الجزء 9

لأول مرة ياسر يرفع صوتو على شذى

ما بررت ليه موقفها من الدهشة الكانت فيها ما إتوقعت نهائي في يوم أبوها يتعامل معاها كدا بسبب زول هي لسة يادوب عرفتو ..

حنان خلتو لمن تم كلامو قالت لي شذى وهي بتلوم فيها :

_ شوفتي أنا خايفة من شنو الناس ديل البقرب منهم ما بتجيهو غير المشاكل من أول يوم داير يخرب علاقتك مع أبوك دا الدايرة تصلحي أتكلم ليه من متين كلامي بتسمع ..

ختت يدينا الأتنين في وشها وهي محتارة ما عارفة توقف النقاش بين إبوها وأمها

شالت شنطتا وقامت ماشة على الأوضة

وقفا إبوها وهو بقول :

_ خليك عارفة العرس في شهر أربعة يعني بعد شهر من الليلة ..

الشنطة وقعت من يدها بدون ما تحس رجعت وقفت قدام أبوها وقالت :

_ أكيد لا دا ما إتفاقنا وأنت عارف نحنا إتفقنا إقلو ستة شهور أو أكتر حتى نفكر في الموضوع دا أقلو أعرف مصطفى ماشي علي وين ?

_ الناس ديل حدودوا وأنا ما قدرت أعترض ..

وقتها إتذكرت كل مخاوف أمها وكلام رجاء لما قالت ليها

" تسرعك في القرار در ممكن يكلفك كتير وأنا متأكدة يوم الخطوبة بحدودو العرس ولو حصل ما بتقدري تعترضي مهما حصل "

حست الأرض بتدور بيها والدنيا كلها عبارة عن سواد

ما كانت متوقعة شكل حياتا بالطريقة دي

ما خطط لي شي فجأة كدا تتم كل حاجة بدون ما تعرف شي ..

قضت الليل كلو بكا إتصلن عليها صحباتا ما ردت على زول , نامت بدون ما تحس

صحت على صوت الآذن

صلت جهزت بسرعة قبل . ما إبوها يجي من الجامعة طلعت

بقت تلف في الشوارع , ركبت الموصلات

مشت لي علي في المستشفى

ما عرفت السبب الخلاها تفكر إنها تجي شنو

وهي في البوابة لاقت علي طالع , من المفاجئة ما عرف يقول شنو ما كان متوقع نهائي جيتا في وقت زي دا ..

سلمت عليه سألتو طلع ليها قال :

_ زهجت من جو المستشفى وإنتِ مالك جاية من الدقش حلمتي بي ولا شنو هههههه ?

_ هههههههه مزاجي ما تمام بس قلت أطلع بدري أمشي البحر في طريقي جيت أصبح عليك ..

ما صدق لما جابت سيرة البحر قال ليها :

_ طيب أرح أنا بحب البحر وقت الشروق

ولا ما عايزة تكوني براك ..

_ لا بس أنت لسة ما بقيت كويس ..

قال في قلبو " صدقت أني عيان لو ما عملت كدا تجيني من الدقش كيف "

بعد منها شوية إتصل على صديقو الدكتور قال ليه يرسل مفتاح عربيتو مع أي زول هسي بدون ما يجي عشان شذى ما تفهم الحاصل ..

أقل من دقيقتين جات ممرضة إدتو المفتاح وطلعوا ..

دي بداية قصة علي وشذى