الجزء 19
سابقا
يا امجد !! يا امجد !
امجد : اللهم اجعلو خير ... ياربي منو البناديني !!!
امجد في شنو ! ؟
ماف حاجه انت كمل نومك ...
وقت قام مشى علي الباب سمع كلام صحبو متوكل وهو بقول لي محمد : اها نكلمو ولا الحنك شنو !!
محمد : ماف خيار ... لازم نكلمو ..
امجد زادت ضربات قلبو ... وزادت كذالك تساؤلاتو ... ياربي صحبانو عاوزين يقولو ليهو شنو لغاية بترددو كده !!! وقبل ما يفتح الباب جاهو الجواب المر
محمد : لكن سيد الامجاد ود كب !!! يدقشها ويجري !!!"
امجد بمجرد سماعو الكلمه دي فتح الباب وهو بقول : امي !!! امييي وييييين !!!!!
# الحاضر
امييي !! امييييي وييين انتي !!!" يا اميييي !!!"
سيد امجد اصحي انت بتحلم !! سيد امجد !!!
صحى مفزوع وكان متعرق لدرجة !!!
يدو اليمين وخادمو المطيع مد ليهو كباية مويه ... شرب جغمه واحده بعدها اداهو حبه بلعها وهو برجف .. وشفايفو برجفو ... شرب المويه بطريقة هزليه لغاية نزلت من شفايفو ...
الخال مسح ليهو أثار المويه من شفايفو وهدمو ... وقال ليهو : هانت ... بس انت اصبر
قام بتثاقل وشال الجكت بتاعو من الكرسي ... قال ليهو انا طالع عندي مشوار
الخال : والاجتماع !!! ؟
حرك ليهو يدو لزوم أجلو وكده .. الخال هز راسو وقال في نفسو : ربنا يعينك
------
الو ...
- جوري !!!!
منو !! شاهين !!
- اي انا زاتي .. جيت ازور يمان وساقوهو لصورة اشعة ... وخلى التلفون معاي ... فجأه جاني اتصال منك
طبعا عن كمية الخوف الأنا شعرت بيها ما بقدر أوصفها "!!! ياخ موقف هو !!"
ما عرفت اقول شنو والله عشان كده اخترت الصمت ... جاني كلامو زي البسلم وهو بقول : اعذريني .. مفترض انا اتصل واديك ليهو ...
قلت ليهو لالالا عادي .. انا قلت اشوفو بقي كيف لانك قلت لي حادثو خطير
- اي والله .. هو زاتو ما بقدر يتكلم حاليا ... لكن حاكلمو ...
قلت ليهو اها انت جايى متين !!! ؟
قال لي المساء بأذن الله ... سلمي لي علي زينة ...
قفلت منو وانا قلبي بدق زي الطبله !! بالجد كده طلعت من موقف ما بتمني يوم زول يتخت فيهو ده كلو كلو
سبحان الله .. اتصالي ده عادي على فكرة .. لكن يمكن لأني غلطت مع يمان انطبق لي المثل : اللفي راسو بطحة بحسس عليهاا والله أعلم
مرت الايام بسراع ... ويمان طلع من المستشفي ... وجا اليوم الكنت حأشوفو فيهو
طلعنا انا وشاهين وزنوش عشان نزورو .. شلنا باقة ورد وكان ورد الجوري ... انا اخترتو بنفسي ... وعلبة شوكولاته
امو رحبت بينا شديييد .... ولاحظت انها بتعض شفايفها ندم لأنها خسرتني ... وفي نفس اللحظة ما جابت سيرة لموضوعنا الزمان داك ...
انا حمدت ربي .. بس يا ترى ... حنفضل داسين الموضوع ده لمتيييين !!!
شاهين جاهو اتصال من الشغل وهو طالع زينة اتشبكت فيهو ... خلانا انا و يمان و امو ..
كنا ساكتين وماف موضوع أصلآ .. امو بتوزع ابتسامات حقت مجامله وهو كان كل شوية بتمغس من الألم ...
يمان : امي .. اشتهيت لي عصير ليمون
- طييييارة اسي ويكون عندك .. وقامت بالجري عشان تجيبو ...
بعد طلعت قام بتثاقل وكان عاوز ينزل من السرير ... قمت لحقتو وقلت ليهو ما تتعب روحك تقوم ..
مسك يدي قوووي وقال لي وعيونو محمرة من الدموع : والله ما قادر !!! مااااقادر يا جوري ما قادر !!
- يمان !!
جوري اسمعيني !! انا بموت الف مره وانتي بعيده مني !! صاح انا واطي وما استاهل ضفرك .. لكن انا بحبك !!!!
دموعي نزلو كأنهم مطرر ... مسحهم لي وهو برجف .. قال لي : م م ما تبكي علييييك الله وتزيدي لي وجعي !!!
هنا ما قدرت استحمل وشلت شنطتي وطوالي طلعت ....
سمعت بكا زينة واتجاهلت اي شئ !! طلعت بره الشارع وكنت بمسح دموعي سرعه سرعه ..
شوية كده وشاهين حصلني كان شايل زينة وبعاين لي بإنكسااار !!! يااا الله انا القاها من منو !!!!
فتح لي الباب واداني البت ... ركبت وجا ركب جمبي وكان ساكت ... وما نطق ولا بي حرف !!!!!
بطلو بكاء و
اقيفو صف البنزين