الجزء 4

( في جانب ابتسام )

بتتكلم بينها و بين نفسها بعد المكالمة ..

عبدالله اخوي دا ما ياهوووو ،مستحيل بعد السنين دي كلها يتغير ساي كداااا ! ياما سوااا و عمل ، فجاة كدا يبقى زول محترم و بيتكلم بصوت واطي !

طيب يوم جا هناا و اعترف بغلطاتو كلها و اعتذر ، غريبة ليه ما جاب سيرة العملناهو ولا حيفضل يهددني بيهوووو ! ما استبعد ، عبدالله دا ماااااا ساااهل !!

محمد لو استوعب الحصل كلوووو ، ما اطن تعدي على خير ! انا لازم اضمن حق بناتي كمان هما ما ليهم ذنب ! ..

في جانبي ...

*يمنة كيفكم ...

_انتي وين من قبيل ، شوفي متصلين عليكي كم مرة !

*انا قبيل اتصلت على تلفون امي ..

_اي نستو في البيت و كنا في المستشفى ..

*عارفه اي ،ردت علي مريم ورتني ..

_ما جابت لينا سيرة انك اتصلتي.

*ااي بتكون نست ، المهم ابوي كيف ؟ طمنيني ..

_ابوي ، الحمدلله حمداً كثيراً طيباً مُباركاً فيه يا رحمة ابوي فتح (وقعدت تبكي )

*عليكي الله جد يا يمنة جادة ، يارب لك الحمد يا رب لك الحمد والشكر يارب الحمدلله ( بقينا نبكي في التلفون ، و انضمت لينا امي ) ،،

*امي ، خلاص ما تبكو ، الحمدللهربنا يتم شفاه على خير يا رب ، يارب لك الحمد حتى ترضى الحمدلله والشكر لله ..

امي : كان وين واسي وين يا رحمة ، الحمدلله يا رب ما يحتاج لسفر مصر بعد دا ..

*لو في مصلحتو طوالي تسافرو ما تشيلي هم حاجة يا غاليه ، اهم شي سلامتو ..

امي : انتي راجعة متين ، خلاص كفايه ارجعي ..

*لمن ارجع ما بكلمك يا امي ،، بس ادعي لي كتيييررر ..

امي : ربنا ييسرا عليكي و يفتحها في وشك و تنعدل عليكي يا رب ..

*اللهم امين يا رب ما انحرم منك يا غاليه ، يلا انا عايزة انوم بعد دا .

امي : تصبحي على خيررر....

انا بتألم شديد ، موجوعه ، و الفجوة الفيني عمرها ما حتروح ، دايماً حأحس بالنقص و كسرة النفس ،الواجعني ولا عبرني بتلفون ،، بعد دا لازم انفذ القرار الاتخذتوو!

وصلنا البيت .. قعدنا اكلنا ، جات البت المؤجرة مع سيدة ، تتطوطح ، و طبعا من جيت دي اول مرة الاقيها ، المهم يعني عاينت لي كدا شديد و بعد دخلت الغرفه ، جات راجعه تاني قالت لي بكرة لازم نروح نسهر سواا فاهمه !

سيدة قالت لي بهمس ، طنشيها اكلي اكلي .. اها ما حككيتي لي قصه مدام عبير ، يعني هي طردتك لشنو ما فهمته و مريم دي ليه بتعمل كدا ؟ قلت ليها مريم دي اكتر وحدة فاهماها ، دمرتني يا سيدة ..قالت لي دمرتك في شنو اسي خلاص من بكرة امشي اجدعي ليها قروشهاا .. قلت ليهاا دمرتني بطريقه م بتتحكى .. المهم انا عايزة انوم مرهقة شديد واليوم كان طويل .. قالت لي طيب ..

قمتا من جمبها مسافة دخلت الغرفه لقيت التلفون قدامي بيرن ، من رقم سوداني ،، رديت جاني الصوت بيقولي ،، يا تافهه يا حقيرة يا بتاعت الرجال ، كمان رحمة بقت تركب عربات من قدام البيت هاهاهه و انا الكنت كاتل نفسي في حبك ، طلعتي وحدة تافهه ما تسوي حاجة ،، !

قلت ليهو : اسعد !

قالي ايواااا زوجك الاداكي المفتاح تصيعي و تمرحي بي راحتك *قفل في وشي ..ّ

بقيت من مصدقة و مكذبة اسعد كمان بيقولي كدا ! معقول الكلام دا وصل السودان كمان !! لا يا ربي استغفر الله العظيم ..

بكيت و الظاهر عمري الجاي كلو حأبكي ، انا ما استاهل اصلاً غير البكى ،،

رجعت لسيدة ، قلت ليهاا :

*في مكتب طيران هنا قريب ؟

_في شنو يا رحمة ؟

*عايزة اقطع تزكرتي ، مش القروش بتكون نزلت في حسابي ؟

_اكيد مش اديتيهم رقم حسابك ؟

*ايوة ،

_طيب مالك فجأة ؟

*قعدتي ماليها لازمة

_انتي قايله قروشك دي بتكفيككي تسفري ابوكي ؟ لا يا رحمة الغربة عايزة صبر ، و ضربة حظ زي دي نسبتا 2% ، بس ما بنعتمد عليهاا .ما تخلي المشاكل تهدك زي ما هدتني وخلتني استسلم و اخترت الطريق الساهل ..

بعدين اسي انتي معاكي شهادة من مرككز معروف و دي حتشغلك في احسن مكان ، ممكن تسرفري السودان تجددي و ترجعي لكن ما ترجعي للابد ، و بعدين فكري اسي ابوكي بعد يقوم باليلامة باذن الله ، هل حتكون صحته تسمح بالشغل ؟

*انا عارفه كلامك دا كلو يا سيدة ، بس انا مخنوقه عايزة انفجر ..

_عشان مؤيد صح ؟

*مالو مؤيد !

_معناتو ناويه تستهبلي ، على العموم اياً كان الخلاف البينكم دا حيتحل و ترجعو ..

*نرجع وين ؟ سيدة انتي فاهمه غلط ، مؤيد دا اكتر زول انا بكرهو حالياً ، انتي ما عارفه ااا ........

_كملي ..

*تصبحي على خير ..بكرة صحيني الصباح حأطلع معاكي اشوف اجراءتي ..

_طيب يا رحمة ..

دخلت جوا الغرفة ، و بقيت خاته ف بالي لازم اصل لمؤيد ، عشان يطلقني و اسافر !

*في الحلقة الجاية *

جوازي ختيتو وين يا الله ،كان هنا انا متاكدة .. الا افضي الشنطة دي كلهاااا ..

ياربي مستحيل اكون رميتو في حتة ، مستحيل يا رب ..دي شنو الورقه دي !!!

*فلاش باك*

تتذكرو يوم مؤيد قالي امضي بسرعه اصحابي منتظرني برااا ،، مضيت و نزل و جا راجع اداني ورقه مطبقة ، قالي خليها معاكي اسي عشان ما اجدعها في حته و بعدين انسى ، و انا شلتها زي ماا هي و ختيتاا ..

بقيت

بفتح في الورقه ، اول حاجة عيني وقعت عليها تحت هي امضتي !

و ابتديت اقرا الورقة ،، و صرختااااا بأعلا حسي ، بس بصرررررخ بصرررررخ ، لااااااا مستحيييييييييل ..!

*كسرة

لا ترمي بإختيارك الخاطئ بأنهُ وليد الظروف ، لم تُخلق العقبات إلا لنصمد ولا نميل .

فإن لم تكن تقلبات الحياة بيدك ، فالثبات واجبك .. مشاركة من RA Y AN