الجزء 1
ميناس وليندا خلصوا محاضر وطلعوا وهم ماشين
ليندا : ميناس رايك شنو تمشي معاي بيتنا نريح شوية ونطلع
ميناس : م بقدر والله ي ليندا إنتي عارفه ناس بيتنا لو إتأخرت ثانية هيعملوها لي سيم وجيم
ليندا : غايتو أهلك ببالغوا عديل كدة عاصرنك عرص
ميناس : قدري كدة بس إنتي تعالي معاي ومنو تتعرفي علي ناس بيتنا
ليندا : ههههه قولي تتعرفي ناس سجنا لأنو ده م بيت يختي ده سجن عديييييل علي العموم أرح
بعد ضحكات ليندا وميناس وصلوا بيت ميناس ميناس دخلت ليندا غرفتهاا وهي مشت لأمها في المطبخ بينما ليندا قعدت مسافة وهي قاعدة لفت نظرهاا تلفون ميناس رفعت التلفون وبقت تهبش فيهو وهي بتفتش في التلفون فتحت الإستيديو ولفتت نظرها صورة شاب دمااااار حنطي اللون وعندو لحيه خفيفة وعضلاته بارزه يعني شاب ف منتهي الوسامة وهي بتعاين عيونها قربت تطلع علي الصورة .....
وفي المطبخ ميناس وأمهاا
خالدة : دي شنو البنت المعاكي دي كمان
ميناس : دي صحبتي من الجامعة ليندا بنت طيوبة شديد أهله بره السودان
خالدة : سجمي أهله بره وهي قاعدة مع منوو هنا
ميناس : ساكنة مع خالتها ماليك إتهجمتي كدة
خالدة : م أتهجم كيف عاد في بنت تسكن براه بدون أهله
ميناس : قلت ليك ساكنة مع خالتهاا
وعن إزنك ي أمي الشاي هيبرد
خالدة ردت ليهااا طيب أمشي مشت ميناس دخلت الغرفة وليندا من شافتها جدعت التلفوون
) أمنية عوض (
ميناس ) : بإستغراب ( ماليك ي بت شفتيني إتخلعتي كدة
ليندا : منو أنا لالا بس كنت بشوف تلفونك وبالمناسبة ده منو الشاب ده كساااااار لكن
ميناس ) : بخجل ( هههههه ده نبيل حب حياتي وإن شاءالله خطيبي
ليندا ) : بحدة ( شنوووو
ميناس : ماليك ي بت خلعتيني
ليندا : يعني قصدي ما كلمتيني عنوو قبل كدة
ميناس : ههههههه لأنو الموضوع لسة م بقي رسمي
ليندا ) : بإبتسامة كلهااا خبث ( يعني لسة م بديتوو خطوة
ميناس : لا يعني لسة م قال لي بحبك هو صديق أحمد أخوي وكان بجينا طبيعي بس ليهوو فترة م جاء وأنا شلت صورته من تلفون أحمد بالدس
ليندا : ههههههه مجرمة
ميناس : لأني بحبه فوق م تتصوري وخايفة يكون عنده علاقة ده الحاجة المخلياني مقلقه
ليندا : ههههههه ولد بالحلاوة دي معقول يكون م عنده علاقة قولي علاقات خلي علاقة واحده
ميناس : يعني م اتأمل
ليندا : اااااي
ميناس : بس كدة هأتعذب
ليندا : أحسن تتعذبي هسه وبعدين هتنسي أفضل من تكوني معلقة ف حبو وهو بحب واحدة غيرك وبعدين عذابك هيكون كبييييير
ميناس : تفتكري كدة
ليندا : أكيد
ميناس : معإني م هأقدر أنسي بس بحاول
ليندا كانت مبسوطة كونو أقنعت ميناس بأنو تنسي حب نبيل لأنو أكيد هيكون حابي بنت تانيه بس في الحقيقة نبيل عجبها وفكرت فيهوو قدرت تتخلص من ميناس يكون تاني مافي عائق بقيف ف طريقه وقررت تشيل رقم نبيل بشتي الطرق ... قعدت مع ناس ميناس لمن الساعة عملت 7 مساء قالت ماشة
ميناس : ليندا بيتي معانا اليوم علي الأقل تخففي عني شوية من الوحدة دي
ليندا : م بقدر إنتي عارفة خالتي من قبيل تتصل علي
بس فجاءة ليندا فكرت ف كلام ميناس علي الأقل كدة تقدر تشيل رقم نبيل من تلفون أحمد ...... ورجعت قالت لي ميناس خلاث هأبيت معاك بس لازم أكلم خالتي ....
ميناس فرحت ومشت كلمت خالده بأنو ليندا هتبيت معاهم خالده نهائي م إرتاحت لليندا بس علشان ميناس م تزعل رحبت بالفكرة
ميناس فرشت لليندا وطلعت ليهاا غير من الدولاب والساعة دي كان الوقت عمل 8 بالليل وليندا مخصوص قالت عايزة رصيد علشان تتصل بيهوو علي خالتها ولأنو عارفة أهل ميناس صعبين ما بسمحوا لبنت تطلع بالليل
ميناس : رصيد من وين الوقت ده أبوي م بخلينا نطلع الوقت ده والعجب أحمد قاعد ده كمان أخطر من أبوي
ليندا : طيب أعمل شنو أكيد خالتي بتكون مقلقه علي لازم أتصل بيهااا
ميناس : طيب دقيقة أشوف ليك تلفون أحمد ممكن تتصلي علي خالتك منوو
وده الكلام الكانت ليندا مستنيا ميناس تقولوا .... إمبستط وقالت ليهاا خلاث طيب سريع جيبي مشت مينااس عند أحمد وبعد تحااانيس جابت منوو التلفوون .... وليندا شالتوو بفرح ) كأنو عملت إنجاز عظيم ( وبقت تقلب وتقلب عاينت لمينااس لقتهاا وقفة بتعاين ليهاااا
ليندا : ميناس ماليك واقفة كدة أقعدي ولا أقول ليك هاتي لي كباية موية
ميناااس قالت ليهااا حاضر ومشت تجيب ليهاا الموية بينما ليندا فتشت الرقم لمن لقتووو وسجلتوا ف تلفونه وإبتسمت إبتسامة إنتصار جات ميناس قامت رجعت ليهاا التلفون وقالت ليهااا إتصلت علي خالتي وكلمتهااا ميناس شالت التلفوون ورجعتوا لأحمد
اول حلقتين لانو الروايه 32 حلقه وعاوز اشترها فى النهاية😅