الجزء 6

اليوم الاخير الصبر ساقت معاها اماني اماني من دخلو لحدي ما طلعو منهم تطربق وتتكلم نهاي ماسكتت موده قالت ليها امنيه نهاي الزول ما بقول اختك

بعد رجعو البيت قعدو يجهزو لي مروه في حاجاته

راجل مروه بهناك اقنع مرتو الاولي انو لازم مروه تجي تقعد معاها في البيت بس فتره موقته لحدي ما يلقي حل

جات مروه منكسره وقلبه واجعه علي العملو فيها ابوها ودي قاعده والنار قايده فيها من عملت راجله حاسه انها ما قصرت في شي عشان راجله يعمل فيها كدا بعد يجيب ليها ضره يقعده معاها في البيت المره اسمه سميه قالت لي مروه شوفي هنا ما عشان انا قبلت اقعدك معاي في بيتي دا انا قبلانه بيك اي شي في البيت دا بي اذني يعني لو عاوزه تدخلي الحمام لو ما اذنت ليك ما بتدخلي

مروه قالت ليها شوفي يا بت الناس انا الما برضي لي نفسي ما برضي لي غيري وانا والله ما كنت عاوزه اتزوج راجلك ويوم الجاء وحصل الحصل انا قلت لي انا ما عاوزاك بس ابوي جاء وما ادانه فرصه نتكلم واسي اعتبريني ضيفه عندك لحدي ما نلقي حل وانا ليك علي طاله ما قاعده في بيتك راجلك ما حا يلمسني بس اديني فرصه شويه وقت واطلق عشان انا ما ناقصه فضايح وكلام المره قالت ليها كدا كدا الحصل حصل لكن اعملي البريحك بقت مروه تمشي المدرسه وتجي تنوم مع الاولاد

اما في بيت ناس الصبر الحال في حالو مره شهر وفي يوم بعد الفطور جات موده داخله لقتن قاعدين يشربو في قهوه قالت لي امنيه عوزاك في موضوع امنيه قالت ليها خير اتكلمي ساي ما في اسرار بيني وامي واخواتي قالت ليها عندي اخوي في الامارت اسمو عماد والله كل ما نقول لي عاوزين نخطب ليك يرفض امي امس كلمتو بيك واقتنع دي صورتو شوفيها وشاوري نفسك واهلك وخليني اصورك وارسله لي وحا اجي بعد اسبوع للرد