الفصل الثاني والعشرون

تسنييم قالت ليها دة مالو خالتو فاطمه قالت ليها بري علمي علمك تسنيم قالت ليها امي خلاص صحي لينا طارق خلي يوصلنا الزمن اتأخر خالتو فاطمه قالت ليها ي بت كيف يعني امشي اصحيهو ولسه هو مرتو م صحت لالا م بصحيهو قالت ليها طيب ي امي اضرب ليهو تلفوون بس قالت ليها لالا ولا تلفون م تضربي ليهو خلي ابوك يجي يوصلكن قالت ليها واي ي امي ابوي م بطلع بدري لا شي وبسوق برراحه كمان قلته ليها انا رسلته رسااله لي حازم سواق ترحيلي امس كدة دقيقه اتصل عليهو يمكن نسى

اتصلته عليهو قلته ليهو حازم كيفك وينك م جايني؟؟قال لي متزكرك وشكلك م مركزة في تلفونك انا رسلته ليك رساله من قبيل قلته ليك اجهزي انا جاي عليك قلته ليهو انا جااهزة قال لي طيب 5 دقايق واصل قلته ليها تسنيم حازم قررب يصل يلا نطلع عليهو قالت لي اوف واخيرا لقينا مين يوصلنا يلا طيب قالت لي خالتو فاطمه يلاا بايات ي مامشكو على قوله شهد لي امها قالت لينا ربنا يوفقكم ي بناتي طلعنا واقفين كدة عندهم جارهم طلع بي عربيتو تسنيم قالت لي واي انا منوو الراجل دة مدشدشني اناقهه وزوق ورقي وكلوو قلته ليها راقدة شسايفاك قالت لي احي منوو

قلته ليها اي شكلو رااقي قالت لي اريتو حقي انا واي شوفي النظارات اللابسها قلته ليها هس الراجل بسمعنا ي سجم جا ماري بالعربيهه رفع لينا يدوو البت عايزة تجن عدييل قلته ليها روقي فضحتينا وقف العربيه قال لينا اتفضلو اوصلكم لو حابين بس حازم جا وقف قلته ليهو لأ ترحيلنا وصل شكرا ليك قال لي العفوو ومشى تسنيم قالت ليهو حازم دة وقتك اسي ضحكته قولته ليها الراجل جااركم م طااير مصيرك تلااقيهو كتييسر قالت لي ياخ دة م بقعد في السودان كتير ولا شي اسي دي كانت فرصه ادردش معاهو

والله كان شوفتيهو دخل لينا يوم العيد واس لما سلم علي انا دي قلبي عمل شح طبعا حازم مات ضحك قال لينا والله غايتو انتو البنات ديل ربنا يهديكم بس اتصلت علي رياان قالت لي ي جزمه ي حقييره ي تاافهه من سافرتي حتى م فكرتي تتصلي علي ولا حتى حااولتي ترسلي لي رسالهه قلته ليها روقي لمن اصل الجامعه نتفاهم قالت لي وقسما بالله ي شهد وششك م عايزة اشووفو وقفلت الخط في وشي تسنيم قالت لي يلا معاها حق تزعل وصلنا الجامعه دخلنا اسراء واريج ورزة جووني جارين وبصرخو قالو لي اشتقنا ليك قلته ليهم لسه مجانين زي م انتو

اسراء قالت ليهم عاينو دي غاابت 10 يوم عامله فيها عقلت ريان قااعدة بتعاين لي قلته ليها ريووتي قلبووشتي انا قالت لي لا قلبووشتي لا شي يلا زحي مني قلت لها بيبي بلييز قالت لي لأ م عايزة اتكلم معاك خووتك طلعت خووة حبشش كلهم قعدو يغولو لها ااي م تسامحيها خلي ناس الدوحه ينفعوها قلته ليهم رمم خليكم محضر خير مسكتها قلته ليها تعالي قالت لي م ماشه معاك مكان قلته ليها يااخ انتي م عارفه الحاصل معاي شنو يلا تعالي احكي لي مشينا قعدنا في بينشات الجامعه وقعدته احكي ليها قلته ليها خالد قال هو بحبني قعدت تصرخ قالت لي واي انتي جاادة

اصلا كلمتك وقلته ليك انوو بحبك عشان كدة شايفه في صفحتو حقت الفيس.. سكتت قالت لي يعني عشان خالد طلع بحبك م بتسألي مني بعتيني خلاص قلته ليها ي بت م كدة انتظري اكمل ليك الباقي اصلا هو م بحبني ولا شي هو عاملها حركهه مع اصحابو التافهين بس فهمتي قالت لي كيف يعني قلته ليها اتفق علي هو واصحابو ي ريان شوفتي التافه قالت لي وانتي عرفتي كييف وااي بجد باالغ حكيت ليها بي كلام مهاد وكدة قالت لي دقيقه دقيقه يعني قصدك انتي بس سمعتي كلام مهااد وطوالي خربتي وش مع خالد قلته ليها اصلا مهااد عارفاهو وعارفهه عماايلو مع شلتوو

انا بس اتغاابيت وصدقتو قالت لي شهد اسي انا كان سبيت ليك غلطانهه قلته ليها ريان انتي كمان دايرة تدافعي ليهو قالت لي شهد انتي متخلفه م عندك اوتكيت تفكري بيهو طيب انتي واجهتي خالد؟طيب سمعتي او شووفتي بعينك وهو بتكلم مع اصحابو؟قلته ليها لأ قالت لي اها طيب قالت لي يلا كررهتك قالت لي امس كنته بفتش في صفحه خالد لقيتو منزل بووست في نفس اليوم الانتي سافرتي فيهو المساء قلته ليها كاتب شنوو اكيد بوست سخيف زيوو قالت لي دقيقه ادخل ليك صفحتو دخلت قالت لي وينو هو البووست ام ايووة يااهو شووفي كاتب:

لم اخطط ابدا...كي ادخل العششق فتاريخي النسائي...

قضاء وقدر

ثم تفاجأت بحب امرأة جعلتني ورردة بعد م كنت حجرر

سأجعلها مسؤليتي

طبعا بعد م شوفته البوست قلبي وجعني قلته ليها دة اكيد شرك عاملو لي واحدة قالت لي شهد لاحظي دة اول بوست يكتبو بالطريقهه دي لو لاحظتي صفحتو كلها صوور وفيديوهات عن الكورة وكدة وليه بالزات نزل البوست دة في نفس اليووم القال ليك فيهو بحبك؟وبعدين شووفي الكومنتات كل اصحابو مصدومين فيهو ومشغلنها ليهو والبنات كلهم بغولو ليهو بختها سعيدة الحظ دي وانتي جاايه تسمعي لي كلام مهااد دي وااي انا منك ب شهد اعضيك انا ولا اعمل فيك شنو قلته ليها م بعرف ي ريان بحبو ي ريان بس انا خايفه يخزلني

قالت لي م انتي غبيه طيب بعد م وصلتي السودان اتكلم معاك؟؟قلته ليها لأ حتى اليوم م وصلنا بالعربيه قالت لي معاهو حق انتي فرستيني انا زااتي قلته ليها طيب اعمل شنو قالت لي اتصلي عليهو قلته ليها لا م بقدر اتصل عليهو اقول ليهو شنوو بس قالت لي قوولي ليهو انك مشتاقهه ليهو بس يعني حتقولي ليهو شنوو مثلا ي غبيه فهميهو انتي عملتي كدة ليه وبرري ليهو واعتزري ليهو بس قلته ليها لا م بقدر اتصل عليهو وم بقدر اعتزر ليهو قالا لي طيب راسليهو في الواتساب قلته ليها طيب لنفترض كلام مهاد طلع صح قالت لي شهد قلته ليها انتي بتدافعي عنو كدة ليه

قالت لي علشان اتأكد اذا م عايزاهو اشلبو منك قالت لس م تتهابلي الولد وااضح انو بحبك قلته ليها طيب طيب برااسلو في الواتساب

خالد كان قااعد مع صحبو مجتبى ويووسف في مطعم مجتبى قال ليهم دقيقه عايزة اتصل على زوولتي خالد قال ليهو ااي واحدة فيهم يووسف قعد يضحك مجتبى اتصل عليها قال ليها مشتاق ليك وين انتي؟قالت ليهو في الجامعه حبيبي قال ليها طيب عاازمك فطور في سيزر تعالي معاي اصحاابي قالت ليهو طيب بس بجيب معااي صحباتي قال ليها تمام اسررعي الاء حبيبه مجتبى جأاات وكانت معاها صحباتها متاب وميسوون سلمو عليهم وقعدو متااب بتعاين لي خالد مجتبى قال ليهو شكلها البت دي مشركه ليك من قبيل بتعاين ليك

خالد قعد يضحك شويه شويه قعدو يتونسو مجتبى قال ليهم دقيقه ناخد لينا سيلفي خالد قال ليهو حيرتنا بالسيلفي حقك دة بعدها فطرو وطلعو خالد قال ليهم انا بعد كدة لازم ارجع الشغل ي جماعه فررصهه سعيدة خالد رجع الشغل وخلى مجتبى يووصل حبيبتو والبنات

دخلنا اوول محاضرة لينا في السمستر الثاني م كنته مركزة اساسا بفكر في كلام ريان على طوول شلته التلفوون ورسلته لي خالد في الواتساب قلته ليهو في بت قالت لي كذا وكذا وانا اقتنعته بي كلامها انا بس.. اثناء م بكتب كدة فتح الرساايل وعلى طول حظرني قبل م اخلص كتابتي قلته ليها ريان حظرني تخيلي قالت لي يلا تستاهلي

خالد مع نفسو قال يلا خلي كلام صحبتك ينفعك بلاش حركات بنات معاك

المساء بعد م رجعنا البيت اتصلته عليهو م ردة اتصلته عليهو كتيير رقمو بقى م بدخل معي قلته لي نفسي عمل لي حظر مكالمات م بقدر لازم اتكلم معاه وافهمو الساعه 6 مساء هو كان قاعد في غرفتو قلته لي تسنيم لابتوبي م شغال ماششه اشيل الاب بتاع خالد طالما انتي شغاله بي لابتوبك قالت لي م برضى بيهو لكن امشي حاولي معاهو مترددة مشيت دقيت ليهو باب الغرفه ودخلتهه لقيتو رااقد في الكنبهه وبشااهد في كووره قفلته الباب قلته ليهو خالد م اتكلم معااي قلته ليهو خالد راسلتك في الواتساب ليه حظرتني قبل م اخلص كلامي وكمان م رديت على محادثاتي

م ركز معااي مشيت على التلفزيون قفلتو وقف على حيلو قال لي لي وارد عليك ليه؟؟ عشان اسمع السخافه دي قلته ليهو متوقع مني شنوو ي خالد شي طبيعي اخاف خت نفسك محلي بس قال لي كان تجي تسأليني وتحكي لي الحااصل م هو انتي م ممكن تحكمي على حاجه لا سمعتيها لا شووفتيها وانا سألتك لما اتكلمته معاك بي رقم ابوك بس انتي بكل بساطهه قفلتي الخط في وشي صح؟طيب دة الشي العايزاهو انتي انا م عملته حاجه من عندي ي ستي قلته ليهو طيب اسفه قال لي عاارف انك م بتثقي فيني ودة شي طبيعي بس كمان م معناها اي حد جا قال ليك عني كلاام تصدقيهو

قال لي طيب اسي الببكي شنوو مش دة العايزاهو انتي؟قلته ليهو لأ قرب مني قال لي اها طيب عايزة شنو قولي؟وانا منزله راسي تحت قال لي اها شنوو وهو في وشو ابتسامه سخيفه قلته ليهو خالد قعد يضحك هو فهم غلط انا قصدي بمعني انو خالد ابعد مني قال لي ام يعني عايزاني قلته ليهو لا م قصدي كدة بطل ثقاله قال لي ناوي احسم الفارغهه دي وهو ماسكني من نصي جسمي بررد خلاص قلته الليله وب انا الجاابني ليهو في غرفتو شنوو قلته ليهو قصدك شنوو قال لي معقولهه م فهمتي قصدي واي من ضحكتو تررد الروح انا طبعا عقلي مشى لي بعيد وبقى يودي ويجيب

قلته ليهو خالد قال لي كنته عايز اغول للحاج اخطب لي بت صحبك دي لكن كيف حأقدر ارتبط بي وااحدة بتسمع اي كلام قالوهو عني ومن اي حد كمان عشاان كدة غضيت نظر على طوول م ناقص وجع راس وحركات نسوان انا قلته ليهو كيف يعني قال لي كنتي حتبقي مسؤليتي ي شاطرة لكن خلاص بطلتهه الحمدلله اساسا انا عمري 27 سنه وانتي ي دوب عمرك 19 سنهه يعني صغيرة على المسؤليه وكدة عايز لي واحدة عمرها يكوون قريب من عمري يااخ من غير م احس قلته ليهو بس حابهه اكون مسؤليتك قعد يضحك طبعا ي دوب حسيت بي نفسي قال لي بالله

قلته ليهو بالنسبه لي انك ماسكني اذا جا حد داخل فكني سوورعه قال لي م مشكله بغوول ليهم حتبقى حلالي وين المشكله قلته ليهو حأبقى حلالك يعني لسسه م بقيت لما ابقى بعد داك اتكلم قال لي يعني افكك؟قلته ليهو اايوة قال لي طيب فكيتك اها طبعا انا بقيت متجمدة واقفه في مكاني وهو التافه بضحك قال لي شووفي انا فكيتك وانتي لسه واقفه قلته ليهو اساسا ماشه قال لي يلا امشي اساسا عندي مكالمه قلته ليهو مكالمه مع منوو قال لي مع نسيبي يعني حيكوون مع منوو قلته ليهو كذاب قال لي جادي والله

انا من يوم قدمتك المطار ورجته فاتحته ابوي في الموضووع لكن انتي براك نفسنتي عشاان كدة قلته للحاج يأجل الموضووع وم يكلم زوول من ناس البيت كنته عاايز اشوف اخرتك وين قلته ليهو يعني عمو الفاتح عارف قال لي ام شهد مش كلمتك قلته ليك جادي؟معناها الكزب لشنو وبعدين انا كملته الصياعه خلاص وحابب استقر انا م عايز علاقه وحب والسلام لاني وااثق انو حتحصل مشاكل و يمكن في نص العلاقهه دي نخسسر بعض وونتهي على كدة لا انا م عايز كدة ي شهد قلته ليهو طيب انا ودراستي انا العرس دة اخر تفكيري ولا في حساباتي اساسا

قال لي م بمنعك من الدراسهه انا نتزوج وتخلصي دراسهه عادي قلته ليهو كزاب كل الرجال بغولو كدة قعد يضحك جراني عليهو قال لي طيب كلام رجال حأخليك تكملي دراسهه احلق شنبي دة لو م خليتك تخلصي اها قلته ليهو ي كزاب اساسا م عندك لحيه قعد يضحك قال لي طيب من بكره ابدأ اربيها حلوو معاك كدة قلته ليهو ام افكر غايتو واتفكيت منوو وقمته ماشه قال لي اي اتغلي اتغلي كويس لمن اغير رأي وارجع للصيااعه والزمن الجميل قلته ليهو غياظ وطلعته

...