الفصل الثاني عشر

قال لي الوو..قولته ليهو ي اهلين قال لي كيف عامله انشاءالله تمام؟قولته ليهو بخير الحمدلله، قال ليى م عرفتيني صح؟قولته ليهو صرااحهه كدة لأ قال لي ه طيب معاك مجتبى قولته ليهو ام اهلين ي مجتبى قال لي من كلمهه ام دي شكلك م عرفتيني ي شيخهه امس كنت قاعد معاكم في بيتكم قولته ليهو ه م عرفتك والله قال لي طيب اسألي ديما حتوريك قولته لي ديما دة منوو؟قالت لي ود جيرانا ولد عمو احمد ياخ قولته ليهو اهاا اتزكرتك اهلين ي مجتبى تشرفنا قعد يضحك قال لي عظيم الشرف والله اسمعيني البت دي الليله خليتيها تبقى حلوة مالك شالت قلبي

قعدتهه اضحك قولته ليهو من يومها قومر قال لي م دي المشكله هنا انو هي من يومها قمرر وملخبطهه افكاري تقومي انتي تاني تزيديها حلاوة عايزين تجيبو لي السكري يعني قعدتهه اضحك قولته ليهو ي بكاش قال لي م بكاش ولا شي والله اتونستهه معاهو كداا طبعا ظريق ودمو خفيف م زي اخوهو المفتري الثقيل داك بعد م خلصنا مكالمهه معاهو قولته ليها ي دوب انا عرفتهه سبب انك عايزة تتغيري قالت لي ياخي ي شهد بطلي قولته ليها بس حلوين ياخ ولايقين على بعض بجد ربي يحفظكم ويخليكم لبعض قالت لي اميين قالت لي وانتي ماف كدة ولا كدة قولته ليها ام

قالت لي اعترفي قولته ليها والله هي حالهه معقدة كدة وم واضحهه قالت لي كيف؟قولته ليها يعني بنحب بعض بس الخلافات بيناتنا كتيره وهو بحب يفرض على رايو وانا م بحب الحركهه دي انا انسانه من اتولدتهه اتعودتهه على حريتي واتعودتهه على انو ماف حد يفرض علي رايو غير ماما وحبوبهه فمابحب الحركهه دي علشان كدة سبنا بعض لفترة هو ساافر باريس وحاليا عايش هناك وانا زي م انتي شايفه مبسووطهه قالت لي متأكدة مبسووطهه؟معناها م كنتي بتحبيهو؟ قولته ليها ام ليه م نقول كترهه المواقف والخلافات احيانا بتبررد المشااعر

قالت لي صح معاك حق في الحتهه دي، قالت لي وبعدين تعالي هنا انتي قريتي الجامعهه هنا ليه م حصل جيتي علينا او حاولتي تشوفينا قعدتهه اضحك قولته ليها اسي شوفي انا من جيت حصلت مشكلهه في بيتكم قالت لي بالعكس ي شهوودة والله حياتنا بقت حلوة من انتي جيتي وبالزات انا اكتر انسانهه مبسوطهه بيك قولته ليها حبيبتي انتي والله انا مبسووطهه بيك اكتر قالت لي اكيد لما كنتي في الجامعهه كنتي مكسسرهه كل الدفعهه والدفع المجاورهه

قولته ليها ه كانت مصاحبهه نص الجامعهه بتونس وبضحك معاهم عاادي في البدايه كانو بقولو علي مفتريه احلى حاجهه انو ماما شبه عودتني على اللغهه السودانيهه الحاجهه دي كانت مساعداني، قالت لي طيب م حبيتي من الجامعهه وكذاا قولته ليها واي بريستيچي ي بت جامعهه شنوو الانا احب منها ي بت حب الجامعهه دة زي الأبلكيشن كل سنهه إصدار جديد قالت لي معاك حق والله صدقتي، قولته ليها م تقولي لي مجتبى دة بقرا في الجامعهه برضو قالت لي برري مجتبى خريج هندسهه بترول واسي شغال مهندس في شركهه بترول قولته ليها اهاا طيب حلو

قالت لي ناس مجتبى ديل اساسا كانو عايشين في لندن م كانو عايشين في السودان هنا جو هنا نظام الجامعهه وكدة وبعدين ابوهم دة عندو منصب في الحكومهه زي بابا واحد دة السبب الخلاهم يستقرو في السودان والدراسهه لكن اسي برضو م بتلقيهم في السودان كتير بالزات امو واخواتو قولته ليها ماشاءالله عليهم بس بيتهم كانو م عايشين فيهو ناس صح؟قالت لي ي بت ديل عندهم حاجهه اسمها جنون العظمهه يعني م بطلعو من بيتهم ولا بمشو لي زول بس في بيتهم ولو طلعو بمشو لي أهلهم وبس بدوك احساس انو ماف زول افضل منهم بس مجتبى م زيهم

قعدتهه اضحك قولته ليها معاك حق بالزات اخوهو المتخلف الاسمو حسام دة ياخ فيهو عجرفهه تقطع الخميرهه من العجين قالت لي بالعكس حسام ظريف والله قولته ليها ظريفهه انا ي يمهه قال ظريف قولته ليها عايني ارح نطلع اليوم قالت لي نمشي وين؟قولته ليها نطلع شارع النيل ونمشي ندخل سينما ونجيب لينا عشاء بالمره قالت لي ام خلي بكره علشان انا اساسا بكره مؤجزة قولته ليها ياخ انا حاسهه بالملل تخيلي قالت لي طيب ارح نطلع قولته ليها طيب يلا اجهزي لبستهه وطلعتهه قالت لي ماشهه زي دة وين قولته ليها مالك لابسه بنطلون عادي

قالت لي انتي جاادة؟ قولته ليها ي بت بطلي هبل يلا وبعدين حألبس شبشب البيت علشان الجزمهه ماف ليها لزوم قالت لي بعد كفهه البنطلون والحجل دة كلو لابسه شبشب بيت قولته ليها ن م بفرق كتير طبعا بي مكياجنا داك ولا غسلنا وشوشنا طلعنا مشينا لقينا بابا قاعد في الجنينهه ومعاهو عمو عبدوقولنا ليهو نحن طالعين قال لينا ماشين وين؟قولته ليهو مخنوقين عايزين نطلع نتنفس قال لي طيب بس م تتأخرو قولته ليهو طيب قال لينا وخلو بالكم من الشارع في السواقهه تمام؟قولته ليهو حاضر طلعنا قولته لي ديما جيبي المفتاح انا بسووق

قالت لي سواقتك كيف؟قولته ليها عاديهه قالت لي ضحكتك دي م طمنتني لكن هااك شلتهه المفتاح وركبتهه واتحركنا طبعا كانت مقرشاها جووة البيت بعد م طلعنا من البيت كدة وقفتهه في نص الشارع علشان اعدل العربيه جات عربيه داخلهه على الشارع واتلاقو العربيتين ديما عاينت للعربيه قالت لي دي عربيه حسام قولته ليها عايني الغبي دة المفروض يرجع علشان نحن نستعدل ديما رفعت ليهو يدها وهو بعاين لي وبحمر لي لما شاف ديما رافعهه ليهو يدها قام رفع ليها يدو وابتسم ليها ورجع عربيتو لي ورا طوالي جيت ماشهه لمن زي فكيت فيهو غباار العربيه كدة بعداك مشيت

ماشين كدة تلفوني ضرب قولته لي ديما هاك رودي قالت لي رقم كاتبه عليهو Meme قولته ليها اهاا دي عمتو منااهل ردي عليها ردت قالت ليها عمتوو قالت ليها اهليين منو معي شهد؟قالت ليها معقولهه م عرفتي صوتي معاك ديما علشان م قاعدة تتصلي علي كيف حتعرفي صوتي قولته ليها افتحي الاسبيكر فتحتو قولته ليها عمتوو مشتاقين والله قالت لي قلب عمتو كيفك؟قولته ليها زينهه وانتي قالت لي بخير الحمدلله قعدنا ندردش معاها كدا قولته ليها بالمناسببهه ارح اطلعي معانا نتمشى

قالت لي وين ي بت زي الزمن دة؟قولته ليها والله حاسين بزهج علشان كدة طالعين شارع النيل ومنها حندخل السينما وبعدها حنمشي نتعشى قالت لينا ومعاكم منوو قولته ليها م معانا زول تعالي رافقينا الله يخليك عمتوو بليز م تخافي م حندفعك قروش، قعدت تضحك قالت لي علشان استفزازك دة رايك شنوو اليوم عشاكم علي انا وين انتو اسي؟ قولته ليها ماشين على شارع النيل بإتجاه برج الاتصالات قالت لي طيب نتلاقى هناك اسي بطلع، قولته ليها تمام يلاا بعد م فصلتهه قولته ليها ياخي عثل بجد عمتوو دي، قالت لي احلى زولهه والله

بعدها وصلنا شارع النيل ونزلنا وبقينا واقفين منتظرين عمتو مناهل تجي انتظرناها نص ساعهه كدة جات لفينا كدا في شارع النيل بعدها دخلنا السينما حضرنا فيلم ومشينا سولتير اتعشينا ورجعنا البيت كان احلى يوم بجد قولته ليهم تاني يومي نطلع المساء طيب ديما قالت اي علشان ابوي يطردنا من البيت صح رجعنا البيت فتحت لينا الشغالهه قولتهه ليها بابا نايم؟قالت لي صاحي بحضر في الكوره دخلنا قال لينا جيتو قولته ليهو جينا وجبتهه ليك معانا بيتزا قال لي مع انو م بريدها بس طيب يلاا جبتهه البيتزا ختيتها ليهو قولته ليهو اخلط ليك عصير واجي

مشيت جبته العصير وجيت جا مهند قال لي ي سلام انتي عارفه ي شهود انا فترة الامتحانات دي محتاج اهتمامك دة وشال مني جك العصير قولته ليهو دة جك بابا ي سجم قال لي انا وبابا واحد يلا، وقعد ياكل معاهو بابا قال لي دة اشعب اليوم التاني بعد م جهزنا الفطور فطرنا وكدة ديما قالت لي نمشي السوق؟قولته ليها واي الشمس حاره لكن قالت لي دي بس فرصتي عشان امشي السوق الاسبوع الجاي شغالهه الجامعهه الاسبووع كلوو قولته ليها طيب ي زولهه ارح نمشي

لبسنا لينا عبايات وطلعنا مشينا السوق قولته ليها اول شي الوانك العويره دي م تقولي لي عايزاها فهمتي حنغيير اللوك كلوو حتى جزمك الهبلهه دي اعملي عليها Cross قالت لي ليه ليه كرفسهه المشاعر دي قولته ليها كدة بس ي زولهه لفينا السوق اشترينا لينا كميهه من الملابس والاسبورتات والشباطهه ورجعنا البيت طبعا خليتها زي العارضهه كل شويهه تجرب لبسهه طبعا طايرهه من الفرحهه قالت لي شهد انا بكره م حيعرفوني في الجامعهه قولته ليها ودة المطلوب ي زولهه وبعدين انتي قواامك حلوو وكل شي بجي معاك حبيبتي

جات دينا قالت لينا اليوم مشيتو السوق؟قولته ليها ايوة قالت لي ومالكم م كلمتوني قولته ليها حبيبتي كنتي في الجامعهه علشان كدة اليوم التاني انا كنت في المطبخ وبابا ومهند وماهر قاعدين في الهوول فجأة اسمع ليك مهند بضحك وبنده علي طلعتهه مشيت ليهو لقيت ديما واقفهه ماهر واقف وبقول ليها دي انتي ديما اختنا النحن بنعرفها قالت ليهو اي مالك

مهند قال ليها والله ي ديما م عرفناك بقيتي تشبهي لينا الجكس الطبي بتاع شارع النيل داك بس ولا الشنطهه شيلتها زاتها خطيره وكمان الجزمهه قولتي لي بقيتي تلبسي اديداس كمان من اين لك هذا الاستايل ي راابحهه قالت ليهو ابوي اتكلم مع اولادك ديل لو سمحتهه بابا قعد يضحك قولته ليهم هيي مالكم مع ديما ماهر قال لي دي م منتجات بيتنا البت بقت بت مع الناس لمن حلقت شنبها داك وشوفي اللبس والحركات قولته ليهو سمححهه الشماعهه ي السمح ديما قالت ليهو بالظبط كدة يلا انا طالعه م عندي زمن اتناقش معاكم فيهو قالت لي شهد الطرحهه والحواجب ظابطين؟

قولته ليها قومر ي بيبي بالنهار كدة اتصلت علي دعاء ولميس قالو لي جاينك في بيتكم وصفي لينا قولته ليهم تشرفو، جو بعد ساعهه كدة جو اول م دخلو قعدو يشاكلو فينا ولميس خانقاني عديل قالت لي ي تافهه ي حقيرهه عندك اكتر من شهر في السودان وم جبتي لينا خبرر قعدو يتفاصحو اول م بابا نزل سكتو شويه كدة قعد يونس فيهم ويتظارف معاهم كدا بعدها قال ليهم استأذنكم انا ماشي اصلي وطلع مشى قولته ليها لموستي ها عمار كيف؟قالت واي م تزكريني بيهو التاافه قولته ليها ليه مالو؟ قالت لي شلبتو مني واحدة اسمها نيدو

قولته ليها شلبتو كيف؟دعاء قالت ليها لا اتشلب لا شي انتي براك اتغليتي وقليتي ادبك عليهو اها لقى الأفضل منك قالت ليها م تزكريني ي دعاء م تزكريني تتخيلي لحدي الأن انا م قادرهه اشيلو من تفكيري وكل زول بحاول يدخل حياتي ببعد منو علشانو هو م قادرهه افكر في واحد غيرو طبعا اتأثرتهه قولته ليها واي ي غلبي ي حليلك ليه كدة لكن قالت لي اسكتي بس ي شهودة بنتكلم كدة جا عمر داخل بصفرر ساي طبعا م شايفنا قولته ليهو هي، اتلفت عاين لينا جا سلم عليهم قولتهه ليهو عمر ديل صحباتي حبيباتي لميس ودعاء قال ليهم اهلين ي صبايا

قولته ليهم بنات دة عمر اخووي لميس على طول مسحت دموعها قالت ليهو تشرفنا قال ليها عظيم الشرف انشاءالله عن ازنكم طالع فووق ي شهد قولته ليها طيب اول م اتحرك من جنبنا لميس قامت ناطهه مشت وراهو وجاتني راجعهه شهد دة منوو واي دة منو اخوك انتي جادة قولته ليها ي بت الناس مالك اي اخوي قالت لي واي قرض قرض قرض لا انا اتكسرتهه فيهو بجد اتكسرتهه فيهو طبعا وانا ودعاء بقينا نعاين ليها كدة دعاء قالت ليها اسي مش كنتي بتقولي انو م قادرهه تشيلي عمار من بالك قولته ليها بالظبط كدة

دعاء قالت ليها م عايزة اقول ليك خفهه وشعر تفهه علشان انتي شعرك م تفهه للأسف قالت لينا ياخ م تعاينو لي كدة بس بجد كسرني اعمل شنو

الموهم قعدنا اتونسنا كداا بعد الغداء طلع مشو قدمتهم لغايهه قدام الشارع بعد م جيت راجعهه شايفهه نفس البنوته اللقيتها قبل كم يوم ديك قدام باب ناس مجتبى قاعدة قدام بابهم في العجلهه وبتبكي بصووت عالي مشيت عليهاعاينتهه يمين وشمال م شايفهه زول قدام بابهم دخلتهه راسي جوة بيتهم برضو م شايفهه زول شلتها مشيت على السوبرماركت اشتريت ليها شوكلاتهه وشيبس وحلاوة وبيبو وعلبهه نوتيلا وجيت راجعهه دخلتها بيها بيتنا طبعا عمر كان في غرفتو وبابا برضو في غرفتو

طلعتهه بيها غرفتي ختيتها في نص السرير مشيت المطبخ عملته ليها حليب جيت لقيتها نامت ياخي عثل بجد واي حسيت روحي عايزة اكلها اكل من حلاتها طبعا ملابسها اتوسخت بالشوكلاتهه طلعتهم منها ورقدتهه جنبها انا زاتي م حسيت بي نفسي نمتهه صحيت على صوت ديما وهي بتصحي فيني بصووت عالي شهد رفعتهه راسي مخلوعهه قولته ليها نعم؟قالت لي شهد انتي هنا وبره البلد مقلوبهه قولته ليها في شنو؟قالت لي قومي تعالي فتحت لي شباب الغرفهه قالت لي شوفي قولته ليها ديل شنوو؟قالت لي ديل البفتشوو للبت النايمه جنبك دي

شهد انتي جايبهه بت الناس هنا ليه؟قولته ليها لقيتها قدام الباب بتبكي وشلتها قالت لي سجمك الليله ابوها عايز يجن شيليها ارح قولته ليها بس هي نايمهه قالت لي شهد شهد دة م زمنك انتي هبلهه بقول ليك ابوها عايز يجن اطلعي قدامي لبستها وشلتها ونزلتهه طلعنا ديما قالت طبعا بابا ومهند وماهر وعمر كلهم واقفين بره مشينا حصلنا الباب ديما قالت ليهو عمر اتلفت علينا طبعا بقى واقف مخلوع قال لي شهد وانا شايله البت كأنها بتي وهي نايمهه بابا عاين لي قال لي لا حولا ولا قوة الا بالله ماهر ومهند قالو بصووت واحد اللحق شهد

عمر قال للضابط لو سمحتهه ي جنابو دي البت البفتشو عليها خلاص اتلقت وين حسام؟، طبعا الحي كلو واقف متجمهر برره الضابط جا قال لي دي هي طبعا طويل وحجمو عائلي جى ماشي علي طوالي ضميت البت علي ورجعتهه لي ورا فجأة الناس بقو يقولو لقوها لقوها مجتبى جا قال لي كانت معاك انتي؟شلتيها من وين انتي وليه م اتكلمتي ي شهد طوالي طلع تلفونو واتصل ...؟طبعا انا زاتي مخلوعهه من كميهه الحشد الواقف واقفهه كدة جات مره قالت لي تشيليها كيف يعني؟ بتعرفيها من وين لمن تشيليها؟معاها بتها بتهدي فيها وبتقول ليها امي روقي

قالت ليها م برووق فكيني كدة بالله وشالت مني البت بالغصب قالت لي طلعتي روحنا وخلعتيني حسبي الله فيكي ياخي وشالتها ومشت طبعا انا واقفهه ومخلوعهه ومصدومهه بجد فجأة جا حساام وقف منفعل طبعا وعيونو دي زي الشرار قال لي مجنونهه انتي ولا متخلفهه؟ولا حيوانهه؟قولي لي يصنفوك شنو مع البشر انتي؟مجتبى مسكو قال ليهو حسام اهدأ هي م كانت قاصدة ياخ قال ليهو م قاصدة شنوو؟شايلاها من قدام الباب مالك اساسا؟علاقتك بيها شنوو؟اساسا ماف سبب يخليك تشيليها

قولته ليهو وانتو لو مهتمين بيها بجد م كان خليتوها بتبكي في الشارع فهمتهه؟قال لي نخليها في الشارع نخليها في جهنم دة م مجال اختصاصك انتي امها؟طبعا من كتر م جاط فيني قعدتهه ابكي بكى وناس بيتنا كلهم واقفين وماف زول قدر يقول ليهو كلمهه بعدها ديما قالت لي شهد تعالي...

نتلاغى®