الجزء 15

ليندا : ميناس كيفك

ميناس : ليندا وينك إنتي ي بت وحات الله مشتاقين

ليندا : بالاكتر بس مريضة شوية ممكن تجيني عرفت إنو بكرة حابسنك

ميناس : اااااي كنت بتصل عليك كتير علشان اكلمك بس تلفونك طبيعي بديني مغلق

ليندا : معليش حبيبتي بطارية تلفوني كعبة اهاا حتجيني ولا لا؟

ميناس : والله م عارفة ي ليندا لأني كنت ماشة السوق وراجعة البيت بس م مشكلة بجيك إنتي اديني العنوان وخلال ساعة بكون عندك

ليندا بإبتسامة مخيفة ‏) تمام حبيبتي ف إنتظارك

قفلت ليندا وعاينت للغرفة وقالت ههه ده أخر يوم حتشوفي فيهو السعادة لأنو حياتك بعد اليوم ده حتبقي دماااار شااااامل هههههههههه رفعت التلفوون تاني وإتصلت علي أشررف

أشرف : الوو

ليندا : يلوي رقبتك وينك إنت

أشرف : ف البيت عايزة شنوو

ليندا : حكون عايزة شنو يعني سريع تعال لي البيت الفريسة جاية برجليهااا ههههههه

أشرف قام قعد بعد م كان راقد ‏) يعني قصدك الموضوع حيظبط اليوم

ليندا : اااااي يلا سرريع تعال وجيب معاك المنوم من الصيدلية اوعي تنسي

أشرف : تمام تمام مسافة السكة وبجي

ليندا : بس م تتأخر لأنو ميناس بعد شوية حتجي

أشرف : قلت ليك جاي خلاث

ليندا : ف الشقة الجديدة تمام

أشرف : تمام تمام

أشرف قفل من ليندا ومشي دخل الحمام بعد طلع غير ملابسه وهو طالع تشوفوا الاصغر منو اسمها اسيا

اسيا : أشرف ماشي وين

أشرف : يعني لازم اديك تقرير لما أكون عايز أطلع

اسيا : لا بس إنت عارف اليوم موعد مقابلة أمي ولازم نمشي المرة الفاتت م مشينا المقابلة

أشرف : طيب أنا م عندي قروش حاليا عايزين تمشوا بشنو

اسيا : بس إنت عارف المقابلة دي مهما أمي صحتها كل مرة ماشة تدهور كيف

أشرف : طيب بعد أرجع ولا حأحول ليك رصيد بعد شويةة فكي وأمشي ودي بيهو أمي المقابلة

اسيا : طيب تمام

طلع أشرف مستعجل ومشت اسيا لي امها ولقتها نايمة غطتها ودخلت المطبخ تعمل ليهم حاجة يأكلوها

‏( وفي الناحية التانية ‏)

أشرف وصل الشقة الجديدة الإجرتها ليندا علي أساس دي شقتها وصل جاب معاه شوية فواكهه دخلت ليندا خلطتهم ودخلتهم التلاجة ودخلت أشرف في غرفة جميلة ومزينة بأزهي الألوان ..... وهم قاعدين تلفون ليندا يضرب مشت رفعتوا لقت دي ميناس قالت لي أشرف إدخل الغرفة سرييع وهي مشت فتحت الباب لقت ميناس واقفة سلمت عليها بالحضن ودخلتها جوه الشقة

ميناس : مشتاقين ي بت وماليك قاعدة براك ف بيت كبير وعريض كدة

. ليندا : تقولي شنو ده زكري من خالتي المهم الأخبار شنوو ونبيل كيف عامل

ميناس : كلووووو تمام بس فقدتك كتير وما تنسي إنتي حتمشي معاي ترافقيني عارفاني م عندي صحبات غيررك

ليندا : هههههه حاضر دقيقة نجيب حاجة نشربها ثواني وبجي

ميناس قاعدة فتحت الشبكة جاتها رسالة من نبيل كان مرسل ليها الكاتلوج وقبل فتحت الرسالة جات ليندا وشايلة كابيتين عصير برتقال شالت واحد ومدت لميناس واحد ميناس شالت الكباية وبقت تشرب فيها وليندا كل مرة بتعاين ليها وميناس بتتونس معاه شوية شوية بقت م طبيعية تتكلم وتاني تسكت وليندا لسة بتعاين ليها .... وهنا ميناس خلاث مفعول الحبة سري ف جسمها فجاءة رمت الكباية من يدها ورقدت ف الكنبة ... ليندا سريع جرت للغرفة الفيها أشرف وقالت ليهو تعال سوقها وأنجز مهمتك وفعلاً أشرف طلع ولقاه نايمة مسكها من يدها وليندا مسكتها من يدها التانية ودخلوها الغرفة ... ليندا طلعت تلفون تاني وإتصلت علي نبيل غيرت صوتهاا .. وقالت ليهو إنت راجي ميناس بس ميناس مع حبيبها وشكلهم بقضوا شهر العثل ولو عايز تعرف مكانهم وين تعال ف الحتة الفلانية وطق قفلت الخط وطلعت الشريحة كسرتهاا وهنا نبيل م قادر يستوعب وفضل مسهي وإيدوا بترجف رجع للرقم تاني بس طلع ليهو مغلق وقال دي منو العبيطة البتحكي عن ميناس كدة أنا م حأسكت ليها لو لقيتها رجع إتصل علي ميناس بس ماف رد .... بقي مقلق تاني شال إتصل علي الخالة خالدة وسألها من ميناس قالت ليهو ميناس طلعت مشوار ومن قبيل م رجعت هنا نبيل بقي مقلق بطريقة م طبيعية وكان واثق من ميناس لأبعد حد

إتجاهل الموضوع للحظة بس تاني مكالمة البت المجهولة خلتوا يفكر تاني ف كلامها قام بسرعة ولبس ملابسه وشال مفاتيح العربية ودور سريع ومشي علي العنوان القالتوا ليهو البت .. والبت دي كانت ليندا ......

وفي الحظة الشقة ليندا شالت وأشرف جردوا ميناس من ملابسهاا ‏( حسبنا الله ونعم الوكيل ‏) وليندا طلعت التلفون وبدت تصور فيهم قالت لي أشرف عايزة المشهد يكون مقنع شديد ما يخلي مجال للشك ..... وفعلاً ليندا أخدت كم لقطة صورة لأشرف وميناس وبعد ضمنت الصور شالت كل حاجة بتخصها وطلعت من الشقة .....

وفي ناحية الخالة خالدة

وهي قاعدة كدة فجاءة قلبهااا يقبضهاا وتحس بغصة ف قلبها وخوف عجيب مسكت قلبها وللحظة تفكر في ميناس بخوف عجيب قالت بسم الله الرحمن الرحيم يارب أحفظ

لي عيالي كلهم وما توريني فيهم شر ...

نرجع لناس ميناس وأشرف

أشرف بعاين لميناس بطريقة عجيبة مرة يلمس شعرها ومرة يلمس خدها وهي م جايبة خبرر عدت ربع ساعة وهم ف الحالة دي أشرف م قادر يعمل

شئ كل م يقول عايز يقرب عليها حاجة تمنعه ...... وهنا ميناس بقت توعي شوية شوية بقت تشوف طشاش طشاش للحظة إستوعبت البحصل ودموعها بقت تنزل

‏( أمنية عوض ‏)

ميناس : إنت منو وعايز مني شنو

أشرف عاين ليهاا وقال ليهاا

أشرف : ياااخ إنتي بتشبهي الملاك جمالك عجيب

ميناس بتبكي ‏) الله يرضي عليك أسترني خليني أمشي أنا بكرة حبسي وعرسي قريب حرام عليكم حرام عليكم

بتحكي وهي بين واعية وم واعية مرة تغمض عيونها ومرة تفتح .

وفي اللحظة دي كان نبيل قرب يصل ..... وهو ماشة بسرعة خيالية والتفكير عايز يشل راسه

أشررف عايز يقرب علي ميناس وهي بتبكي بتقول ليهو لا الله يرضي عليك عايزة ترفع يدها بس م قادرة جسمها كلو مخدر ....

ولسة السيد أشرف بعاين ليها وهو مبهور بيها بس م قادر يقرب عليها

وشوية شوية الحبة بقت تفقد المفعول وميناس بقت تفتح

وفجاء يصل نبيل ويضرب باب الشقة بقوة وأشرف يسمع صوت الباب بضرب بقوة طلع وكان عارف الفي الباب منو جمع قوته ومشي فتح ويشوف نبيل قدامه ..... نبيل عاين للمنظر أشرف كدة وعينه تقع علي الغرفة الفاتحة جري نبيل بتجاه الغرفة

وشاف