الجزء 11

لفينا وكنا مبسسسوطين ... بالذات زينة ... طول الطريق شغاله توصف وبتحاول تتكلم لكن ما قادرة .... منظرها بقطع القلب لكن برضو كانت بتفرح البني آدم ...

ما حسيت بيها إلا وهي نايمه في حضني .... شاهين عاين لينا وقال : ما شفتي منظركم حلو كيف !!! يفتح النفس ياخ

ابتسمت و قلت ليهو بالنسبة لي زينة

قال لي زينة مالا ¿¿¡

حتفضل كده يعني ¿¿

قال لي لالا اكيد .. حنعمل ليها عملية بس تكبر شوية ... قلت ليهو اممم طيب .

جوري

قلت ليهم نعم سيد شاهين ..

قال لي مش قلنا بلاش من سيد دي ؟؟

قلت ليهو انا بس بقدم الاحترام لحضرتك ما اكتر ...

قال لي طيب لو انا اتقدمت ليك وطلبتك من خالد اخوك حتوافقي ؟؟؟؟

طبعا اتفاجأت .. يعني ما قدرت اتكلم وما كنت عارفه اقول شنو ... سكت سسسساي وتاني هو كرر لي السؤال ..

ما رديت .. وفجأة دموعي بدو ينزلو ...

قال لي كلمة واحده .. أسف ....

بعدها رجعني البيت ونزل شال البت ورقدها ورا ... نزلت و وقفت قدامو زي الطفله الصغيرة

ما اتكلم وما قال شي وماا عمل حاجه غير انو ركب في عربيتو ودورها واتحركو ..

....

****

دخلت البيت وكنت مهمومه لدرجه ... لقيت خالد بحضر في فلم ... قال لي مالك صاره كده !! ؟؟

قلت ليهو من جبيل واقفه مع سيد الركشه في صف البنزين ...

ضحك وقال لي : انا عملت عدس وجبت عيش .. لو جوعتي امشي اكلي ... ابتسمت ليهو ودخلت غرفتي ... ما عارفه هل انا عملت الصاح برفضي الصامت ده ولا الغلط !!!!

****

مره اسبوع كامل ... ولا خبر عن شاهين ... في الاسبوع ده يمان مارس علي كل محاولاتو عشان ارجع ليهو ...

و وافقت

ما تزعلو مني ياخ !! لو اي زول خت نفسو مكاني كان وافق "!!

كلمت خالد اخوي واتفاجأ .... من البدايه رفض بس انا أصريت واضطر انو يوافق ..

المهم ...

في نفس اليوم الكان جاي فيهو يمان وزي حوالي الساعه 8:34 م ... جاني اتصال منو ... قال لي انو حيجي اول براهو وبعد يتأكد من موافقة خالد حيجو أهلو ..

رتبنا البيت انا وصبا وكنا في انتظار آدم ‏( يمان ‏)

جات الساعه ...9

وجات 9:34

وجات 10

وقبل ما تجي 10:34

اتصلت عليهو ... جرس مسسسافه وماف رد ...

وتاني اتصلت فصل فيني الخط .. استنيتو يرجع لأنو دي عادتو .. لكن ما رجع لي .. وبدل كده جاتني رساله من رقمو بتقول :

اقيفو في الصف