الجزء 14

منال بقي عندها سته شهر وحامد لسه بحكم عليها انها تشتغل لي امو زمن تكون عيانه ،،،،قالت ليهو انا م بقدر والله كفاية بقيت تقيله كلم اخواتك تاني يجو يشتغلو لي امك لاني الصراحة م بقدر والله ،،،،قال ليها دا دلع بس منك مره عندها سته شهر البخليها تبقي تقيله شنووو ،،،،قالت ليه يعني انت م شايف بطني بقت كيف ولا م عايز تشوف مثلآ انت منى كنتا بالبنات م بتعاملها زي دا هسي انا الحا اجيب ليك الولد ان شاء الله بتتعامل معاي بطريقة ولا كاني خدامة عليك الله ي حامد حن علي شكلي دا شووويه ،،،،قال ليها طيب بتصل علي عبير اختي لو م عندها شي ضروري الايامات دي خليها تجي تقعد مع امي شويه ايام مرضها دي ،،،،قالت ليهو قرار زينه العقل حبيبي ،،،،ابتسم ليها وطلع

(قالت والله ي حامد الا كان م اخت حملي دا لو م سكتك وقطمتك م يكون اسمي منال انا تتعامل معاي كاني خدامة عند امك العمرها كلو عيانه مشت لي نسيبتها جوا بعد حامد طلع مشت عليها قالت ليها عارفاكي انتي البتحرشي ولدك علي وبتقولي ليهو خلي منال تعمل لي وتعمل لي انتي م شايفاني تقيله ولا م عايزه تشوفي ،،،،انا بس الماشايفاني مش ،،،،بناتك ديل كلهم لمن كانو حوامل وتقال بتخليهم يشتغلو ليك زي شغلي دا ،،،،لا بتتعالجي لا ربنا باخدك ويريح منك الناس ،،،،نسيبتي قالت ليها انا لما اخترتك لي ولدي عشان تكوني ليهو مرة تانية قلتا بتجيبي لينا الولد وبنرتاح معاكي م كنتا عارفة انك لئيمة لدرجة دي ،،،،ردت ليها منال بي اي عليك الله انا لو م لئيمة م كان اشتغلتا ليكي كل الشغل دا من زمن عروس حتي بناتك ابوكي انا م مجبورة عليكي ،،،،نسيبتي قالت ليها مع انك كنتي بتبيني انك كويسه معاي لكن اتاريك بتعملي كدا عشان توصلي لي ولدي وكنتا لازم اعرف انكن بنات حاج عامر م منكن اي جديد ،،،،قالت ليها انا لو وقفتا اتحاور معاكي م بقدر امسك نفسي لكن عايزة احزرك لمن بتك عبير تجي م تقولي لي جيبي حاجة انا لو عملتا حاجة بجيبها ليك من غير م تنقي فيها وطلعت وخلتها)

ابرار دخلت الجامعة وشافت الباشر عليها باشر والبضحك فيها بضحك وهي بتحاول تعمل نفسها انو الكلام البتقال دا كلو م بأثر فيها ،،،،مشت دخلت القاعة وبرضو نفسي الشي كل اتنين مع بعض واقفين وبأشرو عليها واتنين منخزنين وبعاينو ليها اختارت البينش القدام وفتحت الشيت بتاعها وبقت تقراء بس هي كانت مركزة باحساسها عن كل همسة وكل كلمة اتقالت فيها وكان نفسها تقول لي الناس انها بجد كانت غلطانه في كل شي وندمانه بس البشر عمرهم م بنسوا حاجه عملتها ربنا بسامح بس هم لا ،،،،نور وانفال جوا داخلين ابرار شافتهم ودنقرت راسها ،،،،نور بجد اتاثرت بيها شديد وفضلت طول المحاضرة مركزة معاها وقلبها شديد معاها كان نفسها تسكت كل الناس دي وتقول ليهم م تتكلمو عن صحبتي بالطريقة دي.

المحاضرة خلصت طوالي ابرار طلعت ومشت علي المكتبه اصلآ السمستر بتاعهم اربعة شهر ونص وهي مضيعة تلاته شهر في السجن قبل تدخل المكتبه شالت كل الشيتات من المكتبة برا بعدين دخلت وبقت تفرفر فيهم وهي م فاهمة حاجة وفي دروس صعبة شديد ياترا ديل ح تعمل فيهم شنووو شبكت يدها في راسها ومحتارة ،،،،جات نور مسكتها من كتفها وم قالت اي كلمة وقعدت في الكرسي الجنبها وبقت تشرح ليها من الشيت الدروس العارفها كلها وقالت ليها الدروس الما عارفها ح اسال منها وافهمها واجي اشرحها ليك تمام ،،،،ابرار شويه وتبكي قالت ليها تمام ،،،،نور خلتها وطلعت ابرار لحقتها قالت ليها يعني م ح تسامحيني ،،،،نور قالت ليها لو م سامحتك م كان قعدتا جنبك من الاساس وجرو علي بعض وحضنو بعض شديد وكانهم عندهم سنين بعيد عن بعض ،،،،ابرار قالت ليها بجد انا غلطا في حقك شديد وعمري م ح اسامح نفسي لاني كنتا عايزة اضحي بصحبتي الوحيدة ،،،،نور قالت ليها الموضوع دا انتهي وادفن في وقتو خلينا نبدأ صفحة جديد وعايزين نكون صريحين مع بعض شديد ،،،،ابرار قالت ليها ان شاء الله يلا انا ماشه البيت لانو شغلي هنا انتهي انتي ماشه قالت ليها اااي اصلآ م عندي شي خلينا نمشي ،،،،نور قامت ماشه معاها كدا انفال نادتها ي نور ي نور ممكن دقيقة ،،،نور قالت لي ابرار دقيقة انتظريني برجع ليك ،،،،ابرار قالت ليها طيب ،،،،نور مشت لي انفال قالت ليها خير قولي ،،،،انفال قالت ليها م شايفة انك اتسرعتي لما صالحتي ابرار دي وسامحتيها علي كل شي ،،،وبعدين البت دي سمعتها بقت كعبة شديد وزول في الجامعة دي م بحب يكون عندو علاقة بيها انا شايفة انك احسن تبعدي عنها ،،،،ياخ البت دي م باقي ليها الا تبيعك لي طارق ،،،،نور قالت ليها انا واثقة في ربنا شديد وان شاء الله م بصيبني شي ،،،،وثانيآ ابرار محتاجاني ك صحبه في الفترة دي بتحديد وانا لو م وقفتا جنبها يبقي م بعرف الصحوبية ولا العشره وحتي ولو هي كانت عايزة تبيعني لي طارق المهم انا ربنا نجاني منو والحاجة الحلوة انو ابرار عرفت غلطتها وين ودفعت كتير عشان تصلحها وربنا بسامح مين انا عشان م اسامحها ،،،،انفال قالت

ليها طيب م خايفة الناس تقول لانك ماشه معاها زيك وزيها واحد ،،،،قالت ليها الناس كده كده بتكلمو وانا م بتخلا عن صحبتي عشان كلام عارفة انها دفعت من حياتها كتير عشان تطلع منو وخلتها ومشت ،،،،نور بعد رجعت لي ابرار ابرار قالت ليها خير في شنووو ،،نور قالت ليهو مافي شي ،،،،ابرار ضحكت قالت ليها حتي لو م حكيتي لي انا عارفة اي شي والشي دا واضح اصلآ م عايز اتنين يحكو فيهو ،،،،اكيد قالت ليكي م تمشي معاي وبكدا سمعتك بتخرب واي شي ،،،،انا زاتي بقول ليكي احسن تبعدي عني الفتره دي بالتحديد عشان الناس م تحكي عليكي ،،،،نور قالت ليها ابرار لو سمحتي اقفلي الموضوع دا وم تفتحيهو تاني وانا م بتخلا عنك م بتخلا وساقتها من يدها وقالت ليها يلا بينا ،،،،ابرار بقت مبسوطة من جواها انو ربنا رزقها صحبه واكتر من اخت ودعت ربنا انووربنا يخليها ليها وم يحرمهم من بعض وتقدر تعوضها عن كل شي سيئ عملتو في حقها لحدي اخر يوم.

مشيت السوق عشان اشتري حاجات وعلي حسب الحظ الزفت انا وحامد اتلاقينا ودي كانت اول مره نتلاقي من بعد الطلاق قلتا بدل يعمل ليك شوشره وهو اصلآ الراجل دا م عندو عرض اعملي نفسك م شغاله بيهو وامشي ،،،،جا وقف لي في قدامي قال لي بقيتي سمحة من بعد ما طلقتك شكلو المشي علي كيفك وبدون قيود نفع معاكي ،،،،قلتا ليهو لا وحياتك بقيت سمحة عشان بت الرجال لمن تطلع من البيت الفيهو زل واهانه ليها وخالي من الرجال القدارين والطماعين والعينهم فارقه بتبقي سمحة ،،،،طبعآ الكلام حرقو ،،،،قال لي انا زاتي م دايرك الحمد لله اتخلصتا منك ومن بناتك وياريت م اشوف وشك ولا وشهم تاني ،،،،قلتا ليو خليني انا انت بناتك ديل نهائي م بتجيك الشفقه من اتجاهم ،،،،قال لي بنات شنو وعفن شنووو انا بستفيد منهم شنو وهم شنو زاتو هسي لو كانو اولاد انا م كان طلقتك ،،،،من اليوم الجات فيهو اول وحدة الدنيا دي ربنا افقرني بسببهم ،،،،ممكن اكون اول راجل م بحب بناتو ،،،،قلتا ليهو اصلآ م دايراك تحبهم لكن ياهو وعد وقطعتو ليك بجي يوم وانت بتكون تحت رحمت وحدة من البنات الهسي رميتهم وشتمتهم وشتمت امهم ديل وعلم علي كلامي دا بخطين تحت ،،،،ضحك ضحكت استهتار وقال لي سمح نشوف بس خايف الزمن يدوس علي بناتك وانتي وبناتك ترجعو تفتشوني تاني وتكون تحت رحمتي انا ،،،،قلتا ليهو السماء اقرب ليك ،،،،قال لي كويس بنشوف بس م تمشي في الحرام كويس لاني عارف م عندك والي يمنعك ،،،،الكلام حرقني لصقت فيهو كف لمن اتردد صوتها قلتا ليه البيت الجيت سقتني منو داك تتزكرو فيهو راجل يهز ويرز ،،،،جا عايز يرفع يدو جا راجل مسك يدو قال ليهو م كويس انك تضرب ليك مره وفي شارع البلد دي فيها حكومة ،،،،طوالي استغليت الفرصة وقلتا لي عمو كان بتحرش فيني ،،،،ومشيت وخليتو عمو اداهو كفين تاني وقال ليه عشان تاني قبل م تلمس مره تفكر مليون مرة.

وصلتا البيت وزهج الدنيا دا كلو فيني جدعتا حاجاتي وقعدتا ،،،،ابرار جات داخله حاولتا اعمل نفسي طبيعية قلتا ليها اها اليوم كان كيف قالت لي تعالي بحكي ليكي في غرفتي قلتا ليها طيب غيري لحدي اعمل لينا شاي واجي قالت لي تمام ،،،،عملتا الشاي ومشيت وقعدتا معاها وحكت لي باي شي ،،،،قلتا ليها والله فعلآ نور دي ونعمه الصحبات عليك الله م تفرطي فيها تاني ي ابرار ،،،،ابرار ضحكت قالت لي افرط فيها كيف بس قولي لي نور وانتي طلعو الناس الوحيدين الحقيقين في حياتي لا م تخافي ابرار القديمة عمرها م بترجع تاني انا الانكسر جواي مستحيل يتصلح ،،،،قلتا ليها لا كل شي مع الزمن بتصلح انتي بس اصبري واكيد بتنولي ،،،،قلتا ليها ان شاء الله اها وانتي مالك ،،،،قالت لي مافي حاجه ،،،،قلتا ليها لا في قولي لي م تدسي عني حاجة مش انا هسي حكيت ليكي كل حاجه عشان تاني اتشجع احكي ليكي كل حاجه ،،،،قلتا ليها طيب اسمعي ياستي الحصل حكيت ليها لحدي زمن الراجل ادا حامد كف ،،،،قالت لي احسن حاجه التلاته كفوف ديل احتمال يخلنو ير جع لي وعيو ،،،،قلتا ليها م اظن وبعدين انا اكتر شي موجعني البنات م لحقن يعرفن ابوهن عديل ولا يتهنن بيهو والله م عارفة اعمل شنو ،،،ابرار قالت لي انتي عارفة ي منى انتي ممكن تكون اقوي انسان مره علي في حياتي ولو م كنتي اختي وكنتا عايشه معاكي التفاصيل كان م صدقتا البحصل دا كيف اب بكره بناتو لدرجة دي وكيف مره وام قويه زيك حاسه انو بتقدر تعمل من بناتها حاجه انتي عارفة ي منى انا ساعات بتحير انتي كيف بتقدري تستحملي كل الافعال الضدك دي ،،،،انتي عارفة انا ساعات مع اني عارفة اني بظلمك بكلامي بس بتمادي في الاذي عشان اشوف انتي بتصبري لحدي وين وبرضو بلقاكي لسه عندك صبر ممكن توزعي منو لي الناس دي كلها ويفضل انتي مصنوعه من شنو ياخ انا يوم بشوفك ضعيفة واليوم التاني لقيتك اقوي من امس بكتير وريني انتي بتجيبي طولت البال دي من وين ،،،،ضحكتا قلتا ليها طولت بال وصبر لا والله انا اضعف من الانتي بتقولي فيهو دا بكتير يعني انا زوله من قمتا بتحمل في صدمات تتوقعي مني شنو انا بقيت احس انو

قلبي مات عديل احساس انو بت تبدأ تتحمل الالم والصدمات من وهي صغيره

اول صدمة حصلت لي لمن امي ماتت وانا عندي عشره سنين بعد كدا فجاءة القي ابوي اتزوج وجاب لي مرت اب بتكرهني شديد ودائمآ بتحاول تثبت انو اولادها اللهما اخواني افضل مني بكتير ،،،،قررت تطلعني من المدرسة بس ابوي قال ليها خليها تواصل ان شاء الله تتعلم تكتب اسم ابوها ساي ،،،،وفعلآ خلتني اواصل بس كانت عدتها بتنتظرني لحدي م ارجع من المدرسة اغسلها ليها واكنس وانضف واجي اغسل ليك ولي محمد ملابسهم بعدين حدين لو في اكل اكل.

طلعوني من المدرسة عمري 15 سنه وكان لسه م حصلت سنه سادس وطوالي زوجني بدون م اكون موافقة او اكون عارفة زواج يعني شنو مسكوني دمدموني وعرسوني لي واحد اكبر مني بدت معاملتو لي تتغير توتلي عشان بجيب بنات وفي النهاية يتزوج علي ويطردني انا البيت ويطلقني قولي لي بس انا لسه ممكن الالم يوجعني ؟!

ابرار حضنتني قالت لي اوعك تستسلمي انا بقيت اقوي بيك ي منى وعايزاك تعملي من بناتك حاجة كبيرة زي م وعدتي كل الناس ،،،،عشان تعلمي واحد راجل مخو راجعي وكل الفي راسو الفاضي انو الولد احسن من البت ،،،،قلتا ليه اصلآ م بستسلم بس انتي ادعي لي ،،،،قلتا ليها ان شاء الله.

صفاء اتصلت لي منال وقالت ليها لقيت ليك نسوان ماشات في الحي سالتهم ماشين وين قالن ليكي اكتشفن شيخ جديد ممكن يخلي راجلك دا خاتم في اصبعك ،،،،منال قالت ليها انتي جادة ،،،،صقاء قالت ليها جادة والله بس جهزي قروشك ،،،،منال قالت ليها دا العاليني بس م عندي قروش والله الفتره دي حامد م ادني كمل قروشو كلهن في علاج امو الما عايزة تتعالج دي ،،،،صفاء قالت ليها حاولي لمي وانا وامي بنساعدك وليكي علينا ياستي قال ليك لو عايزاهو ينسي انو عندو امو ممكن الشيخ دا يخليهو ينسي بس انتي اتشرطي ،،،،منال قالت ليها واي اصبري لي ليهو هو وامو انا حلفتا اخد حقي منهم وم اخليهم في حالهم وفعلآ بعملها وح اتكفي فيهو حكاية انو خلاني اخدم امو كل الشهور دي ،،،،سمعت الباب بضرب قالت ليها يلا مع سلامة برجع ليك شكلو حامد جا ،،،،صفاء قالت ليها تمام.

حامد جا بطقش ووشو لمن محمر من الكفيت 😂 وبشاكل في زباب وشو ،،،،منال قالت ليهو خير حبيبي مالو وشك دا كدا قال ليها م تطلعي عيني بلا حبيبي بلا زفت طيري ختي لي اكل لحدي م استحم صرت وشها ورجعت علي المطبخ بالدرب الجابها 😂.

مريم نهائي م جات زارت ابرار طول فترت سجنها ولما عرفت انها طلعت قررت تمشي تزورها في غياب حاج حسن دا وبعدين تطلع منها سريع سريع قبل يجي ،،،،جات م سلمت علي مني ولا اشتغلت بالبنات وخشت علي ابرار في غرفتها طوالي جرتها عليها حضنتها ابرار بعدت عنها وقالت ليها شكلك غلطانه انا م بتك