الجزء 18

ناس امنيه سافرو الاردن قبل عرس مني بي اربعه ايام وصلو الساعه تلاته صباحا ونزلو في شقه وتاني يوم من الصباح مشو المستشفي وقابلو الدكتور وبدوا في الفحوصات والصور والكلام دا قالو ليهم النتيجه بعد يومين رجعو الشقه ورجعو بعد يومين المره الاولي مشو عماد وعلي المره دي امنيه قالت الا تمشي معاهم وصلو المستشفي استلمو الفحوصات وودوها للدكتور الدكتوره قال ليهم ما اكذب عليكم في تليف في الكبد ونسبه السميه عاليه في الدم سال عماد اذا كان بتعاطه ماده مخدره اذا كان بشرب قبل عماد ما يتكلم علي قال لي لا قال لي طيب كنت بتاخد اي دواء لي فتره طويله عماد قال لا الدكتور قال ليهم نبدا اول بي مشكله الدم وبعدين نشوف موضوع الكبد اداهم العلاجات وقال يجو بعد اسبوع امنيه خلت شنطتها في في العياده متعمده وطلعت اول ما وصلو باب المستشفي قالت ليهم انا نسيت شنطتي في العياد استنوني هنا دقيقه امشي اجيبه واجي راجعه رجعت العياده وحكت للدكتور انو عماد خمس سنين كان بشرب خمر ومره مره كان بيتعاطه مخدرات الدكتور قال ليها ان استغربت لما اخوه قال لي ما بيتعاطه حاجه امنيه قالت لي اخوه ما عارف حاجه لانو هو في دوله تانيه شالت الشنطه ورجعت استمرو شهر في الفحوصات والعلاجات بعد كدا بقي يجي مغص بي استمرار وفي الفتره الاخيره بقي بستفرغ دم الدكتور قرر انو يفضل في المستشفي تحت الملاحظه علي بقي قاعد معاه في المستشفي وامنيه وبدريه يمشو يقيلو معاهم والمساء يرجعو الشقه الدكتور قرر انو يعملو عمليه دخلوه العمليه من الساعه سبع صباحا لحدي واحده ظهرا وعماد ما طلع دكتور طالع ودكتور مارق في النهايه علي قلق شديد جاء دكتور طالع من غرفه العمليه علي مسكو من ايدو قال لي الا توريني الحاصل شنو واخوي مالو واتاخر كدا لي الدكتور قال لي بي صراحه حاولنا نشيل جزء من الكبد لكن لقينا الكبد كلها متليفه والعمليه نسبه نحاجه صغيره وفقد كميه من الدم وكل ما ندي دم بيفقدو كترو لي من الدعاء وربنا يلطف بي

طلعو من العمليه ودخلوه العنايه المكثفه قعد ست يوم في العنايه المكثفه وفي اليوم السابع نزف لحدي اخر قطره في جسمو واتوفي مع اول شعاع في اليوم الثامن امنيه وعلي وبدريه اي واحد فيهم كان حالتو اصعب من التاني لحدي تاني يوم مافي زول واعي بس الدكاتره السودانين مرافقين المرضه السودانين ما قصرو وعملو كل الاجرات وجزو ليهم لحدي ما وصلوهم المطار