الجزء 14

علي لما شاف شذي منهارة ما قدر يهديها إتصل على صافي قال ليها تجي بسرعة

قفل الخط سمع الضج برا طلع جاري يشوف الحاصل ..

أسعد كان جايط مع الموظفين بفتش في

شذى وعلي مفتكر إنهم في نفس المكتب

طلعت ليه وهي غضبانة منو شديد

وقفت قدامو بتحدي بتعاين ليه جوة عيونو قالت :

_ أها داير تعمل شنو أنا هندي قدامك داير ترفع يدك علي تاني إتفضل

داير يرد ليها وصلت صافي وقفت بينهم

قالت ليه :

_ عاين هوي إسلوب الغنم والحمير دا ما بنفع معانا هنا إحترم نفسك عشان ما أضطر أرد ليك بطريقتك ..

صافي ساقت شذى برا وهو طلع وراهن

بس ما قدر يحصلن

صافي إتحركت طوالي ..

أشر ل بتاع ركشة ما وقف ليه .. أضطر يركب موصلات يرجع لي صاحبو في الشغل حتى يوصلوا ناس عمو

إتحرك بدقيقة وصل ياسر جسمو برجف خايف أسعد يكون عمل مصيبة في بتو

سأل الموظفين قالوا ليه طلعوا قبل شوية

إتصل عليهم الإتنين ما بردوا

إتصل على حنان يمكن تكون رجعت البيت ما أدتو فرصة يسأل زاتو من ردت بدت تشاكلو :

_ أنت تتفق مع أهلك وما تكلمني هسي أنا أجهز شنو ولا شنو أسوي الغدا ولا االضيافة ولا أطلع أخليك البيت أنت وأهلك ..

كان متوتر زادت ليه التوتر زيادة ما قادر يفهم منها أي شي غير ولا فاهم هو متفق مع أهلو بشنو ..

سألا كم مرة وهي تشيل وتردد نفس الكلام

قفل منها إتصل على مصطفى

حكى ليه الحاصل , نسى الشغل ومشكلة شذى دخل السوق يشوف طريقة يشتري بيها حاجات للبيت قبل ما أهلو يصلوا ..

صافي شاكلت شذى شديد لأنها بتعدي المواقف دي على أسعد ..

قالت :

_ نفسي ارمي الدبلة دي في وش أهلو وخلاص بس كيف وهم جاين في الطريق جيبو الشنطة ..

_ شنطة منو ? لا أنتِ جنيتي رسمي وكمان جايبين الشنطة بكل برود .

_ صافي دا ما وقتك راسي ح ينفجر ..

_ كدي ردي ..

_ دا علي ما بقدر إرد ليه هسي ..

_ اديني التلفون ..

ردت عليه بتتكلم وهو مابرد خافت شديد

مدت التلفون لي شذى

لما سمع صوتا قال ليها :

_ شذى أنتِ باقية علي ?.

_ أكيد بس أنت عارف ..

_ خلاص أنا ماشي هسي ماشي أقابل أبوك ..

_ علي إنتظر أوعك تتهور دا ما وقتو علي الوو .

قفل التلفون نهائي وهي خلاص قلبها وقف

طلبت من صافي توصلا البيت