الفصل الثاني

وصلنا السودان الساعه 5 صباحا طبعا نزلته م فاهمه شي امشي على وين واتكلم مع مين واقول ي منو والشنط علي كتيرهه وغايتو جنس بهدله طلعتهه بقيت واقفهه بس بتلفت يمين وشمال في رااجل من الضبااط الشغالين في المطاار ديل كان واقف مشييت سلمته عليهو في البدايه ردة علي بي نرفزة كدة قلته ليهو معليش ي عمو انا بس ي دوب طيارتي وصلت والمفروض كان اللاقي حد يستغبلني لاني م بعرف زوول هنا بس م عارفه امشي وين محتاجه جوال اتصل بيهو على ابووةوي قال لي ابوك وين انتي وجايه براك؟؟قلته ليهو ابووي في الدوحه قال لي والله دي شغله عجيبه خلاص

طلع التلفون اداني ليهو قال لي م اظن يكون فيهو رصيد كاافي لكن شوفيهو شلته التلفوون دخلتهه رقم ابووي في البدايهه م رد يمكن نايم وكدة تاني حااولتهه ردة علي قلتهه ليهو ابووي انا وصلتهه لكن م لاقيه الزوول الحكيت لي عنوو وانا م عارفه امشي وين قال لي دة جوال منوو اسي؟ للزوول منتظرك في المطار وانا اتكلمتهه معااهو قبلي شوويهه اديني صاحب التلفوون المعااك دة اديتو قلتهه ليهو اتفضل ابوي عايز يتكلم معااك

قال ليهو خليها معاك انا بخلي الزوول المنتظرها اسي يجيها في المكان الانتو فيهو دة وين بالظبط؟؟قال ليهو نحنا قاعدين في المظلات القدام صاله المغادرة دي بعدها قعد يتوونس معي وسألني جاايهه براي ليه وكذاا قلته ليهو القرايه وكدة ي عمو قال لي الله يعينك ي بتي شويه كدة جوالو اتصل ردة قال ليهو ايوة ياهم نحنا زاتنا تعال علينا قال لي الزول المنتظرك وصل جا سلمته عليهو قال لي والله منتظرك عندي ساعتين بعدها ودعتهه عموو الكنته قاعدة معاهو دااك والراجل شاال لي شنطي ومشيينا الساعه كانت 6 صباحا

طبعا م فاهمه شي وصلنا ضررب تلفوون قال ليهو ايوة انا قدام البوابهه افتح لي الباب قال لي البلد عشان م بتعرفيها في البدايه حتكون ليك غريبه لكن حتتعودي بعد كم يوم جا راجل فتح الباب قال ليهو مش الغرفه جااهزة؟؟قال ليهو جاهزة قال لي دي افضل داخليه وم فيها ااي مشاكل م تخاافي طالعين انا رجولي م شايلين وشكلها الغرفه في الطابق الاخيير وصلنا فتح لي الباب قال لي اتفضلي واداني مفتاح الغرفه ومعاهو بطاقه صراف اللي قالولي دي ابووك قال يدووك ليها وكمان معاهم شريحهه قال لي دة خط سوداني بعد كدة اذا واجهتك اي مشاكل كلميني

قلتهه ليهو طيب قال لي بالنسبه للجامعه الترحيل حيبدأ معاك من يووم الاحد طبعا هو راجل كبير ماشاءالله عليهو طيبان شدييد قال لي بعد كدة م ناقصك شي ااخر شي اتصل تلفون قال لي هاك اتكلمي مع ابوك مسكته التلفوون قلته ليهو بابا كييف قال لي تمام وانتي كيفك قلتهه بيهو مشتااقه ليكم ي ابووي ضحك قال لي بطلي سذااجهه ويلا ارتااحي بعد كدة تصبحي على خيير اديت التلفون لي عمو قلتهه ليهو ليهو اتفضل شال التلفوون قال ليهو اها اتطمنته عليها الحمدلله م تخاف عليها في أمن وامان والغرفه زاتها م متشاارك معاها زوول خليناها ليها براها

بعدها طلع وانا قفلتهه وراهو الباب بالمفتاح طبعا كل شي غرييب وم فاهمه شي جدعتهه شنطتي في السرير ولا غيرتهه حتى رقدته نمته صحيت حوالي الساعه 12 صباحا كدة طبعا احاسيسي مبعثرة لا معرووفه جعاانه لا زعلانه لا دة لا دة دخلته الحمام استحميت فتحته شنطتي طلعته حجاتي الجايباهم معي للحمام وشلته لي بجامه لبستها بعدها مسكته جوالي الجابو لي ابوي جديد وبقيت قاعدة في نص السرير اعمل شنوو فجأة باب الغرفه دق مشيت فتحته الباب لقيتهم 3 بناات قالو لي هاي قلته ليهم اهلين قالو لي جديدة هنا وكدة حبينا نسلم عليك قلته ليهو حباب طلتكم تسلمو

واحدة قالت لي انا هند ودي بنان وميثااق قلته ليهم وانا شهد اتشرفتهه بمعرفتكم طبعا اساسا قافله معي م قلته ليهم اتفضلو لا شي قالو لي طيب اتحركو مشوو قبل م اقفل الباب واحدة قالت ليهم يع موفتريهه شوفتوها بتسلم بي طرف اصابعها كيف طبعا قفلتهه الباب قلته انا جعانه وم فااهمه شي وم معي قرووش اعمل شنوو ي ربي عندي شال كدة شلتو ختيتو في كتفي وشلته بطاقه الصراف حقتي وتلفوني ونزلته نازله وم عارفه اسأل منو ولا اقوول شنوو بس فجأة ظهرت قداامي مره ونادتني بي نهرره البنات كلهم بقو ساكتاات وبعااينو ليها قلته ليها انا

قالت لي لا خيالك اي انتي تعالي هنا دة مشيت عليها وجسسمي كلوو بررجف طبعا هي هي عبااره عن حاجهه ضخمه مشيت والله لمن عاايزة ابوول في رجوولي قالت لي دة شنوو اللابسااهو دة فاكره نفسك في بيت ابوك انتي بقيت ساكتهه قالت لي انتي جديدة هنا؟؟طبعا هي بتنهر فيني قلته ليها اايوة جديدة قالت لي م تتصمغي لي هنا وامشي اقري الارشادات المعلقه في حرم الداخليه ديك اوعى اشوفك حايمهه بي بجامهه فهمتي نقعد نششرح ليكم كدة لمتيين نحنا طبعا اتحركته ودموعي جاريهه عشرة عشرة كررهتي في الدنيا الزول ينهرني اافضل لي الضررب

وكمان قدام البنات واي احساس قاتل اتحركته البنات شافوني ببكي جو اتلمووفيني قالو لي شكلك جديدة وم متعوودة اصلا هي كل الوقت بتنبح كدة واحدة قابت لي ولا يهمك ي بيبي دي واحدة بايرة ساي اعفيك منها كل يووم بتتفشى فينا كدة قلتهه ليهم حتى ولو م عندها صلاحيه انك تصرخ علي كدة واحدة فتحت خشمها قالت ليهم اها دي حركات دلع بنات شهادة الما بتنطاق غايتوو محن طبعا ولا ركززته معاها بعدها مسحتهه دمووعي واحدة قالت لي تعالي نمشي الكافتريا شكلك لسسه م فاهمه حاجهه

انا زاتي كنته زيك حبيبه حتتعودي مشيت معااهم قلته ليها بلغى لي صرااف الي هنا قريب؟حابهه اصرف قرووش قالت لي ااي في خلينا نفطر بعدها حأمشي معاك وم تخافي فطورك علي طلبت لي فطوور ومشرووب فطرنا وطلعت معي غرفتي قلته ليها تسسلمي م قصرتي قالت لي العفوو دخلتهه غيرته ملابسي وطلعنا قالت لي بالمناسبهه انا ميساء قلته ليها وانا شهد بعدها صرفنا وجينا راجعين قالت لي انا غرفتي جنبك بي جاي بس معي واحدة تاانيه انتي بختك عندك غرفه برااك وكذاا ضحكته قلته ليها تمام ي ستي ودخلته غرفتي اليوم دة عدة وكان زفت

ويووم الجمعه كان ازفت بس اصحى اكل انووم رتبته حجاتي في الدولاب وبقيت قاعدة شغااله بالتلفووت اتصلته على ناس امي قلته ليها امي انا م قادرة مخنوقهه بجد م عارفه اعمل شنوو وحكيت ليها مووقف المشرفه معاي قالت لي م تخاافي حتتعودي واساسا كان بكره اوول يوم في الجامعه ومقلقه السبت باليل جاني عمو نذار قال بكره خليك جاهزة الترحييل بجيك بدري نمته ولا جهزته ملاابسي حتى وانا بطبيعه حالي م دقيقه في المواعيد صحييت مخلووعهه لقيت جوالي بضررب عاينته لقيت الساعهه 9 الا رديت قال لي الترحيل دة ليهو ساعهه واقف م طلعتي؟

قلتهه ليهو نسيت طيب ثواني واجهز ثواني وين والله ساعه كامله حتى اجهز اختيار ملابسي براهو عايز ليهو زمن عندي طقمشنطه معاها جزمتها اسبوورت لونهم وردي وتشييرت يديهو كامله بالرمادي والاسكييرتي بتااع فنايل لين لونو اسوود لبسته وطلعته وشعري حتى م سرحتو بس ختيت الطووق في راسي ولبسته الطرحه وطلعتهه لما وصلتهه الطابق الاخيير وانا طالعه المشرفهه قالت لي تعالي هنا الاسكيرت دة اسي م ضيق وقصير شديد رجليك دي كلها برره

طبعا عاينته ليها وطلعتهه لقيت عربيه استايركس واقفه قدام الداخليهه بقيت اعااين قال لي شهد؟؟قلتهه ليهو ايوة قاال لي ياخ لسهه بدري كان تتأخري ساعهه واقف ليك انا معقووله ياخ قلته ليهو معليش وركبتهه قال لي البنات المعاك وصلتهم من الصبااح في برلومه بتتأخر للدرجه دي طبعا ركبتهه سماعاتي ولا ركزتهه معاه وصلنا قال لي انزلي وصلنا نزلته قال لي انتظري دة ايصاال الدخول عم حسن قال يدوك ليهو قلته ليهو طيب اخدتو ودخلتهه بيهو طبعا حسيت نفسي بس في جهنم ناس م معرووفه ولا حتى الزوول م يعرف يتكلم مع منوو ولا يقوول شنو

بقيت وااقفهه بس وبعاين للناس في شلهه كدة كانت واقفهه قلتهه لي نفسي ي شهد م عندك حل غير انك تسأليهم مششيت عليهم كانو واقفين اولاد وبنات وبتونسو وبضحكو قلته ليهم مرحبا واحد فال لي ي اهلين البت قالت لي هلا هلا قلته ليهم معليش بس حابهه اسألكم من قسم قاعات معمار ممكن اعرف توصفو لي مكانها؟؟واحد قال لي برلوومه قلتهه ليهو ايوة طوالي غمز لي اصحابو وانا م ختيت في الغمزة دي حاجهه قلتهه يمكن حركهه سااي وصف لي قال لي من هنا تمشي كدة اول طابق على يدك الشمال قلته ليهو تسلمو قال لي لالا ياخ العفو فديتك انا

بعد م اتحركته قعدو يتهامسو ويضحكو طبعا انا بي عفوويه مشيت على حسب م وصف لي اتخييلو الموتخلف وصف لي الحمامات وفي الحمامات زاتها وصف لي حمامات الرجال طبعا كلهم فهمو انو انا عاملين فيني مقلب واحد قال لي معليش ي اخت دي حمامات عايزة شنو انت؟؟دموعي جات جاريه طبعا ببكي في اقل شي قلته ليهو عايزة قاعه برالمه معما ومن جوة طبعا بسب للولد واصحابو التافهين اها الولد قعد يضحك قال لي م تبكي امسكي المنااديل دي عادي بمقلبو البرالمه كدة وقعد يوصف لي بقيت بعاين ليهو خايفه يمقلبني زي الموتخلفين ديل كمان

هو حسسه بي ضحك قال لي م تخاافي م بمقلبك تعالي انا زاتي بووصلك اها هنا خووفي زاد اكتر انا ايش ضمني انو م حيوديني مكاان تاني الموهم بقيت ماشهه وراهو بعدها اتطمنته لانو الناس كتييره وصلنا قال لي اهو وصلنا عاين للقاعه لقى الدكتور دخل قال لي اوبس انتي اول ليك يوم وجايه متأخرة قلته ليهو ايوة ليه مالك قال لي بروف غسان دخل عليكم ودة اسوأ دكتور ممكن يمر عليك وعندو اهم شي الدقهه في المواعيد فاشنو انتي وقعتك سودة معاهو ي حليلك يلا سلام طبعا خوفني بصوورة وزاد علي الطين بله

وقفته طبعا شاايله شنطتي طبعا الدكتور عاين لي ولا ختى فتح خشموو معااي وانا وااقفه وبعاين ليهو والطلبه بغادي نصهم بتبسمو ونصهم بعاينو لي والدكتور لمن زي عاين لي وطلع نظارتو فوطها ولبسها وبقى يشرح في باقي كللامو عاد شكيتو لي الله لمن رجليني نملن

...