الجزء 2
طلعت من القروب و طوالي قفلت النت نزلت تحت لأمي قلت ليها بابا وين قالت لي بسم الله ي بت مش حسة سألتيني منو و قلت ليك م جه من الشغل؟ قلت ليها انا بس زهجانة ساي 💔💔 قالت لي و أبوك حيعمل ليك شنو يعني 😒 بعدين مش انتي قبل شوية جيتي من صحباتك؟ بقيتي اصلا غير الصياعة م عندك موضوع قلت ليها ي أمي غلطانة انا البجي احكي ليك زاتو 😪 ماشة ل مايا تاااني طلعت فوق غرفة مايا جمب غرفتي دخلت ليها لقيتا صاااحية بس راقدة ف السرير بتعاين ف السقف 💔 قلت ليها ميمي 2 مااالك حبيبة و انا واقفة جمب باب الغرفة قالت لي نعثانة ما قادلة ( قادرة 👋😂😂😂😂😂(🏽 انوم قعدت جمبها ف السرير قلت ليها في حاجة واجعاك؟ هزت راسا بمعنى لأ قالت لي جبتي لي حلاوة؟قلت ليها ايوووة جبت ليك استني مشيت غرفتي فتحت شنطتي المشيت بيها الجامعة قبيل طلعت منها شوكولاتة جلكسي فلوتس مشيت ليها و انا داسة الحلاوة ورا ضهري قلت ليها م لقيتا 💔😢 قعدت تضحك قالت لي عارفاها ورا دهرك ( ضهرك (😂 قعدت اضحك اديتا ليها اكلتا و قعدت معاها لحدي م نامت نزلت تاااني ل امي قعدت جمبها كانت بتحضر في التلفزيون عاينت لي و قبلت تحضر 😂😂😂😂 قل ليها اوووميييي 😄 قالت لي خير 😒 قلت ليها ابوي ده بجي بتين ياخ 😪 الساعة الاشوفا ليك دنقرت و رفعت شبشا من الارض و انا بس شلت كرعيني في راسي و جريت انا زاتي م عارفة جريت كيف و كرعيني في راسي هوي انتو كمان م تصدقو ده مجرد تعبير 😂😂😂😂😂😂😂🏽👊😒 بس احس ليك بالشبشب فييي نص ضهري 😳 طبعا امي ما شاء الله لا تخطئ الهدف و انا صرخت ليك ااااي يا اومييي كسرتي ضهريييي 😭😭😭😭😭😭😭 قعدت تكورك معاي ما خليتيني احضر المسلسل يا بت، بدل عمايلك دي شوفي ليك قراية تنفعك
قرايتك غلبتك جيتي تعذبيني؟ امشي ابدي لمي هدومك في الشنط عشان م تجي بعدين تقولي لينا نسيت زفت جزمة ول زفت لبسة و انا واقفة جمب السلم شغالة احك في ضهري 💔💔 و امي شغالة تتكلم 😪💔💔 و نكتت لي مصايبي العملتا كلها طبعا الاهل من ما يلقو فرصة ما بفوتوها و ذكرتني بي مصايب ليها سنين 🙂 و ختمت لي الكلام بي جيبي لي شبشبي ده 🐸 طبعا انا شايلة الشبشب و ماشة عليها براحة خايفاها تخبتني بالتاني لمن قربت عليها بقيت بمشي خطوة و برجع و امشي خطوة و ارجع حمرت لي ختيتو جمبها سريع و انا طالعة في السلم باب البيت فتح قبلت لقيتو ابوي جريت عليو حضنتو هو زاتو لمن استغرب باسني في راسي قال لي كيف قيلتي 💞💞 قلت ليو بخييير الحمد لله عاين ل امي قال ليها كيف قيلتو و كيف مايا ( يلا مايا اختي دي عندها مشكلة في القلب و محتاجة عملية زراعة سافرو بيها مرتين مرة مشو الاردن قالو ليهم لسة صغيرة و السنة الفاتت مشو بيها مصر برضو قالو ليهم صغيرة و م حتتحمل زراعة المشكلة دي ظهرت ليها لمن كان عمرها سنة و حسة عمرها خمسة سنين 💔💔 في البداية حالتا م كانت صعبة كانت لمن تتعب بس بودوها المستشفى بترقد يومين و بترجع البيت لمن عمرها بقى تلاتة سنين الدكاترة قالو بعد ده حتحتاج زراعة و ياهو بعداك سافرو بيها الاردن و مصر و قالو صغيرة م حتستحمل يلا بداية السنة دي جه كادر طبي من لندن في المستشفى الشغال فيها ابوي 💔💔 و عرض عليهم حالتا و وراهم كل التشخيصات و الصور الاتعملت ليها و التشخيصات حقت الاردن و مصر برضو و العلاجات الاخدتا في فترة الاربعة سنين و قالو ليهو يجيبا ليهم في لندن عندهم اخصائيين حصل عملو عمليات للناس الفي عمر مايا و طمنوهو يعني المهم ف الاجازة حقت مايا اللي هي شهر تلاتة حيسافرو بيها لندن و تتعمل ليها العملية )
قالت ليهو كويسين الحمد لله و تشيل و تحمر لي ابوي قال ليها مالا سوت شنو المرة دي 😒 يلا امي م بتقصر ربنا يحفظا 🙂 رصت الكلام و زادتو و م خلت شي و اثناء م هي بتتكلم انا اتسحبت براااحة بس اسمع ليك ابوي ناداني اتلفت عليهو قلت ليهو نعم 😬 مد لي كيس قال لي هاك ده التلفون القلتي دايراو طبعا انا عيوني ديل بقو يسوو كدي 😍😍😍 بستو في راسو و حضنتو و بستو في يدو قال لي يا بت كفى 😂😂😂😂 امي قالت ليو مششششم اصلا البت دي ماف زول خاربا غيرك 😒 شلت الكيس و طلعت غرفتي فوق ختيتو في الشاحن طبعا كان ابهوني 7 بلس 😍😍💔 و تلفوني الحسة شغالة بيو ده ابهوني 5 ( ابهوني = ايفون ) العشاء اذن صليت و نمت كنت تعبااانة و نعسانة صحيت زي الساعة ٥ صباحا طوالي فكرت في التلفون 😂😂😂😂😂😂 لقيتو شحن طبعا و زياادة فصلتو و مشيت اتسوكت 😷 و اتوضيت صليت ركعتين قااعدة في مصلايتي ديك شلت التلفون من الطربيزة قلت بسم الله و فتحتو اول شي ظبطت التاريخ كان يوم 11/19 و ظبطت الوقت و اخدت سيلفي بيي عبايتي حقت الصلاة 😂😂😂👊🏽 شوية كدا الصبح اذن صليت قلت انوم و اصحى رقدت م جاني نوم قلت ياخ احسن اقوم اجهز حاجاتي دخلت الحمام فتحت السخان الدنيا برد طبعا نزلت تحت قعدت اعمل ف الشاي ابوي جه من الصلاة دخل المطبخ شرب موية قال لي المصحيك بدري كدا شنو الليلة قلت ليهو التلفون 😆😆 قعد يضحك قال لي جهزي لي معاك كباية شاي معاها بسكويتين ينسون كدا و جيبيهم لي في الهول ضحكت قلت ليهو مودك مظبوط ان شاء الله دوم قال لي امبارح عملنا عملية غضروف ل راجل عجوز و كنا خايفين منها شديد و ده الخلاني اتأخر امبارح لكن نجحت الحمد لله 💞
قلت ليهو الحمد لله 😌💗 عملت الشاي و وصلت لي بابا طلبو لقيتو مافيش في الهول و التلفزيون شغال ختيت ليهو الصينية في الطربيزة مشيت ليهو ف الغرفة لقيتو بلبس في قميصو و ماما نااايمة 😴 قلت ليهو ماشي وين 😳 قال لي داير امشي بدري اتطمن علي المريض بتاع امبارح ده محتاجة حاجة انتي؟ قلت ليهو سلامتك الشاي قاعد ف الهول اجيبو ليك هنا؟ قال لي لا لا خليو حسة انا طالع قلت ليو داير حاجة تانية انا طالعة غرفتي؟ قال لي لا لا تسلمي قلت ليهو طيب مع السلامة قال لي مع السلامة 💜 طلعت استحميت و لبست و شلت ابهونياتي الاتنين معاي 💞💞 دخلت لي مايا لقيتا نايمة بستا في راسا و طلعت نزلت تحت شربت عصير تانج لقيتو في التلاجة و خليت الشاي العملتو قبيل داك لي ماما المهم قعدت احضر ف التلفزيون كان بادي اعادة فيلم ديلوالي بتاع شاروخان و كاجور 💗💗 حضرتو لمن انتهى عاينت للساعة لقيتا 8 و حاجة قلت الليلة ووب طلعت الحمد لله اليوم داك عصام جه بدري ( ده السواق ) قلت ليو ي عصومي ( بقول ليهو عصومي مع انو هو راجل بي شيبو يعني 😂😂😂😂 لكن انا من ما قمت لقيتو معانا ف البيت بنعتبرو واحد مننا و فينا لمن ابوي يجي من الشغل بدري بتغدا معاو و مرات ابوي بحجزو لحدي ما يتعشى هو دوامو بنتهي ٦ عصر ) قلت ليهو سوق سريع عليك الله انا اتأخرت شديييد 💔💔 المهم وصلت البواب ابى يدخلني 😑 قلت ليهو ي عمو ابراهيم انا حصل اتأخرت؟؟و انا دايما بتأخر 😂😂😂😂✋🏽 عاين لي من فوق ل تحت قال لي بطاقتك وين طلعت ليو البطاقة قال لي بي حدرة كدا خشي 😒 قلت ليو شوكراااااان ياخ 😍😍 خشيت الساعة كانت تسعة 🙊 عملت روحي رايحة و دخلت علي المحاضرة البروف اب صلعة داك بتاع اول يوم 😒 قال لي ارجعي من محل جيتي 🙂 قلت ليهو ي بروف آس ... قاطعني قال لي بي نهرة قلت ليك ارجعي فجأة رؤى قالت ب صوت عالي و هي في آخر القاعة ي بروف أيمن دي تبعي القاعة كلها قبلت عليها البروف عاين ليها و كان بحمر ليها قال لي بي زهج ادخلي طبعا انا دخلت و م فاهمة شي و ناس القاعة ديل شغالين يتهامسو مشيت قعدت جمب رؤى كنا ساكتين المحاضرة كلها بعد م انتهت و طلعنا قلت ل رؤى انتي قصتك شنو مع بروف ايمن ده قالت لي خليهو بالنية 😏 نون قالت ليها ي رؤى الشمار كتلني 😣 سهى قالت ليها احكي ي زولة رؤى قالت لينا طيب يلا نقعد قعدنا كدا قالت لينا الجمعه الفاتت طلعت شارع النيل مع بت عمتي يلا في حتات كدا قريييبة للبحر بقعدو فيها الهناي 😏 سهى قالت ليها الهناي شنو ☹ نون قالت ليها هناي شنو كمان ☹ و انا عاملة كدا 🙃 قالت لينا وووب منكم ياخ 😪💔 المحل البقعدو فيها الچكس طبعا حمرنا ليها افتكرناها حاجة خطيرة قالت لينا انتو من غيري تمشو وين 😂😂👊🏽 سهى قالت ليها احكي ياخ حرقتي لي رووحي 💔💔 قالت لينا المهم انا و روان دي كنا قاعدين في كافيه بنشرب في كابتشينو بس اشوف ليك الاسمو ايمن ده ماشي قلت ل روان ده الجابو هنا شنو كمان المهم دخل ل جوة كدا قلت ل روان الا اعرفو مشى وين مشيت القاو ليك قاااعد آآخر ونسة و ضحك و شيشة مع بت كدا 😒 سهى قالت ليها احتمال مرتو 😒 رؤى قالت ليها مرتو بي ويييين يا القلبك ابيض و مصفية النية 😏 مرتو انا بعرفا 👋🏽 بي اولادو الراجل ده المهم انا دخلت محلتم ديك و وقفت قصادو عاينت ليو من فوق ل تحت و هو شافني لمن
وشو اتقلب احمر الحلبي ود اللذين 😒 ابتسمت ليو بالجمبة كدا و مشيت نظام انا شفتك 😏 نون قالت لينا الله يجازيو م بيخجل راجل قدر ابوي 😣 سهى قالت لينا الله يقرفو ياخ م افتكرتو كده 😣 رؤى قالت لينا اصلا البلد دي خربانة و الناس الفيها ديل كلهم خربانين الا من رحم ربي 🏽👋🏽👋 قلت ليهم ي جماعة خلونا من زفت ايمن ده 😣 ابووووي جاب لي الابهوووني 😍😍 طبعا كلهم اتخعلو و فرحو لي شديد طلعتو
ليهم قعدنا نتصور بيهو 💓💓 و أثناء م نحن بنتصور جو تلاتة بنات كدا وقفو قدامنا لمن عاينا ليهم لقيناهم من بنات الدفعة القدامنا يعني بنعرفهم شكلا لكن م حصل اتكلمنا معاهم المهم البت الفي النص شكلها عاملة روحا رئيستهم قالت لي بي مياعة كدا انتي البت الاتشاكلت مع ميمو امبارح ؟ طبعا انا نسيت شكلة القروب ديك مرة وحدة قلت ليها ميمو منو ☹ قالت لي الود الفي القروب داك قلت ليها م بعرفو انا اصلا، البت العلي اليمين قالت لي طلعتي مفتحة ي بت 😏 ماسكة واحد و دايرة تشركي للتاني قلت ليها انتو بتقولو ف شنو 🙂 البت العلي الشمال تمت الناقصة و قالت لي حركات البنات دي نحن عارفنها يختي م تعملي رايحة اتشاكلتي معاو ع اساس تلفتي نظر ول شنو 😏 قلت ليهم لو سمحتو انا م بعرف الود ده و ده كلام شنو البتقولو فيهو ده اشرك ل شنو و الفت نظر شنو 😠 تاني البت الفي النص قالت لي البتين الجمبها و الله طلعت بت لعيبة و كمان بتنكر و قعدو يضحكو بس رؤى قامت ليك عليهم 😂 اسمعوني هنا يا البلابل كلامكم ده تقولوهو ل زول تاني م لينا هنا 👋🏽 و صحبتي دي و لا بتعرف الولد و لا عندها شغلة بيو 👋🏽👋🏽 وحركات تشرك و م تشرك دي م تبعنا تمااام؟؟ يلا لمو باقي فتافيتكم دي و امشو من هنا بالله عشان م اكب ليكم فيها موية و ابقيها ليكم سخينة تماام 🙂👋🏽👋🏽 البنات عاينو ليها من فوق ل تحت و مشو رؤى قعدت نون و سهى بقو يعاينو لي رؤى و يعاينو لي قلت ليهم م تعاينو لي كدا انا زاتي م فاهمة يلا قعدنا نعاين ل رؤى 🐸 قالت لينا ي ربييي انا كل مرة حأقعد اشرح كدا 💔😪 يلا صلحنا قعدتنا و قبلنا كلنا عليها قالت لينا انا عاملة شنو ف الدنيا دي عشان اتعاقب كدا 😩 نون قالت ليها انتي في شنو ما عملتي؟ مصايب الدنيا دي كلها عاملاها انتي 😂😂 رؤى قالت ليها ي شيييخة نسيتي روحك ول شنو 🏽😂😂👋 سهى قالت ليهم ياخ م تحرقو روووحنا احكي يا رؤى و من غير تعليقات جانبية يا نون 😒 المهم رؤى قالت لينا متذكرين امبارح لمن قلت ليكم في ود سمح في رابع جه السنة دي؟ نون قالت ليها ااي متذكرة 🐸 قلت ليها اصلك بتتذكري جنس ده سهى حمرت لي سكت ساااي 🙊 رؤى قالت لينا المهم الرقم بتاع امبارح الاتشاكلتي معاو ده ي ميمي ياهو رقم الولد و سامعة الناس بتقول ليهو ميمو ، ده العرفتو و الولد يلا اتقل منو الله م خلق عشان كدة م قدرت اعرف عنو معلومات م لاحظتو زمان بجيب ليكم زيت الولد في لحظات بس لكن ده حالة خاصة بس ادوني يومين تلاتة كدا انا م بتكلم معاو شخصيا لكن عندي مصادري البتجيب لي الاخبار بعد م انتهت لقتنا مركزين شديد معاها و نحن زاتنا م حسينا ب روحنا الا لمن رؤى سكتت بس عاينا ل بعض و فكينا الضحكة سهى قالت لينا و الله من غير رؤى نحن كنا ضعنا في الجامعة دي المهم المحاضرة التانية بدت و دخلنا تلفوني ضرب ده الابهوني الاول لانو الجديد لسة م دخلت فيهو شريحة انا عاملاو هزاز حسيت بيهو في الشنطة طلعتو لقيت ده مهند قلت برجع ليو بعدين المهم بعد المحاضرة انتهت وقفنا جمب القاعة كدا قلت ليهم ي جماعه انا ماشة ل مهند من قبيل بضرب لي رؤى قالت لي مهند ده الله يدينا خيرو 😒 المهم مشيت ركبت السماعات و ضربت ليو