الجزء 2

اخت العروس لما قالت لي احساسك شنو عليك الله واختي اخدت راجلك ي ام البنات ،،،،لما رجعته ورا واتفدعته وقلتا ليها زي احساس اختك بالفرحة هسي لما اخدت راجلي ،،،قالت لي م فهمتك في وحدة بتكون مبسوطه وراجله بتزوج عليها ،،،،قلتا ليها اصلآ الشلابات بتحب الرمم وقولي لي اختك لو كان فيهو خير م كان خليتو ليها خليها تشرب وتتحمل ،،،،ومشيت خليتها قربت تشيط من الغضب 😂 ،،،بقت مركزه معاي وين م امشي بلقاها بتحمر لي ،،،،بس وحاتكم ردي ليها لما كيفني عديل ،،،،مشيت علي نسيبتي قلتا احتمال تحن شويه وتمسك بنات ولدها وتسلم عليهم ،،،،عبرتني بحاجة وحدة وقالت لي والله عينك قوية ي ام البنات ،،،قلتا ليها البنات البتكرههم هسي انتي وولدك الرسول وصي عليهم قبل م يموت ،،،بس ي خوفي الجديدة تجيب ليكم بنات ويطلع ولدك م بخلف غير بنات ،،،،صحبتكم شوية وتطقشني 😂 ،،،،قالت لي انا م بسوي لي سمعة واتكلم معاك اسي قدام الناس شايفاك عملتي ليك رويشات لكن ولدي بنتفهم ليك وحدة وحدة ،،،،قلتا ليها طيب بنشوف ومشيت جريت لي كرسي لي ولي بناتي وقعدته.

لما جا زمن الأكل اي طاولة اقول عايزة اقعد فيها انا وبناتي بتقفل او النسوان بصدني لانو اصلآ م عندي زول بعرفو كلهم اهل العروس الجديدة وبعض من الجيران ،،،سقته بناتي وجمعته الكراسي وعملتا لي دائرة شكل صفرة فيها اربعة كراسي قعدته بناتي وجيت شلتا لي صينيه مليته بكل الموجود في المناسبة ولقيت ولد قلتا ليه شيل لي الصينية دي ووصفتا ليه المكان مشي ختاها لي أكلنا انا وبناتي تمام وقمتا خليتهم يغسلن يدينهن وحضرنا الدلوكة ،،،،عملو حفلة الجرتق بي جهاز وديك ي اغاني المغرزه قلتا ليهم في قلبي وحاتكم شي بقي يأثر فيني مافي واشيل وارقص واشيل واهز وعملتا لي دائرة انا وبناتي التقول المعرس دا م راجلي وابوهن ،،،،قلتا صح كلامك ي سوسن لو شلتا الهم بموت ساي واصلآ هو كده كده بعرس بس شاحدة ربي م تجيب ليهو غير البنات ،،،،ياريت تفهم الناس انو البنات دي نعمة وانا بحب بناتي ديل شديد 😘😘 ،،،،بعد شوية العريس جا داخل وماسك العروس ومبسوط ونسيبتي مشت تهز فيهو واخواتو يلعبن قلتا لي بناتي اقعدن هنا هسي بمشي واجيكن ،،،،مشيت باركتا ليهو بطريقة لما خليتو مبتسم والعروس اتغاظت شديد ابتسمته ليها بس وباركتا ليها هي برضو اول ابت تمد لي يدها بس لما شافت الناس مركزه معاها مدت يدها وجرتا بسرعة ،،،،قلتا في قلبي يدك بالقطع ان شاء الله 😂 ،،،،عملو فاصل لي العرسان بس وبعد كده عملوها جاطت لما هبشوني لقوني بحت مع راجلي والعروس واقفة وبتحمر لينا 😂 ،،،،نسيبتي جات جرتني علي طرف قالت لي اخجلي واختشي خلي العروس وراجلها يرقصو ،،،،نفسي اعرف المفرحك زي دا شنو اذا م كان راجلك معرس فيكي ،،،،قلتا ليها راجلي م يعرس كان عرس ربنا محلل ليهو اربعة مين اكون انا عشان امنعو ،،،،خلي ربنا احتمال قاسم ليهو دسته من البنات ومشيت وخليتها شويه وتطرشق 😂 ،،،،الحفلة انتهت وانا جسمي لمن مهدود من الرقيص 😂 بس مبسوطة من نفسي شديد ،،،،م كنتا متخيلة نفسي بكل القوة دي ،،،،العرسان دخلو جوا سقتا البنات قلتا ليهن باركن لي ابوكن وخلننا نمشي ،،،،مشن حضننو وجني ،،،،،جاتني اخت العروس قالت لي كفاكي منظرك وحش امشي ،،،،قلتا ليها الوحش اليقتلك بركة الله ،،،،لو م دايراني اقتلك في عرس اختك الشلابة دا احسن اختيني وم تخليني ارتكب لي جريمة في وحدة م تستاهل وأتم ببناتي ،،،،صحبتكم ضبت ضنبها براحة واتفكفكت 😂،،،،،خليتي بناتي فاتحات خشموهن بكون قالن امي جنت 😂

المهم

اتفكفكنا من بيت نسابتي ،،،وخليت الناس بوراي بتقول ماشاء الله مرة قوية وسمحة😂.

وصلنا البيت المغرب ،،،،اصلآ هم مقطعين م عندهم حق حفلة الزفاف ،،،،والا كان نزلتا العروس من الكوشه وقعدته انا ،،،بس الحمد لله 😂 ،،،،غيرتا وغيرتا لي بناتي ،،،،سوسن جات كابسه فرامل ،،،،قالت لي شفتك زمن جيتي داخله وحلفتا الشمارات م تفوتني م بقدر اتحمل لي بكره احكي احكي الحصل شنو 😂 ،،،،،قلتا ليها خلي اعمل لينا قهوة واجي احكي ليك عشان مصدعة لانو م شربتها قبيل ،،،،قالت لي ارتحي انا بمشي اعملها ،،،،قرتا ليها الشمارات دي بتقتلك بيوم ،،،،قالت لي عفنن خلي يلا امشي واجي ،،،،طلعتا السراير وقعدته لحدي م عملتها وجات وبقيت احكي ليها ،،،،ةنضحك باعلي صوت وسةسن دي تضحك لمن تبكي ،،،،قابت لي والله م مصدقع دي انتي مني البتبكي من اقل شي ،،،،قلتا ليها بعيد عنك عرس الراجل موت قلبي 😂 ،،،،قالت لي ولا يهمك يختي الرجال ضل ضحي ،،،،المهم تقيفي علي بناتك ،،،،قلتا ليها بعيد عنك تجيسد القوة عجبني م بخلي تاني بس ديك ي الشماته كان العروس حملت وجابت بت خايفة اشيل دلوكة والف في الحله من الفرحة 😂،،،قالت لي كعبه يلا انا ماشه عيالي براهم ،،،،قلتا ليها سمح 😊.

مضي كم يوم والقروش المعاي انتهت وم عرفتا اتصرف من وين والراجل نايم في العسل ولا كانوا عندو بنات محتاجات ياكلن ويشربن ،،،،عندي لي خاتم اخر خاتم عندي ك

ان حامد جابو لي من زمن عروس ودسيتو قلتا لي اليوم الاسود ،،ومافي اسود من جوع بناتي ،،،،مشيت بعتو وجبتا لي مصاريف شهر قدام شي (بصل ودقيق وحاجات تانية كتيرة) واشتريت لي بناتي فاكهة عندهن زمن ولا الموز الرخيص دا م اكلنو ،،،،فرحن بيهن شديد ،،،،وسوسن م بتقصر معاي نهائي ويومي جبنتنا ودخانا مع بعض ،،،،نزلتا الدخان بقي الجسم يسوي كدي ،،،،سوسن قالت لي م عايزة تتحني عشان العروس لمن تجي م تلقاك غبشه قالتا ليها عندي حنه في البيت بمشي اعملها واجي ،،،،خشت جوا قالت لي شيلي معاك دي اعجنيها سوا وبجي اتحنن معاك هناك ابوي العيال زاتو احتمال يحي في الايامات الجاية دي ،،،شلتها ومشيت شديت الغداء وعجنتها لحدي انزلو سوسن جات وختينا الحنة بقينا زي بيت العرس حنه وونسه وضحك (والله سوسن دي ربنا رزقني بصوحبيتها رزق ياخ💜).

حامد قال لي نسيبتي اتصلي لي منى قولي ليها بكره حامد ومنال جايين العروس الشلابة اسمها منال طبعآ 😂 ،،،،اها بس قاعدة كدي اسمع ليك صوت تلفوني الربيكة بتصل طبعآ تلفوني دا بتصل من سنه لي سنه ،،،،والا كان مات زول 😂 ،،،،رفعتو لقيت مكتوب نسيبتي ،،،،قلتا الله يصلت عليهها اصلآ عجوز الشوم دي م بتتصل الا لخبر زي خلقتها ،،،،رديت ليها الو

قالت لي برا الو برا خرا

قلتا هي ي جماعة الوليه دي خايف مجنونه 😂

قلتا ليها لما صوتي والالو حقتي خرا متصلة لي لشنو.

قالت لي قال ليك عاجبني صوتك الذي السخله المربوطة دا اسمعي هنا حامد ومنال ديل بكره جايين اعملي ليهم غداء عديل وكفاية تعرينا قدام العروس الجديدة.

قلتا ليها مدام اكلي عره خليها معاك.

قالت لي اسمعي هنا ي ام البنات م ناقصة تنظيرك انا المهم ولدي قال يوروك ووريتك ويلا طيري من وشي وقفلت الخط ،،،،.

قلتا اصبري والله اعلمكم دروس عمركم م شفتوها كلكم انتي وراجلي والعروس ،،،بس لازم اكسب حتت اني م زعلانة قدام حامد ،،،،شلتا توبي ومشيت لي سوسن ووريتها وقلتا ليها انصحيني اعمل ليهم شنو مع انو هاين علي اكلهم سم م اكل ،،،،سوسن قالت لي اهم شي تكملي تمثلك علي حامد ،،،قلتا ليها لما هو بتصل وبقول يعملو ليهو الغداء ويجهزو البيت هو خلي قروش ولا رسل قروش عشان يقول يعملو ليهو منهم غداء والله انا لو م بناتي اقتلو واقتلها واخش السجن بس خايفة علي بناتي اتحرمو من حنان ابوهم وهو عايش م يتحرمو من حنان امهم ،،،سوسن قالت لي استهدي بالله وخليها بتتحل انتي بس اسمعي الكلام واعملي ليهم (كسره بطبيبخ بامبي وام رقيقة ورز وسلطة ،،،وعندي حلة كباب في التلاجة بدفيها ليك وجيبي عيش) قلتا ليها والله لو م انتي ي سوسن م كنتا عارفة اعمل شنو ،،،سوسن قالت لي عيب ي بت نحنا اكتر من اخوات وم عايزة اسمع منك كلام زي دا بعد اليوم ،،،حضنتها وقلتا ليها ربنا يخليكي لي ويقدرني ارد ليك ولو جزو صغير من جمايلك ،،،قالت لي ي عفنه لسه مصره انو في بيناتنا جمايل يلا قومي شوفي ح تعملي شنو ،،،،مشيت البيت وعقلي مشغوول.

الصباح جهزتا البنات مشو المدرسة وبقيت انضف ،،،بعد الفطور جاتني سوسن تساعدني وجابت معاها حلة الكباب وعملنا اااي شي واستحميت ولبسته لي عباية استقبال حلوه كدا ،،،وسوسن قالت لي يلا انا بمشي لستحم والبس واجي عشةن استقبلهم معاكي عشان م تكوني براكي ،،،قلتا ليها سريع يلا ،،،،مشت وجات شويه كدا نسمع ليك صوت العربية في قدام الباب والعرسان جوا داخلين 🙄