الجزء 33

ميناس ي بت ي مينااس

ميناس سمعت امها بتناديهاا سريع طلعت من غرفتها وجات جارية

ميناس بنت جميلة وتمتلك جمال خرافي وده مخلي كل البنات بغيروا منهاا بنات الحي وبنات أهله وحتي صديقاتها الفي الجامعة بغيروا من جماله وفوق كل ده طيبه وقلبها أبيض بس عندها حبة هبالة وراسها خفيف يعني أي حاجة تقولها ليها صدق أو كذب هتصدق علي طول عمرها 20 سنة .... و عندها أخو واحد وأكبر منها عمره 25 سنة إسمه أحمد طويل وجزاب يعني بعجب أي بنت وأمها إسمها خالده مرة طيبة وبتحب ميناس وأحمد حب ما عادي أبوهم راجل كبير في السن بس ماشاءالله الزول البشوفه بقول عمره 30 سنة يعني محافظ علي صحته شديد

نرجع لناس ميناس

ميناس : نعم ي أمي

خالده : أنا بناديك لي ساعة يعني م سامعه

ميناس : معليش ي أمي كنت بحضر للجامعة لأنو الإجازة خلصت وبكرة نازلين

خالده : خلاث لو إنتهيتي خلينا نمشي عندك ناس خالتك راجلها جاء من السفر خلينا نمشي نقعد معاهم شوية

ميناس : حاضر ي أمي أمشي ألبس عبايتي واجي

مشت ميناس لبست عبايتها الشيك ديك وعملت شوية فير ومرطب وردي عجييييب ولبست طرحتها وقال لي امها خلاث يلا نمش

امها لبست توب حلو وجميل وأمها زاتها حلوة شديد وميناس شايلة من ملامح أمهال كتير خاصتاَ العيون والجسم وصلوا بيت ناس خالة ميناس اللي هي أخت خالده الأكبر منهاا أسمها كوثر وعندها بنتين عبيطات خلاث

واحده إسمها سلمي والتانيه سارة جنهم قطايع ومطاعنات نهائي م بحبوا يشوفوا غيرهم مبسوطين من ميناس وأمها جو بدو يعلقوا

سلمي : ي بت ي سارة مش توب خالتي ده حق العيد القبل الفات؟؟

سارة : اااااي ياهو زاتو كل مرة لافحه لابسه عجب

ولوت خشمهاا تقطع ونستهم ميناس جات سلمت عليهم وقعدت معاهم إتونست معاهم وهم نهائي م عاجباهم الونسة بعد سلموا عليهم ميناس وأمها رجعوا البيت ميناس طوالي دخلت غرفتها ونامت تصحي الصباح علي صوت أمها بتصحيهاا للشاي قامت شربت ولبست وطلعت علي جامعتهاا أول زول قابلتوا صحبتها ليندا . سلمت عليها بالأحضان ودخلوا المحاضرة

...... نتعرف علي ليندا دي عامله فيها صحبة ميناس زولة م عندها شغلة ب زول يعني الفي راسها بتعملوا وماشة علي كيفها ما عندها زول يقول ليها ده حرام وده حلال أهلها بره وهي ساكنة في داخليه

وعندها شقة ملك