الجزء 29

سلمي بعد ميناس قفلت منها جرت غرفة أحمد وهي مبسوطة لقتوا قاعد ع اللاب

سلمي : أحمد عندي ليك خبر بمليار عديل

أحمد : أحكي لينا زمان م سمعنا أخبار سمحة

سلمي : ميناس جاية البيت ي أحمد إتصلت علي قبل شويةة وقالت حتجي

أحمد بفرح ‏) إنتي متأكدة ي سلمي ولا بتتوهمي ساي ياااخ خليك جادة إنتي متأكدة

سلمي : بتوهم كيف أنا بقول ليك جاية وحالياً ف الطريق بس قالت خايفة منك وأنا قلت ليها إنك طلعت من البيت يعني لما تجي عليك الله ما تأذيها ولا تظهر قدامها حتي تمام

أحمد : ليها حق تخاف مني العملتوا معاه م شوية المهم هي تجي وكان علي أنا م حأوريها وشي بس تجي

سلمي : الحمدلله وآخيراَ مشاكلنا ح تتحلي وننتهي من الكابوس ده

وهم بحكوا يسمعوا صوت عربية برا سلمي جرت بينما أحمد قفل عليهو باب غرفته سلمي فتحت الباب وشافت ميناس قدامها

سلمي : ميناس

جرت حضنتها عليها شديد والدموع جرت دخلوا جوه وسلمي بقت تنادي علي خالتها ي خالتي تعالي شوفي الجاء منو ... جات خالدة وكانت مستغربة الجاء منو لبست توبها ومرقت عاينت لقت ميناس قدامها

خالدة قالت ميناس إنتي جيتي تعالي لي جات ميناس حضنتها قرابة عشرة دقائق حاضنين بعض خالدة تبوسها في راسها ومرة في خدها ومرة في يدها كان منظر يدمع الحجر ......

أحمد م قدر يمسك نفسه طلع من الغرفة ومشي عليهم جاء مسك ميناس من كتفها ميناس من شافته خافت وبقت ترجف وهو حس بيها

أحمد : م عايزة تسلمي علي أخوك ي ميناس يعرف روحي ظلمتك ممكن تسامحي أخوك الغبي الجاهل الما قدر يثق في أخته

ميناس : لا م تقول كدة ي أخوي إنت م غلطت معاي ولو أي زول ف مكانك كان عمل كدة والله م زعلانة منك .... أنا المفروض أطلب السماح منكم

أحمد : كفاية بكاء إنتي بكيتي بما فيها الكفاية بعد كدة حتضحكي وما عايز أشوف دموع ف عينك

ميناس : حاضر ي أخوي تاني م حأبكي

وحضنتوو وهي بتبكي

ود . أمنية ود . ليث كانو متأثرين بالموقف الخالة خالدة إنتبهت ليهم ... وقالت ليهم إتفضلوا ي أولادي مالكم واقفين

سلمي دخلتهم غرفة الضيوف وضيفتهم .. جاء أحمد سلم عليهم لأنو كان مشغول بميناس فما إنتبه عليهم .... ميناس عرفتهم عليهم وقالت ليهم كنت طول الفترة دي قاعدة معاهم وإستقبلوني أحسن إستقبال وعاملوني كأني واحدة منهم وما قصروا معاي نهائي

جات خالدة وجابت العصير وقعدت مقابل د . أمنية

خالدة : والله م عارفة أشكركم كيف بس ربنا يجازيكم كل خير

د . أمنية : العفو ي خالة ميناس بقت زي أختي وأكتر

خالدة : ربنا ينولك الفي بالك ويديك قدر نيتك يارب

د . أمنية : تسلمي ي خالة

قامت ميناس دخلت غرفتها ولقتها مرتبة سألت سلمي الرتب الغرفة منو .... سلمي قالت ليهو رتبتها ليك أنا ....

وكان في اللحظة دي أحمد إتصل علي نبيل وقال ليهو ميناس رجعت نبيل كان م مصدق من الفرحة بعد مكالمة أحمد نبيل مشي كلم أمه وهي فرحت بالخبر وقالت لي نبيل وديني ليها سريع

وخلال ساعة كانو هناك هناء تشيل وتحضن في ميناس وتبكي معاه ونبيل كان واقف بعيد م قادر يواجه ميناس

وسط الفرحة الكانت في البيت وفرحة تانية م كانت متوقعة حاج ممدوح يجي داخل البيت من السفر ميناس من شافتوا جرت عليهو وحضنتو وهي غرقانة في دموعها حاج ممدوح كان مفتكر دموعها دموع شوق ... بس ميناس كانت محتاجة لحضن أبوها من زمان .... سلموا عليهو بحرارة وخالدة كانت خايفة بعد حاج ممدوح يعرف الحصل مع ميناس ردة فعله حتكون كيف؟

الحكاية دي كانت شاغله باله .....

ولسه نبيل م قادر يرفع عينه ف عينها

‏( في الناحية التانية ‏)

في بيت ناس أشرف

اسيا : أشرف تعال أكل ليك حاجة من أمس م مأكل شئ

أشرف : لا م عايز أكلي إنتي ونحن حنسافر بعد بكرة جهزي حالك

اسيا : نسافر نمشي وين نحن م عندنا أهل في أي مكان

أشرف : م ضروري يكون عندنا أهل علشان نسافر .... نحن حنستقر في ........ وإنتي حتكملي دراستك هناك

اسيا : وإنت لقيت قروش وين للسفر والحاجات دي؟

أشرف : إنتي بس أعملي القلتوا ليك خليك جاهزة للسفر .. يلا أنا طالع وبتأخر في الرجعة م تنتظريني

اسيا بقت تعاين ليهو ومستغربة فيهو بس قالت هو أدري

‏( نرجع لي ناس ميناس ‏)

هناء : والله ي جماعة عايزة أفتح معاكم موضوع الزواج ده أنا شايفة إنو لازم نبداء فيهو واهو تاني ماف حاجة بتمنعنا نكمل الزواج

ممدوح : فعلاَ كلامك صح ي أختي وأنا زاتي قلت كدة ‏( قبل علي خالدة ‏) اها ي خالدة رايك شنو في الكلام ده

خالدة : والله أنا زاتي شايفة كدة خلينا نفرح بيهم ونشوف أولادهم ينططوا قدامنا

ممدوح : اها خير أمشي نادي لي ميناس

خالدة : حاضر

مشت خالدة نادت ميناس من الغرفة لقتها بتتونس مع د . أمنية وسلمي وسارة .. قالت ليها تعالي أبوك عايزك

مشت ميناس مع أمها سلمت علي الخالة هناء وعلي أبوها حاج ممدوح وسلمت علي نبيل الكان م قادر يرفع عينه

ميناس : نعم

ي أبوي

ممدوح : شوفي ي بتي أنا خلاث جيت من السفر تاني ماف داعي نأجل عرسك قلنا نعمل العرس في الشهر الجاي ده اها رايك شنو

ميناس : بس أنا م موافقة علي العرس ده ي أبوي

ممدوح وهناء وخالدة و

نبيل كلهم عملوا كدة

إستغربوا من رد ميناس ممدوح قال ليها قلتي شنو

ميناس : قلت ليك م عايزة الزواج ده ي أبوي

ممدوح بداء يهيج ‏) ده كلام شنو ي بت إنتي فاكرة الحكاية لعي عيال

خالدة : كدي ي حاج دقيقة براحة علي البنت أكيد ميناس بتمزح صح ي بتي

ميناس : لا ي أمي أنا جادة في كلامي م عايزة الزواج ده

وطلعت جرت ممدوح بنادي عليها بس نهائي م ردت عليهو