفااتح قال انك محترمه ومربيه وخطبك لي ولدو واي من الموقف اقوول لي ابوي شنو يعني دايراهو بقيت ساكته سااي حلقي اتربط

قال لي اها انتي رأيك شنوو؟قلته ليهو والله ي ابوي البتشوفو انت بس قال لي لالا م تغولي لي البتشوفو انت دي حياتك انتي وانتي البتعيشيها لو م موافقه م بغصبك عليهو اها موافقه ولا لأ عشان ادي الراجل جواب قلته ليهو م عندي مشكله قال لي اديني جواب عديل موافقه ولا ل ولا بتخجلي أ؟قلته ليهو موافقه ضحك و قال لي تمام هااك دي امك عايزة تتكلم معاك امي اتكلمت معاي كداا قالت لي م يكون ابووك ضاغط عليك؟قلته ليها لا بالعكس ي امي قالت لي يعني دايراهو بإراادتك؟قلته ليها تقريبا كدة قالت لي يعني بتحبيهو وكدة طبعا امي صريحه معااي شديد

قلته ليها ام يب يب ماما ياخ خجلتيني قالت لي اساسا كان وااضح من زمن جيتي الاجازة م كنتي طبيعيه قلته ليها ايوة كنته زعلانه منو قالت لي ايواا وانا امك م هان عليك توريني قلته ليها معليش حقك علي وقفلته على كدة رجعته الغرفه تسنيم قالت لي الحاج فاتحك في الموضووع ثح قلته ليها ايوة نزلنا تحت بنتغداء طارق قال لي خالد والله ماشاءالله اخيرا عايزين نفرح بيك خالد بعاين لي قال لي شوفته كيف خالتو فاطمه قالت ليهو والحاجه الحلووة انو زيتنا في بيتنا اختار بت حسب ونسب

عمو الفاتح قال بيها عشان كدة اصلا انا زاتي من اول يوم قلته بت صحبي دي م بنطلعها مننا طبعا انا م قاادرة اكل من الخجل وااي خالد شكيتو لي الله قلته ليهم عن ازنكم انا شبعته تسنيم قالت ليهم خجلتو البت ياخ طلعته غرفتي خالتو فاطمه طات لاحقاني اتكلمته معاي قالت لي انتي متأكدة انك موافقه؟قلته ليها والله م عندي مشكله قالت لي اها ي بتي خالد ولدي دة قال مستعجل لأنو بعد فترة عندو اجازة لكن م معرووفه متين عشان كدة قال داير العرس بعد شهر بس يعني بدايهه شهر واحد واسي نحنا في بدايه شهر 12 موافقه ولا عندك رأي تاني

طبعا صدمتني م عرفته اغوول ليها شي قلته ليها م عندي مشكلهه قالت لي ايوي ي بتي الله يرضى عليك والله لو عارفه انا ياما خطبته ليهو والخطبتهم ليهو كلهن اباهن قالت لي خلاص الجمعه الجايه نعزم الناس ونعمل الخطووبه قلته ليها الجمعه الجاايه واهلي طيب قالت لي كلمنا ابووك وقال بنزلو السودان كلهم بعد اسبووعين عشان يرتب امورو وكدة قلته ليها تمام بعد طلعت اتصلته على خالد قلته ليهو خالد دة شنو انا م فاهمه شي اي حاجه حاصله بسسررعهه وانا رااسي جايط قال لي حبيبي اذا م حابهه ممكن نأجل الموضووع م مشكله

قلته ليهو لا م قصدي كدة انا بسس كل الحكايه انو انا راسي شاطب بس الموهم عدت الاياام بسررعه وجا يووم الجمعه خالد قال لي م تكلمي زوول من الجامعه الا شلتك وكدة يوم الجمعه الخطوبهه مشيت الكوفير بس اتحننت حنه هديه في يدي وجيت راجعه الخطوبه كانت في البيت تسنيم عندها صحبتها ميك اب ارتست جابتها لي ظبطتني ح انا كان عندي فستاان اسود قصيير م طويل شديد الاكسسوارت كانت بالكبدي والشبط واطي باللون الكبدي ولابسه حجل في رجلي يعني خالد مطقم معااي القميص اسوود وبدت الخطووبه كنته فااقدة امي وابووي واخواني بس

خالد بلبس فيني الدبله قال لي حبيبي فيها شنوو ان عقدنا اسي وخلصنا قعدته اضحك ريان واريج ورزة قالو لي قال ليك شنو اصحابو قالو ليهو ي مان بطل خباثه قلته ليها شنوو قال لي اكلمهم اقوول ليهم عايز اخليها مررتي بالمرة واسوقهاوامشي قلته ليهو خالد وانا بضحك ريان قالت ليهم اريتني شهد انا اريج قالت ليها اريتني القميص اللابسو انا واي من خالد ومن غمازة خالد طبعا سامعاهم قلته ليهم تافهات لمن افضى ليكم رزة قالت ليهم خليكم من خالد دة بعد كدة موضوعو منتهى وم بتشلب ركزو على اصحابو كل واحد احلى من التاني اسي ديل بني بشر

ريان قالت ليهم انا ابو سكسووكهه دااك دشدشتي كسر كل حاجه جواي م ضلووعي بس الموهم اليوم عدة بعد الخطوبه خلصت وااي شي المساء في غرفتي اتصل علي خالد قال لي حبيبي اليووم كنتي طالعه زي القومر قلته ليهو حبيبي وانت كمان بتاخد العقل قال لي بالله وهو بضحك قال لي طيب اطلعي السطووح عاايز اشووفك قلته ليهو لأ نعساانه وعايزة انووم قال لي طيب نوم العوافي حبيبي واتغطي كويس فهمتي قلته ليهو تمام قفلته منو قلته كدة ادخل الفيس فتحتو لقيتو منزل صوورتنا وكااتب عليها خطبتها من بين كل البنات وحخليها تبقى مسؤليتي

والتعليقات نازله زي البوشار المفتوحه اليوم التاني مشيت الجامعه وصلنا خالد انا وتسنيم دخلته الجامعه كلها بتتكلم البت الرداحهه خطبها خالد دي خطيبه خالد جاتني واحدة قالت لي عاد قادرة عملتي الما عملتو واحدة قبليك ردحتي ليهو وخليتيهو يكبك في نفس الوقت اريتو حالي انا بقيت اي اتجاه امشي ليهو يقولو دي خطيبه خالد يلا نتيجتنا حقت السمستر الاوول اتعلقت مشينا قعدنا نتفقد النتيجه اتصلته على خالد قلته ليهو حبيبي انا خايفه قال لي حبيبي م تخااقي انا واثق انها نضييفه امشي شوفيها مشيت قلته لي ريان شوفيها لي انا م بقدر قلبي واجعني

شافتها قالت لي كوولنا م ناجحين قلته ليها احلفي جات تسنيم واريج يصرخو قالو لينا نتايجنا كلها نضييفه ماف زول شاايل مادة قلته ليهم بس انا مادة دكتوور احمد م اشتغلته فيها ريان قالت لي م تنكدي يمكن نجحنا علشان يداري على عملتو في البيت خالتو فاطمه اتصلت على امي قالت ليها اها انتو جيتكم انشاءالله للاسبووع الجاي كدة انا فكرته وقلته البت دي احبسها لمن انتو تجو اها رايك شنوو هي؟؟ امي قالت ليها ماف مشكله احبسيها طواالي هي زاتها بتك م محتاج تسأليني

خالد قاعد مع اصحابو في مكان الشيشه جا مروان قال ليهو واخير حبيبنا العايز يبقى مسؤؤل تاني نشتهيك اشتهى في القعدات دي خالد قال ليهو لالا يااخ انتو كنتو قبل م هي تكون معقوله بس بس هي حتااخد المكان الاكبر في غلبي طبعا

رجعنا البيت مبسوطين بالنتيجه خالتو فااطمه قالت لي من بكره حنقعدك في الحبس ي بتي عشان المدة قصييرة وانا اتكلمته مع امك وهي قالت م عندها مشكله تنزيل قالت ليهم ي سلام من بكره الرقيص والهجيج ببدا تسنيم قالت لي شهد ي حليلك بقعدووك في الحفره والنار ي حليك خالتو فاطمه قالت ليها م تخووفي البت ي سجم قالت لي تمشي الجامعه والمساء تجي تقعدي في الحفره تسنيم قالت ليها اسي دي بسموها حبسه خالد سمعنا طلع غررفتو بعد م خلاني طلعته غرفتي اتصل علي قال لي نفسي اغوول ليهم م عاايزكم تحبسووها لي ياخ ادووني مرتي كدة بس عاجباني

قلته ليهو طيب كلمهم م يحبسوني قال لي ي ريت يااخ اليوم التاني بعد م رجعته من الجامعه لقيت البيت ملان ارتحته شوويه كدة فعدووني في الحفره اشيل واصررخ عزبته ليك تنزيل دي عزاب كانت معاي ريان وتسنيم شغاله اغول لي تنزيل وااي حارة حارة ريان قالت لي شهد ي مدلعه وناس تدق في الدلكوه ونسوان يزغردو الموهم بعد تحانيس قعدته سااعتين شغاله اغول ليها انا اتشويت اتشويت فهمتي

بعد م قمته خالتو فاطمه قالت لي عشان م تلتهبي اتغطي كوويس لانو الجو باارد ومع جو المكيف دة ممكن يعمل ليك التهاب طبعا حالتي حاله دخلته غرفتي بعد م ريان مشت استحميت وسرحته شعري ورقدته اتصل علي خالد قعد يتونس معاي قال لي حبيبي اليوم الناس ديل عملوو فيك شنوو صووتك متغير كدة؟قلته ليهو واي ي خالد لو شوفته قعدووني في الحفرة والدخان كتلني كتل والنار كانت حاارة ضحك ضحكه خبيثه قلته ليهو مالك قال لي ماف شي اها وتاني قلته ليهو ماف شي م تضحك انا نعسانه عايزة انووم قال بي طيب طيب تصبحي على خير حبيبي بحبك قلته ليهو وانا كمان يلا

قغل بتكلم مع نفسو قال بريئه برائه تجنن عدا اسبووع م كنته بخلي خالد يوصلني بمشي بالترحيل لانو هو زاتو كان مشغول ناس امي وصلو السودان وكانو أجرو بيت في اركوويت عمو الفاتح زعل من ابووي قال كيف يأجر بيت وم يتزل معاهم الموهم بعد محاولات عمو الفاتح اقتنع والزعله فكت رحلته مع ناس امي في بيتنا الجديد طبعا كدة سعادتي اكتملت ورحلو معااي ريان واريج في بيتنا حابسني اساسا ريان بيتهم جنبنا عرفت اهلي على اهلها

وجاتنا بنان وسموحه وميثاق عااد راحلين جداد في الحي لكن البسمعهم بغوول لينا 100 سنهه عايشين هنا زغااريد وغنى كل الوقت وهجيج عجيب فصل عشرة يووم للعرس مجتبى قال لي خالد وباقي الشله انتو م تخلونا قبل عرس خالد دة نمشي اثيوبيا نقضي كم يووم ونجي قالو ليهو ااي والله خلونا نمشي خالد قال ليهم انا والله م عارف لانو شغلي فووق راسي مجتبى قال ليهو الشغل ولا عشان هنايه مجتبى قعد يضحك اتصل على قال بنتونس كدة قال لي على فكره الشباب قالو نمشي اثيوبيا سياحه كم يووم ونجي راجعين قلته ليهو وانت ماشي، قال لي ام بفكر غايتو

وقفل على كدة قلته لي ريان خالد قال مسافر اثيوبيه سياحه قالت لي شنوو وانتي خليتيهو ي مجنونه اياك توافقي م تخليهو يمشي اياك ي شهد اثيوبيا شنوو المساء كدة اتصلته عليهو قلته ليهو حبيبب ممكن طلب قال لي عيوني ليك اتدللي قلته ليهو م تسافر اثيوبيا عشان خاطري قعد يضحك قال لي بس كدة حاضر م حامشي طيب قلته ليهو م اتحرم منك انت يااخ قال لي انا بحبك وم اتحرم منك غلاي انتي بعدها ناس امي مشوو اختارو الشيلهه وكدة وعملو باقي التجهيزات قبل العرس بي اسبووع اهل امي نزلو اليوظان من السعوديهه وفرحتي خلصت بي حبوبه معااي

مع انو تشغيلاتها كتييرة حمودي اخووي قال لي الحمدلله انا كنته متخلص منك فترة مؤقته لكن اسي اتخلصته منك للأبد قمته جااريهه ورااهو ولافي بيهو بس جا خالد فاتح ومان الباب فاتح شافني ليك جاريه ورا حموودي قعد يضحك انا زاتي اتخلعته جريت طلعتهه غرفتي بعد م طلع اتصل علي قال لي ممكن اقوول ليك ي طفله عااتدي قلته ليهو ن زريف عدت الاياام يوم حفلهه الحنه حقت خالد البنات قالو الا ماشين وريان اصررت ررت ال نمشي المووهم لبسنا عبايات انا والبنات ومشينا الحنه في يدو تسوو كدي والعجب الجلابيهه واصحابو وحركات القوونهه معاهو

صورتو قلته بعد العرس ازكرو طبعا حنتو طلعت احلا من حنتي لأنو قوونتو كانت ظابطه يووم العرس كنته متوترة في الكوفير والناس ماشهه وجايهه فيني بعد م اخترته الزفاف وكدة قلته ليهم الا اللبسو بي اسبوورت حلفته كلهم م صدقوني طبعا عندي اسبوورت من ابيض جبتو معاي من الدووحه وم لبستو بعد م لبسته فستاني جابو لي الجزمه قلته ليهم لأ حألبس الاسبوورت حقي ريان قالت لي شهد دة م زمن هباالتك خلينا نخلص قلته ليهم وقسما باللهم هباله بعد جووطه طلعتو لبستو اريج قالت لي والله فظييع ي شهودتي اسراء قالت لي بالجد فظيع

البنات كانت قصه فساتينهم واحدة ولوونهم بصلي بس كل واحدة تسريحتها مختلفه يلا العرس بي يووم عملو لينا جلسات تصوير اوت دوور بالزفاف وفي الاستديو بي توب الجررتك المووهم جا خالد والوزرء بتاعينو طبعا شباب زي الورد ناس ريان قعدو يعزلو فيهم العرس كان في صاله مارينا خالد قعد يعاين لي وببتسم قال لي حبيبي هاانت قلته ليهو حبيبي عايزة اقوول ليك حاجه قال لي اها شنوو؟؟قلته ليهو طالع احلى من فزاع بن نايف قعد يضحك قال لي تسلم لي عيونك انا

مشينا الصاله دخلتنا كانت بي غنيه سيرة لما وصلنا نص الصاله رقصنا على غنيه شرين حقت انا كلي ملكك خالد قال لي بالجد انتي كلك ملكي قعدته اضحك قال لي على فكره اليوم طالعه ملاك واساسا انتي من يوومك ملاكي انا قلته ليهو من غير م احس خالد انا بعشقك قال لي وانا بهواك ي شهد الحفله كانت بي طه سليمان بعد رقصتنا خلصت بدأ طه يغني ويهجج بالناس في الحفله قاعدين في الكوشه قلته ليهو حبيبه عايزة اقوول ليك حاجه قال لي شنوو؟؟قلته ليهو انا لابسه اسبوورت مع الفستان قعد يضحك بأعلى صوتو قال لي م جادة قلته ليهو وحاطسملا

الموهم بهد م خلصنا حفله والجرتق وكذاا مشينا بيتهم الفي الطاايف وصلنا خالد دخل العربيه نزلنا طبعا بي ملابسنا حقت الجرتق مع انو كان نفسي امشي بالزفاف ياخ اوول م دخلنا خالد مسكني قال لي حبيبي كان نفسي يكوون عندي اجازة طوويله وشهر عسلنا يكون في المكان البتتمنيهو بس الشغل مقيدني وانتي كمان الجامعه لكن اوعدك اول م تخلصي السمستر دة اخد اجاازة ونساافر ماليزيا نقضي شهر عسلنا قلته ليهو بيبي م بهمني وين نقضي شهر عسلنا اذا كان هنا في السودان او خارج السودان انا بهمني اكون معاك انت بس م بهمني المكان

حضني قال لي فديت العاقلهه والبتفهمني انا شالني قال لي يلا نمشي غرفتنا طبعا غلبي بقى يضرب ونحنا طالعين قال لي م قوولتي في اليووم الشلتك فيهو لما عضاك الكلب فكرتي في شنوو؟قلته ليهو من غيير كزب ضحك قال لي ايوة قلته ليهو فكرته في اليووم دة وفي اللاحظات دي بس م اتوقعتها تتحقق قعد يضحك قال لي مش ربنا قال وعلى نياتكم ترزقوون اهو نحنا مع بعض وصلنا الغرفه قال لي بالنسبه لي انو جسمك متلج دخل استحمى وطلع انا دخلته قال لي عندك عندي حاجه قلته ليهو شنوو؟فتح شنطتو طلع طرحتي الجدعتها ليهو في وشو في الكفتريا ديك

قال لي الطرحه دي حببتني فيك بعدها دخلته استحميت وغيرته ملابسي جيت لقيتو صلى قال لي حبيبي اذا م جاهزة عاادي قلته ليهو حبيبي لا م كدة بسس قال لي تعالي طبعا غرفتنا كلها كانت وروود وشموع رقدني في السرير وحضني قال لي ماف شي بحصل بالغصب واصلا انا م مستعجل انا استعجلته للعرس دة لاني بس كنته عايز انووم كل يووم وانتي في حضني وافتح عيوني الصبااح اول حد اشووفو انت عايز ارجع من الشغل والقاك انتي تفتحي لي الباب وتحضنيني كنته عايزك تكووني حلالي قدام الناس من غيير م حد يتكلم عن حبي ليك قلته ليهو خالد؟قال لي روحو

قلته ليهو بحبك بجنون انا قال لي وانا ولهان بيك ي شهد مش بحبك وبس وبلعب لي في شعري قال لي انتي عاارفهه عمري م اتوقعته احبك او احب واحدة للدرجه دي قلته ليهو وانا كمان انت كنت وجعي وسعادتي في نفس الوقت قال معليش حبيبي على كل لحظه زعلتك فيها قلته ليهو بيبي خليك بس حاضني كدة وانا انسى الدنيا كلها قال لي حاضر حأحتويك كدة على الدواام وباسني راسي وخدي بعدها نمتتهه وانا م حاسهه احلى نومه في حياتي يااخ الصبح فتحته عيووني لقيتو نايم واي من شكلو وهو نايم

نزلته دخلته استحميت وغيرته ملابسي وسرحته نزلته تحت دخلته المطبخ فتحته التلاجه كانو مجهزين فيها اي شي شكلها خالتو فااطمه غايتو للعصيير مجهزنو عملته الشاي جهزتو وجهزته الفطوور وطلعته ليهو فووق م كنته حابه اصحيهو لاني م عاارفه هو نام متين وجعاانه وم عايزة اكل اخليهو رقدته جنبو في ومسكته يدو فتح عيونو قلته ليهو ثباحو بيبي قال لي صباح الطلهه البتررد الرووح حبيبي باسني على راسي قال لي كيف اصبحتي؟قلته ليهو تتوقع صباحي يكون كيف وانا معااك قال لي غلاي م اتحرم منك قلته ليهو حبيبي طيب قوم صحصح كدة وادخل الحمام عشان الشاي جاهز

قال لي حاضر نزل دخل الحمام قال لي حبيبتي عندي شامبو في شنطتي اديني ليهو قلته ليهو حاضر فتحته الشنطه وشلته الشامبو دقيت ليهو باب الحمام قلته ليهو بيبي هاك مسكني وجراني جوة الحمام قال لي م لاحظتي انو الحمام فيهو شامبو قلته ليهو خالد قال لي حاابب اخد دش مع حبيبتي مالك قلته ليهو لا بلتهب مع جوو المكيف دة يااخ وجيت طالعه بعد م هو خلص طلع قال لي مرتي الخجوولهه حضني قال لي اصلاالخجل يخلوهو ليك نزلنافطرنا ولمينا حجات الفطوور بغسل في العدة جا حضني من ورا قال لي اساعدك قلته ليهو بكدة حتسااعدني بشنوو وانت حاضني كدة

قال لي ام المساعدة حتكون على حسب الضريبه يعني مثلا غسييل العدة ضريبتو بووسه وحضن باقي المساعدات نتفق عليهم بعدين قلته ليهو والله ورشيتو بالمويه قال لي استكاناتك على فكرة انا عروضي مغريه بعد م خلصته طلعته لقيتو مشغل فيلم رومانسي قال لي تعالي رقدني في حضنو وقعدنا نشااهد قلته ليهو حبيبي ممكن اسالك سؤال فضولي قال لي غولي قلته ليهو روعهه عملت شنوو؟؟قال لي رووعه ي ستي كنا بنحب بعض وانا غلطه معاها وكانت حامل وانا كنته مستعد اتزوجها بس براها مشت اتخلصت من الولد من غير م تااخد راي وانا كرهتها من يومها وبقيت م لي فيها

ضميتو شديد قلته ليهو اسفه حبيبي لاني زكرتك بالموضوع قال لي حبيبي عادي ولا يهمك قعدنا نحضر الفيلم ومركزين طبعا قال لي نطلع غرفتنا؟قلته ليهو ايوة قال لي واثقهه حبيبي؟قلته ليهو ايوة قام شالني وطلع بي غرفتنا وحصل الحصل وقضينا احلى ايام مع بعض واي من رومانسيتو بقى هو مصدر سعاادتي وانا مصدر سعاادتو تمينا تلاته اسابيع قلته ليهو حبيبي م حنرجع قال لي حبيبي دة بيتنا انا م حابب اسكنك في شقتي ديك فهمتي قلته ليهو طيب ناس عمو الفاتح م حيزعلو قال اصلا هم اقترحو على كدة قلته ليهو بس البيت كبييرقال لي انا معاك

الموهم بعدها طلعنا وزرنا ناس عمو الفااتح واي من الخجل ونظرات تسنييم وتنزيل القاتله طبعا ناس امي رجعو الدوحهه لانو ابووي ازتو بسيطه وناس حبوبه رجعو السعوديه بعدها رجعنا بيتنا وخالدزاتو اجازتو خلصت المساء كدة ونحنا خلاص عايزين ننوم قلته ليهو بيبي يعني خلاص حتنزل الشغل؟قال لي ام زعلانه؟؟قلته ليهو كل الوقت حتكون مشغول في الشغل بس وحتخليني براي قال لي حبيبي وانتي كمان تنزلي الجاامعه قال لي نطلع بعض اوصلك وامشي الشغل قلته ليهو حاضر

قال لي حبيبي ولا تزعلي نفسك يووم الجمعه م حأطلع الا صلاة الجمعه باقي اليووم كلوو حقك حلو كدة؟ قلته ليهو حاضر قال ليهو كلوو ولا زعلك صباح اليوم التاني صحيت بدري جهزته كنته لابسه تشيرت بني اخترته ليهو القميص بنفس لون الشيرت حقي جهزنا قال لي الزراير، قلته ليهو خاالد ناوي تأخرنا طيب تعال بقيت ازرر ليهو فيهم حضني قال لي خلينا نتأخر لاحقين شنوو قلته ليهو يا موونحرف نطلع نزلنا شربنا الشاي وطلعنا طبعا انا بي استاايلي القديم ولا غييرتو وصلني الجامعه قال لي حبيبي ركزي على دراستك قلته ليهو حااضر وانت كمان

قال لي انا م حأقدر اركز م اكذب عليك بالي حيكون معااك كل الوقت قعدته اضحك باسني في خدي قال لي يلا الزمن وبعدين م تنسي فااتتك لكشراات كتييرة انشاءالله يكونو مسجلنها ليك كلها قلته ليهو انشاءالله قال طيب انزلي قلته ليهو طيب عايزة انزل بووستو في خدوو قلته ليهو حصنتك فهمته ايااك عينك تزووغ جاي ولا جاي قعد يضحك بصووت عاالي قال لي طيب حصنيني كل يوم دخلتهه الجامعه ناس ريان يصرخو الناس كلها بقت تغوول ليك مبرووك رياان قالت لي اشي عليكم صوورتكم في الفيس حضرانهه وكمان خاالد كااتب بكل ثقهه بقت مسؤليتي قلته ليها شووفتي كييف

الجامعه كلها بتغوول لي احلى ثناائي اريج قالت لي عررسكم جااب للناس نفسياات تسنيم قالت ليهم هي مالكم مع مرت اخووي دخلته المحاضرة رسل لي رسااله قال لي اشقته ليك ركزي في المحاضرات فهمتي رجعتهه البيت انتظرتو لمن جا المغرب كدة ضرب الجرس طبعا قاعدة برااي زي الشيطان جريت فتحتهه ليهو الباب وحضنتو قعد يضحك قال لي دة كلوو شووق شالني لفاني قال لي مرتي السمحه شديد اشتقته ليك قلته ليه اتاخرته كدة قال لي الشغل بس تعالي كدة قعدنا المكنبه قال لي كيف كان يوومك؟قلته ليهو كيووت مع البنات قال لي تمام طيب اطلع استحمه وانزل

قلته ليهو هااك موويه طيب نزل بعد م اتغدينا قال لي عندي كوورة عايز احضرها تحضريها معاي ريال وبرشلونهه قلته ليهو تمام قعد في الكنبه يحضر جيت رقدته ليهو في رجليهو قلته ليهو حبيبي بعد مسافهه ردة علي طبعا مرركز في الكورة قلته ليهو انت ريال؟قال لي لأ برشلوني قلته ليهو بس انا رياليه قال لي ام ولسسه مرركز في الكوورة م جاايب لي خبر قلته اغيظو بس قلاه ليهو اساسا طول م كريستيانو لاعب اتأكد انكم حتخسروو كريستياانو الحووب ياخ الولد دة عثل مكسسيرني حمر لي ورجع ركز في الكوورة قلته ليهو اساسا هو احلى منك

عاين وقعد يضحك قال لي حبيبي مش التلفزيون المزعلك دة يااهو قفلتو ي ستي بس م تقارنيني بي حد قلته ليهو من قبيل عايزة الفت انتباهك وانت عامل فيها مرركز قال لي عاايز اشووف نهاايتك وين بس قلته ليهو يعني حاليا مركز معاي قال لي اساسا انا كل الوقت مركز معااك فهمتي حتى اذا شفتينا مشغوول وم منتبه. اعرفي انك في بالي قلته ليهو خالد قال لي روحو قلته ليهو انا كمان ولهانه بيك قال لي حبيبي عسانا دايما مع بعض ومكملين بعض كدة شغلته التلفزيون قغلو تاني شغلتو بقينا نتشااكل في الريموت قلته ليهو حبيبي بلييز

قال لي رووح حبيبك انتي طالعين نتعشى برره يلا نجهز قلته ليهو طالعين وليه م كلمتني قال لي اسي كلمتك قلته ليهو طيب م ماششه قال لي ام م مااشهه متأكدة وبقى يقرب منك قلته ليهو لا ماشه ي بيبي ماشه قعد يضحك شالني قال لي طيب يلا نجهز و حياتنا بقت مستمررة كدة حلوين مع بعض متفاهمين م اكزب عليكم احيانا بغير عليهو شديد بس انا على قنااعهه انو غاضي نظرر عن اي واحدة

القصهه دي العبرهه منها اتزوجي النسوونجي ااي النسونجي لأسباب

اولا وصل مرحله الاكتفاء الذاتي من النسواان

تاني شي طالما اختارك انت من بين كل البنات العرفهم معناها شاريكي وانتي بالنسبهه ليهو زولهه مميزة

تالت شي زوول واقعه ليهو شديد بعزك وبعرف كيف يرااضيك لما تزعلي وبعرف كيف يبسطك انتي عايزة شنوو اكتر من كدة

انتهت