الجزء 12

لمت امنيه الدفتر سريع وطلعت جهرت لي عماد العصير شرب وداخل عشان ينوم امنيه قالت لي لسه ما لقت شقه جديده قال ليها لسه ودخل كان باين علي الارهاق شديد كانو شايك جبل علي اكتافو امنيه دخلت المطبخ تجهز الغدا وتفكيره كلو كان مع الدفتر ومتشوقه تعرف في شنو بس خايفه تطلعو يجي عماد يلقا عندها يشيلو من غير ما تعرف الحاصل بعد الغدا ء عماد شغل التلفزيون وقعد امنيه خلاص قنعت وعرفت انو شكلو الليله ما طالع بعد مسافه جاب قزازه وتلج وعاوز يشرب والدنيا لسه عصر امنيه مسكت القزازه من ايدو قالت بس نفضا ليك في الكرسي الارض امنيه مسكو ما رجلو وقعدت تبكي الله يهديك الله يرضي عليك ما تشرب المره دي الجيران بجيبو لينا الشرطه ولا برمونا في الشارع

ولا عبره ولا اشتغل بيها الشغله فتح قزازتو ديك يكب ويشرب لما كملا جرا رجلو من امنيه ماشي يجيب واحده تانيه امنيه قامت نفضت هدومه دخلت غرفته وقفلت الباب بالمفتاح طلعت الدفتر وبدات تقري من اول صفحه لما خلصت عاينت لي الساعه لقته عامله عشره

رجعت الدفتر الدولاب وطلعت بره لقت عماد سكر لما نام في الكنبه بقت تعاين لي كانها اول مره تشوفو غصبا عنها دموعه نزلت مشت جابت ملايه وغطتو بيها ورجعت غرفتها وبقت تفكر في الكلام المكتوب في الدفتر واسترجعت القصه من الاول في راسه وانو هو باختصار

كان بحب واحده زميلتو شديد وكانو متفقين انو اول ما يخلص علي طول يتقدم ليها وكان في الاجازه بشتغل مع اخو الكبير علي في السوق عشان يكون نفسو سريع وكان عندو صاحبو الانيتم وكاتم اسرارو بحكي لي بي كل تفصيله في حياتو صاحبو دا كان من اولاد الذوات واهلو بره السودان موجرين لي شقه عشان الجامعه وكل فتره بسوق اصحابو يقعد فيها قعدات شباب ومرات ايام الامتحانات بعملوها معسكر للمزاكره

في ناس كتير من اصحابن كانو بقولو لي عماد ابعد من الزول دا لانو ما دغري وخسيس بس عماد كان دايما بدافع عنو وبرضو في ناس بقولو لي انو البنت دي ما تمام ابعد عنها بس زي ما بقولو الحب اعمي اي زول كان بقول لي كدا كان بشاكلو وفي اخر سنه من الجامعه وايام الامتحانات عماد كان قاعد مع صاحبو في الشقه بزاكرو مع بعض المهم مشو الامتحان عادي وبعد الامتحان عماد اعتذر لي صاحبو انو ما بقدر يمشي معاه الشقه لانو طول من البيت عاوز يمشي يسلم علي ناس بيتم عماد قعد في الجامعه وصاحبو رجع عماد قعد يزاكر في المكتبه شويه لقي الوقت سرقو قرر انو يرجع الشقه ويمشي البيت بكره قال يقعد مع حبيبتو شويه بتصل عليها تلفونا مقفول بتصل علي صاحبو تلفونو مقفول رجع الشقه وهو كان معاه مفتاح فتح باب الشقه دخل سمع حركه في الغرفه دخل الغرفه وكان الباب مفتوح وقف في باب الغرفه واتسمر مكانو من المنظر الشافو قدامو لو كان كل ناس الدنيا جو وحلفو لي انو دا حصل كان كذبن اتمني انو كان بيحلم ولا بتخيل والقدامو دا ما حقيقه اعز صدق لي واغلي انسانه علي قلبو في الوضع دا كان في السرير وقالعين ملط ووووووو

عماد بقي ما شايف قدامو فتح باب الشقه وطلع بجر في رجلينو جر المهم وصل البيت وخلص الامتحانات بي اعجوبه وقال لي اخو الا تسفرنو بره السودان انا اصلو في البلد دي ما بقعد هو كان قريب لي علي اخو الكبير وصريح معاه حكي لي علي انو اختلف مع حبيبتو وعلاقتن انتهت بس ما حكي لي التفاصيل طبعا