الجزء 18

رجعت غرفتي اكلم البنات 😚 رسلتليهم الصوره وكلمتهم

بمازن الحلبي ♥😂 وئام قالت ووبعلي دا شنو النزل

علينا دا وكمان اسمو مازن اجعلني الميم في اسمو وكمان

ماليزيا اححيااااا بصوت عباسيه صحي شكلو م شكل

السودان 🌚 غاده قالت ل وئام ادينا فرصه ننبرش معاك م

ممكن يخخ😂 ،انبرشناااا لمن قلنا بس 😂😂😂

♥العشااء اذن مشيت صليت نزلت تحت اكل اتونست مع

البنات لحددددي الساعه 10 نعست قولتليهم ماشه انوم ،

يوم التلات عدا بايخ، محاضرتين ذي السم،

الاربع عدا بايخ ماكان عندي مزاج امشي الجامعه اصلا بس

داخلين علي امتحانات

يوم الخميس 🌚🌚🌚صحيت الساعه 6 كنت

نشيطه جدااا ادوشت وصليت نزلت تحت شربت الشاي

وقاعده بمزاج، جاء احمد قال لامي دي مالا الليه قالت ليهو

بري تتضاحك براها من اصبحت وصحت براها احمد قالي

بسحروك الليله قالي مالك في شنو قلت ليهو صحيت

مبسوطه مالك يخخ 🌚 قولت ليهم يلا باااي لبعدين

😘😘 احمد قالي طيب بوصلك الجامعه انا زاتي طالع

بس دقائق اشرب الشاي،قلت ليهو ظاابط 😌ضربت لسرو

قلت ليها احمد هيوصلنا قالت لي تمام، طلعنا سقنا مدام

بيكو وعلي الجامعه 😌 ركبت سماعاتي وموسيقي تاايم

🔥💃

وكالعاده لازم احمد يشغلا لاسراء، قاليها كيف يمدام بيكو

😌قالت ليهو فل الفل وانت،قااليها تمام،قالتو حددتو يوم

الاحتفال ولالسه قاليها الليله بتناقش مع الدفعه واديكم

خبر، قالت ليهو اتفقنا ♥😌

وصلنا ودعنا احمد ونزلنا لسه كان فضل للمحاضره

ساعه،قعدنا في البينشات ضربت لغاده اشوفها وين قالت

لسه م طلعت بس طالعه اسي قولت ليها نحن وصلنا قالت

خلاص بجيب معاي هدي واجيكم، اسراء اتصلت ل،وئام

قالت ليها قربت عليكم، قاعدين انا وسرو ومستكنين

وبنسمع اغاني 😌جاء بيكو 🌚 اتونس معانا شويه

وقعدو يخلطو عصافير الحب ديل 😒قبلت منهم غمضت

عيوني وبصفر ومتحمسه مع الغنيه 😂😂 جاتني مكالمه

طلع عمر رديت عليهو قالي صباح الخير كيف اصبحتي،

قولتليهو صباح الفل تمام وانت كيفك قالي كويس، سالني

وين انتي في البيت ولا في الجامعه، قولتليهو احمد وصلنا

انا وسرو من الصباح 😌 قالي الحمدالله، بس حبيت اسمع

صوتك من الصباح وابدا بيهو يومي يدؤائي، كالعاده انا

اتبكمت وم عرفت اقول شنو ،بقا يضحك 😂 قالي كالعاده

خجلتي يلاخلي بالك من نفسك قولتليهو باي وقفل

الخط،والله خجلت بقيت سرحانه وبتذكر في كلامو وئام

جات خلعتني 💔😂😂 قالت لي الله يحفظو

الشااغل بالك وخلاك سرحانه وبتتضحكي براك 😂😂

عاينت ليها كدا 😒 قولتليها ماف زول شاغل بالي قالت

لي كدي قومي اسلم عليك وبعدين اردحي 😂 سلمت

عليها سلمت علي اسراء وبيكو قالت لي مصدعه م شربت

الشاي في البيت ارح معاي خلينا اسراء وبيكو وقمتا معاها

😚شربت الشاي،

هدي ضربت قالت نحنا وصلنا وينكم قلت ليها خليك جمب

البوابه بنجي عليكم كلنا وبنمشي علي القاعه لانو زمن

المحاضره جاء وقفلنا علي كدا مشينا لاسراء ودعنا بيكو

ولهدي وغاده واتحركنا كلنا ع المحاضره 🌞زمنا ساعتين

وانا لحظه اكون مركزه في المحاضره ولحظه اتذكر في

كلام عمر الصباح واقعد اتبسم 😂بالجد زي المجنونه

،طلعنا مشينا علي الكفتريا طلبنا واكلنا 😚

وبكره الجمعه المعسكر 😂😭 قلت ليهم وذي م قلنا

اول يوم في بيت وئام،

يوم الخميس دا حلو جدا عندنا محاضره واحده وصباحيه

بدت 8 وخلصت10

قلنا احسن نرجع البيت بدري نجهز روحنا لبكره 👏🐸

💔

اي وادحده في طريقا 😚

وصلت البيت ،بفتش في امي لقيتا في المطبخ عندها

طلبيه فطائر بتجهز فيها سلمت عليها

قلت ليها بس اقلع ملابسي واجي اساعدك . سرحت كعكتين

ومشيت ليها، قالت لي بكره المعسكر صح قولتليها اي وفي

بيت وئام، قالت لي بطلو ونسه واجهتدو 😒 قالت ليها

حااضر يست الكل 😂 ابوي جاء من الشغل الساعه3 وانا

وامي لسه شغالين 💔☹الطلبيه كانت كبيره . مشيت

لابوي اديتو كبايه عصير ،سالت امي قلت ليها احمد برجع

متين قالت لي عندو امتحانين قال برجع ذي 3ونص قلت

ليها قررب بجي بعد شويه، خلصنا الطلبيه امي اتصلت

للذبون جاء استلما احمد جاء مشيت جبت ليهو كبايه

وقعدنا كلنا مع بعض جبت كبايه لامي ولي .

امي سالت احمد قالتلي كيف وكيف، بقيت اضحك فيها

😂😂😂 قولتليها اتعلمتي الكلام دا من وين

، قالت اي منكم 😂😂😂 احمد قاليها والله ماشي

الحال عاينت ليهو كدا 😒 قالتلي كيف يعني مماشي

الحال ،قاليها الاول ظاابط، بس التاني دا عصرونا فيهو

شويه 💔😂😂 قالت ليهو شيد حيلك في الباقي،

ابوي قالي وانتي يدينا المعسكر متين قولتليهو ببكره قالي

شدي حيلك برضو قولتليهو ان شاء الله وطلعت غرفتي

شلت تلفوني لقيت مكالمتين واحده من وئام واحده من

عمر رجعت ل،وئام اول عاوزه تذكرني المعسكر ببداء من

10لانو انا نوامه 💔😂 ،اترددت ارجع لعمر ولا لا رجعن

ليهو، قالي جيت الجامعه عاوز اعرفكم انتي وصحباتك بود

خالتي مازن نططتت عيوني 🐸 ووبعلي مازن الحلبي،

قولتليهو اي رجعنا بدري كان عندنا محاضره واحده

وخلصناها، قالي م مشكله ليوم السبت بعرفكم بيهو يلا باي

وقفلت الخط،

شممممار للبنات طوالي ♀🚶😂😂😂

يتبع ...