الجزء 17

رجعو امنيه وعماد البيت وبكره من الصباح مشي علي مع عماد المستشفي وقابلو الدكتور كتب ليهم تاني فحوصات جديده وقال ليهم النتيجه بتطلع بعد يومين الدكتور قال لي عماد ما بقدر اديك علاج الا النتيجه تطلع اداه بس مسكنات رجعو البيت والاجوا كانت متوتره بين امنيه ومعزه اما في بيت ناس امنيه اول ما اماني ضربت لي مني وكلمته بي يوسف مني ركبت اول مواصلات وجات جري عدي يومين ويوسف جاء سلم علي عمو وعلي صابره وبناته ومن ضمنهم مني وقال ليها اخواتي حا يجوكم بعدين المساء في وطلع فات مني ما مصدقه انها اخيرا حا تتزوج يوسف بعد كل السنين دي وبعد طول انتظار الهم في المساء بنات عمهم جو ازيكم كيف الحال والاحوال وكلام المجاملات دا ضيفهم وبعد جو طالعين قال لي الصبر والله يا خالتي نحنا جينا نخطب اماني لي يوسف طبعا كلهم اندهشو اماني كانت في المطبخ في مني وامها مني طوالي قامت دخلت جوه الغرفه قعدت تبكي جات اماني داخله قالت ليها في شنو قالت ليها مافي شي اماني قالت ليها الا تقولي لي بنات عمك ال.... قالن ليك شنو انا عارفاهن وعارفه حركاتن مني قالت ليها والعبره خانقاها وما قادره تتكلم قالو عاوزين يخطبوك لي يوسف اماني قالت ليها شنو قولي تاني مني ما ردت ختت راسه تحت المخده وقعدت تبكي اماني لبست توبه وبنات عمها في الحوش لسه قاعدات مع امها حات ماشه فيهن ولا اشتغلت بيهن وبين ناس عمها بي وين لقت يوسف خاتي لي كرسي في الشارع

سلام ما سلمت علي قالت لي دا جزا مني واخر انتظاره ليك يا خساره وقعدت تهرج وتهرج يوسف قال ليها قولي بسم الله في شنو قالت لي انت عارف مني منتظراك السنين دا كلها في الاخر ترسل اخواتك اخطبوني

يوسف عمل كدا.... وقف علي حيلو قال ليها جبتي الكلام دا من وين انا كنت عاوز مني ولسه عاوزه وما عاوز زول غيرا وسلت اخواتي عشان يخطبو مني

اماني قالت لي ما بعرف المهم دا الحصل ومني قافله نفسه في الغرفه وقاعده تبكي قال ليها اسنيني دقيقه دخل جوه لقي امو ابو قاعدين قال ليهم شوف تمشو تخطبو لي مني اسي وتعقدو لي يوم الجمعه ولا والله تاني ما تشوفوني حي الا يجبوني ليكم في صندوق

ابو قال لي في شنو اسي بمشي معاك مشو ومعاهم اماني ويوسف قال ليهم انا ماشي معاكم امو قالت لي ارجع الولد ما بمشي في الخطوبه حقتو قال ليها لا تاني ما بعتمد لي علي زول الموضوع دا بتمو براي وصلو البيت يوسف لقي اخواتو طالعات في الباب ما سالن عاوزين يرجعو معاهم تاني يوسف قال ليهن ارجعن البيت حسابكن بعدين بقن واقفات يشيلن ويحدرن لي اماني

اماني قالت ليهن ما وقعتن فين لكن اصبرن بعد موضوع مني دا يتم ويعدي علي خير بنظمكن ودخلت وقفلت الباب خلتن واقفات في الشارع يوسف وامو وابوه دخلو ونادو لي عبدو وكان لسه ما اتعافي من الملاريا كويس اخو قال لي بدون مقدمات وكلام كتير نحنا عاوزين مني لي يوسف اها رايكم شنو عبدو قال ليهم خير ما عندي مانع

الصبر قالت ليهم يوسف ولدكم ومني بتكم العاوزنو اعملو قالو خلاص العقد الجمعه الحايه واسبوعين والعرس يوسف قال ليهم انا جيت جاهز ومتكفل بي كل التكاليف اتفقو يوسف قال ليهم مافي زغروده ساي اماني وقفت في نص الحوش وقعدت تزعرد وجرت ليك يوسف من ايدو وقالت لي تعال عشان تبارك لي عروسك قعدو يدقو في الباب لي مني وهي مابيه تفتح يوسف قال ليها يعني ما عاوزه تسلمي علي خطيبك ارجع يعني افهم من كدا ما عاوزاني مني جات واول ما فتحت الباب اماني نطت فيها وحضنتها وقالت ليها الف الف الف مبروك اخيرا حا نتخلص منك والبت يبقي لينا برانا انا ورحمه بقو مني واماني حاضنن بعض وبيبكو ويوسف واقف يتفرج فيهم بعد شويه يوسف قال ليهم نحن هنا نسيتوني ولا شنو امشي واجي وقت تاني قعدو يضحكو سلم علي مني وقال ليها الف مبروك انتي عارفه انا استنيت اللحظه دي كم وقعد احلم باليوم البجمعنا دا كم سنه يارب يتم لينا علي خير ويجمعنا من غير عوارض اماني واقفه وبتعزف ليهم في ايدا كدا قال ليهم اجيب ليكم كرسين واتنين ليمون اماني قالت لي خلاص الزياره انتهت ما يجي عمك عبدو دا اسي يزفنا ويسمعنا كلمتين يسمن بدنا بعد طولنا من الكلام ال.... يلا يلا مع السلامه تمو الباقي تلفونات يوسف مشي لقي امو ابوه لسه قاعدين طلعو مشو

نرجع لي امنيه وعماد بعد جو من المستشفي قعدو يومين النتيجه حقت الفحص طلعت مشو ودوها الدكتور قال ليهم في التهاب في المراره اداهم علاجات وقال تجو بعد اسبوعين عماد بدا ياخد في العلاج اسبوع ومافي تحسن مشو دكتور تاني قال في حصوه في المراره المهم من دكتور لي معمل لي عياده وكل دكتور يديهم تشخيص مختلف وعماد كل يوم حالتو ماشه تسوء

في النهايه قررو يسافر الاردن قالو تمشي امنيه وعلي امو قالت ما بتقعد وولدا بالحاله دي قالو خلاص تمشي

بس معزه في الحاله دي ما خلت امنيه في حالا قالت ليها انت السبب المرضتيهو ماشه معاه وين انت شوم من ما دخلتي البيت دا مافي داعي تمشي جاء علي لقها تتكلم قال ليها

مافي داعي للكلام دا اسي الناس في شنو

في بيت ناس امنيه عملو العقدجات مروه وزوجها وكانت باين عليها انها مبسوطه ومرتاحه بعد رحلت بيته الجديد واهلن كلهم كانو مجتمعين الا امنيه اعتزرت قالت ليهم عماد عيان شويه بعد يبقي كويس بجي مشي علي حضر العقد