الجزء 12
سلمت علي امي وابوي امي قالت عملتو شنو بعد
الجامعه،قلتليه بكره عيد ميلاد صاحبنا في الجامعه مشينا
انا والبنات اشترينا ليهو هدايا وحجزنا التورته والمطعم
😘عاينت لي كدا 😒 قالت لي من متين عندك اصحاب
،قعدت اضحك 😂 قولتليها دقائق بس اقلع ملابسي اخد
دش واصلي واجي اكلمك بالموضوع قالتلي سرعه 😒
عملت العلي دخلت المطبخ جبت كبايتين عصير لي
وللحجه،قعدت جمبها وهي لسه بتعاين لي كدا 😒 قلتليها
روقي بحكي ليك 😂قالتليها اسراء صحبتي العيد ميلادو
بكره دا حبيبا واسمو بكري معانا في الجامعه ود ناس
ومحترم ظرريف شديد،علاقتهم ياامي جاده بحبو بعض من
نحن في اولي، واسي نحن ماشين علي تالت وهم لسه مع
بعض ♥😴 قررت تفاجؤ وتعملو عيد ميلادو، قالت لي
ماشاءالله عليها ضمنت مستقبلا وشافت ابو عيالا اخير
منك قاعده في البيت، ، شوفي ليك راجل اضمني مستقبلك
القدرك عرسو وبعيالهم اسي 😒 قولتليها امي 🐸 قالتلي
بلا امي معاك 😒 ،قولتليها قاعده ليك بايره م عاوزه
اعرس +🌚 المهم بكره هتاخر لانو طوالي بعد الجامعه
هنجهز وهنحتفل، قالتلي طيب بس م تتاخري شديد
♥قلتليها حاضضر 😘
مشيت لاحمد لقيتو نائم،
الساعه جات 🐸4لافه في البيت ومعارفه اسوي
شنو،العصر اذن قلت امشي اصلي، صليت نزلت قولت ليهم
ههوووي انا جعانه 🔥🐸 ابوي قالي م تصرخي 😒
امي قالت لي امشي اعملي الغداء يابايره، قلتليها يانبع
الحنان كدا م صح 💔🐸راعي لمشاعري دي شويه،
عاينت لي كدا 😒 مشيت خليتا خشيت المطبخ اعمل
الغداء 😂 عملتو قالولي امشي صحي احمد مشيت لقيتو
صحي قولتليهو يلااا الغداء قالي جاي قعدنا الحاج سال
احمد من امتحاناتو قاليهو ظاببببطه، قال وانتي يالسجم
😒هتبدي مزاكره متين قولتليهو الجمعه هنبداء المعسكر
قالي كويس،
خلصنا نظفت الطاوله المغرب اذن 👉👈🐸 قولت
في نفسي الزمن دا الساكيهو منو مش اسي صليت العصر
بسم الله، طلعت فوق صليت المغرب وسرحت
شعري،ولتلفوني 💃🔥 ركبت سمعاتي ودخلت الواتس
لقيتهم مرسلين رسائل كتيرع قولتليهم بتقولو في شنو طلعو
برتبو لموضوع بكره، اتذكرت انو اسراء عزمت عمر، قولتليها
اسراء عزمتي المخلوق الاسمو عمر دا ليه 😒 قالتلي
مزاجي حكم اعزمو 😌 في اي مانع 🌚عندك مشكله
🌚بتخجلي يا دؤاهؤ🌚 وئام وهدي وغاده بقو يضحكو
😂 قولتليهم اسكتو 😒اعزميهو اصلا م فارقه معاي
طلعت خليت ليهم الواتس مشيت الفيس فتحت الرسائل
لقيت عمر مرسل وكاتب بكره جايه عيد ميلاد بكري رديت
ليهو اكيد وقفلت البيانات، مشيت اكلم احمد عن الهيحصل
بكره قال لي خلاص يازوله امشي بس لمن تخلصي اتصلي
علي اجي ارجعك البيت اتفقنا علي كدا 🔐♥
وقفت في نص البيت وم عارفه اعمل شنو زهجااانه
وماعندي موضوع قولت احضر فيلم فتحت 2 لقيت في فلم
بايخ شغال خليتو ورقدت بشوف فيهو لحدي م نمت 😴
امي صحتني قالت لي قومي صلي العشاء وتعالي اكلي
وارقدي نومي قولتليها شبعانه م عاوزه، مشيت صليت
ورقدت عطول نمت ♥😴صحيت بتلفون طلعت اسراء
قالت لي انتي لسه نائمه قومي سرعه سوي العليك والبسي
واطلعي يلا قولتليها هي الساعه كم قالت لي 7 يالسجمانه
يلا سرعه قومي قفلت منها اتجهزت وصليت نزلت صبحت
عليهم شربت الشاي اتصلت لاسراء قولت ليها جايه عليك،
اتحركنا ع الجامعه،ضربت لغاده انتو وين قالت لي اتاخرتو
نحنا في القاعه مشينا عليها طوالي المحاضره بدت خلصت
طلعنا ماشين نفطر طلبنا سندوتشات ومشروب غازي قلت
لغاده الهدايا معاك قالت جبتها اي،نحن من امبارح خلينا
الهدايا في عربيه غاده، اسراء قالت لينا يلا اكلو سريع
عشان تمشو تجهزو،
يتبع ...