الجزء 8

بعد كلموا اعمامن واخوالن واهلن اتفقوا انو يعملو عقد يوم الجمعه امنيه قالت لي امها انا ما خايفه من حاجه الا ابوي يجي يوم العقد سكران ويعمل لينا فضيحه ويحرجنا قدام الضيوف اها نعمل شنو في الورطه دي امها قالت ليها اصلا العقد في صلاه الجمعه الرجال حا يحو يتغدو ويمشو بعد العقد لكن المشكله بالمساء لانو النسوان حا يجوا المساء اماني قالت ليهم انا بحل ليكم المشكله دي تدفعوا كم امنيه قالت ليها من قبيل نحن محتارين وانتي ساكته قولي سريع قالت ليهم خلو لي بس انا من المغرب بطلعو ليكم من البيت بس وعلي مسوليتي قالو ليها خلاص جهزوا خبايزن وحاجات العقد شي دين ومن هنا ومن هنا المهم الامور ظبطت جاء يوم العقد وامنيه ما مصدقه وحاسه نفسها بتحلم عريس وكمان حتسافر بره السودان يا ما انت كريم يارب مع انها ما شافت العريس الا في الصوره ولسه ما اتكلمت معاه بس بالنسبه ليها اهم شي انها حا تطلع من الجحيم دا عملوا العقد والامور ماشه تمام العصر اماني بعد الرجال مشوا قالت لي ابوها انا جهرت ليك حله ظابطه في بيت امل اختي عشان هنا بجو الناس وما بتاخد راحتك ارح النسحنه ليك ابوها قال ليها امشي انا بجي لاحقك بعد شويه انت وحدك الفيك الفايده وقلبك علي اماني بينه وبي نفسه اي بي اماره الجلد والصوت المعلم في جسمي كلو اوعدني يا رب انا كمان يجيني عريس وبطيرني من البيت دا ا

عبدو مشه جاب شرابو ومشي علي بيت امل واماني جات راجعه وقالت ليهم اطمينو ابوي ما بجي اسي

اهل العريس جوا وجابو حاجاتن كلها جاهزه ومعاها تلفون عشان امنيه تتواصل مع العريس وام العربس حلفت من اي حاجه قالت ما تصلها هي اصلا ما صدقت انوا واحد من اولاده عرس ودا كفايه عليها لاكن العريس ما حايقدر يجي لانو ما عندو اجازه قريب عشان كدا حا يتمو العرس ويرسلو لي امنيه هناك

امنيه واهلا قالو ما عندهم مشكله

امنيه اصلا سمحه وبعد الحبسه والدخان بقت شي عجيب العين الحاسده ما تعاين ليها امها جهرت ليها كل لوازمه وجاء يوم السفر طبعا زوجها ما اتكلم معاها خمسه سته مرات وكلو بخصوص السفر والاجرات وامنيه كان ما مركزه كتير علي الموضوع دا يوم السفر جاء علي وابوها وصلوها لحدي المطار وقالو ليها حا تلقي عماد منتظرك هناك