الجزء 5
وقبل نبيل يطلع جات الخالة خاالدة
خالدة : علي وين كدة ولدي أقعد إتغدي معانا
نبيل : تسلمي كتير ي خالتي بس عندي شوية شغل كدة والله
خالدة : كيفن الكلام ده ي ولدي لالا لازم تقعد تتغدي معانا وما عايزة جدل في الموضوع ده
نبيل : هههههه بس ي خالتي ... وقبل يكمل كلامه جاء أحمد
أحمد : مدام الحجة قالت تقعد معناه تقعد صدقني م عندك حل غير تقعد
نبيل : ههههه طيب زي ما تحبي ي خالتي
خالدة : اااي خليك كدة .. أدخلوا الديوان دقائق الغداء بكوون جاهز
أحمد ساق نبيل دخل بيهو الديوان .. وهنا الخالة خالدة مشت عند ميناس وقالت ليها تعالي نحضر الغداء لأنو نبيل حيتغدي معانا .... ميناس قامت سريع وجرت دخلت المطبخ وبقت تحضر في صينية الغداء لما الخالة خالدة إستغربت منهاا .... حضروا ليهم الغدااء جاء أحمد شاله وهنا ميناس طوالي خت كفتيرت الشاي بعد ناس أحمد إتغدوا جهزت ليهم الشاي ..... جاء وقت مشيت نبيل طلع منهم بي هنا طوالي أحمد جاء لأمه
أحمد : أمي عايز أحكي معاك ف موضوع
خالدة : أحكي ي ولدي خير
وبالصدفة تجي ميناس داخلة علي غرفتهااا والفضول خلاها تتصنت عليهم ....
أحمد : نبيل طلب ميناس للزواج وأنا قلت ليهو أشوف رايكم إنتي وأبوي اهاا قلتي شنو إنتي
خالدة : هو أنا بلقي زي نبيل ده ووين ي ولدي شاب خلقة وأخلاق والله لو عايزهاا بكرة نعقد ليهم بس خلي أبوك بعد يجي من السفر
...... ميناس من سمعت الكلام قربت تجن من الفرحةة حست قلبهااا حيطلع منهاا عدييييييل كدة جرت دخلت غرفتهاا وقفلت عليهااا الباب وبقت تنطط زي المجنونة
( نرجع لي ناس أحمد )
أحمد : تمام ي أمي المهم أنا م عايز أفوت نبيل بكل صراااحة
خالدة : حتي أنا ي ولدي وأنا متأكدة أبوك م حيكون عنده مانع هو زاتو بجي بعد بكرة
أحمد : تمام يلا أستأذن أنا
مشي أحمد دخل غرفته وشال تلفونه وعمل مكالمة لنبيل ..... الكان جاء البيت وكلم أهله بأنو طلب ميناس من أهلهااا ..... نبيل سمع صوت التلفوون مشي رفعوو وفتح الخط
نبيل : أبو حميد الأخبااار
أحمد : تمام ي مان ...... المهم كلمت الحاجة وهي م عندهاا مانع بس فضل أبوي وميناس
نبيل : حلووو بس ياتري ميناس موافقة؟
أحمد : أمي حتحكي معاه .
نبيل : حلووو يلا أشوفك بكرة
نبيل بعد قفل مشي عند أمه الكانت بتنادي عليهووو .... أمه مرة كبيرة وعايشين هم الإتنين بس أبوهو متوفي من زمااان أمه إسمها هناء
هناء : كنت بتحكي مع منوو ي ولدي بس م تقول لي العروس
نبيل : هههههه العروس م عندي رقمهااا بس كنت بحكي مع أخوهاا أحمد
هناء : تمام ربنا يتم عليك علي خيررر طول عمري نفسي تناسب ناس خالتك خالدة والله حقق لي النفسي فيهوو ربنا يبعد عنك العوارض إن شاءالله
نبيل : إن شاءالله ي أمي
هناء : يوم جيبهااا لي النسلم عليهااا نفسي أشوفهاا طولت م شفتهاا لي ميناس حبيبتي
نبيل : حاضر ي أمي حأجيبهااا ليك
وفي أثناء ما نبيل بحكي مع أمه تلفونه يرن وكانت ليندا متصله عليهو
نبيل : الوووو ليندا
ليندا : عيونه ... كيف أخبارك
نبيل : سعيد جداَ جداَ
ليندا : إن شاءالله دائما ممكن أعرف سبب السعادة دي شنوو
نبيل : أكيد بس بعد أشوفك حأحكي ليك لازم تعرفي
ليندا : تشوفني أنا
نبيل : أيوه عندك مانع؟
ليندا : إطلاقاَ نتقابل ووين
نبيل : في كافي ف ....... بتعرفي
ليندا : أكيد بعرفه
نبيل : طيب حأكون ف إنتظارك يلا م تتأخري
ليندا : مسافة السكة وبكون هناك
نبيل : أوووووك
......
قفل منهااا ومشي كلم أمه بأنو طالع مشوار وجاي
وهنا ليندا لبست أحلي م عندهاا وعملت مكياااج تقيل ومشت الكافي بقت منتظره نبيل ..... وأشرف كل مرة يتصل عليهااا وهي بترفض المكااالمة لحدي م جاء نبيل وأنيق كالعادة ويعمل كدة
نبيل : مساء الخيرر
ليندا : مساء النور ي نور
نبيل : تشربي شنو
ليندا : نسكافيه
نبيل : تمام ... نبيل طلب ليهااا العايزة وكان ناوي يحكي ليهااا لأنو إعتبرهااا صديقة ليهوو
وبداء يحكي ليهاااا
نبيل : إنتي عارفة ي ليندا أنا اليوم مبسوووط جداً
ليندا : والله نفسي أعرف سر السعادة دي
نبيل : البنت البحبهااا وأخيراً طلبتهاا من أهلهااا يااااخ م تتصوري قدر شنو مبسوووط احححح
ليندا مصدومة ) شنوو
نبيل : ههههه طلبت ميناس وأحمد أداني الموافقة بس فضل أبوها الحاج ممدوح لما يجي اهااا ماف مبروك هههه
ليندا : ( وهي مصدومة بس ماسكة دموعها بالعافية ) مبروك ربنا يتم ليك يلا أنا لازم أمشي خالتي براه في البيت
نبيل : طيب أشربي النسكافيه حيبرد
( أمنية عوض )
ليندا : لا خلاث بشربه ف البيت يلا سلام
طلعت سريع من الكافي وأركبت أول عربية ومشت البيت .... نبيل قعد شوية وهو زاتو طلع