الجزء 12

نور قالت لي طارق انت يعني مربط مع ابرار ومخططين تدخلوني معاكم في لعبتكم صاح ،،،مع الكلام دا ابرار جات طالعة تشوف طارق اتاخر مالو لما جا يفتح الباب ،،،وطبعآ وشها لمن اتغير لما شافت نور وباقي البنات (صراحة منظرها كان بيش قاعدة ليها مع ولد في شقه براهم) جات دايرة تتكلم نور ادتها كف قالت ليها ي تافهه لما انتي بتحبيهو وبتقعدي معاهو وبتعملي معاهو الانتي عايزه عايزة تورطيني معاهو لشنو انا ندمانه م سمعتا كلام البنات الكان بتقال فيكي ي خساره ي ابرار كان نفسي اعتقادي فيكي يطلع صحيح وخلوهم ومشو في الشارع نور قعدت تبكي قالت والله انا ندمانه انو يوم من الايام فكرتا اثق في وحده زيها ،،،يعني كانت مخططه مع طارق طيب انا ازيتها في شنو عشان تفكر تسلمني لي الولد بيدها زي م سلمت ليهو نفسها ،،،،انفال قالت ليها اوعك امسحي دموعك دي والمهم انك كشفتي الحقيقة وعشان انتي زوله طيبة واهلك زول طيبين ربنا م ارد انو يحصل ليهم كدا في بتهم ،،،،بس انتي اتعلمي من اليوم م تثقي ليكي في زول ساي ،،،نور قالت ليها ان شاء الله.

بعد ناس نور مشو طارق قفل الباب وضرب ابرار كف قال ليها انا مش ميه مره قلتا ليكي في زول كان براقبك بس انتي قلتي لي مافي زول بعرف مكان الشقه ،،،،اها اشربي ي ستي بكره الجامعة كلها ح تحكي عننا نحنا الاتنين وبكدا فقدتا فرصتي في نور ،،،،ابرار قالت ليهو نور نور انت م هاميك غيرها ياخ شوفني انا الحبيتك وضحيت بي كل شي عشان اكون بس معاك ،،،،ياخ انا سمعتي م همتني ،،،بكرهك ي طارق انت عارف بكرهك من كل قلبي كفاية بسببك خسرتا نفسي وخسرتا صحبتي البت الوحيدة الصدقتني وكانت م بتصدق اي كلام بتجاب ليها عني ،،،،قال ليها وانتي عارفه من البداية اني م بحبك وم تنسي ي ستي انك كنتي عارفة انو مرتبط ببت تانية وبتقابل معاها وانتي بحكم بتاخدي العايزاهو قلتي عايزة تصلي لي وياهو وصلتي اها تاني عايزة مني شنووو ،،،انا بحبك ي طارق بدليل انو كل العملتو فيني لسه قاعده معاك وعايزاك ،،،،قال ليها خلينا من حبك اها نحنا ح نعمل شنو ،،،قولي لي ،،،،ابرار قالت ليهو انا م بمشي الجامعة بكره بس ،،،،طارق قال ليها لا بلعكس لازم انتي تمشي عشان تسبتي لناس انو كل الممكن يتقال عنك غلط ،، ،قالت ليهو بس ،،،قال ليها م عايز اسمع منك كلمة تانية قلتا ليك تمشي معناتو تمشي ،،،،قالت ليهو طيب وانت قال ليها لا انا عندي شغل عايز اخلصو انتي امشي وتعالي احكي لي بكل الجديد ،،،،قالت ليهو تمام يلا هسي ماشه البيت.

ماجد جا داخل لقي منال مخليه كل الشغل وبتتكلم بالتلفون قال ليها بتتكلمي مع منو بقت تتلبك ،،،قالت ليهو بتكلم مع امي ،،،،قال ليها شوفي ي منال انا م بقول ليك م تتكلمي مع امك ولت بقول ليك م تمشي تزوريها بس اتاكدي لو امك وصفاء حرشوك وانتي عملتي عكس الانا بقولو اتاكدي اني برسلك ليهم تقعدي بعدلك ،،،،قالت ليهو ان شاء الله م بحصل غير الانت عايزو ،،،قال ليها تمام ختي لي الغداء.

ابوي قال لي م تمشي تشتغلي تاني وخليكي مع بناتك صغار ومحتاجتنك وانا الفيهو القسمه يومي بديكي ليهو ،،،قلتا ليهو كويس ،،،عمتي من يوم م مشت بيت اختها م منها خبر وبسال منها ابرار بتقول لي م مشيت ليها لكن بمشي ليها ويوميآ علي هذا الحال ،،،،.

الصباح

ابرار ادوشت ولبست ملابسها بس كانت متردده كده في انها تمشي ولا لا ،،،،تاني قالت هوي امشي ي ابرار م تنسي انو طارق مسجل ليك فديوهات عديل زي البنات الغيرك وطول م انتي بتطاوعيهو انتي في امان وسرك مندفن ،،،،طلعت ومشت ومن عتبت باب الجامعة اي اتنين بتغامزو براهم وبضحكو وهي عملت نفسها م سامعه.

دخلت القاعة وبرضو نفس الشي وفي ناس متفاجئين انو ابرار جات حضرت محاضره الليله اول دائمآ بتقعد برا ،،،،اتلفتت شافت نور نور حمرت ليها وقبلت منها غادي.

ابرار طول المحاضرة م مركزه ومنتظره نور تطلع عشان تبدأ تكذب ليها وبقت تخطط ح تقول ليها شنووو ،،،،المحاضره طلعت والكل طلع ابرار فتشت نور م لقتها عارفاها بتقد وراء القاعات مشت لقت معاها ناس انفال ،،،،نور من شافتها قامت عايزة تمشي ابرار جرت مسكتها قالت ليها انتي لازم تسمعيني ي ابرار وجودي هناك كان بالصدفه وناس انفال ديل هم العايزين يوقعو بيناتنا عشان شافو صداقتنا حلوه هم اصلآ بغيرو مننا من زمان ،،،،نور ضربتها كف قال ليها لي متين عايزة تستمري في كذبك علي دا انا كرهتك ي نور سامعه كرهتك ،،،،ابرار رجعت ليها الكف قالت ليها انا اتحملك كتير علي فكره والشي دا عكس طبيعتي اااي كنتا بكذب ليكي وم عارفة طارق دا العاجبو فيك شنو مع انك م زايده عني ولا بشي ،،،،نور قالت ليها الحمد لله كشفتي حقيقتك بيدك يلا م عايزة اشوفك تاني ،،،ابرار قالت ليها ولا انا في ستين غلطانه كنتا عايزة ابرر لي وحده زيك ومشت وخلتهم ،،،طلعت التلفون عايزه تحكي لي طارق بكل الحصل بس مافي زول برد بقت تتسال انا طارق دا من امس بليل بتصل ليهو ومافي رد ودا طبعآ اول مره يعملها ربنا يستر .

بليل في

شقه طارق

طارق بعد ابرار طلعت الباب ضرب فتح الباب لقي محمد واقف وعيونو بطير شرار ،،،،محمد دا صاحب طارق بس م بتعجبو العمايل البعملها طا ق مع البنات دي.

طارق قال ليهو عايز شنو جايني الليله ،،،،محمد قال ليهو علاقتك شنو بتنزيل اختي ،،،طارق اتهجم قال ليهو شنووو ،،،،قال ليهو مش عيب انو الواحد يعتدي علي اخت صحبو ويسجل ليها فديو ،،،،محمد اتلعسم م عرف يعمل شنووو ( طبعآ طارق كان بحاول يجرجر تنزيل بس لما م جات معاهو خطفها وخدرها وعمل العايز يعملو لما صحت لقت نفسها في موقف لا يحسد عليه وطارق واقف قدامها وبهددها بالفديو انو ينشرو ،،،،تنزيل بعد تحقيق من محمد قالت ليهو هو بس عشان يتصرف لانو ناس بيتهم كلهم متهورين واحسن واحد فيهم محمد بس هي م عارفه انو الراجل م برضي بشرفو لو مهما كان هادي بفكر بجنون م بفكر بعقلو)

طارق قال ليهو ي زول انت عارف صحبك لو عجبتو بت م بخليها وغصب عنها بجيبها ،،،،محمد الكلام استفذاهو بقي يكفت في طارق بطريقة جنونية وطارق لسه بستفذ فيهو ،،،،طلع السكين من جيبو وطعنو بيها خلاهو سايح في دمو وجري يفتش في الشقه عن الشرايط بتاعت الفديو لحدي م لقاها تلفها كلها وجري شال السكين وطلع خلاهو بلفظ الفاظو الأخيره.

واحد من الجيران شاف دم سايل من تحت عتبت بيت طارق طوالي اتصل بالشرطة تجي تشوف الحاصل شنو الشرطة جات سريع لقت طارق مات خلاص ،،،سلاح الجريمة مافي غطوهو في مكانو ،،،،الشرطي شااف التلفون في التربيزة القدام الأريكة شال التلفون وعلي حسب حظ ابرار الزفت التلفون كان فاتح بدون نمط ،،،فتش سجل المكالمات لقي اخر مكالمات صادره ووارده من ابرار ،،،،الضابط قال ليهم البت دي بتكون عارفة القتل الزول دا منو اتحرو عنها وجيبوها القسم