الجزء 22
امجد !!! ما تتكلم معاي بالأسلوب ده !
- لالا بتكلم معاك ! دي المره الكم امشي معاك الجامعه !!! المره الكم ! اسي انت ما بتخجل كل مره جاي معاك ولي أمرك وانت في العمر ده !
- انا قلت ليك ما عايز اقرا !!! الحمد لله وضعنا ممتاز ... عندنا شركة سيارات كامله ومكمله وما محتاجين حاجه !!
الشركة دي ما جات ساي وانت عارف كده كويس يا انور !
- انت ما قريت يا امجد .. وعملت الشركة دي ! عمرها القرايه ما بتعمل كده "!! شايف ناس حسن وشوقي قاعدين عاطلين ..
حسن وشوقي !!! ايوااا ... انت متابع الفاشلين ديل عشان كده ما عايز تقرا صاح !
يا امجد انتبه !!!!!
في ثواني العربيه اتقلبت تلاته مرات بعد اصطدمت بشاحنة كبيرة ...
السواق قدر يطلع انور وحاولو يطلعو امجد بس للأسف رجلو كانت معصورة !!
انور كان شايف دموع اخوهو وكان شايف نظراتو وهي بتودع فيهو ...
امجد عاين لسواق الشاحنه وقال ليهو امسك اخوي وابعدو لانو العربيه حتنفجر !!
قدر ما السواق حاول يجر انور ما قدر ... لغاية قنع وخلاهو و ....
وحصل الانفجار
# الحاضر
مبروك ... زوجتك حامل .. لازم تنتبهو على مواعيد أكلها .. وتكترو ليها من المشروبات الطبيعيه ..
شاهين ما كان مصدق و وقف مذهول ... خالد حضنو وكان فرحان وصبا زغردت
الباب انفتح ويمان جا داخل وعلى وشو تسائل .. لكن ما احتاج يسأل عن الحاصل لأنو .. شاهين جا مسك يدي وباسها وقال يتربى في عزنا .. ما رديت ليهو وجريت يدي منو
ما علق علي الحركة وقال لي حترجعي بيتك ودا آخر كلام ... عاينت لي خالد وعيوني بتترجاهو انو ما يخليهو يسوقني بس خالد أشر لي علي بطنو لزوم في بيبي ... معناها لازم تتنازلي ...
اما يمان اكتفى بالمشاهده فقط .. بارك لي شاهين و وقت سلم على ضغط يدي شديييد وعاين لى قووي .. وقال لي يتربى في عزكم ..
****
ودوني البيت ورجعو ... زينة كانت راقده في حضني وانا كنت بمرر اصابعي علي شعرها لغاية نامت ... ابوها جا وقال لي : حأوديها غرفتها
قلت ليهو لا خليها .. نايمه مرتاحه
عرف اني ما عايزاهو في الغرفه .. طوالي طلع ..
في نفس اليوم اتصل علي يمان ... قال لي ولدي صاح؟؟؟
سكت ما رديت ليهو
- جوري !!! البيبي اللفي بطنك تبعي صاح !!!
يمان !! ده ولد شاهين ما ولدك !! و انسى اي شئ حصل بيناتنا ... انا زوله متزوجه !! الكلام ده ما صاح !
- اسي بقي ليك ما صاح !!!! جوري انتي والجنين اللفي بطنك تلزموني """ فاهمه ولا لا !!!
قبل ارد قفل الخط في وشى !!!
# السابق
عم صالح !!! امجد اخوي مات قدام عيوني يا عم صالح !!!!
- استهدئ بالله يا ولدي ... كل شي قضاء وقدر !
لالالالا امجد كان بعاين لي !!! كان بوصيني بي عيونو !!! العربيه اتفجرت يا عم صالح !!! اتفجرت !!!
الدكتور جا داخل وقال لي صالح حندخلو عملية تجميل ... حنحاول نخفف أثر الحريق علي الأقل نسترجع الوش لأنو الأهم ..
صالح : طيب يا دكتور . .. ربنا يوفقكم
مع طلوع عم صالح لاقاهو المحامي ... سلم عليهو وقال : بكرة حنعمل الأجرءات .. المرحوم سهل علينا ومسجل الشركة سلفا بأسم اخوهو ... سبحان الله كأنو كان عارف ..
عم صالح : ان شاء الله ... ربنا يقومو بالسلامه
# الحاضر
بعد رجوعي البيت بأسبوع كنت بحضر في التلفزيون مع زينة ... شاهين جا وكان مهموم وباين عليهو شديد ... لدرجة انو بتو لمن اتعابطت فيهو جاط فيها لغاية بكت
شلتها ودخلنا الغرفه حنستها لغاية نامت ...
وقت دخلت الغرفه لقيتو نام حتى ما كلف نفسو انو يطلع جزمتو ...
طلعتها ليهو وغطيتو وطفيت النور ومشيت نمت مع زينة في غرفتها ..
الصباح عملت الشاي وجهزتو بس ما طلع ... وقت مشيت الغرفه لقيتها فاضيه ... سألت تنوير قالت انو طلع من 6:34 صباحا
استغربت طبعا بس ختيت انو بكون من ضغط الشغل وكده ...
اما يمان بقى ضاغط علي شديد
قال لي اطلب الطلاق من شاهين وهو طوالي حيعقد علي .. حتى اننا ما حنقعد في السودان ...
راسي كان جايط شديد وجامعتي فتحت .. لكن الدكتور منعني من السفر عشان كده فكرت اجمد السنه ...
ما معروف الحيحصل شنو .... لكن تفتكرو قصة امجد شنو ... وكيف عارف اي حاجه عني و عن علاقتي بي يمان ؟؟؟
طيييب خليكم من ده ... مش امجد أصلا مات !!!! طيب الشخصيه الحاليه الأسي دي منو !!! وحكايتها شنو !!!!
ما معروووف !!! كل البعرفو انو حان وقت الصف