الجزء 14

التفت بسرعه ولطشتو كف !

قلت ليهو كيف بتتجرأ يا يمان تدخل غرفتي وتعمل كده !

اتفاجأت لمن شفت دموعو ... وعيونو حمممممممر ...

انا كمان دموعي نزلو ... قلت ليهو اطلع بره !

عاين لي مسسسافه جوة عيوني .. وقرب يفضحني بنظراتو بس دنقرت تحت وقلت ليهو يمان ...... بره !

صلحي توبك ده يا بت شعرك كلو بره !

بس ماف زول في الشارع !!

حدر لي مسسسافه طوالي صلحت التوب سرعه سرعه ....

لو لبستي الاسكيرت داك بحرقو ليك فاهمه !!!

بس الاسكيرت واسع يا يمان !!

ي بت انقبك يعني !!

خلاص خلاص ما حألبسو تاني بس النقاب لا !

اووعاك ثم اوعااك تعملي الروج الاحمر داك وتطلعي بيهو فاهمه !!!"

اسي الروج عيبو شنو ياخ !

بس كلمتك لو شفتك مرقتي بيهو الا اقطع شفايفك بسكينه ميته

مره قال لي نكته قومي اضحكي بأعلي صوت عندك يا جوري والله قرب يقشطني كف !!! قال لي حسك عينك تاني تضحكي في الشارع مفهوم !!!

صاح كان صارم معاي .. بس الصفات دي لازم تتوفر عند كل راجل ...

... ما تستغربو .. من ساعة الحصل وانا يومي ذكريات يمان بتطاردني زي الشبح !!!

بقيت عايشه مع شاهين جسد بلا روح ... ودايما شارده ..

لغاية في يوم عرض علي امشي اتم يومين في بيتنا ...

رحبت بالفكرة وقلت اصفي ذهني .. سوقت معاي زينة لأنو زينة بقت جزء لا يتجزء من حياتي ...

هناك صبا ما ريحتني .. وشغاله تسألني لسه ما بقيتو 4 ؟؟؟ قلت ليها لسع وقفلت الموضوع ع كده

بس برضو كان شاغل بالي ..

قلت لمن ارجع البيت حأعرض لي شاهين نمشي لدكتور نشوفو الحاصل شنو ..

تميت اليومين بخير وسلامه وشويه كده بديت انسي يمان ..

جا شاهين المساء زي الساعه 9:34 عشان يرجعنا البيت ..

بعد اتعشينا طوالي طلعنا . وكالعاده زينة نامت في يدي

شالها مني وومشي قدامي وداها غرفتها ...

مع دخلتي الغرفه تلفوني ضرب ... لقيتو رقم يمان !! الظاهر هو عاوز يوديني ورا الشمس ... قفلت التلفون وختيتو في الشاحن ...

شاهين جا داخل وهو مبتسم .. قال لي نورتي البيت

قلت ليهو بنورك ... اها الشغل ماشي كيف وامورك كيف؟؟

مشيت ع الدولاب وفتحتو كنت واقفه وبطلع في دهبي عشان اختو في العلبه ...

واتكرر الموقف وحضني من ورا وقال : مشتاقك

اتذكرت يمان وحركتو ديك ... جاتني رعشه وزحيتو مني طوالي

اتفاجأ من حركتي قال لي : مالك يا جوري !!! في حاجه !! ؟

ما عرفت اقول ليهو شنو .. عشان كده ضحكت وقلت ليهو جبيل شفت فلم رعب .. واسي اتخلعت ما اكتر

ابتسم وقال لي انا ماشي المكتب .. انتي اخدي راحتك كويس؟؟

ارتحت كتيييير لمن قال ماشي .. قلت ليهو حاضر ..

*

ما عارفه كيف كيف اجازتي انتهت ... مني اتصلت علي قالت نشدو الرحال ..

اليوم كان خميس ... وحنسافر السبت والدراسه الأحد ..

شاهين : خير .. منى مالا ؟؟

قالت لي نسافرو خلاص

شفت الحزن مرسوم علي وشو .... بعدها قال لي : هانت ... كلها سنتين وتكوني أحلي خريجه

قلت ليهو الله يسمع منك ..

***

يوم الجمعه طلعنا انا وزينة وابوها ... قضينا احلي يوم ...

مع رجعتنا المساء جينا بشارع الدكاترة ...

قلت ليهو اقيف هنا ..

عاين لي مسسسسافه وقام ركن ... قال لي في شنو ؟؟

قلت ليهو مرو اكتر من 4 شهور ... وماف أثر لي حمل ... لازم نشوف الحاصل شنو يا شاهين

قال لي وانا شكيت ليك عاوز طفل ؟؟ وله شوفتيني في يوم من الأيام سألتك ؟؟؟

سكت ودموعي نزلو

قال : يا الله !!! اسي الببكي شنو ؟؟؟؟

انتي عارفه .. احيانا بتلخبط بينتاكم انتي وزينة

طوالي ضحكت .

دور العربيه وقال : ضحكتك عملت فيني عمايل !! كن عارف كان خليتك زعلانه وبي دموعك

قلت ليهو بتطنطن بتقول في شنو يا أبو زينة ¿¿

قال لي ولاشي حبيبتي .. بس قلت :

اقيفو في الصف