الجزء 10
المحاضره خلصت من شده التفكير في عمر مسكني صداع
💔مشينا الكفتريا طلبنا سندوتشات وعصاير طبيعيه
اكلنا، قولت احكي للبنات الحصل،حكيت ليهم مواقفي مع
عمر كلها من يوم لقيتو ببكي ومعاي فطومه تاني يوم
اتلاقينا في البكاء وقال لي (دؤائي ) تاني طلب الصداقه
والرساله منو 😴 احتارو ذي البنات، وئام قالت بكون
حابي يشكرك ع وقفتك معاو غاده قالت اي احتمال، اسراء
قالت م اظن اشك في انو في حاجه تانيه، هدي قالت اتفق
مع سرو بكون في حاجه تانيه ♥😴 ،قولت ليهم انسو
ونشوف لقدام البحصل شنو،اتذكرت احمد قولت اتصل
عليهو اشوفو امتحن كيف، اتصلت عليهو قولت ليهو
طمئني الامتحان كيف قال لي الحمدالله كويس، قلت ليهو
تمام نتلاقي في البيت قال لي بتخلصي الساعه كم قولت
ليهو لي 3قال لي شتت يخ بعيده قال لي خلاص خلي بالك
من نفسك وسلمي ع صحباتك قولت ليهو يوصل، قفلت منو
قلت للبنات احمد بسلم عليكم،هدي قالت الله يسلمو قلبي
😌فكينا الضحكه وباعلي صوت ♥😂😂😂 هدي
اصلا من زمان منبرشه فيهو، وهي ماشاء الله عليها ممزه
♥،
قلت ليهم مصدعه ارح نشرب جبنه من خالتو امنه مشينا
شربنا شوفنا بيكو واصحابو جايين علينا اسراء بدت الكبكبه
🐸😂 قلت ليهم روميو جاء اسراء ادتني كدا 👋
😂بيكو وناااس وظريف شديد ♥🌚شربو الجبنه
معانا وقامو، قلت للبنات امتحاناتنا بعد اسبوعين 🐸
🔥اها الحل شنو نبداء المعسكر ،كانت اخر امتحانات في
سنه تانيه 😎 هنبقي توب سنير 🔥👏 غاده قالت اي
لازم نبداء المعسكر، اتفقنا ع كده، المعكسر تبعنا كالاتي كل
يوم في بيت واحده، قلت ليهم نبداء متين وئام قالت
الجمعه وفي بيت منو قالت في بيتنا علشان هادي، وئام
بت وحيده، 😴قولنليها ظابط،
مشينا المكتبه طلعتا الشيتات الناقصه 👈🔥🐸
👉اجتهاد تايم الزمن كبس ونحن م ناكشين ابو النوم
زاتو ،،
لمحت شله عمر رركزت شديد عمر م معاهم قلت اكيد
بكون البكاء م بنزل اسي وانا سرحانه، احس ليك بيد
ضربتني اتخلعت 😂 طلعت دي هدي عاينت لي كدا
🌚قالت لي مركزه مع منو، قولت ليها لالا ماف شي اررح
😂مشينا، قعدنا في البينشان واتصورنا لمن قولنا بس
✌😂 غاده قالت لي واحمد تخريجو بكون متين قلت
ليها بري م عارفه بكون بعد م يخلص امتحانات ع طول،
اتحمست للتخريج 🔥💃 لدرجه فكرنا هنلبس شنو
قبل م يتحدد الزمن متين 🔥💃😂 اتفقنا نقص كلنا
قصه واحده، فساتين سوداء بالكبدي، والحمدالله الشله كلها
محجبه ♥😴 بعد م اتفقنا لسه باقي للمحاضره ساعه
طلعت جوالي وسماعاتي واغاني تايم 🎼✌ م فكرت
افتح البيانات اصلا لانو كنت متاكده هالقي عمر ردا علي،
سمعت اغاني لمن زهجت وقفت الاغاني ورجعت تلفوني
في الشنطه ،اسراء قالت لينا عيد ميلاد بكري قرب بعد
يومين اعمل شنو الليله الاحد وهو يوم التلات ♥☹ م
عندكم افكار وئام قالت ليها نعمل ليهو قعده ظريفه في
النيل ولا نحجز مطعم . من الجامعه نمشي نحضر المكان
واسراء انتي خليك معاهو في الجامعه اول م نتصل عليك
تعالو مع بعض وبكدا نكون ضربنا عصفورين بحجر احتفلنا
بيهو وفاجناهو ✌♥😴 قلت ل وئام افكاارك الفظيعه
دي ♥😂
يتبع ....