الجزء 4

نزلت لناس البيت،لقيتهم مجتمعين كلهم ابوي وامي واحمد،

قولت ليهم عاوزيين شاي، قالو اي،

مشيت المطبخ سويت شاي وقعدنا مع بعض، سجي اختي

الكبيره ضربت لامي قالت ليها جايينكم يوم الجمعه،،،فرحت

يخخخ لي 3اسابيع م شوفتهم 😓 ،

اتذكرت كلام عمر، قولت لناس البيت عمر بسلم عليكم،

احمد قال لي عمر دا منو 😒 قولت لي عمر عثمان

صاحبك 😒قال لي ود الحله،قولت ليهو اي طوالي جاري

للمشاكل 😒 ،

واحد من اصحاب عمر ضرب ليهو احمد استئاذن وقال طلع

وطلع مستعجل ،،استغربت قلت دا مالو 👋🐸 ،،،

م اشتغلت بيهو كتير طلعت غرفتي خشيت قروب البنات

لقيت اسراء وصلت ليهم الشمار

‏(شمار عمر لاقانا جمب باب الجامعه ‏)

✌🐸 تسقط بس اسراء البتوصل الشمار ع السريع ،،،

طوالي شغلوها لي، ،،اسراء قالت هووي انا ماشا وئام قالت

ليها لبيكوووووو 🌚 سرو ردت ليها ااي ماشه ليهو

+ م تدلعي انا بس البقولو بيكو 😒 هدي قالت

اححححييينننننا من الغيره 👏😂 غاده قالت احيييياااا

قولت ليهم اححيا وبصوت عباسيه كمان 👏👏😂

👏 طلعت خلتنا،بنتونس لحدي م العشاء اذن وبكره عندنا

محاضره واحححده والساعه 11 ،الحمدالله يعني اصحي

بمزاجي 🌚 ،

+ ضرب لي احمد اخوي قال لي اخو عمرعثمان عمل حادث

واتوفي 😭😭😭ااااننصدمت اقسم بالله

احمد قبيل لمن جاتو مكالمه كان عمر الاتصل عليهو وكلمو

عن الحادث 💔😭 نزللت سرعه كلمت امي وابوي ابوي

اتصل لعمو عثمان يسالو عن الدفن متين 💔 اتحركنا علي

بيت البكاء ،

امي وام عمر ‏( سميه ‏) اصحاب 😭 كااانت فاجعه، خالتو

سميه متاثره شديد،

عائله عمر عباره عن الام والابو وولدين وبت،

كدا بقو ولد واحد وبت 💔😭اصغر واحدها اسمها

فاطمه . عمرها 9 سنوات ،كانت بتصرخ وخائفه شافت امها

بتبكي،،،شلتها حضنتها علي وطلعت بيها برا بيت البكاء

لفيت بالشارع التاني، كان فاضي، تقريبا الناس كلها مشت

البكاء فاطمه بعد مسافه حتي سكتت من البكاء

لسه ماشيين سمعت صوت زول ببكي ،فجاءه ولد قااال

ياااافطومه صوتو كان موجوع ،اتلفتنا علي اتجاه الصوت

لقيتو عمر 💔😰

يتبع ...