الجزء 7

fulla_Ali

لقيناهو يمان .. م عارفه بس الأيامات دي مرابط جمب بيتنا .. م عارفه فهمو شنو .

. لكن لو اصلآ هو عايزني م كان جاب شيلتو وحدد عرسو

صبا قالت ليهو بأستغراب : يمان ؟؟خير الجابك حينا شنو ! ؟

ارتبك طوالي م عارفه مالو .. قال : ا ا ك كنت ماري من هنا .. وطوالي قال بسرعه : ارح اوصلكم شكلكم طالعين ..

صبا قالت ليهو وكأنها نست انو لازم يجاوبها ع سؤالها : وكمان مبروك قالو اليوم شيلتكم !! ؟

طوالي ابتسم وشكلو ارتاح لأنو صبا م ركزت هو جا هنا ليشنو قال ليها :

الله يبارك فيك اي الليله والله ..

هنا انا زاتي قلت ليهو وفي وشي بسمه مطلعاها غصصصب : الف مبروك ... وربنا يتم ليكم ع خير

ابتسم وقال لي آمييين .. وعقبالك كده ..

بعدها قال لي صبا ارح اوصلكم العربيه هناك ... طوالي مشت ع العربيه ولا فكرت تستشيرني زاتو

وعلي العليها ركبت ورا كمان

كنت عاوزه اركب معاها بس قالت لي كده م صاح اركبي معاو ..

مسكت جود من يدو قالت ليهو : ماما تعال معاي ورا عشان م تضايق عمتك ..

جود مشي ركب معاها وهو بتأفف وانا أضطريت ركبت قدام معاهو

كنا ساكتين طول الطريق لغاية فتح خشمو وقال : يدك بقت كيف؟؟؟

قلت ليهو والقال ليك يدي معوقه اصلآ منو ؟؟؟

وله عشان الخدشه ديك؟؟؟؟

قال اي

قلت ليهو في جروح اكبرر من دي م سألته منها عاوز تسأل من الخدشه دي؟؟؟

سكت ساي وباين عليهو انو غضب .. وقام زاد السرعه ... وصلنا بيت ناس الآء وبس مع نزلتنا دور العربيه واتخارج ... قلت اكيد م عايز زول يشوفو ويجيب ليهو كلام ..

المهم .. دخلنا وكلهم اتفاجؤ بي .. ونطرو عيونهم وكانو بعاينو لي ..

سلمت عليهم وهظرت مع البهظرو معاهم ولا كأنو في حاجه حاصله

ام الآء خالتي خديجه جات تتكبكب والخجل كاتله ... قمت حضنتها ولغاية قلت ليها امي كيفك وكيف صحتك

المرا تقول الواطه تنشق وتبلعها ..

بعد قعدنا شويه قلت لي واحده من البنات الآء وين .. قالت لي ورح اوديكي ليها

مشينا ولقيت قاعدين معاها بنات الحي وكده ...

من وقت شافني كلهن اتخلعن .. جيت سلمت عليها بالأحضان وسألتها من حالها وكده

والله ي جماعه ربنا دا كريم ... سبحان الله م عارفه القوة دي جاتني من وين ..

قلت ليها اها .. وحتتمي الجامعه بعد العرس صاح ؟؟ !

قالت لي وصوتها كله برجف : ااا اي ب ب بتمها ..

قلت ليها اي احسن تتميها ... واتونسسنا لغاية صبا جات داخله وجمانه كان كديستها قامت .. اظن نعست وكده

صبا بعد باركت لي الآء قالت لي نمشو بعد دا ..

ياهو ودعناهم وطلعنا خليناهم الخجل كاتلهم ..

*

مع دخلتي غرفتي انجدعته ف سريري وبس قعدت ابكي .. بكيت وبكيت زي اليوم الامي وابوي ماتو فيهو ...

وانا ببكي جاني اتصال من شاهين ... م عارفه بس فرحته وحسيت بالآمان .. فتحت الخط وبس قعدته ابكيي ..

احلي شي انو سكت ... كنت سامعه صوت انفاسو وكأنو كان بشاركني حزني .. م عارفه لكن حسيت نفسي ببكي في حضنو . .

بعد هديت حبه قال لي بتقدري تنزلي تحت ؟؟؟

قلت ليهو شنو !!!

قال لي انا تحت .. جمب بيتكم .. بتقدري تنزلي ؟؟؟

قلت ليهو م اظن .. قال لي عارفها صعبه بس م اظن اخوك حيجي اسي .. انزلي

لبسته طرحه وطلعته بالراحه لقيت صبا في غرفتهم اظن نومت جمان ونامت ..

و جود ف التلفزيون وشكلو مرتخي .. وياهو خالد بجي لي 2:34 ص بعد مرات

مشيت فتحت الباب وشوفته السنتافي الحمرا الماخده عقلي واقفه بعيد .. والحمد لله شارعنا فاضي وبقالة محمد من دون الأيام مقفوله ..

مشيت ومن شافني نزل .. كان لابس بنطلون جينز اسود وكارينا رجاليه بيجيه وبدله سوداء . وجزمة سفينة سودااء .. قممممة الأناقه +.. طبعآ انا بفستاني م لحقته أطلعووو

وقت شافني م قدر يدس نظرة الاعجاب العاين لي بيها وانا م قدرتة ادس الخجل الحسيت بيهوو ..

سلم علي وقال لي امسحي دموعك سرررعه واركبي دقايق ..

مسحتها وركبت العربيه .. طوالي زينة نطت لي .. فرحته كتيير بشوفتها قلت ليها زينة !! وحضنتها بالراااحه لانو لسه م اتعافت وكد .

آشرت لي بي يديها السليمه وفي وشها ابتسامه ...

ابوها قبل يفتح خشمو قلت ليهو : قالت هي مشتاقه لي وكده .. قلت ليها كتبيييير حبيبتي انتي ..

طبعآ لاحظتو مستغرب .. قلت ليو مروة بت خالتي الصغيرة بكماء برضو وطوالي بفهمها وبرد ليها ..

ابتسم وقال : تحبو نمشو جولة ؟؟

قلت ليهو م بقدر والله .. يمكن صبا تصحي وم تلقاني تقوم تعمل لي مشاكل ساي

قال لي وانتي معاي م بتجيك حاجه .. ودور العربيه .. وكالعاده م قدرتة اتكلم ...

يلا دا كلووو حصصصل وفي زول شافني .. يعني طبيعي جدآ زول يشوفني وكده ... يلا دا منو ؟؟؟؟؟

حتعرفو قدام ..

*

لفه بينا القضارف كلها وشلنا لينا آيسكريم و فطائر شاورما من روابي ...

يلا وقف العربيه جمب الظلط حق الشعبي وقال لي شيلي الحاجات ورح نص الظلط ..

قعدنا في الفاصل وطبعآ جاب لي زينة كرسي متحرك عشان رجلها وكده ..

قعدنا في الفاصل واتونسسسنا كدااأ ... الناس يآشرو علينا ساي والبجو مارين بعرباتهم برضو .. كان منظرنا حلو خالص ومع الأضواء حقت الظلط و مع الجو الرمضاني العجيب دا كان يوم لا ينسي

ودا كان 25 رمضان

*

رجعته البيت والحمد لله خالد ما جا .. وصبا نايمه وبتشخر كالبعير .. وجمان وجود بشخرو كالملاك ..

دخلته غرفتي وانا بغني اغنية حالة حب لإليسا : عايشة حالة حب معاك وخداني

قطع الغنية صوت تلفوني لقيتو شاهين .. قال لي اها في زول شافك ! ؟

قلت ليهو لالا ..

قال لي نحن زاتنا اسي وصلنا .. سكت مسسافه وقال : بالجد شكرآ ليك

قلت ليهو شكرآ ليك انت لأنك طلعتني من الحاله الأنا فيها ..

قال لي جبيل شفتك مبسوطه م حبيت اسألك ... مالك كنتي بتبكي في شنو؟؟؟

فكرتة بيني وبين نفسي ‏( وم قلتلوش عل لفنسي ههههه ‏) ي ربي بكون عارف انو يمان حيتزوج وانو كان خاطبني بالزمنات؟؟؟ ؟ ! تاني قلت م اظن ..

قال لي الوو ..

قلت ليهو معليش شردته شوية .. كل الحكاية انو خطيبي السابق حيتزوج صحبتي ... واليوم كانت الشبكه بتاعتهم ... وانت وقت اتصلته علي كان ي داب دي دخلتي البيت .. مشيت باركته ليها وكده ..

سكتت مسسافه وقال لي : م تشيلي هم مس جوري .. كلو لي خير ... يلا انا حأمشي اشوف زينة شربت اللبن ولا لا ..

قلت ليهو . سلم لي عليها .. وقفلنا علي كده ..

سمعت كركبه طلعت لقيتو خالد .. قال لي بعد عاين للفستان الأنا لابساهو : طلعتو وله شنو ! ؟؟

قلت ليهو اااي .. مشينا الشيله حقت الآء خطيبة يمان ..

خالد م عرف يقول لي شنو ... وحسه انو انا حأكون مضايقه وكده .. وعشان يخفف حرج الموقف قال لي خلاص ي اختي الحلوة .. انا جبته سمك جاهز .. بس انتي جهزي لينا السلطه وتكوني م قصرتي

قلت ليهو جبته سمك بس ؟؟

قال لي معقققققوله انسي اختي؟؟؟ جبته سمك وآقاشي

طوالي بوستو ف خدو وشلته الكيس جريت المطبخ .. قطعته السلطه وعملت لينا تحلية بسلطة فواكهه وكبيت فيها عصير كركدي بقت ظابببببببته بشكل

بعد اتعشينا غسلت العده واخدت حمام وياهو نومت ... تاني الا الصباح ..

نزلت تحت مشيت المطبخ م لقيت صبا ... وجود وجمان كانو بحضرو حلقات مسجله من غامبول ..

طلعته برة شوفت صبا بتتاوق بي باب الشارع وفي جوطة برة

آشرت ليها في شنو ! ؟؟؟

عملت لي أشارة هسسسس ..

جيت تاوقت معاها وشفت العجب

احممممم اقيفو ف الصف