الجزء 15
امي صحتني الساعه6ونص قمت جسمي مكسر اخدت دش
صليت الصبح اتجهزت نزلت تحت صبحت عليهم شربت
الشاي قلت لامي فترانه شديد م قادره امشي ققالت لي
امبارح تعبتي نفسك، بوستها في راسا وابوي كمان😘
طلعت عاوزه اتصل لسرو اتصلت هي قالت لي ووينك
قلتليها طلعت جايه عليك في الطريق وانا ماشه علي اسراء
اتصل علي رقم غريب رديت اول كلمه كانت صباح الخير
ياام عيون عسليه قلت في سري دا عمر اتذكرت اني
امبارح م سجلت رقمو، قولتليهو صباح النور، قالي طمئنيني
عليك كيف اصبحتي، وانا ممستغربه الزول دا مالو ،قلت
ليهو تمام وانت كيفك قالي بقت كويس بعد م سمعت
صوتك 🌚 سكتت قالي عندك جامعه قولتليهو اي ماشه
في الطريق قالي خلاص اقفلي الخط وخلي بالك من
نفسك، قلتليهو حاضر وقفلت الخط في وشو ،وقفت مسافه
وبقيت اتكلم مع روحي الزول دا مالو عاوز يجنني بلا خلي
بالك من نفسك ماشه وبتنرفز في الشارع وماده بوز لحدي
م وصلت لاسراء انا صاره وشي بقت تتضحك فيني😂
قالتلي مالك يبت بتتكلمي براك وماده بوزك مترين 😂
قولتليها اررح يخ م تتكلمي كتير بكلمك في الجامعه الزفته
وهي اتفقعت ضحك 😂😂وصلنا الجامعه،اسراء ضربت
ل،وئام قالت ليها وينكم قالت ليها نحن جوا القاعه تعالو
سرعه المحاضره قربت تبدأ مشينا دخلنا الدكتور دخل
بعدينا علطول،
طول زمن المحاضره انا سرحانه وبفكر في كلام عمر
واهتمامو المفاجئ دا لمن صدعت،
المحاضره خلصت غاده قالت ارح الكفتريا مشينا طلبنا اكلنا
وانا طول الوقت ساكته هدي قالت لي هوي مالك ساكته،
قلت لها محتاره في عمر قالت لي احكي الحصل شنو
حكيته ليهم، وئام قالت الحكايه ظاهره م داير لها كلام
كتير بحبك 🌚 قلت ليها يخخ اسكتي بلا حب معاك
😒قولتليهم ارح نشرب جبنه انا مصدعه اسراء قالت
امشو انا ماشه لبيكو اسلم عليهو وبحصلكم قولنا ليها ظابط
،مشينا وانا الصداع عاوز يشق راسي احمد اتصل علي قالي
بتخلصي الساعه كم قولتليهو3 قالي خلاص برجعك البيت
قولتليهو طيب،غاده قالت لي اتلفتي وراك قولتليها في شنو
قالتلي اتلفتي بطلي كلام، اتلفت شوفت عمر وشلتو جاااين
علينا من بعيد، عاوزه اقوم اهرب 🐸😂بس قلت
بعملا ظاهره خليني قاعده ولا كاني شوفتو، بس للاسف
جاء وسلم علينا 😂وحلات وئام الزفته اصرت عليهو و
قالت ليهو اتفضل معانا جبنه قربت اقوم ادقها 😒 وهو
داير فرصه م بكون صدق قاليها ع حسابك 😌 قالت ليهو
اي اقعد ع حسابي 😌 اتونس معاهم وكل شويه يعاين
لي وانا ساكته طلعت تلفوني عملت روحي مشغوله بيهو
،قالي يادينا احمد شغال كيف في امتحاناتو وانا في سري
كنت عاوزه اقولو اسالو بنفسك عاوز تتظارف وتتكلم معاي،
قولتليهو قال شغال كويس، قالي سلمي عليهو يوصل، سالنا
امتحاناتنا متين قولنليهو بعد اسبوعين بس قال لينا اجتهدو
وموفقين يلا عن ازنكم وشكررا يااستاذه وئام علي العزومه
هاردها ليكي ومعاك صحباتك، وقام 🐸 ،
الولد دا مجنون صح،
قولتليهم اسراء اتاخرت بس جبت سيرتا كدا جات ناطه
وتغني انبساطه بكلو، هدي قالت م لازم تكون مبسوطه
شافت ببببيكو 🌚 قلت ليهم ونحن نشوف منو عشان نبقي
مبسوطين غاده قالت لي عمرررر عاينت ليها كدا 😒
وديل يضحكو 😂 حيوانات شدديد 😂😂 اسراء
قالت بيكو بسلم عليكم ♥😌 قلت ليها مالو م جاء معاك
قالت دخل المحاضره وقال بجي يسلم عليكم بعدين وئام
قالت انتو يبنات الشي الطوويل الحلبي الواقف هناك دا
منو 😭وبعلي من سماحتو دا اول مره اشوفو دا منو ابو
لحيه دا 😭 هدي قالت وبببعلينا انبرشت 😂 غاده قالت
صحي دا شنو القرررض دا 🌚 اسراء قالت هووي م
تخلوني انحرف عن مساري انا مرتبطه 😌ضحكنا فيها
ضحك 😂😂😂😂 قلت ليهم علبطلاق تقول شارد
من الجنه استغفر الله بس 😂الشي دا اصلو سمح كدا
🐸😂😂 اسراء قالت لينا يابايرات يمنبرشات قومو
يلا ع المحاضره قربت 😌 ،،
عاينا ليها بنفس النظره 😒 قالت خلاص معليش م بقدر
عليكم الاربعه 😂قمنا ع المحاضره دخلنا القاعه قاعدين
قريب 10 دقائق الدكتور م جاء دخلو علينا وقالو المحاضره
اتلغت الدكتور عندو ظروف ،قلناكلنا الحمدالله 😂
♥يخخ صعب م بنقدر نتنفس معاهو ،طلعنا سالتهم التالته
بتبداء كم هدي قالت 1 وحاليا الساعه 11قلنا نطلع مكان
في المسافه دي 🐸
يتبع ..