الجزء 20

بعد الساعة 12 ظهراً هدى إتصلت على شذى

بدون مقدمات وصفت ليها كافي قريب للشركة طلبت منها تلاقيها هناك بعد ساعة

شذى إحتارت دي منو ودايرة منها شنو ?

وقتها كانت جابت لي علي تصاميم لآخر مشروع عشان يديها الموافقة النهائية وينزلوا سوا للموقع

سرحت مسافة بتفكر في موضوع الزولة الإتصلت عليها

علي سألا في شنو قالت ليه :

_ المكالمة الجاتني دي ..

_ من منو وعايز شنوو ?

_ رقم غريب وطلبها يحير بس شكلها زولة محترمة ..

شال منها التلفون عشان داير يرجع للرقم يعرف دي منو

إتفاجأ بالرقم ما عرف يقول ليها شنو

في النهاية قال ليها بمشي معاها ومن جواه بدعي ربنا تقول ليه لا

بعد تفكير قالت :

_ علي مافي مشكلة أنا بمشي بشوفها دايرة شنو والمكان قريب مننا لو حصل شي بتصل عليك وصافي جاياني بعد شوية عندها مشكلة مع جو اتكلم معاها لحدي ما أرجع ..

طلعت مستعجلة متردد وخايفة في رأسها ألف قصة

وصلت قعدت منتظرة الزولة المجهولة الما بتعرف شكلها كيف

رجعت في الرقم مافي رد , طلبت عصير

من القلق ما قدرت تشربو

بعدها ب ربع ساعة حتى هدى جات

إتصلت على شذى وهي داخلة رفعت يدها علشان تعرفها ..

سلمن على بعض كل واحدة مستغربة في التانية

هدى ما خلت شذى تفكر كتير بعد طلبت ليهن عصير قالت :

_ بعرف حاليا في راسك في مية سؤال هأختصر ليك كل الكلام في

_ ممكن بس أعرف أنتِ منو قبل كل شي ?

_ والدة علي حيدر .

المكان البادر في ثواني اتحول في راس شذى زي الفرن

تفكيرا جاط بقيت تشوف الناس القاعدة عشرة عشرة

هدى لاحظت الإرتكاب في وشها , إبتسمت إبتسامة خفيفة

طلعت من شنطتا عبلة صغيرة مدتا لي شذى وهي بتقول :

_ خليها معاك لحدي ما تتأكدي من إنك هتكوني ليه معي إنك عارفة زواجك إتحدد ولسة انتِ على علاقة بيه ..

شذى بقت مافاهمة شي نهائي لا عارفة دي موافقة ولا إعتراض ولا شنو

هدى بعدها ما قالت شي عرفت شذى ما بتقول ودعتا وقامت

شذى ما إتحركت من مكانا , بعد مسافة حتى قدرت ترجع طبيعية

إتصلت على صافي طلبت منها تجيها في المكان بسرعة

قفلت منها إتصل عليها علي ردت ليه وهي زعلانة وقافلة منو شديد :

_ لما شفت الرقم وعرفتو حق مامتك ليه ما قلت لي تخليني اقع في ورطة زي دي وأنت عندك خبر ..

_ شذى أهدي عشان أفهمك ..

شذى ماقدرت تمسك دموعا ردت ووهي بتقطع في الكلام

_ تفهمني شنو ?

_ ما تبكي ياخ شذى عليك الله أمسحي دموعك لو أنا كلمتك والله ما كان هيحصل خير

_ كيف يعني ?

_ إتكلمت معاك كتير سألتك كم سؤال ?

_ ما سألتني كلاما كان بسيط خلاني مافاهمة أي شي أدتني عبلة شكلها فيها هدية بس ..

_ بس دا المطلوب ..

_ كيف يعني علي ناوي تجنني ?.

_ شذى يوم لاقيت عمو ياسر مش طلبت منك ما تتدخلي نفس الشي هسي حصل وما قلت ليك الدار بينا ..

_ لكن ! !

_ ما لكن قومي تعالي الشركة عندنا شغل كتير بعدين فضل لي يومين وتعرفي مفاجئتي ليك ..

_ لا ما جاية صافي إتحركت جاياني نتكلم بعدها بجي .

_ طيب سلام .

قبل ما ترجع التلفون في الشنطة صافي وصلت

من قعدت شذى بقت تحكي بدون ما تقيف حكت ليها الحصل بينا وبين أم علي أكتر من خمسة مرات

صافي لمن زهجت منها قالت :

_ يا بت خايفة كدا مالك ماما هدى دي زولة طيوبة وراقية شديد

_ واضح من الرعب العملتو لي هي وولدا ..

_ هههههههه براك مكبرا الموضوع يلا أفتحي نشوف جابت ليك شنو ?

_ لالا مش قبل ماأتاكد ..

_ من شنو يا بت ..

_ تصدي حاسة بأني بعمل في غلط .

_ غلط ? من ياتو ناحية ?

_ حسيت إنها بتقصد شي بكلامها صح ياخ أنا كيف أكون مخطوبة لزول وأكون على علاقة بزول تاني داك خلاص مفتكر إنو عرسو قرب والتاني بخطط لي عرسو والعروس بينهم اكيد دا كلام كل الناس لما تعرف ..

_ شذى أمسحي دموعك وما تفكري بالطريقة لو كل الناس فكرت فيك نحنا لا لأننا بنعرف الظروف الخلتك توافقي على خطوبتك والحصل أوعك تفكري كدا ..

_ نسيتني موضوعك يابت مالك مع جو ..

_ خلينا نطلب حاجة بعدها أحكي ليك ..

صافي حكت ليها عن قرار يوسف قبل فترة إنهم يبعدو شوية وأمس قال ليها

ما بنفع يكملوا