الجزء 6

مرت ابوي من اتصلت لي ابوي قالت ليهو تعال شوف بتك دي مالها قفل منها وعشرة دقايق وكان في البيت ،،، جا قبل م يسلم علي قال لي مالك يابت جايه وجايبا معاك بناتك وشنطكم متشاكلين ولا شنو انتي وراجلك ،،،،قلتا ليهو م متشاكلين طلقني عديل كان بتمسكني امسكني وكان بتطرد بتك بكوم لحمها دا وبتعمل ليك سمعه اعمل كدا ،،،،بقي يصفق في يدينو وطلع ،،، سامعاهو بقول لي عمتي امسكيها وخليها تقعد في البيت دا لحدي م اشوف ليها طريقة ،،،،عمتي مرت ابوي قالت ليهو انا لمن قلتا ارتحتا منها تاني تظهر لي ومعاها تلاتة بنات انا م لاقيه ااكل عيالي اكلها هي وبناتا ،،،وم تنسا مصارفنا ماشه زايده لما بتك دخلت الجامعة ،،،،قال ليها عليك الله ي مريم م تزيديها علي بتتحل ان شاء الله ،،،،يلا انا راجع الشغل عشان اخدتا ساعتين وراجع تاني ،،،مريم قالت ليهو سمح امشي وتعال اتصل لي راجل بتك واتفاهم معاهو احتمال يرضي يقبلها.

بليل

بعد ابوي جا شال التلفون واتصل لي حامد ،،،،حامد قال لي ابوي وعندك العين تتصل تاني بعد كل العملتو بتك ،،،،ابوي قال ليهو ي ولدي اي مشكلة بتتحل تعال قبل مرتك وبناتك ،،،،حامد قال ليهو انا م عايزها تاني وقفل ليهو الخط في وشو ،،،،ابوي نده علي عمتي مريم قال ليها تعالي ي مريم ،،،،قالت ليهو خير ي حسن في شنووو ،،،قال ليها بتي دي طول عمرها بتخت راسي في الأرض شكلها عملت ليها عمله كبيره عشان كدا راجلها م داير يشوف وشها تاني ،،،اتخيلي ي مريم قفل الخط في وشي انا الكبير القدر ابوه ،،،،مريم ربتت علي كتفو قالت ليهو كدا عرفنا انو بتك عملت غلط كبير ،،،امشي عليها انت ي حسن واتكلم معاها ،،،هسي انا لو فتحتا خشمي تقول انا م رايده ليها الخير ،،،قال ليها وانتي جبتيها خير البر عاجلو احسن اسالها هسي وبقي ينادي لي بطول حسو يامنى ،،،ي منى تعالي ،،،،مشيت عليهو لقيت عمتي مريم واقفه في راسو قلتا اصلآ دي م دايرة ليها كلام بتكون حرشتو عاينتا ليها وقعدتا قدام ابوي قلتا ليهو خير ي ابوي ،،،قال لي ي بتي لو عملتي حاجة وريني انا اتصلتا لي راجلك دا ورافض حتي يتفاهم معاي ،،،ولا كذبتا حكيت ليهو بكل شي ،،،عمتي بقت تعوي انا مش قلتا ليك ي حسن م بكون طلقها ساي وبتكون غلطت معاهو هسي لو كان صبرت وسكتت وصمت خشمها كان قاعدة في بيتها ،،،،ابوي قال ليها كدي ي مريم خليني معاها ،،،مشت وتشيل وتعوي اصلآ انا م ابتسمع لي كلمة في البيت دا لكن انتو حرين ،،،،ابوي قال لي انا م يقول ليك الا ترجعي وكدا ،،،لكن بقول ليك اقعدي وفكري مع نفسك كويس عايزة تعملي شنووو ،،،،قلتا ليهو ان شاء الله وقمتا من قدامو.

الصباح

صحيت لقيت عمتي عملت الشاي وشربت اولادها وابوي واي واحد مشي ليهو علي جيهة ،،،،لي الكفتريا بتاعت الشاي غسلتها ،، ولا كذبتا شديت لي موية في النار عشان اعمل لي شاي لي ولي بناتي ،،،،جات داخله قالت لي احسبي الكبابي عشان السكر دا بسيط ونحنا م عندنا سكر ،،،،قلتا ليها بطعم في الكبايات م دايرة اكبو في النار ،،، قالت لي ايواااا وطلعت.

اها اليوم مافي مدرسه قعدنا بي راحتنا قلتا عايزه اعمل الفطور ،،،عمتي قالت لي انا بعملو م بدور زول يخش مطبخي ويعمل بدوني ،،،،قلتا ليها طيب براحتك انا قلتا بس اساعدك ،،،قالت لي لو دايرة تساعدني غسلي لي العده قلتا ليها سمح ،،،مشيت اغسله جات داخله نزلت لي عدت المطبخ كلها وقالت لي انتي عارفة م عندي بت غير ابرار ومشغولة مع الجامعة ودي سنتها القبل الأخيرة يعني مضغوطه ،،،ومحمد اخوكي ممتحن ،،،قلتا ليها لا عادي اصلآ متعودة علي الشغل ابتسمت لي وطلعت.

بالمساء قريب العشاء حدين ابرار جات داخله قلتا في قلبي دي جامعت شنو دي البجو منها زي الزمن دا ،،،قلتا ليها ي ابرار اتاخرتي ،،،،قالت لي شوفي هنا وافتحي اضانك دي معاي انا امي وابوي م بسالوني ماشه وين ولا جايه من وين ولا اتاخرتي ولا جيتي بدري ،،،وانتي جايه البيت امس الليله دايرة تتحكمي فيني هو انتي قريتي مدرسة ولا جامعة وين عشان تعرفي عنها وعن مواعيدها ،،، قلتا ليها صح انا م قريت جامعة ولا كملتا في المدرسة بس بعرف في الأصول والاوقات ،،،،بقت ترفع صوتها وتقول لي قصدك انا ماشه علي كيفي مش طبعآ لسه ابوي م جا عمتي جات طالعة من جحرها قالت ليها مالك ي ابرار قالت ليها تعالي شوفي ي امي المصيبة الجات امبارج جايه تتحكم فيني وتقول لي امشي بتين واجي بتين مش كفايه متحملنها تقعد معانا هي وبناتها ،،،،قلتا ليها اسمعي هنا البيت دا بيتي زي م بيتك وانا م مقطوعة من شجره دا بيت ابوي تمام ،،،،قالت لي ي زوله خللي فيهو البيت دا بس اوعك تساليني من شي وان شاء الله اجي أذان الصبح ،، امها قالت لي م تتدخلي في بتي اوعك وساقتها وخشت بيها جوا.

قلتا في قلبي تولعن بجاز انتي وبتك انا غلطانه اني عبرتها ،،،،.

بناتي طبعآ

روان _رهام _رميساء.

ابرار وهي في غرفتها جاها اتصال ردت جاها الصوت ،،،قال ليها ولا بحسب ليك قعدتك دي معاي واعملي حسابك في الأيام الجاية دي بنقضي ي

وم مع بعض ،،،،قالت ليهو احمد ربك انو طلعتا منك زي الزمن دا ياخ البلوه الجات في البيت دي شكلها ح تعمل لي مشاكل لانو من جات بقت تسالني ماشه وين وجايه من وين ،،،قال ليها مش دي اختك القلتي اطلقت امس ديك ،،،قالت ليهو ايوه هي زاتها ،،،،قال ليها انتي م يتخاف عليك يابيبي اتصرفي معاها ووقفيها في حدها ،،،وبعدين صح وين صحبتك الوعدتيني تجيبيها لي في الشقه ديك ياخ البت دي انا نفسي خشت فيها من اول مره شفتها فيها عاملة نفسها الشريف الرضي وهي م عارفه انو البنات دي كلها بقت الزمن دا ماشه بالنظام دا ،،،،قالت ليهو بضيق م خلاص ي سامي ياخ زي م وعدتك بجيبها ليك وبعدين انت قلتها عاملة فيها الشريف الرضي يعني صعبة شويه دايره ليها زمن عشان راسها يتلين ،،،،انا نفسي اعرف ليه م تحبني انا زي م بحبك وتخلي العمايل دي انت واصحابك ،،،،قال ليها لا ي بيبي م تنسي رقبتك في يدي وبعدين انا عمري م حبيتك كنتا عايز اصل ليكي ووصلتا وكنتا عايز ارميك زي م رميت القبلك بس لقيتك م نقاقه زي البنات العرفتها قبلك واحلي حاجه فيكي انك م عايزة تقعي براك وعايزة الاتعمل فيك يتعمل في كل صحباتك الحولك ،،،،قالت ليهو بلاش نقه ويلا مع سلامة ولما اعرف طريقه بستدرج ليك ماريل لحدي الشقه ،،،يلا سلام.

الصباح

أبرار م عندها جامعة الليله زي م مفهمة ناس البيت وقالت تتموضع بي بنات مني شالت ليها شيت وعملت نفسها بتقراء وبنات مني ازعجنها بقت تنادي لي امها ي امي ي امي ،،،مريم جات طالعة قالت ليها مالك ي برو ي بتي بتعيطي كدا ،،قالت ليها ياخ بنات العارض الجاتنا دي انا معاهن م بعرف اقراء ولا انجح عندي امتحانات قريب قولي لي الكلام دا بدخل لي راسي كيف وكل الدوشه الحوليني دي ،،،،مريم نادت لي منى قالت ليها سوقي البنات ديل دخليهن جوا في عوضك يلعبن هناك ابرار دي نحنا تعبانين فيها وعايزنها تبقي لينا حاجة كبيرة وترفعنا م زي ناس كدا م عندهم فايدة الله جابهم حكمة لي الناس ،،،،منى ساقتهم ودخلت بيهم الغرفه بدون م تقول ولا كلمة وحده.

زمن الغداء ختو الغداء واتجمعو ابرار ومريم ونادوني انا وبناتي جيت دايرة اقعد ،،،ابرار نفضت يدها وقامت قالت ليها كرهتي اكل مع الشفع ديل الفي قلبي دا م بريدهم ،،،،سكتا ساي وخليت بناتي اكلن واكلتا معاهن وقمنا ،،،،وابرار تحمر ليهن في الداخله والطالعة ،،،مراضي امسكها اخنقها بس صبرتا لحدي اشوف النهااااية شنوووو.

مضي علي الحال دا اسبوعين داخله اسمع كلمة طالعة اسمع كلمة وبناتي في الأكل م شبعانات ،،،،لحدي م قررتا امشي اشتغل في البيوت.....

يتبع

7

بقلم مني الهادي 💜