الجزء 13

الشرطي اتصل في رقم ابرار ،،،،،ابرار فرحت قالت واخيرآ طارق اتصل لي ،،،،فتحت الخط قالت الو ،،،،قال ليها انتي ابرار قالت ليهو اااي انا ابرار انت منو وليه تلفون طارق معاك ،،،،قال ليها انتي بتعرفي الزول دا معرفه شخصيه قالت ليهو اااي بعرفو بس م وريتني انت منو ،،،،قال ليها انا الضابط فلان الفلان لقينا الزول دا ميت في شقتو وانتي لازم تزورينا القسم عشان ناخد منك بعض المعلومات ،،،،ابرار م عرفت نفسها في السماء ولا الارض قفلت التلفون وطلعت الشريحة وكسرتها وركبت اقرب عربية ومشت علي البيت.

وصلت البيت لما بترجف من الخوف طوالي علي غرفتها وبقت تبكي بصوت مكتوم ليه حصل كدا طيب ليه الضابط اتصل لي الله يستر م يكونو تاهمني بيهو انا ممكن اموت قبل م امشي السجن ،،،،روان جاتني جارية وقالت لي امي ليه ابرار دي الليله جات بدري كدا وشكلها خايفه ،،،،اتنفضته وجريت قلتا ممكن تكون جاتها حمه لقيتها بتبكي ،،،بقيت اسال فيها ابرار مالك ابرار نهائي م بترد ،،،،قلتا ليها م تبكي لو عيانه خلي اتصل لي ابوي يحي نوديك الدكتور ،،،قالت لي لا مافي شي زعلانه بس خليني براي لو سمحتي ،،،،قلتا ليها م اتعودته اخلي زول محتاج لي براهو الا توريني مالك ،،،،قالت لي انتي اتاريكي طيبة شديد ونامت في رجليني قالت لي انا في مصيبة عايزاكي تدعي لي اطلع منها انتي زول طيبة واكيد ربنا بسمع منك ،،،،مسحته ليها دموعها وغطيتها وقلتا ليها م تخافي ربنا م بنسي زول ،،،،خلي اعمل ليك شوربه شكلو عايزه تجيكي حمه ،،،،قالت لي طيب.

الضابط وهو بفتش في الشقه عن دليل لقي الشرايط متلوفه كلها ومجدوعه قال لي العسكري لم الشرايط دي احتمال تبين القاتل منو ،،،،العسكري شال الشرايط ودخلهم في الكيس ،،،،شويه كدا صاحب طارق جا داخل لقي الشرطة في كل مكان في الشقه ،،،،قام جاري قبضوهو وجابوه وبدو يتكلمو معاهو ،،،،علي اساس هو مين والجابو هنا شنو ،،،،حكي ليهم بكل حاجه لانو خاف ،،،،وبكدا عرفو انو طارق ود عميد كلية تجارة ،،،اخدو قوه ومشو الجامعة قال علي الاقل يحققو مع بعض الطلاب القراب منو الكلام دا كان الساعة 12 صباحا

الساعة 12/30 الشرطة كانت في الجامعة طبعآ الناس خافت شديد شرطة كتيره زي دا وفي الجامعة اكيد في حاجه ،،،،الضابط سال من مكتب العميد ومشي دخل عليهو ،،،،العميد اتهجم قال ليهو خير ي حضره الضابط في شنووو ،الضابط قال ليهو لقينا ولدك المدعو طارق مقتول في الشقه بتاعتو ،،،،العميد م حسو بيهو الا وهو واقع ،،،،،الشرطي اتصل بالاسعاف وجا ورفعو العميد ومشو علي المستشفي ،،،،وبعد كدا الشرطة انتشرت في الجامعة وبقت تسال لو في زول بعرف طا ق ولا قريب منو.

وكل الاقوال جات متشابهه اكتر زول قريب من طارق صحبو او ابرار ولو ابرار مافيش صحبتها نور لانو قريبه منها وبتكون عارفه اي شي.

الضابط لما سمع كل الاقوال متشابهه سال من قاعات ابرار والولد والبت الاسمها نور ،،،،بعض الطلاب وصفوهو ليهو ،،،،،مشو القاعة لقو فيها محاضرة بس قطعوها ،،،،سال الضابط من ابرار قالو كانت حاضره المحاضرة الاولي وتاني م عارفنها وين ،،،،وفي بنات قالن شافنها طلعت من البوابه ،،بعد كده سال من نور ،،،،رفعت يدها قال ليها تعالي معاي مكتب العميد عايز اسالك من بعض الحاجات.

نور كانت خايفه بس م اظهرت الشي دا ،،،،في المكتب الضابط قال ليها انت صحبت ابرار صح ،،،،قالت ليهو صح قال ليها اخر مره شفتيها مع المدعو طارق بتين ،،،،قالت ليهو امس مع طارق في شقتو ،،،،قال ليها متاكدة ،،،،قالت ليهو اااي ومعاي انفال شفناهو هناك ومشينا وخليناهم هناك ومشينا خلينهم ،،،،جابو انفال وصحبتها اكدن الكلام دا وانو اخر مره شافوها معاهو امس بالمساء مع طارق في شقتو وبكدا في دليل ضد ابرار ،،،،الشرطي اتصل لي الضابط قال ليهو لحدي هنا ابرار هي المشتبها الوحيدة ،،،،الضابط قال ليهو تاخدو عنوان البت الاسمها ابرار دي وتمشو البيت تجيبوها لي في القسم ،،،،الشرطي قال ليه علم واخدو العنوان من نور ومشو علي بيت ناس ابرار.

في البيت

منى عملت الشوربه ابرار شربتها ومن كتر البكي صدعت اخدت حبوب ونامت ،،،،شويه كدا الباب ضرب مشت منى فتحت الباب ،،،،طبعآ اتفاجئت شديد واتلبكت ،،،،الشرطي قال ليها انتي ابرار ،،،،منى هزت ليهو براسها نظام لا انا م ابرار ،،،،قال ليها ابرار موجودة هزت براسها نظام اااي ،،،،الشرطي قال ليهو امشي اندهي عليها بسرعه ،،،،مني جرت جري صحت ابرار ابرار قالت ليها ياخ مصدعة خليني انوم شووويه ،،،،قالت ليها قومي ي شقيه شوفي الشرطة دي دايرة منك شنوووو ،،،،ابرار قامت مخلوعه لا لا انا م عملتا حاجه ليه الشرطة جايه تمشي تشوف القتل طارق منو انا م قتلتو ،،،،منى قربت تقع من السمعتو وكدا اتاكدت انو في زول مات ،،،،الشرطي دخل عليهم قال لي ابرار البسي سرعة وتعالي معانا انتي شهود ،،،،كدا ابرار اطمنت حبه انها ممكن ياخدو بكلامها كا شهود ،،،،منى قالت ليهو انتظر برا خليها تجهز وتطلع ،،،،الشرطي قال ليها س

ريع نحنا م بنقعد منتظرنك اليوم دا كلو ،،،،منى ساعدتها تلبس ليها عباية ولفت طرحتها وطلعت ،،،،وشغاله تبكي وتقول ليهم والله انا م قتلتو والله م قتلتو ،،،،الشرطي قال ليها في القسم بنعرف ،،،،رفعوها وطبعآ الجيران م بتوصو كلهم واقفين وشمتانين في البحصل ،،،،وفي ناس بقولو خليها دي نتايج عمايلها عشان تاني اهلها يطلقوها ساي وم يسالو منها.

منى حست لسانها اتربط في وحده جارتهم جات سندتها ودخلتها جوا ، ،، قالت ليها اتصلي لي ابوكي خلي يجي يشوف البحصل دا شنوووو ،،،،مني اتصلت لي ابوها طوالي جا قال ليها في شنووو ،،،،قالت ليه الشرطة جات واخدت ابرار بس م عارفة الحاصل شنوووو ،،،،ابوي قال لي المره ممكن تقعدي مع البنات وانا ومني نمشي القسم ،،،،المرة قالت لينا امشو وانتو مطمنين باخدهم معاي بيتي لحدي م تجو ،،،،لبستا لي عباية ومشينا انا وابوي علي القسم ،،،،،سالنا وقعدنا بساعات بعدين خلونا نقابلها ،،،،ابوي بقي يكفت فيها عملتي شنو وطيتي راسي الله ينتقم منك ،،،،قلتا لي ابوي م تدعي عليها كفايه الهي فيهو ،،،،الشرطة جات حجزتو منها وقالت لينا امشو هي الليله م بتمشي معاكم هي المشتبها الوحيدة في موت طارق كمال الدين ،،،،ابوي قال ليهم لا لا بتي بتعمل اي حاجة الا انها تقتل مستحيل تقتل ،،،،الشرطي قال ليهو بنعرف الشي دا بعد نحقق معاها المهم هسي لسه القرار الجنائي م ظهر وعندنا ادله بتتفحص في المعمل ادعي ياحاج بت بس م يكون عندها دخل ،،،،ابوي قال ليهو ي رب ،،،قلتا ليه يعني هسي ك بتخلوها تطلع معانا ،،،،العسكري بقي يتزفت قال لينا تمشي معاكم كيف م عارفين خطورة التهمة المتهمين بيها بتكم يلا امشو ولو حصل جديد بنتصل عليكم ،،،،سقتا ابوي وطلعنا.

وصلتا البيت لقينا عمتي قاعده وعاملة البيت بيت مناحه واي انتو السبب انتو الخليتو بتي تعمل كدا ولو انا كنتا قاعدة م كان بحصل في بتي كدا بس والله عمري م بسامحكم ،،،،ابوي مشي عليها واداها كف قال ليها بسببك اتفضحت انتي وبتك الله لا كسبك خير خليتي البت ماشه علي كيفها وفي النهاية دياها اتهموها بقضيه قتل مين كان يصدق الشي الحاصل دا بحصل ،،،،كل م كنتا بقول ليكي خلي بالك من البت ،،،،البت ممكن تمشي في طريق خطأ ممكن توطي راسنا ،،،،كنتي تقولي بتك اشرف من الشرف ومافي زول بقدر يقول فيها كلمة وكنتي تخليني اسكت واخليكي معاها قلتا بتعقليها وتفهميها الدنيا ماشه كيف بس كنتي بتملي ليها في راسها ،،،،اشربي ي ستي ياهو ناس الدنيا كلها ح تتكلم عليها ،،،،عمتي م قالت كلمة ورجعت بالدرب الجابها ،،،،قلتا لي ابوي م كان تعمل كدا كان تديها فرصة معزورة الفي السجن دي بتها ،،،،قال لي انا ي بتي غلطان من زمان من زمن كنتا برخي ليها هي واختك وياهو النتيجة بس ربنا يمد في عمري واقدر اصحح نتايج افعالي كلها ،،،،م حبيت اضغط عليهو اكتر خليتو ومشيت عشان اعمل ليهو قهوة.

فضلو طول الليل بحققو مع ابرار ومقضيها بس بكي نهائي م بتجاوب علي اي سؤال عديل ،،،،الشرطي اتضايق منها شديد وبقي يتعامل معاها بقسوه ،،،،انا وابوي مشينا من الصباح القسم وفضلنا منتظرين ابوي طلب انو يحضر التحقيق واكيد بخلي ابرار لو عملت حاجه تعترف ،،،،الضابط رفض المهم بعد اقناع بعدين وافق انو ابوي يدخل معاهم وانا انتظر برا قلتا مافي مشكلة ،،،،.

التحقيق بدأ

الضابط بدا يسال فيها وابوي بس مركز مع ابرار وابرار مركزه معاهو ابوي قال ليها قولي وم تخافي من شي عشان تقدري تطلعي من هنا ،،،،انتي عارفه اني ابوكي واكيد م بريد ليكي حاجة كعبة مش ،،،،قالت ليهو ااااي ،،،،قال ليها طيب اتكلمي ،،،،،الضابط قال ليها نحنا م عايزين منك شي غير الحقيقة وعايزين نعرف انتي بتعرفي طارق من وين ي ابرار دي جريمة قتل وفي الحاله دي اي زول بكون متمني يحكي الحقيقة عشان يريح نفسو ويريح الناس البتحقق ،،،،بعد تعب ابرار بدت تعترف.

قالت ليهم

اي بعرفو كان بيني وبينو علاقة ولما وصل لي الهو عايزو بقي يهددني بشريط فيديو سجلو لي ونحنا مع بعض ،،،،بقي يستفذني ويخليني اجيب ليهو البنات لحدي عندو ،،،،،ابوي بقي مصدوم وجري عليها قال الا يقتلها الشرطة طلعتو برا وكملو تحقيق مع ابرار ،،،،الشرطي قال ليها وطيب اليوم المات فيهو بالمساء صحباتك قالو جوا ولقوكي قاعدة معاهو في الشقه الكلام دا صح ؟!

قالت ليهو كان عايزني اجيب ليهو وحده من صحباتي ،،،،الضابط قال ليها م فاهم تجيبيها ليهو عشان شنوووو ؟!

قالت ليهو اجيبها يعمل معاها زي م عمل معاي وسجل لي الفديو ،،،،قال ليها قصدك يعتدي عليها يعني ،،،،قالت ليهو اااي ،،،،قال ليها نحنا لقينا زي سبعه شريط متلوفات ،،،،يعني السبعه شريط دا كلهم بنات اعتدي عليهم وسجل ليهم وانتي وحدة من السبعه ديل ،،،،قالت ليهو موضوع السبعه دا انا م عارفه كل العارفاهم انا ومعاي بتين ،،،،قال ليها البتين التانيات بتعرفيهم ؟!قالت ليهو اي من بعيد كنتا بشوفهم معاهو ،،،،قال ليها لو ثبت انك م قتلتيهو بتكوني طلعتي م عندك دخل في موضوع قتل طارق ،،،،لكن العملتي مع البنات

وحكاية انك تسحبي البنات عشان واحد يتسلي بيهم بالحرام ،،،،م اوعدك ناس حقوق الانسان يخلوك ،،،بس علي الأقل جريمتك ح تكون اخف بكتير ،،،،لحدي هنا قفل معاها التحقيق اليوم.

محمد مشي البيت بس م بين لزول انو عمل حاجه بس من جواهو خايف انو يكون خلي دليل وراهو قال يعمل نفسو عندو شغل ويحاول يطلع من البلد دي باي طريقة ومن اليوم ببدأ اجراءات السفر م مهم يمشي وين المهم يطلع.

ابوي جا طالع برا وهو م قادر يمشي زاتو ،،،مشيت سندتو وجيت قعدتو في الكرسي وقلتا ليهو في شنو بقي يبكي قال لي اختك دنست شرفي في الارض انا خلاص بواجه الناس كيف برفع وشي في عيون الرجال كيف ،،،،اختك كانت ماشه علي كيفها ،،،،قلتا لي ابوي اهدا وكلو شي بتحل ان شاء الله.

حكاية انك تكون في مصيبة ومافي زول بقيف معاك دي صعبه شديد محمد اخوي قال م عندو بيها طريقه لو تحرق ولا تغرق مدام مشت علي كيفها وعملت العايزه اسي وكت تطلع من الموضوع دا تطلع المهم م يدخل في الموضوع دا ،،،،عمتي بسبب الحقيقة العرفتها عن ابرار وانها ماشه علي كيفها من زمان ،،،،وم قادره تواجه ابوي ولا زول لانها باعتبارها هي الخربت طبايع ابرار وهي الوصلتها لي الحته دي ،،،،م عندي اعمام واخوان عمتي قالو مدام ابوي طرد اختهم من البيت م عندهم طريقة خلي هو يتصرف مع بتو زي م عايز ولو قدر يطلعها من الموقف الهي فيهو دا.

بعد كم يوم

التحري طلع وعلي حسب حظ محمد الزفت لقو بصمات اليد بتاعتو في شرايط الفديو التلفها ،،،وبكدا ابرار طلعت بريئه من جريمة قتل طارق بس اتحكم عليها بتلاتة شهور مع الغرامة ،،،ابوها مجبور باع الوراهو والقدامو عشان يدفع ليها الغرامة وبكدا القضية اتقفلت.

بعد مرور تلاتة شهر

اليوم ابرار بتطلع من السجن منى قالت لي ابوها خلينا نمشي نجيبها قال ليها م عايز اشوف وشها في البيت دا تاني ،،،،لكن مني اقنعتو انها مهما عملت في النهاية دي بتو ولازم هو اليقيف معاها ،،،،وبكدا ابوي اقتنع اني امشي واجيبها البيت.

بصراحة وانا ماشه اجيبها كاني ماشه اجيب بتي صح ابرار دي كانت بتعاملني بطريقة م حلوه بس يشهد الله اني م بكرهه وعمري م كرهتها ،،،،مشيت لقيتها بعد طلعت جرت علي وعيونها كلها دموع بقت تبكي خلتني انا زاتي ابكي معاها والناس كلها بقت تتفرج فينا ،،،،قلتا ليها المهم انو من اليوم تبدي حياة جديدة قالت لي ان شاء الله ،،،،بعد ركبنا التكسي قالت لي نحنا ماشين وين اكيد ابوي بكون م عايز يشوفني كيف يشوف ليه وحده وطت راسو بين الناس كلها ياريت كان ربنا اخدني ولا عملتا كدا ،،،،وقبلت علي قالت لي عايزاكي تسامحيني ي مني انتي الشفتي مني كتير وفي النهاية مافي زول وقف معاي غيرك انتي ،،،،قلتا ليها انا اختك الكبيرة ي عبيطة يعني لو م اتحملتك منو غيري البتحملك ،،،،قالت لي فعلآ والله بت اصول لانو الناس الكنتا مفتكراهم قريبين مني كلهم اتخلو عني لما عرفو انا عملتا شنووو ،،،الا انتي الكنتي بعمل كل حاجة م بتحبيها عشان بضايق وقفتي معاي ،،،،قلتا ليها انا هايزة منك نفتح صفحة جديد تحبيني فيها اذا ممكن,, ،،،،قالت لي اكيد لو م حبيتك احب منو ،،،،قلتا ليها ابشرك يختي ابوي اقتنع وم زعلان منك قالت لي انتي جادة دا احلا خبر سمعتو بعد الفترة دي كلها.

وصلنا البيت وابوي زي م وعدني قابل ابرار بس كان لسه زعلان منها ،،،،قلتا ليها م مشكلة مع الزمن بروق بالمرة ،،،،.

مضي كم يوم ابرار حالها ماشي بالبلا قلتا ليها انتي لازم تنزلي الجامعة م تنسي باقي ليك سنه وتتخرجي ،،،،قالت لي لا لا مستحيل امشي الجامعة دي تاني اكيد كل الفيها ح يتغامزو علي ولا العميد اكيد بسقطني لاني كشفتا حقيقت ولدو ،،،،قلتا ليها اطمني العميد قدم استقالتو ولو علي الناس انتي كده كده ح تقابليهم وتسمعي البقولو بس عايزاكي م تخلي شي يأثر فيكي واصنعي من ضعفك دا نجاح يكون فخر ليك ويرفع راس ابوي من جديد ويقدر بسببو يقول ليكي انا فخور بيكي ويسامحك ،،،،قالت لي والله م عارفه بس خايفه من مواجهة الناس دي وخصوصآ هسي ،،،،،قلتا ليها اثبتي لي انك بتحبني ،،،،قالت لي كيف ،،،،قلتا ليها تسمعي كلامي وتنزلي الجامعة ومن بكره كمان ،،،،قالت لي طيب لو دا برضيك بسمع كلامك لانو انا هنا الليله بسببك ،،،،قلتا ليها ودي اختي البعرفها.

ابرار فضلت طول الليل تفكر ح تواجه الناس كيف في الشارع وناس الجامعة العارفين فضايحها قالت انا بمشي ويحصل اليحصل ،،،،،الصباح لبست ومني عملت ليها الشاي وادتها طاقة ايجابية وقالت ليها اتجاهلي الناس وم عايزاكي تفكري في اي شي ولا اي كلام بس في دراستك ،،،،ابرار قالت ليها ان شاء الله ومشت وخايفة من البحصل......

يتبع

14

بقلم مني الهادي 💜