الجزء 21

امنيه كانت عايشه علي اعصابه في انتظار النتيجه مع انها كانت متوقعه نفسها تنجح بس ما متوقعه تجيب نتيجه كبيره بعد المؤتمر تاني يوم قالت لي اماني امشي المدرسه جيبي لي النتيجه انا ما قادره امش اماني طبعا مستعده من الصباح اتلبست مشت جات قريب ساعه الفطور امنيه تدخل من الدكان للحوش للبيت جوه وما قادره تقعد اخيرا اماني جات ساكته ساي امنيه تسال فيها مالك يابت ما نجحته ساقطه كم ماده طيب جبت خمسين والصبر تكورك فيها ما تجنني اختك كلميها ساي يا بت احسن ليك امنيه في النهايه قعدت في الواطه وقعدت تبكي قامت امها شالت الورقه من اماني وادته ليها امنيه فتحت الورقه مره تضحك ومره تبكي في النهايه صدمت امها يابت بتعملي كدا مالك شالوها دخلوها جوه شمموها بصله وريحه ورشوها بي مويه بعد مسااااااافه جرت نفسه وقعدت تبكي تاني انها قالت ليها يابت النتيجه تطير في المساء دايره تموتي في دربه اماني قالت ليها خليها يا امي ما مصدقه حابت ليها نتيجه كبيره قربو يزيعوها في التلفزيون امها قالت ليها يعني حاجه سمحه قالت ليها اي قربت تجي مع الاوايل قالت ليها كان كدا خلاص اها بعد شويه الاهل والجيران مبروك مبروك والبارد والحلاوه

العصر جوهم علي وبدريه وجابو معاهم كمان حلاوه وبارد وخروف قالو يضبحوه كرامه علي في الباب قال لي امو ما تجيبي ليهم سيره الموضوع الكلمتك بي الوقت ما مناسب ونحنا ما عارفين رده فعله امنيه شنو ما في داعي نخرب عليها فرحته بالنتيجه امو قالت لي خلاص كويس سلمو وباركو وناس امنيه قالو ليهم اصلو ما كان في داعي تجيبو ليكن خروف علي سال امنيه اها ما عاوزه تقدمي طب امنيه قالت لي لا لكن ممكن صيدله ولا مختبرات الطب قرايتو كتيره وصعبه وانا رجعت للقرايه بعد فتره يعني بعد ما شاب رجعو الكتاب علي قال ليها البسمعك يقول عمرك ستين سنه لكن احسن تقدمي طب لو عاوزه راي حرام نتيجتك دي تروح ساي وانا مستعد لي اي حاجه ودا حقك يعني ما بتفضل عليك فكري في كلامي دا وما تعتبريه كلام مجامله بعد مشو امنيه قعدت تفكر هي اصلا كان نفسه تدخل طب بس الظروف والامكانيات ما مساعده القروش العندها ما بتكمل ليها سنتين وامها واخواته كمان الدكان دا ياداب علي قدر الاكل والشراب يعني تاني تشيلن هم قرايه ولا تنسي قصه القرايه واحلامه وتاخده من قاصره وتقعد في البيت بعد كم يوم جاتن بدريه قالت لي امنيه بعد بكره اربعين موده وجاين نسابته عاملين ليهن قعدت قهوه وقالو يقيلو معاها عليك الله تعالي اتونسي وفرقي شويه امنيه قالت ليها خلاص خير بجي بعد بكره الصبر قالت ليها ما تمشي براك سوقي معاك اختك اماني وتعالن بدري ما تقعدن لما الدنيا تمسي مشن لقن البيت ملان نسوان والجبنه والزلابيه والشاي مدورات سلمو اماني قعدت ليك وسط النسوان وامنيه دخلت مع بدريه المطبخ قالت ليها النساعدك بدريه قالت ليها لا امشي اقعدي مع الناس انا ما ناديتك تشتغلي ولا اقول ليك اقعدي معاي ساي ونسيني امنيه جرت ليها كرس كان في صينيه مليانه خضار قعدت تقطع في بدريه قالت ليها والله يا امنيه انتي زي بناتي واحد عشان كدا الكلام العاوزه اقولو ليك دا اعتبري من امك والله علي ولدي دا قال عاوزك وانتي لسه بت صغيره يعني اكان الليله ولا بكره مصيرك تعرسي ونحنا عرفناك وعرفتينا اها يا بتي قلتي شنو امنيه قالت ليها والله انتي كمان من معزه امي بس انا خلاص اخدت نصيبي وما دايره اعرس تاني

علي كان واقف في الباب وسمع كل الكلام دا قال لي امو ما دام فتحتو الموضوع دا خلينا يا امي برانا خمس دقايق بدريه طلعت علي قال لي امنيه قلت ما عاوزت تعرسي تاني هو انتي عرستي اول يعني امنيه اتخلعت عاينت لي وعملت كدا...... علي قال ليها فتره كنا في الاردن عماد حكي لي بي كل حاجه ووقفتك معاه وهو القال لي اتزوجك وانو لو في ملايكه من البشر انتي بتكوني واحده منهن وانا في الاول ما صدقت كلامو لكين لما مشيت الامارات لقيت الدفتر حق المزكرات البني وهو القال لي انك قريتي الدفتر بس بي صراحه انا حرقت الدفتر بعد قريتو خفتو يقع في ايد زول تاني وانتي كبرتي في نظري لما حفظتي سر عماد حي وميت وكبرتي اكتر لما رفضتي الورثه مع انها حقك ولو قبلتيها ما كان في زول بقول حاجه

لكن عاوز اوريك حاجه تانيه امي رفضت تشيل الورثه هي كمان وقالت ولا جنيه من قروش عماد ما بدخل عليها انا شلت القروش واشتريت ليك بيت وسجلتو بي اسمك وانتي وقعتي علي الاوراق لما انا جبت ليك ورقه التوكيل تمضي عليها وختت ليك باقي القروش في البنك

عشان كدا بطلي المثاليه الشديده الاني فيها دي وشيلي قروشك واقري الحاجه الانتي عاوزاها وقبلتي تتزوجيني ولا لا دا حقك ولازم تاخديه لكن انا بتمني انك تقبلي امنيه وقفت علي حيله وقالت لي انا عاوزه امشي البيت علي قال ليها خلي اوصلكم وفكري بي راحتك في الموضوع دا وردي امنيه مشت لقت ليك اماني مستلمه القعده تشاغل في دي وتكاوي في دي وتهظر مع دي امنيه كوركت ليها من ج

نب الباب اماني تعالي دقيقه قبل اماني ما تصلا امنيه وصلت باب الشارع امنيه ماشه واماني راه يابت مالك في شنو الحاصل شنو ماشه وين امنيه قالت ليها البيت اماني في النهار دا في شنو

ما تنسو المتابعه

شويه كدا وحا انزل ليكن الحلقه الاخيره