الجزء 13

حياتي مع شاهين أكتر من الروعه بمكان ..

وما محوجني لحاجه والله ..

مرت الشهور .. سافرت فيها الخرطوم عشان اواصل دراستي ....

وبالرغم من السعاده الأنا فيها الا إنو في حاجتين كانن منغصات علي حياتي .. اولا موضوع يمان ... وليي غشاني كده !!

تانيا موضوع الحمل .. من اتزوجت لي حكاية بتاعت شهرين وماف أثر لأي حمل ..

. تميت السمستر بخير وسلامة ورجعنا انا ومنى .. وكالعاده استقبلتنا السنتافي الحمراءء بس المفاجآة انو ما كان سايقها شاهين ..

كان سايقها زول تاني

**

طول الطريق كنا ساكتين ... منى ساكته وانا ساكته .. ويمان ساكت ... ااي كان يمان السايقنا .

ما عارفه شاهين مالو ما جا لغاية رسل لينا يمان !!

بعد وصلنا منى برضو استمر الصمت ... لكن انا قلت لازم ابدا انتقم لي نفسي .. قلت ليهو وانا بعاين في مرايتي : وينو زوجي ؟؟؟ غريبه ما قال لي انو ما حيجي يسوقني

قال لي بهدوء : زوجك مفترض يكلمك بي كل صغيرة وكبيرة ... صاح ولا لا ؟؟؟

طبعا اتغظت غيظ في الدنيا دي !!!! لكن رديت ليهو بثبات : احتمال عاوز يفاجأني بي حاجه ... وضحكت ضحكه خفيفه وقلت : اصلآ يومي بفاجأني ... كلمتو مفاجأااتو دي يوم حتقتلني

قال لي وهو مشغول بتلفونو : احتمال مفاجآااتك ياها التقتلك ..

سكت خليتو لأنو لو واصلنا كده قسما اخنقو ...

لغاية وصلنا زي حوالي الساعه 5:34 م ...

نزلت وخليتو ينزل الشنطه .. مع دخلتي شفت زينة بتقطع في الورود من الجنينه ... ناديتها وقت عاينت لي جاتني جاااريه .. شلتها فووق ولفيت بيها ... وانا وزينه مع لفتنا وقعنا في حضن شاهين ...

قال لي و وشي في وشو : مشتااااقك !!

ابتسمت وما رديت ليهو ... ما عارفه ليي وما تسألوني ..

احلي شي انو ما انتظر مني جواب .. شال زينة نزلها ومسكني من خصري ..

يمان : احم احم ..

قبلنا اتجاهو ولقيناهو شايل الشنطه ... قال وعلى وشو ابتسامه ما فهمتها : دي اوديها وين ؟؟؟

شاهين فكاني ومشي عليهو .. اتسالمو بالأحضان وقال ليهو اتفضل معانا غدا ..

يمان قد ما اعتذر بس شاهين أصر ليهو .

المهم .. مع دخلتنا شفت العجببببب !!

البيت كلو ورد الجوري ... مبالغه ياخ ... بس قفلت خشمي والعبرة جات علي شكل دموع ... ما حسيت بنفسي الا وانا ببكي في حضن شاهين ...

بالجد يا جماعه ما كان قصدي اغيظ يمان ... لكن انتو لو شفتو الأنا شفتو كان عملتو أكتر من كده !!

ساقني الغرفه عشان يهديني ... قال لي : دموعك دي بتعذبني و انتي عارفه كده؟؟؟

عاينت ليهو وعيوني كلها دموع ... واصل : حبيبتي ... ارجوكي بطلي بكاا ..

قلت ليهو وأنا بشهق : المفاجأة حلوة ياخ ...

قال لي ههههه عيونك الحلوات ياخ .!! باسني في يدي مسسسسافه ورفع راسو عاين لي ... قال : أخدي حمام وغيري ملابسك وانزلي نتغدا

قلت ليهو حاضر ...

قام علي حيلو وباسني في راسي و مشى على الباب ..

قبل ما يطلع قلت ليهو يجيب لي شنطتي ... ابتسم لي وطلع

طلعت عبايتي وفكيت شعري ... فتحت الدولاب وبقيت أقلب فيهو ... حسيت الباب اتفتح ... قلت : حبيبي جبت لي الشنطه ؟؟

ما سمعت منو جواب ... تاني قلت ليهو : أخبار خالد وصبا شنو؟؟ .. والعيال !! ... برضو ماف رد ... قبل م التفت حسيتو حاضني بورا ..

أبتسمت وإتجاوبت معاهو ..

فجأة قال لي :... إذا ليي اتزوجتيهو يا جووري !!! أنا بموت ألف مرة وقت أشوفك في أحضانو !! لييي يا جوري بتعذبيني كده !!!

لييي !!!

# كتمت

الجو كتم .. اقيفو في الصف